العنده مشكلة يسالني

تعديل بسيط
شكرا للتنبيه💙

هسه نجي للملي مول والمايكرو مول

الفكرة شنو نحسب المولات ونحولها لليريد
يريد ملي مول نضرب في 1000
يريد مايكرو مول نضرب بمليون 1000000

بس قليلة المسائل الي يطلب مايكرو اغلبهن يطلب ملي

شلون نحسب المولات
بقانونه المشهور الي هو
عدد المولات=كتله على كتلة مولية

ومرات يطلب كتلة ف يصير فقط طرفين وسطين

بس ننتبه انو قانون الكتلة ع الكتلة المولية
ينطينه عدد المولات بوحدة المول
والكتلة لازم بالغرام

مثلا هذا المثال طالب ملي مول
منطي كتلة وكتلة ومولية
نطلع عدد المولات نقسم كتلة على كتلة مولية
100÷138=0.724 mol
بس هو طالب ملي مول ف نضرب ب 1000
0.724 ×1000=724 mmol

هذا المثال طالب ملغرامات بس ننتبه منطينه المولات بوحدة الملي مول وكتلكم فوك القانون مالتنه يريد بوحدة المول ف نحول الملي مول للمول نقسم على 1000 يصير
0.001 mol

وعدنه كتلة مولية هيه 138
نطبق القانون راح يصير طرفين وسطين تنضرب عدد المولات بالكتلة المولية
يطلع 0.138 g مثل ما كتلكم الكتلة بهذا القانون بالغرام
بس هو طالب ملغرام ف نضرب ب 1000
0.138×1000=138mg

هذا السؤال منطينه تراكيز ب ug/ml
ويريد نحولهن لل umol/L

نجي حبه حبه شلون نحول المايكرو غرام الى مايكرو مول بالبداية نحول المايكرو غرام الى غرام نضرب في الف لان هو طالب باللتر ومنطينه بالملي لتر حته نقسم على الكتلة المولية ومطلع مولات وراها نحولها مايكرو مول

اول مادة 0.5 مايكروغرام لكل مليلتر
نحول 0.5 للغرام
0.5×10 اس سالب 6
تطلع 5 في 10 اس سالب 7 هاي غرامات بالملي الواحد هو طالب لتر ف نضرب في الف
يصير 5 في 10 اس سالب 4 هسه هاي لحد هسه غرام نقسمها ع الكتلة المولية الي هيه 467.52 يطلع رقم جبير هذا طلع بالمولات بس هو طالب مايكرو ف نضرب في مليون يطلع 1.07 مايكرومول باللتر


المادة الثانية نفس الخطوات
هيه مايكروغرام نحولها غرام وره ما حولنه نضرب ب 1000 لان هيه بالمل وهو طالب باللتر طلعلته غرامات باللتر نطلع مولات وهاي المولات نضربها بمليون حته نحولها مايكرومول تطلع 4.28 مايكرو مول باللتر

الي ما فهمه كتابة
غلسوا مريض😂

هسه نجي للملي اوزمولز

عدنة قانون ثابت نحسب بي ال mOsmol's

القانون يكول تركيز المادة غرام باللتر تقسيم الكتلة المولية × number of species × 1000


التركيز بالغرام باللتر والكتلة المولية وال 1000 واضحات

نجي شنو number of species
تذكرون بجابتر 11 من كلنة انو الالكتروليتات تتفكك لايونات موجبة وسالبة
والغير الكتروليتي ما يتفكك
طبعا الالكتروليت هيه الاملاح كلها
ف هاي القيمة هيه عدد الايونات
مثلا عدنه NaCl راح يتفكك الى Na و Cl ف القيمة هيه 2
مثلا عدنة الدكستروز D5W ومثل ما تذكرون بجابتر 11 هذا مو الكتروليت وما دام مو الكتروليت ف هاي القيمة اله هيه 1
مثلا CaCl2
هذا ملح اذن الكتروليت نجي كم ايون عدنه واحد كالسيوم وثنين كلور يعني هاي القيمة اله هيه 3
وهكذا مثلا KCl عدنه ايون بوتاسيوم وايون كلور اذن 2

اول مثال يريد الملي اوزمول
نجي نطبق القانون
منطينه نسبة 5% يعني 5 غرام ب 100 مل
احنه كلنه فوك نريد الكتلة غرام باللتر ف نسوي نسبة وتناسب
5g=100ml
X=1000ml
X=50 g/L
صار عدنة تركيز غرام باللتر نروح نطبق القانون
وعدنة كتلة مولية
وال number of species هيه واحد ليش لان كلنة الدكستروز مو الكتروليتي
ف نقسم 50 تقسيم 180 × 1×1000

تطلع 277.7 او 278 mOsmol's

ثاني مثال منطينه 156 ملغرام ب 100 مل رككززززز ملغرام ب مل احنه شنريد نريد غرام ب اللتر ف خل نحول الكتلة للغرام ونقارنها ب 1000
156 mg ÷1000=0.156 g

0.156g=100ml
X=1000 ml

X=1.56

صار عدنه تركيز غرام باللتر وعدنة كتلة مولية
اما ال number of spesices ف هو واحد لان منطينه فقط K ايون واحد اذن 1 ف
1.56 تقسيم 39 ×1×1000

يطلع 40 mOsmol's

ثالث مثال هم منطينه 10 ملغرام ب 100 مل
كالعادة نحولها غرام باللتر
10mg÷1000=0.01 g

0.01=100
X=1000
X=0.1 g/L

صار عدنة تركيز غرام باللتر وعدنة كتلة مولية
وال number of spescies واحد ف
0.1 تقسيم 40 ×1×1000
يطلع 2.5 mOsmol's

رابع مثال منطينه 0.9% يعني 0.9 غرام ب 100 مل
ف نحولها غرام باللتر
0.9=100
X=1000

X=9 g/L

صارت عدنة كتلة بالغرام ع اللتر وعدنة كتلة مولية 58.5 مال كلوريد الصوديوم واحتمال ما ينطيها يكلك انت حافظها


اماااااا ال number of spesice ف هنا نركز عدنة ال NaCl الكتروليتي يعني يتفكك الى ايونات
كم ايون ؟ ايون الكلور وايون الصوديوم
يعني 2
ف نطبق القانون
9تقسيم 58.5 ×2×1000

يطلع 307.7 او 308 mOsmol's