ҚЫТАЙДЫҢ ҚҰПИЯ КОСМОПЛАНЫ ҚАЙТАДАН ОРБИТАДА

2023 жылғы 14 желтоқсанда Қытайдың эксперименттік көп мәрте қолданылатын ғарыштық ұшағы үшінші рет ұшырылды. Космопланның сипаттамалары құпия, бірақ оны көтерген Чанчжэн-2F зымыраны төмен жермаңы орбитаға 8 тоннадай жүктеме шығара алатыны белгілі. Және жүктеме қақпақтары ішіне сыю үшін ұшақтың қанат құлашы 4,2 метр шамасында болуы керек. Ол америкалық ұшқышсыз X-37B космопланына ұқсас деп болжанады.

Қытай ғарыш ұшағы 2020 жылы қыркүйекте орбитада екі күн болып қайтқан. Екінші миссия 2022 жылғы 4 тамыздан биылғы 8 мамырға дейін, 276 тәулікке созылды. Космоплан ұшу барысында бірнеше орбиталық маневр жасап, әлдебір жерсерікті ғарышқа шығарды.

Миссиялар арасындағы үзілістің қысқаруы Қытайдың екінші космоплан жасағанын айғақтауы мүмкін. АҚШ-та кезек ұшатын екі X-37B бары белгілі. Солардың бірінің кезекті ұшырылымы 29 желтоқсанға жоспарланып отыр.

#ҚытайҒарышта

YOUTUBE-ТА 13 МЛРД БЕЙНЕРОЛИК БАР ЕКЕН

Цифрлық энтузиастар қазір YouTube-те шамамен 13,3 млрд видео барын есептеп шығарған, солардың 4%-і ғана 10 000 реттен артық көрілген. Дереккөз.

Ал біздің арнадағы 565-тей роликтің 14-і ғана 10 000 көрілім жинаған екен. Бұл 2,5%-тің маңайында.

Қытай зымыранының Жерге оралуы. Абырой болғанда, бұл жолы бөктерге құлады, бірақ бірнеше жыл бұрын саты мектеп ауласына түскені есімізде. Қызғылт түтін — зымыран ішінде қалған гептил.

9-ШЫ FALCON HEAVY ҚҰПИЯ КОСМОПЛАНДЫ 7-ШІ МИССИЯҒА АТТАНДЫРДЫ

2023 жылғы 29 желтоқсанда, Алматы уақытымен таңғы 7:07-де SpaceX компаниясы Кеннеди ғарыш орталығының LC-39A ұшыру алаңынан тоғызыншы Falcon Heavy аса ауыр зымыранын ұшырды. Ол USSF-52 (OTV-7) миссиясы аясында АҚШ Ғарыш күштерінің Boeing X-37B ұшқышсыз космопланын көтерді. Құпия аппарат 185 км x 35188 км, еңкеюі 48° жермаңы орбитаға шығуы тиіс. X-37B осымен жалпы жетінші рет, ал нақты №2 кеме — төртінші рет ұшырылып отыр. Ұшырылым құны $130 млн.

Зымыранның жаңа B1084 орталық сатысы қайтарылмады, ал бесінші реттен қолданылған B1064, B1065 қапталдағы үдеткіштері LZ-1, LZ-2 алаңдарына тағы да сәтті қонды. Falcon Heavy 2023 жылы 5-ші рет ұшырылып, бір күнтізбелік жылда ең көп ұшқан аса ауыр зымыран атанды — жаңа әлем рекорды! 🏆 НАСА-ның Saturn V тасығышы тарихи 1969 жылы төрт рет самғаған еді.

Credit: John Kraus
#зымыранұшыру

1. Старт

2. Қапталдағы қос үдеткіштің ажырауы

3. 2-сатының орталық сатыдан ажырауы. Жүктеме құпия болғандықтан, оның 2-сатыдан ажырауы көрсетілмеді

4. Үдеткіштердің атмосфераға енгенде қозғағыштарын қосуы

5. B1064.5, B1065.5 қапталдағы үдеткіштері LZ-1, LZ-2 алаңдарына сәтті қонды

Қытайдың улы гептил/амил отын жұбымен ұшатын Чанчжэн-5B зымыранының сатысы тағы да елді мекеннің шетіне түскен екен. Коммунистер мен солардың мұрагерлері үшін адам құны көк тиын екені анық.

SPACEX 2023 ЖЫЛЫ ОРБИТАҒА 96 ЗЫМЫРАН ҰШЫРДЫ!

2023 жылғы 29 желтоқсанда, Алматы уақытымен таңғы 10:01-де SpaceX компаниясы Канаверал базасының SLC-40 ұшыру алаңынан Falcon 9 ауыр зымыранын ұшырды. Ол Starlink-6.36 миссиясы аясында кезекті 23 дана Starlink v2 Mini интернет-жерсерігін төмен жермаңы орбитаға шығарды. 12-ші рет қолданылған B1069 1-сатысы ASOG платформасына сәтті қонды.

Сонымен, компания 2023 жылды 96 жоспарлы орбиталық ұшырылыммен жапты (Falcon 9 — 91, Falcon Heavy — 5, барлығы сәтті). Бұл, әрине, компания тарихындағы ең жоғары көрсеткіш! 🏆 Бұл есепке Starship жүйесінің екі сынағы кірмейді.

SpaceX былтыр 61 Falcon 9 / Falcon Heavy ұшырып, (бәрі сәтті) — бір зымыран тегі үшін әлем рекордын (Р7, КСРО, 1980) қайталаған еді. Енді рекорд бір жарым есе арттырылды! 🏆

Falcon 9 зымыраны 91 рет ұшырылды — нақты бір модификация үшін әлем рекорды 🏆 (бұрынғы рекорд: Falcon 9 — 60, 2022).

Бүгінгі USSF-52 (OTV-7) және Starlink-6.36 миссиялары небәрі 2 сағат 54 минут аралатып ұшырылды — компания рекорды 🏆 (бұрынғы жетістік - 4 сағат 12 минут).

#зымыранұшыру

Credit: SpaceX

SpaceX компаниясы 2023 жылғы соңғы Falcon 9 / Falcon Heavy зымырандарын ұшырғанын жаздық. Ал Starbase ғарыш кешеніндегі жұмыс өз жоспарымен жүріп жатыр. 29 желтоқсанда Starship S28 прототипінің кезекті статикалық тұтандыру сынағы өткізілді. Енді SH B10 прототипінің тұтандыру сынағын күтеміз.

29 желтоқсанда SH B10 прототипі де статикалық тұтандыру сынағынан өтті. Ол 10 секундқа созылды.

62. «ҚАРАҢҒЫЛЫҚ ТҮСТІ»

«Біздің Күн» номинациясының қысқа тізіміне енген — Алессандро Раваньин.
Романо д'Эццелино, Виченца, Италия, 2022 жылғы 25 қазандағы Күн тұтылуы көрінісі. Бұл тұтылу жайлы толығырақ — біздің арнадағы роликте.

The Advance of Darkness by Alessandro Ravagnin
Astronomy Photographer of the Year 2023
Romano d'Ezzelino, Vicenza, Italy, 25 October 2022
#астрофото2023

ЖАПОН ҒАРЫШ АППАРАТЫ ФОБОСҚА 2026-ДА АТТАНАТЫН БОЛДЫ

Жапон әуе-ғарыш зерттеулері агенттігі (JAXA) MMX (Martian Moons eXploration) планетааралық стансасының ұшырылымын 2024 жылдан 2026-ға шегерді. Бұл жаңа H3 зымыранының наурыздағы апатты дебютімен байланысты. MMX енді Марстың серігі Фобосқа 2027-де жетіп, одан алынған топырақ үлгісін Жерге 2031-де әкелуі тиіс.

MMX жобасына зондтың екі ғылыми аспабын ұсынған НАСА, сондай-ақ IDEFIX роверін жасап беретін Француз және Герман ғарыш агентіктері атсалысады. Аппараттар Фобостың қасиеттерін, құрылымы мен құрамын зерттеп, екінші серік Деймосты бақылайды.

Credit: JAXA

ТҮНГІ ЖЕР

Арнада — жаңа #бейнеролик. Сілтеме.
Credit: NASA