الملزمة الاولى

يكول الصيدلي حسب 40 قطرة حته يملي السلندر لحد 2.5 مل حلو يعني 2.5 احتاجت 40 قطره يكول كم عدد القطرات بالملي الواحد نسبة وتناسب 2.5 بيها 40 اذا 1 يطلع 16 قطره

طبيب طلب من الصيدلي ان يحسب الجرعه مال شراب كحه لطفل

هذا شراب الكحه يحتوي على مادة dextromethrphan بنسبة
30mg/15 ml
حلو يعني ال 15 مل من الشراب بيها 30 ملغرام من هاي المادة
وراها يكول انو الصيدلي حدد جرعة الطفل هي 1.5 ملغرام
بعدها يكول انو الصيدلي ينطي الشراب للطفل على شكل قطرات بقطارة هاي القطارة ال 1 مل منها بيها 20 قطره حلو
ف شيريد يريد جرعة الطفل الي هيه 1.5 ملغرام كم قطره حته ينطيها اله

ف لازم نحول ال1.5 ملغرام الى مليتر حته نقارن وين عدد القطرات ونطلع عددها
احنه عدنه ال 30 ملغرام بيها 15 مل اذا 1.5 ملغرام نسبة وتناسب تطلع 0.75 مل يعني هاي ال1.5 غرام هيه 0.75 مل من الشراب
هسه نحول ال0.75 الى قطرات هو كايل المل الواحد بي 20 قطره اذا 0.75 مل
يطلع الجواب 15 قطرة

عدنه هذا القانون حته نحسب عدد جرعات المريض القانون يكول الكمية الكلية مال الدوه تقسيم حجم الجرعه حته نطلع عدد الجرعات
مثلا كتلكم اكو شراب حجمه 150 مل هذا الحجم الكلي الي هو البسط وراها كتلكم جرعة الشخص هيه 50 مل هاي حجم الجرعه يعني المقام ف نقسم150على 50 تطلع 3 الي هيه عدد الجرعات

السؤال يكول
1 ملعقة طعام وصفت على انها الجرعه ما دام كال وصفت على انها الجرعه يعني هاي جرعة المريض يعني المقام
وراها يكول كم جرعة سوف تحتوي 1 بنت من الدوة احنه نعرف انو الجرعه جزء من الحجم الكلي ف مادام كال كم جرعه تحتوي 1 بنت اذن هاي الجرعه الكلية الي هيه البسط

بس لازم ننتبه انو الوحدات ما موحده ف لازم نحولهن الى وحده متشابهه

ف نحولهن ثنينهن الى ml
1 tablespoon=15 ml
1pint=473 ml

وعرفنه منو الجرعه ومنو الحجم الكلي
نقسم 437 تقسيم 15
يطلع عدد الجرعات 31

السؤال يكول اذا جرعة الدواء هيه 50 مايكروغرام حلو هنا راسا كاللنه جرعة الدواء يعني المقام
وراها يكول كم جرعة راح تحتوي ب 0.02 غرام يعني هاي الجرعه الكلية يعني البسط

بس لازم ننتبه انو الوحدات ما متساوية ف لازم نوحدهن بالسؤال محول المايكرو والغرام الى ملي غرام انت تكدرون تحولون بس 50 مايكرو الى غرام تطلع 5 في 10اس سالب 5
وراها نقسم 0.02 على حجم الجرعه يطلعلنه عدد الجرعات


اليعرف يحول المايكرو الى مليغرام خيرا على خير والعنده مشكلة بالتحويل من اكمل انزللكم طريقة اني سويتها حته نحول اي وحده لاي وحده

كم عدد ملاعق الشاي الي راح تصير بالجرعه يعني هنا يريد حجم الجرعه يعني كالب القانون
في شراب حجمه 180 يعني هذا الحجم الكلي يعني البسط يكول هاي ال180 مل تحتوي 18 جرعه يعني هذا عدد الجرعات فقط كالب القانون
ف نطبق القانون راح يصير عدنه المقام مجهول نطلع حجم الجرعه يطلعلنه 10 مل
بس لازم نركز انو رايد حجم الجرعه بملاعق شاي احنه عدنه ملعقة الشاي 5 مل اذا 10 يعني ملعقتين الجواب

مريض رجله مصابة بالاكزما يكول رجله تاخذ 4 غرام من الدوه حته تغطي كل المنطقة حلو

وراها يكول انو هو ياخذ هاي الجرعه مرتين باليوم يعني 8 غرام باليوم لمدة اسبوع السؤال يكول شنو احسن شي ياخذه المريض حته يكمل الجرعه كلها مال اسبوع ياخذ 15 غرام لو 30 لو 60

احنه خل نحسب جرعته كلها شكد عدنه ياخذ مرتين باليوم لمدة اسبوع يعني راح ياخذ 14 جرعه وكل جرعه هيه 4 اذن
14X4=56
اذا جرعته كلها مال اسبوع هيه 56

ف شياخذ حته يكملها اكيد ياخذ ام ال60 لان 30 و 15 اقل من جرعته

سؤال يكول كم عدد ملغرامات هذني المادتين راح تحتوي الجرعه حسب الوصفه هاي

بالوصفه كايل المادة الاولى 0.12 غرام
والمادة الثانية 2.4 غرام
وراها كايل ad 120ml

يعني هاي ال120مل بيها 0.12 من المادة الاولى و 2.4 من المادة الثانية

وراها كايل انو الجرعه هيه ملعقة شاي
ف هنا السؤال يكول هاي ملعقة الشاي كم ملغرام بيها من ذني المادتين ف نحول ملعقة الشاي الى ملي
1teaspoon=5ml

ف نسوي نسبة وتناسب لكل مادة وحدها
1)المادة الاولى
اذا120 بيها 0.12 غرام شكد ب 5 مل تطلع 0.005 غرام بس ننتبه انو هو رايدها بالمليغرام بالسؤال ف نضرب ب 1000 تطلع 5 غرام هاي المادة الاولى

2)المادة الثانية
اذا ال 120 مل بيها 2.4 غرام اذا 5 مل تطلع 0.1 غرام هم كذلك نحولها الى ملغرام تطلع 100 ملغرام

سؤال يكول مريض جان ياخذ جرعة يوميه لمدة اسبوع من هاي المادة جرعته جانت 0.625 ملغرام بس الدكتور الله هداه😂😂 وقلل الجرعه مالته سواها 0.35 ف يكول شكد نقصت جرعته خلال اسبوع

بالبداية نطلع الفرف بين ال 0.625 و 0.35
ف نطرح تطلع 0.275 هاي فرق الجرعه خلال يوم بس هو يريده خلال اسبوع ب ف نضرب ب 7
تطلع 1.925 ملغرام فرق الجرعه خلال اسبوع