ЖЕТІНШІ FALCON HEAVY ЗЫМЫРАНЫ ЕҢ АУЫР ГЕОСТАЦИОНАР ЖЕРСЕРІКТІ КӨТЕРЕДІ
2023 жылғы 27 шілдеде, Алматы уақытымен 9:04-те SpaceX компаниясы Кеннеди ғарыш орталығының LC-39A ұшыру алаңынан жетінші Falcon Heavy аса ауыр зымыранын ұшырады. Ауыр Сұңқар тарихтағы ең ауыр геостационар жерсерікті — Echostar 24 / Jupiter 3 байланыс аппаратын орбитаға шығаруы тиіс.
SSL компаниясы жасаған 9200 килограмдық жерсеріктің құны $445 млн, оны ұшырып бергені үшін Echostar компаниясы SpaceX-ке 100 миллион доллардай төлейді. Ka-диапазонда хабар тарататын аппараттың өткізгіштік қабілеті — 500 Гбит/с. Оның екі күн панелі, төрт плазмалық қозғағышы бар. Жерсерік геостационар орбитада 15 жыл жұмыс істейді деп жоспарланған.
Зымыранның жаңа орталық сатысы қайта қондырылмайды. Үшінші реттен қолданылатын қапталдағы үдеткіштер құрлықтағы LZ-1, LZ-2 алаңдарына оралуы тиіс. Қатарласа қонған екі сатының керемет көрінісін тамашалауға тырысыңыз. Тікелей эфир сілтемесі
Кескін: Echostar
2023 жылғы 27 шілдеде, Алматы уақытымен 9:04-те SpaceX компаниясы Кеннеди ғарыш орталығының LC-39A ұшыру алаңынан жетінші Falcon Heavy аса ауыр зымыранын ұшырады. Ауыр Сұңқар тарихтағы ең ауыр геостационар жерсерікті — Echostar 24 / Jupiter 3 байланыс аппаратын орбитаға шығаруы тиіс.
SSL компаниясы жасаған 9200 килограмдық жерсеріктің құны $445 млн, оны ұшырып бергені үшін Echostar компаниясы SpaceX-ке 100 миллион доллардай төлейді. Ka-диапазонда хабар тарататын аппараттың өткізгіштік қабілеті — 500 Гбит/с. Оның екі күн панелі, төрт плазмалық қозғағышы бар. Жерсерік геостационар орбитада 15 жыл жұмыс істейді деп жоспарланған.
Зымыранның жаңа орталық сатысы қайта қондырылмайды. Үшінші реттен қолданылатын қапталдағы үдеткіштер құрлықтағы LZ-1, LZ-2 алаңдарына оралуы тиіс. Қатарласа қонған екі сатының керемет көрінісін тамашалауға тырысыңыз. Тікелей эфир сілтемесі
Кескін: Echostar
Алдыңғы поста айтылған Falcon Heavy ұшырылымы 28 шілде, Алматы уақытымен 9:04-ке шегерілді.
Фото: SpaceX
Фото: SpaceX
👍1
This media is not supported in your browser
VIEW IN TELEGRAM
ЖЕР МЕН АЙ МАРС ОРБИТАСЫНАН
Еуропалық Mars-Express орбитері, өзінің 20 жылдығына орай, Жер мен Айды бірнеше рет суретке түсірді. Анимация 15, 21, 27 мамыр, сондай-ақ 2 маусымда алынған кескіндерден құрастырылған. Бұл мерзімде Ай Жер маңынан жарты айналымнан сәл артық жүріп өтті. Ал Марс пен Жердің ара қашықтығы 279 миллионнан 301 миллион километрге дейін өзгерді. Суреттің ажыратымы — пикселге 2570 км.
Фото: ESA
Еуропалық Mars-Express орбитері, өзінің 20 жылдығына орай, Жер мен Айды бірнеше рет суретке түсірді. Анимация 15, 21, 27 мамыр, сондай-ақ 2 маусымда алынған кескіндерден құрастырылған. Бұл мерзімде Ай Жер маңынан жарты айналымнан сәл артық жүріп өтті. Ал Марс пен Жердің ара қашықтығы 279 миллионнан 301 миллион километрге дейін өзгерді. Суреттің ажыратымы — пикселге 2570 км.
Фото: ESA
This media is not supported in your browser
VIEW IN TELEGRAM
DELTA IV HEAVY ҰШЫРЫЛЫМЫНАН КӨРІНІСТЕР
2023 жылы 22 маусымда 15-ші Delta IV Heavy зымыраны ұшырылғаны белгілі. Ол АҚШ Ұлттық әскери-ғарыштық барлау басқармасының NROL-68 жерсерігін геостационар орбитаға көтерді. Дельта IV Хэвидің соңғы, 16-шы ұшырылымы келесі жылға жоспарланған.
Бұл ауыр зымыранның ұшырылу көрінісі әдетте өте әдемі, әсіресе түнде. Мына анимация осындай бірнеше фотодан құрастырылған.
2023 жылы 22 маусымда 15-ші Delta IV Heavy зымыраны ұшырылғаны белгілі. Ол АҚШ Ұлттық әскери-ғарыштық барлау басқармасының NROL-68 жерсерігін геостационар орбитаға көтерді. Дельта IV Хэвидің соңғы, 16-шы ұшырылымы келесі жылға жоспарланған.
Бұл ауыр зымыранның ұшырылу көрінісі әдетте өте әдемі, әсіресе түнде. Мына анимация осындай бірнеше фотодан құрастырылған.
OSIRIS-REx ТРАЕКТОРИЯСЫН ТҮЗЕТТІ
НАСА-ның OSIRIS-REx миссиясы Бенну жермаңы астероидына 2016 жылы 8 қыркүйекте аттанды. Зонд Беннуге 2018 жылдың соңғы күні жетіп, оның айналасындағы дөңгелек орбитаға шықты. OSIRIS-REx өзінің төрт ғылыми аспабымен астероидты небәрі 4,8 км биіктіктен зерттеп, картаға түсірумен болды.
Ал 2020 жылы 20 қазанда аппарат Бенну бетінен 400 г тас пен топырақ үлгісін алды. Келесі жылдың 10 мамырында OSIRIS-REx қайтар жолға шықты. Ол қазір Жерден 38,6 млн км қашықтықта, планетамызға қатысты 9,7 км/с жылдамдықпен қозғалып келе жатыр.
2023 жылы 26 шілдеде OSIRIS-REx қозғағыштарын 63 секундқа қосып, траекториясын сәл түзетті. Аппарат 10, 17 қыркүйек күндері тағы екі маневр жасайды. Астероид топырағы салынған капсула Юта штатындағы полигонға 24 қыркүйекте тасталуы тиіс. НАСА мамандары капсуланы тауып, тасымалдау жаттығуын өткізді (суретте).
Миллиард долларлық миссия негізгі міндетін орындаған соң, атын OSIRIS-APEX деп өзгертіп, Апофис астероидын зерттеуге дайындалады. Бұл аспан денесі 2029 жылы 13 көкекте Жерден небәрі 31 600 километрде өтетіні белгілі. Бірнеше күннен соң OSIRIS-APEX Апофиске жақындап, оны 18 ай зерттейді.
НАСА-ның OSIRIS-REx миссиясы Бенну жермаңы астероидына 2016 жылы 8 қыркүйекте аттанды. Зонд Беннуге 2018 жылдың соңғы күні жетіп, оның айналасындағы дөңгелек орбитаға шықты. OSIRIS-REx өзінің төрт ғылыми аспабымен астероидты небәрі 4,8 км биіктіктен зерттеп, картаға түсірумен болды.
Ал 2020 жылы 20 қазанда аппарат Бенну бетінен 400 г тас пен топырақ үлгісін алды. Келесі жылдың 10 мамырында OSIRIS-REx қайтар жолға шықты. Ол қазір Жерден 38,6 млн км қашықтықта, планетамызға қатысты 9,7 км/с жылдамдықпен қозғалып келе жатыр.
2023 жылы 26 шілдеде OSIRIS-REx қозғағыштарын 63 секундқа қосып, траекториясын сәл түзетті. Аппарат 10, 17 қыркүйек күндері тағы екі маневр жасайды. Астероид топырағы салынған капсула Юта штатындағы полигонға 24 қыркүйекте тасталуы тиіс. НАСА мамандары капсуланы тауып, тасымалдау жаттығуын өткізді (суретте).
Миллиард долларлық миссия негізгі міндетін орындаған соң, атын OSIRIS-APEX деп өзгертіп, Апофис астероидын зерттеуге дайындалады. Бұл аспан денесі 2029 жылы 13 көкекте Жерден небәрі 31 600 километрде өтетіні белгілі. Бірнеше күннен соң OSIRIS-APEX Апофиске жақындап, оны 18 ай зерттейді.
🔥1
SPACEX — 2023 ЖЫЛҒЫ 50-ШІ ҰШЫРЫЛЫМ
2023 жылы 28 шілдеде Falcon 9 зымыраны Канаверал базасындағы SLC-40 ұшыру алаңынан кезекті 22 дана Starlink v2 Mini жерсерігін орбитаға шығарды. Бұл SpaceX компаниясының биылғы 50-ші ұшырылымы. SpaceX 2022 жылы 61 зымыран ұшырғаны белгілі. 15-ші рет қолданылған B1062 1-сатысы ASOG баржасына сәтті қонды.
Фото: КҒО LC-39A ұшыру алаңында тұрған Falcon Heavy зымыраны фонындағы старт
Credit: SpaceX
#зымыранұшыру
2023 жылы 28 шілдеде Falcon 9 зымыраны Канаверал базасындағы SLC-40 ұшыру алаңынан кезекті 22 дана Starlink v2 Mini жерсерігін орбитаға шығарды. Бұл SpaceX компаниясының биылғы 50-ші ұшырылымы. SpaceX 2022 жылы 61 зымыран ұшырғаны белгілі. 15-ші рет қолданылған B1062 1-сатысы ASOG баржасына сәтті қонды.
Фото: КҒО LC-39A ұшыру алаңында тұрған Falcon Heavy зымыраны фонындағы старт
Credit: SpaceX
#зымыранұшыру
ЖЕТІНШІ FALCON HEAVY ЗЫМЫРАНЫ ЕҢ АУЫР ГЕОСТАЦИОНАР ЖЕРСЕРІКТІ КӨТЕРДІ
2023 жылғы 29 шілдеде Кеннеди ғарыш орталығынан жетінші Falcon Heavy аса ауыр зымыраны ұшырылды. Ол тарихтағы ең ауыр геостационар жерсерікті — Echostar 24 / Jupiter 3 байланыс аппаратын көтерді. 9200 килограмдық жерсерік екі күн панелін толық жазғанда 38 метрге созылады. Ол 95° б.б. үстіндегі 35 888 км геостационар орбитада 15 жыл жұмыс істейді деп жоспарланған.
Ауыр жерсерікті үдету үшін отынын толық жұмсаған жаңа B1074 орталық сатысы қайта қондырылмады. Үшінші реттен қолданылған B1064, B1065 қапталдағы үдеткіштері құрлықтағы LZ-1, LZ-2 алаңдарына сәтті қонды.
Credit: SpaceX
#зымыранұшыру
2023 жылғы 29 шілдеде Кеннеди ғарыш орталығынан жетінші Falcon Heavy аса ауыр зымыраны ұшырылды. Ол тарихтағы ең ауыр геостационар жерсерікті — Echostar 24 / Jupiter 3 байланыс аппаратын көтерді. 9200 килограмдық жерсерік екі күн панелін толық жазғанда 38 метрге созылады. Ол 95° б.б. үстіндегі 35 888 км геостационар орбитада 15 жыл жұмыс істейді деп жоспарланған.
Ауыр жерсерікті үдету үшін отынын толық жұмсаған жаңа B1074 орталық сатысы қайта қондырылмады. Үшінші реттен қолданылған B1064, B1065 қапталдағы үдеткіштері құрлықтағы LZ-1, LZ-2 алаңдарына сәтті қонды.
Credit: SpaceX
#зымыранұшыру
СТАРБЕЙСТЕГІ СУ ЖҮЙЕСІ ТОЛЫҚ ҚУАТЫНДА СЫНАЛДЫ
Starbase ғарыш кешеніндегі орбиталық ұшыру алаңында орнатылған жаңа су жүйесі 2023 жылы 28 шілдеде алғаш рет толық қуатымен қосылды. Болашақ ұшырылымдар кезінде ол, сумен салқындатылатын болат мегапластинамен бірлесе, алаңды қираудан қорғауы тиіс.
🔊 ДЫБЫСЫ ТЫМ ҚАТТЫ!
Starbase ғарыш кешеніндегі орбиталық ұшыру алаңында орнатылған жаңа су жүйесі 2023 жылы 28 шілдеде алғаш рет толық қуатымен қосылды. Болашақ ұшырылымдар кезінде ол, сумен салқындатылатын болат мегапластинамен бірлесе, алаңды қираудан қорғауы тиіс.
🔊 ДЫБЫСЫ ТЫМ ҚАТТЫ!
👍1
ЭКСКЛЮЗИВ! STARSHIP ҰШЫРЫЛЫМЫ ӘУЕДЕН ТҮСІРІЛГЕН ЕКЕН!
The Launch Pad ресурсы, НАСА-ның рұқсатымен, Starship жүйесінің алғашқы орбиталық ұшырылымының теңдессіз видеоларын жариялады. НАСА-ның биік ұшатын WB-57 ұшағынан түсірілген кадрларда аса ауыр зымыранның көтерілуі, аударылып-төңкерілуі мен жарылысы жақыннан көрінеді. Негізі, бұл ұшақтан түсірілген 5 видео бар екен, қалың жұртшылық үшін екеуі ғана ашылыпты.
#зымыранұшыру
The Launch Pad ресурсы, НАСА-ның рұқсатымен, Starship жүйесінің алғашқы орбиталық ұшырылымының теңдессіз видеоларын жариялады. НАСА-ның биік ұшатын WB-57 ұшағынан түсірілген кадрларда аса ауыр зымыранның көтерілуі, аударылып-төңкерілуі мен жарылысы жақыннан көрінеді. Негізі, бұл ұшақтан түсірілген 5 видео бар екен, қалың жұртшылық үшін екеуі ғана ашылыпты.
#зымыранұшыру
😱1
ВОЯДЖЕР-2 АППАРАТЫМЕН БАЙЛАНЫС ЖОҚ
НАСА-ның 46 жыл бұрын ұшырылған Voyager 2 ғарыш аппараты қазір Жерден 19,93 млрд км қашықтықта. Оның жұмыс мерзімі 2026 жылға дейін ұзартылғанын хабарлағанбыз. Бұл үшін кернеудің құбылуынан қорғайтын реттегішті сөндіруге тура келген еді. Зондтың 5 ғылыми аспабы әлі жұмыс істеп тұр.
2023 жылғы 21 шілдеде аппарат, әдеттегідей, Жерден бірнеше команда алды. Солардың біріндегі қате салдарынан зондтың күшейту коэффициенті жоғары антеннасы Жермен байланыс бағытынан 2 градусқа ауытқыды. Кесірінен екі арадағы радиобайланыс толық үзілді.
Антеннасы үнемі Жерге бағытталып тұруы үшін, Voyager 2 жылына бірнеше рет кеңістіктегі бағдарын автоматты түрде қалпына келтіреді. Келесі осындай операция 15 қазанда жасалуы тиіс. НАСА мамандары содан соң аппаратпен байланысуға үміттенеді. Зонд оған дейін есепті траекторияда қалып, ғылыми деректер жинауын жалғастыра беруі тиіс. Әлі үш жыл мәлімет бере алатын теңдессіз ғарыш кемесі ұқыпсыздық кесірінен хабарсыз кетсе өте өкінішті болар еді.
Вояджер-2 — Уран мен Нептун планеталарының тұсынан ұшып өткен жалғыз ғарыш кемесі. Ол Юпитердің 3, Сатурнның 4, Уранның 11, Нептунның 6 жаңа серігін ашты. Voyager 2 Күн гелиосферасы мен жұлдызаралық кеңістіктің дәл шекарасы жоғын анықтады. Кеменің өзі гелиопаузаның сыртына 2018 жылы шықты.
НАСА-ның 46 жыл бұрын ұшырылған Voyager 2 ғарыш аппараты қазір Жерден 19,93 млрд км қашықтықта. Оның жұмыс мерзімі 2026 жылға дейін ұзартылғанын хабарлағанбыз. Бұл үшін кернеудің құбылуынан қорғайтын реттегішті сөндіруге тура келген еді. Зондтың 5 ғылыми аспабы әлі жұмыс істеп тұр.
2023 жылғы 21 шілдеде аппарат, әдеттегідей, Жерден бірнеше команда алды. Солардың біріндегі қате салдарынан зондтың күшейту коэффициенті жоғары антеннасы Жермен байланыс бағытынан 2 градусқа ауытқыды. Кесірінен екі арадағы радиобайланыс толық үзілді.
Антеннасы үнемі Жерге бағытталып тұруы үшін, Voyager 2 жылына бірнеше рет кеңістіктегі бағдарын автоматты түрде қалпына келтіреді. Келесі осындай операция 15 қазанда жасалуы тиіс. НАСА мамандары содан соң аппаратпен байланысуға үміттенеді. Зонд оған дейін есепті траекторияда қалып, ғылыми деректер жинауын жалғастыра беруі тиіс. Әлі үш жыл мәлімет бере алатын теңдессіз ғарыш кемесі ұқыпсыздық кесірінен хабарсыз кетсе өте өкінішті болар еді.
Вояджер-2 — Уран мен Нептун планеталарының тұсынан ұшып өткен жалғыз ғарыш кемесі. Ол Юпитердің 3, Сатурнның 4, Уранның 11, Нептунның 6 жаңа серігін ашты. Voyager 2 Күн гелиосферасы мен жұлдызаралық кеңістіктің дәл шекарасы жоғын анықтады. Кеменің өзі гелиопаузаның сыртына 2018 жылы шықты.
😱1
This media is not supported in your browser
VIEW IN TELEGRAM
Falcon Heavy-дің қапталдағы үдеткіштерінің алтыншы рет бірге қонуы. Алғашқы төрт қосар қону: https://t.me/phyandspace/617