КИЕВТЕГІ «ҚАНДЫ АСПАН»
2021 жылғы 10 қарашаның кешінде, күн батарда Украина астанасы тұрғындары ерекше құбылысқа назар аударды. Батыс көкжиек үстінде ұзақ уақыт жарық қызыл-сары жолақ көрініп тұрды. Кейін ол қаһарлы қанды реңкке боялды да, біртіндеп жоғалып кетті. Көз тартар, бірақ қорқынышты көріністі жамандыққа жорығандар да болды. Келесі жылдың 24 ақпанында олардың сәуегейлігі расқа шықты, бірақ астрономиялық құбылыстың бұған, әрине, еш қатысы жоқ. Оның түсіндірмесі келесі постардың бірінде беріледі.
P.S. Киевте 1981 жылы ашылған 102 метрлік "Отан-ана" мүсіні шығысқа қарап тұр.
2021 жылғы 10 қарашаның кешінде, күн батарда Украина астанасы тұрғындары ерекше құбылысқа назар аударды. Батыс көкжиек үстінде ұзақ уақыт жарық қызыл-сары жолақ көрініп тұрды. Кейін ол қаһарлы қанды реңкке боялды да, біртіндеп жоғалып кетті. Көз тартар, бірақ қорқынышты көріністі жамандыққа жорығандар да болды. Келесі жылдың 24 ақпанында олардың сәуегейлігі расқа шықты, бірақ астрономиялық құбылыстың бұған, әрине, еш қатысы жоқ. Оның түсіндірмесі келесі постардың бірінде беріледі.
P.S. Киевте 1981 жылы ашылған 102 метрлік "Отан-ана" мүсіні шығысқа қарап тұр.
«ҚАНДЫ АСПАННЫҢ» ҚҰПИЯСЫ
2021 жылғы 10 қараша күні іңірде Украина астанасында бақыланған қызыл аспанның сыры неде? Киевтің өзінде аспан ашық болғанымен, қаладан батысқа қарай әуені тығыз бұлт жамылғысы қаптаған, ал одан алысырақ қайтадан бұлтсыз болған екен. Осы ашық аймақтан түскен батар күннің сәулесі, қысқа толқынды жасыл, көк, күлгін жарықты ауа молекулалары күштірек шашырататындықтан, тоқсары-қызыл түске ие болады. Бұл сәуле бұлт жамылғысының астыңғы жағын жарықтандырып, оны қанды түске бояйды. Яғни шығысырақ, Жер бетінде тұрған бақылаушылар батып кеткен Күн көкжиек астынан жарықтандырған осы бұлттарды көрген.
Неліктен Күн сары, ал аспан көк түсті?
Дереккөз: The Universe Space Tech
2021 жылғы 10 қараша күні іңірде Украина астанасында бақыланған қызыл аспанның сыры неде? Киевтің өзінде аспан ашық болғанымен, қаладан батысқа қарай әуені тығыз бұлт жамылғысы қаптаған, ал одан алысырақ қайтадан бұлтсыз болған екен. Осы ашық аймақтан түскен батар күннің сәулесі, қысқа толқынды жасыл, көк, күлгін жарықты ауа молекулалары күштірек шашырататындықтан, тоқсары-қызыл түске ие болады. Бұл сәуле бұлт жамылғысының астыңғы жағын жарықтандырып, оны қанды түске бояйды. Яғни шығысырақ, Жер бетінде тұрған бақылаушылар батып кеткен Күн көкжиек астынан жарықтандырған осы бұлттарды көрген.
Неліктен Күн сары, ал аспан көк түсті?
Дереккөз: The Universe Space Tech
🔥1
Гиза пирамидалары үстіндегі Юпитер, Ай және Шолпан.
Мысыр, 22 ақпан 2023 жыл
Credit: Osama Fathi
#күнтізбе #фотокөрме
Мысыр, 22 ақпан 2023 жыл
Credit: Osama Fathi
#күнтізбе #фотокөрме
🤩2❤1
ЮЛИЙ ДАТАСЫМЕН 2460000-ШЫ КҮН ӨТТІ
Астрономдар Юлий датасы (JD) деп аталатын уақыт өлшеу әдісін қолданады. Онда Юлий күнтізбесі бойынша біздің заманымызға дейінгі 4713 жылдың 1 қаңтары (Григорий күнтізбесі бойынша б.з.д. 4714 ж. 24 қараша), дүйсенбі күнгі талтүстен бері өткен тәулік саны есептеледі. Алғашқы күннің нөмірі 0 болған.
Юлий периоды атты хронологиялық шәкілді атақты тарихшы, ғылыми хронологияның негізін қалаушы Жозеф Скалигер (1540 — 1609) ұсынды. Әр жыл үш санмен — 15 жылдық индикт, 19 жылдық ай циклы және 28 жылдық күн циклымен — нөмірленеді. Бұл үшеуін көбейткенде: 15*19*28 = 7980 жылдық Скалигер циклы шығады. Оның тарихшыларға пайдасы, тарихтағы белгілі барлық оқиғалар бір Скалигер циклы ішінде өтеді, теріс таңбалы жылдар қажет емес. Скалигер циклының басынан бастап саналатын Юлий күнін астрономияға Джон Гершель енгізді. Тәуліктің талтүсте басталуы астрономдарға қолайлы, өйткені бүкіл түн бір Юлий датасына жатады.
2023 жылы 24 ақпанда Дүниежүзілік уақыт бойынша 12:00-де (Алматы уақытымен 18:00) 2460000-шы Юлий күні басталды. Уақытты дәл көрсету үшін санның бөлшек бөлігі қолданылады. Дәл қазір, яғни 2023 ж. 26 ақпан, Алматы уақытымен 01:00-дегі уақыт — JD 2460001,291968. Таңғы 6:00-да уақыт JD 2460001,5 болар еді. 2470000-шы күн 2050 жылы келуі тиіс.
Григорий күнтізбесі күні мен уақытын Юлий датасына айналдыру: https://be-os.ru/julian_date_online/
#көбәріп #күнтізбе
Астрономдар Юлий датасы (JD) деп аталатын уақыт өлшеу әдісін қолданады. Онда Юлий күнтізбесі бойынша біздің заманымызға дейінгі 4713 жылдың 1 қаңтары (Григорий күнтізбесі бойынша б.з.д. 4714 ж. 24 қараша), дүйсенбі күнгі талтүстен бері өткен тәулік саны есептеледі. Алғашқы күннің нөмірі 0 болған.
Юлий периоды атты хронологиялық шәкілді атақты тарихшы, ғылыми хронологияның негізін қалаушы Жозеф Скалигер (1540 — 1609) ұсынды. Әр жыл үш санмен — 15 жылдық индикт, 19 жылдық ай циклы және 28 жылдық күн циклымен — нөмірленеді. Бұл үшеуін көбейткенде: 15*19*28 = 7980 жылдық Скалигер циклы шығады. Оның тарихшыларға пайдасы, тарихтағы белгілі барлық оқиғалар бір Скалигер циклы ішінде өтеді, теріс таңбалы жылдар қажет емес. Скалигер циклының басынан бастап саналатын Юлий күнін астрономияға Джон Гершель енгізді. Тәуліктің талтүсте басталуы астрономдарға қолайлы, өйткені бүкіл түн бір Юлий датасына жатады.
2023 жылы 24 ақпанда Дүниежүзілік уақыт бойынша 12:00-де (Алматы уақытымен 18:00) 2460000-шы Юлий күні басталды. Уақытты дәл көрсету үшін санның бөлшек бөлігі қолданылады. Дәл қазір, яғни 2023 ж. 26 ақпан, Алматы уақытымен 01:00-дегі уақыт — JD 2460001,291968. Таңғы 6:00-да уақыт JD 2460001,5 болар еді. 2470000-шы күн 2050 жылы келуі тиіс.
Григорий күнтізбесі күні мен уақытын Юлий датасына айналдыру: https://be-os.ru/julian_date_online/
#көбәріп #күнтізбе
😱1
ЖАРТЫ АЙ ТОРПАҚТА
Бірінші ширектегі Ай 26 ақпанда Үркерге ауыл-үй қонса, 27-не Марспен тоғысады. Ертең кешке оны Торпақ шоқжұлдызында, Қызыл планетаың қасынан көре аламыз.
Credit: Sky & Telescope
#астрономия #күнтізбе
Бірінші ширектегі Ай 26 ақпанда Үркерге ауыл-үй қонса, 27-не Марспен тоғысады. Ертең кешке оны Торпақ шоқжұлдызында, Қызыл планетаың қасынан көре аламыз.
Credit: Sky & Telescope
#астрономия #күнтізбе
🥰1👏1
СОЮЗ МС-23 КЕМЕСІ ХҒС-ҚА ТҮЙІСТІ
2023 жылы 26 ақпанда Алматы уақытымен 06:58-де ұшқышсыз Союз МС-23 ғарыш кемесі Халықаралық ғарыш стансасының Поиск модуліне түйісті. Ол Байқоңырдан екі күн бұрын ұшырылған еді. Союз МС-22-нің салқындату жүйесінің істен шығуына байланысты құтқарушы кемесіз қалған Сергей Прокопьев, Дмитрий Петелин (Роскосмос), Франциско Рубио (НАСА) Жерге жаңа кемемен қайтады. Олардың миссиясы тағы алты айға, қыркүйекке дейін ұзартылды. Союз МС-23 стансаға 429 кг жүк те жеткізді.
27 ақпанда 12:45-те Кеннеди ғарыш орталығынан SpaseX Crew Dragon кемесімен кезекті Crew-6 миссиясы аттанады. Экипажда Стивен Боуэн, Уоррен Хобург (НАСА), Сұлтан Әл-Неяди (Біріккен Араб Әмірліктері), Андрей Федяев (Роскосмос) бар. Бұл экипаж стансада 180 күн болуы тиіс.
#хғс
2023 жылы 26 ақпанда Алматы уақытымен 06:58-де ұшқышсыз Союз МС-23 ғарыш кемесі Халықаралық ғарыш стансасының Поиск модуліне түйісті. Ол Байқоңырдан екі күн бұрын ұшырылған еді. Союз МС-22-нің салқындату жүйесінің істен шығуына байланысты құтқарушы кемесіз қалған Сергей Прокопьев, Дмитрий Петелин (Роскосмос), Франциско Рубио (НАСА) Жерге жаңа кемемен қайтады. Олардың миссиясы тағы алты айға, қыркүйекке дейін ұзартылды. Союз МС-23 стансаға 429 кг жүк те жеткізді.
27 ақпанда 12:45-те Кеннеди ғарыш орталығынан SpaseX Crew Dragon кемесімен кезекті Crew-6 миссиясы аттанады. Экипажда Стивен Боуэн, Уоррен Хобург (НАСА), Сұлтан Әл-Неяди (Біріккен Араб Әмірліктері), Андрей Федяев (Роскосмос) бар. Бұл экипаж стансада 180 күн болуы тиіс.
#хғс
👍1🔥1
CREW-6 ҰШЫРЫЛЫМЫ КЕЙІНГЕ ҚАЛДЫ
27 ақпанға жоспарланған Crew-6 миссиясының ұшырылымы стартқа санаулы минут қалғанда тоқтатылды. Бұған ұшыру алаңындағы TEA-TEB сұйықтығына жауапты жүйенің ақауы себеп болды. Сұйықтық отынды тұтандыру үшін қажет. Falcon 9 зымыраны мен Crew Dragon Endeavour C206.4 ғарыш кемесінде кінәрат жоқ.
Зымыран бактары отын мен тотықтырғыштан босатылған соң, экипаж кемеден түсірілді. Келесі қолайлы мүмкіндік — 28 ақпан, 12:22 АЛМ, бірақ старт 2–4 наурызға шегерілуі ықтимал. Түнде, 00:37-де және 01:31-де басқа ғарыш айлақтарынан ұшырылуы тиіс екі Falcon 9 миссиясының уақыты әзірше өзгермеді.
27 ақпанға жоспарланған Crew-6 миссиясының ұшырылымы стартқа санаулы минут қалғанда тоқтатылды. Бұған ұшыру алаңындағы TEA-TEB сұйықтығына жауапты жүйенің ақауы себеп болды. Сұйықтық отынды тұтандыру үшін қажет. Falcon 9 зымыраны мен Crew Dragon Endeavour C206.4 ғарыш кемесінде кінәрат жоқ.
Зымыран бактары отын мен тотықтырғыштан босатылған соң, экипаж кемеден түсірілді. Келесі қолайлы мүмкіндік — 28 ақпан, 12:22 АЛМ, бірақ старт 2–4 наурызға шегерілуі ықтимал. Түнде, 00:37-де және 01:31-де басқа ғарыш айлақтарынан ұшырылуы тиіс екі Falcon 9 миссиясының уақыты әзірше өзгермеді.
👍2
АЙ, ЮПИТЕР ЖӘНЕ ШОЛПАН СТОУНХЕНЖ ҮСТІНДЕ
Фото 23 ақпанда түсірілген. Одан бері Ай бұл екеуін тастап, бүгін секектеп Марстың қасына барып алды. Ең жарық екі ғаламшар болса, наурыздың алғашқы кешінде жарты градусқа дейін жақындасады. Солардың бірі Шолпан жайлы «Балаларға ғылым туралы» арнасында кеше арнайы ролик жарияланды. Тайлы-тұяғымызбен сол жаққа ағылып, көрілім санын көтеріп жіберейік. Ал Юпитерге қатысты жаңалық пен танымдық дерек — келесі постардың бірінде.
Фото: Stonehenge Dronescapes
Фото 23 ақпанда түсірілген. Одан бері Ай бұл екеуін тастап, бүгін секектеп Марстың қасына барып алды. Ең жарық екі ғаламшар болса, наурыздың алғашқы кешінде жарты градусқа дейін жақындасады. Солардың бірі Шолпан жайлы «Балаларға ғылым туралы» арнасында кеше арнайы ролик жарияланды. Тайлы-тұяғымызбен сол жаққа ағылып, көрілім санын көтеріп жіберейік. Ал Юпитерге қатысты жаңалық пен танымдық дерек — келесі постардың бірінде.
Фото: Stonehenge Dronescapes
😁1
28 АҚПАН 2023 — АЙ МЕН МАРСТЫҢ ТОҒЫСЫ
28 ақпанда, Алматы уақытымен 10:32-де Ай Торпақ шоқжұлдызында орналасқан Марстан 1°04'-та өтеді. Ал Солтүстік Еуропа мен Гренландиядан бұл екеуінің тоғысын, яғни Айдың Марсты жабуын көруге болады.
Credit: StarWalk
#астрономия #күнтізбе
28 ақпанда, Алматы уақытымен 10:32-де Ай Торпақ шоқжұлдызында орналасқан Марстан 1°04'-та өтеді. Ал Солтүстік Еуропа мен Гренландиядан бұл екеуінің тоғысын, яғни Айдың Марсты жабуын көруге болады.
Credit: StarWalk
#астрономия #күнтізбе
🔥3
STARLINK V2 MINI ЖЕРСЕРІКТЕРІ АЛҒАШ ҰШЫРЫЛДЫ
2023 жылы 28 ақпанға қараған түні SpaceX компаниясы Starlink-6.1 миссиясы аясында V2 Mini екінші буын жерсеріктерінің алғашқы 21 данасын орбитаға шығарды. Falcon 9 алдыңғы Starlink V1.5 жерсеріктерінің 54-55-ін бір-ақ ұшыратын. Жаңа аппараттың E-диапазондағы фазалық антенна торлары қуаттырақ, сондықтан әр жерсеріктің өткізу қабілеті шамамен 4 есе кеңиді. V2 Mini орбиталық маневрге арналған жаңа Холл қозғағыштарымен жабдықталған. Аргонмен істейтін қозғағыштың тартымы бұрынғы ксенон агрегаттан 2,4 есе артық.
Екінші буын жерсеріктерінің Falcon 9 және Starship зымырандарымен ұшырылатын екі нұсқасы болады. Жұмысы аяқталған аппарат орбитадан құлдилайтын бірнеше аптада 100% жойылып кетеді. Басқарылмай қалған жерсерік орбитада бес жылдан артық болмайды. Астрономдар үшін жақсы жаңалық: Starlink V2 Mini жұмыс орбитасына көтерілу кезінде жарықты азырақ шағылдырады. Алайда ұшудың ең бастапқы кезеңінде тіпті күштірек жарқырауы мүмкін.
2023 жылы 28 ақпанға қараған түні SpaceX компаниясы Starlink-6.1 миссиясы аясында V2 Mini екінші буын жерсеріктерінің алғашқы 21 данасын орбитаға шығарды. Falcon 9 алдыңғы Starlink V1.5 жерсеріктерінің 54-55-ін бір-ақ ұшыратын. Жаңа аппараттың E-диапазондағы фазалық антенна торлары қуаттырақ, сондықтан әр жерсеріктің өткізу қабілеті шамамен 4 есе кеңиді. V2 Mini орбиталық маневрге арналған жаңа Холл қозғағыштарымен жабдықталған. Аргонмен істейтін қозғағыштың тартымы бұрынғы ксенон агрегаттан 2,4 есе артық.
Екінші буын жерсеріктерінің Falcon 9 және Starship зымырандарымен ұшырылатын екі нұсқасы болады. Жұмысы аяқталған аппарат орбитадан құлдилайтын бірнеше аптада 100% жойылып кетеді. Басқарылмай қалған жерсерік орбитада бес жылдан артық болмайды. Астрономдар үшін жақсы жаңалық: Starlink V2 Mini жұмыс орбитасына көтерілу кезінде жарықты азырақ шағылдырады. Алайда ұшудың ең бастапқы кезеңінде тіпті күштірек жарқырауы мүмкін.
This media is not supported in your browser
VIEW IN TELEGRAM
Екінші сатыдан бөліну механизмі де жаңартылған екен
🔥1
ЮПИТЕР СЕРІКТЕРІНІҢ САНЫ 95-КЕ ЖЕТТІ
2022 жылдың 20 желтоқсаны мен 2023 жылдың 31 қаңтары аралығында Кіші планеталар орталығы (MPC) Юпитердің жаңа 12 серігінің орбиталарын жариялады. Оларды Карнеги ғылыми институтының астрономы Скотт Шеппард 2021–2022 жылдары бақылаған. Нәтижесінде Юпитер айларының саны 80-нен 92-ге дейін артты. Ең үлкен планета 83 серігі бар Сатурнды артқа тастап, Күн жүйесінде қайтадан бірінші орынға шықты.
Анықталған айлардың бәрі кішкентай және планетадан қашық, олар Юпитерді 340 тәуліктен астам периодпен айналады. Тоғыз жаңа серік орбитасы 550 тәуліктен ұзақ ең алыс ретроград айларға жатады. Юпитердің өз білігінен үйірілу бағытына қарама-қарсы орбитамен қозғалатынына қарағанда, олар газды алып өзіне тартып алған астероидтар болса керек. Ретроград айлардың жалпы саны 71-ке жетті, олар Ананке, Карме, Пасифе топтарына жіктеледі. Кері айналатын серіктер орбиталарының үлкен жартыөстері 19 млн — 30 млн км аралығында.
Тура, проград бағытпен айналатын қалған үш жаңа дене Галилей ашқан төрт ірі серік пен алыс ретроград айлардың арасында орналасқан. Олар сол жерде түзілген деп есептеледі. Аралық проград айлардың саны 13-ке жетті. Шеппардтың айтуынша, оларды ашу алыс ретроград серіктерді табудан қиын: Юпитерге жақын болғандықтан, алыптың жарығы оларды байқатпайды. Олар екі топқа жіктеледі: Гималия тобындағы 9 дене Юпитерден 11–12 млн км, Карпо тобындағы екеу — 17 млн км қашықтықта. Каллисто (Юпитерден 1,9 млн км) мен Гималия тобы арасындағы кең бос аймақтан бір ғана серік — Фемисто (7,5 млн км) табылды. Ал Валетудо Карпо тобынан әрі, 19 млн км қашықтықта айналады. Оның ерекшелігі — орбитасының кейбір ретроград айлардың жолымен қиылысуында, бұл түбі бетпе-бет соқтығысқа әкелуі мүмкін.
Алып планетаға Галилей айларынан да жақын төрт серік бар: Метида (127 690 км), Адрастея (128 690 км), Амальтея (181 366 км), Фива (221 889 км). Бұларды Амальтея тобына біріктіреді. Галилей серіктері орбиталарының үлкен жартыөстері: Ио — 421 700 км, Европа — 671 034 км, Ганимед — 1,1 млн км, Каллисто — 1,9 млн км.
Денелердің Юпитерді айналатыны дәлелденуі үшін, оларды кемінде бір толық айналым, яғни екі жер жылындай бақылау керек. Аталған 12 серік бұл шартты орындады. 2023 жылдың ақпанындағы жағдай бойынша, Юпитердің бір айналым жасап үлгермеген тағы үш айы (S/2022 J 1, S/2022 J 2, S/2022 J 3) белгілі. Бұлар жоғалып кетуі де ықтимал, дегенмен оларды қоса есептесек, Юпитер серіктерінің саны 95-ке жетеді. Ағылшын Wikipedia'сы осы санды ұстанады. Осыған орай, «Балаларға ғылым туралы» арнасындағы Юпитер жайлы роликті жаңартып қойдық.
#ғылымижаңалық #көбәріп
2022 жылдың 20 желтоқсаны мен 2023 жылдың 31 қаңтары аралығында Кіші планеталар орталығы (MPC) Юпитердің жаңа 12 серігінің орбиталарын жариялады. Оларды Карнеги ғылыми институтының астрономы Скотт Шеппард 2021–2022 жылдары бақылаған. Нәтижесінде Юпитер айларының саны 80-нен 92-ге дейін артты. Ең үлкен планета 83 серігі бар Сатурнды артқа тастап, Күн жүйесінде қайтадан бірінші орынға шықты.
Анықталған айлардың бәрі кішкентай және планетадан қашық, олар Юпитерді 340 тәуліктен астам периодпен айналады. Тоғыз жаңа серік орбитасы 550 тәуліктен ұзақ ең алыс ретроград айларға жатады. Юпитердің өз білігінен үйірілу бағытына қарама-қарсы орбитамен қозғалатынына қарағанда, олар газды алып өзіне тартып алған астероидтар болса керек. Ретроград айлардың жалпы саны 71-ке жетті, олар Ананке, Карме, Пасифе топтарына жіктеледі. Кері айналатын серіктер орбиталарының үлкен жартыөстері 19 млн — 30 млн км аралығында.
Тура, проград бағытпен айналатын қалған үш жаңа дене Галилей ашқан төрт ірі серік пен алыс ретроград айлардың арасында орналасқан. Олар сол жерде түзілген деп есептеледі. Аралық проград айлардың саны 13-ке жетті. Шеппардтың айтуынша, оларды ашу алыс ретроград серіктерді табудан қиын: Юпитерге жақын болғандықтан, алыптың жарығы оларды байқатпайды. Олар екі топқа жіктеледі: Гималия тобындағы 9 дене Юпитерден 11–12 млн км, Карпо тобындағы екеу — 17 млн км қашықтықта. Каллисто (Юпитерден 1,9 млн км) мен Гималия тобы арасындағы кең бос аймақтан бір ғана серік — Фемисто (7,5 млн км) табылды. Ал Валетудо Карпо тобынан әрі, 19 млн км қашықтықта айналады. Оның ерекшелігі — орбитасының кейбір ретроград айлардың жолымен қиылысуында, бұл түбі бетпе-бет соқтығысқа әкелуі мүмкін.
Алып планетаға Галилей айларынан да жақын төрт серік бар: Метида (127 690 км), Адрастея (128 690 км), Амальтея (181 366 км), Фива (221 889 км). Бұларды Амальтея тобына біріктіреді. Галилей серіктері орбиталарының үлкен жартыөстері: Ио — 421 700 км, Европа — 671 034 км, Ганимед — 1,1 млн км, Каллисто — 1,9 млн км.
Денелердің Юпитерді айналатыны дәлелденуі үшін, оларды кемінде бір толық айналым, яғни екі жер жылындай бақылау керек. Аталған 12 серік бұл шартты орындады. 2023 жылдың ақпанындағы жағдай бойынша, Юпитердің бір айналым жасап үлгермеген тағы үш айы (S/2022 J 1, S/2022 J 2, S/2022 J 3) белгілі. Бұлар жоғалып кетуі де ықтимал, дегенмен оларды қоса есептесек, Юпитер серіктерінің саны 95-ке жетеді. Ағылшын Wikipedia'сы осы санды ұстанады. Осыған орай, «Балаларға ғылым туралы» арнасындағы Юпитер жайлы роликті жаңартып қойдық.
#ғылымижаңалық #көбәріп
YouTube
Ең үлкен планета | Балаларға Юпитер туралы
2023 жылдың ақпанында батыста ерекше жарқырап тұрған екі «жұлдыз» көзге бірден түседі. Бұлардың жоғарырақ орналасқаны — Юпитер планетасы.
Халқымыз Юпитерді Есекқырған немесе түсіне қарап Сарыжұлдыз деп атаған. Қазақ оның сыр-сипат, жүріс-тұрысын мұқият зерделеген.…
Халқымыз Юпитерді Есекқырған немесе түсіне қарап Сарыжұлдыз деп атаған. Қазақ оның сыр-сипат, жүріс-тұрысын мұқият зерделеген.…
😱2
Кескіндер:
1. Юпитер серіктерінің топтары. 92 серік түгел көрсетілмеген
Credit: Carnegie Inst. for Science / Roberto Molar Candanosa
2–3. Юпитер серіктерінің орбиталары үстінен және қырынан қарағанда: Галилей айлары — күлгін, Фемисто — сары, Гималия тобы — көк, Карпо — ақшыл-көгілдір, Валетудо — жасыл, ретроград серіктер — қызыл. Айлардың саны жаңартылмаған
Credit: Scott Sheppard
1. Юпитер серіктерінің топтары. 92 серік түгел көрсетілмеген
Credit: Carnegie Inst. for Science / Roberto Molar Candanosa
2–3. Юпитер серіктерінің орбиталары үстінен және қырынан қарағанда: Галилей айлары — күлгін, Фемисто — сары, Гималия тобы — көк, Карпо — ақшыл-көгілдір, Валетудо — жасыл, ретроград серіктер — қызыл. Айлардың саны жаңартылмаған
Credit: Scott Sheppard
АЙ, МАРС ЖӘНЕ ҚЫСҚЫ ЖҰЛДЫЗДАР
Мына ғаламат фото қыстың соңғы кешінде, Германиядағы Идар-Оберштейн қыстағы маңында түсірілген. Оң жақ жоғарыда Ай мен Марс жарқыраса, олардан төменірек Сұлусары қызарады. Ортада Үшарқар—Таразы (Орион) шоқжұлдызы толық айшықталып тұр. Кескіннің сол жақ шетінен түнгі аспандағы ең жарық жұлдыз Сүмбілені көреміз.
Фото: Sebastian Voltmer Photography
#фотокөрме #күнтізбе
Мына ғаламат фото қыстың соңғы кешінде, Германиядағы Идар-Оберштейн қыстағы маңында түсірілген. Оң жақ жоғарыда Ай мен Марс жарқыраса, олардан төменірек Сұлусары қызарады. Ортада Үшарқар—Таразы (Орион) шоқжұлдызы толық айшықталып тұр. Кескіннің сол жақ шетінен түнгі аспандағы ең жарық жұлдыз Сүмбілені көреміз.
Фото: Sebastian Voltmer Photography
#фотокөрме #күнтізбе
🥰1