سمنر ستوك سوليوشن

جابتر 12
الملزمة السادسة لطلاب اوروك
Electrolyte Solutions:Milliequvialent's
Millimoles and milliosmoles

مثل ما مبين بالعنوان راح نحسب الملي اكوفلنت والملي مول و الملي اوزمول بالاضافة للكتله

عدكم اول شي تحفظون اعداد التاكسد لبعض الايونات الموجبة لازم تحفظونهن لان الحل يعتمد عليهن
Mg=2
Ca=2
K=1
Al=3
Na=1
NH4=1
واذا انطوكم الحديد او النحاس ف همه يحددوكم ثنائي او ثلاثي
اذا ثنائي ف 2
واذا ثلاثي ف 3

وبهذا الجابتر نحتاج قيمة ال Valance
وبس للاملاح لان بهذا الجابتر نحسب للاملاح فقط

ف الفالنس مال الاملاح شنو؟
=عدد الايونات الموجبة×تكافؤها
يعني مثلا عدنه
CaCl2
كلنه ع الايون الموجب نروح الي دائما ع اليسرة
نجي هسه Ca كم ايون عدنه ايون واحد لان ما يمه رقم حلو زين شنو تكافؤ ال Ca انتم حافظينه الي هو 2 ف الفالنس مال CaCl2
هو
1×2=2



مثلا عدنه Kcl
كم ايون موجب ؟ عدنه واحد
شنو تكافؤ مالته
التكافؤ حافظينه هو 1 ف
1×1=1

مثلا Na2Cro4
شكد عدد الايونات الموجبة؟ عدنه 2
شنو تكافؤ الصوديوم؟ تكافؤ مالته 1 ف
1×2=2



ونننننننتبه لل NH4 هاي ال 4 هيه من ضمن المركب مو ترحون تضربون ال 4 ب التكافؤ لا
اذا راد يزيد عدد ال NH4 ف يخلي بين قوسين
يعني يصير
(NH4)2

هنا نضرب ال2 بالتكافؤ

هاي شلون نحسب الفالنس

وعدكم هذا الجدول بالملزمة يوضح اعداد التاكسد اذا تردون اطلعوا علية
بس النطيتهن فوك هنه الاغلب مستخدمهن بالمسائل مال الجابتر

عدنه اول قانون لحساب الملي اكوفلنت
شيكول هذا القانون يكول
الكتلة ب ملغرام × فالنس تقسيم الكتلة المولية

انتم احفظوا بس هذا القانون واذا طلب كتلة ف يصير طرفين بوسطين
راح يصير الكتلة المولية × ملي اكوفلنت تقسيم الفالنس

طبعا بالجابتر مستخدم طريقة شوية صعبة لحساب الملي اكوفلنت والملي غرام عوفوها هاي الطريقة وامشوا على هذا القانون
اني ما عدي مانع اشرحها بس اذا اشرحها خاف تشبج ف عوفوها احسن وامشوا على هذا القانون بس

نجي اول مثال طالب الغرامات حلو
شمنطينه منطينه الملي اكوفلنت والكتلة المولية هم ينطيها
نحتاج الفالنس عدنه
CaCl2
يعني
1×2=2
حلو نجي نعوض بالقانون الفوك
عدنه ملي اكوفلنت 4 وكتلة ينطيها الي هيه 147 وعدنه الفالنس نطبق القانون الفوك
تطلعلنه الملغرامات 249 ملغرام
بس نرررركز هو شطالب طالب غرامات يعني نقسم على 1000 ف يصير الناتج
0.294 g/ml

هذا السؤال يكول ما هي نسبة W/V
لمحلول يحتوي 100 ملي اكوفلنت كلوريد الامونيوم

طبعا هاي ال w/v هيه نسبة مئوية يعني غرامات ب 100 مل هاي ثابتة
ف نحتاج هسه نحسب الغرامات
عدنه الملي اكوفلنت والفالنس نحسبها لل NH4 تطلع 1
والكتلة المولية ينطيها الي هيه 53.5

نطبق القانون الفوك نطلع ملغرامات 5350 ملغرام بس ننتبه انو بالنسبة هيه غرامات ف نقسم على 1000 تطلع 5.35 غرام ما دام تحولت غرام اذن صارت باللتر
ننتبه انو الكتلة الطلعتلنه هيه باللتر واحنه النسبة مالتنه ب 100 مل ف نسوي نسبة وتناسب
5.35 باللتر اذا 100 مل
5.35=1000
X=100
=0.535 هاي الكتلة ب 100 يعني نسبة مئوية يعني
0.535%

هذا السؤال يكول اكو محلول يحتوي 10 ملغرام ب 100 مل من K يريد هذا التركيز نفسة بس بالملي اكوفلنت باللتر
mEq/L

هسه احنه خل نطلع الملي اكوفلنت عود بعدين نقارنها ونحولها باللتر

منطينه كتلة وكتلة مولية والفالنس مال K هو واحد
نطبق قانون الملي اكوفلنت تطلعلنه 0.256
بس هاي ب100 مل هو رايد ب لتر يعني 1000 مل ف نسوي نسبة وتناسب

0.256=100
×=1000

تطلع 2.56 mEq/L

يعني حولنه الملغرامات ب 100 مل الى ملي اكوفلنت ب لتر
💙☻

السؤال الوراه مال كالسيوم نفس الفكرة بالضبط

هذا السؤال يكول نسبة المغنيسيوم بالبلازما هيه 2.5 mEq/L

يريد هذا التركيز بالملغرامات
حلو ما ذاكر حجم يعني يبقه نفس الحجم الي هو لتر بقت الملي اكوفلنت نحولها ملغرام

عدنه الملي اكوفلنت 2.5 و الكتلة المولية ينطيها الي هيه 24
والفالنس نحسبة
1×2=2

نطبق القانون ونطلع ملغرامات تطلع 30 mg/L

طبعا اذا تنتبهون كاتب يم المغنيسيوم ++ تكدرون تستفادون منها تعرفون التاكسد اذا نسيتوا ثنين زائد يعني 2

طبعا هاي اذا عافها الدكتور بالاسئلة ما حذفهن😂😂

هذا السؤال يريد الملي اكوفلنت مال كلوريد البوتاسيوم KCl ب 15 مل من 10% من هذا المحلول


اول شي نحتاج الكتلة مال كلوريد البوتاسيوم لان منطينه 10 غرام ب100 مل والحجم مالتنه 15 ف نسوي نسبة وتناسب
10=100
X=15

X=1.5 g
بس نتذكر انو القانون مالتنه يريد ملغرامات ف
1.5×1000=1500mg

هسه نطبق القانون عدنه كتلة وكتلة مولية ينطيها الي هيه 74.5 والفالنس نحسبة
1×1=1
نطبق القانون تطلعلنه الملي اكوفلنت 20.1 mEq

هنا طالب الملي اكوفلنت بس ننتبه منطي الكتلة بالغرامات فنحولها للملغرام تصير 1000 ملغرام
نطبق القانون عدنه كتلة وكتلة مولية والفالنس
1×2=2

تطلع الملي اكوفلنت 16.7 mEq

هنا عدنه وصفة وطالب عدد الملي اكوفلنت مال Na ب 30 مل من الوصفة كلها ماشي
بس وين المشكلة المشكلة انو المادتين بيهن صوديوم ف شنسوي 🤔 نطلع الملي اكوفلنت بالمادة الاولى وبالمادة الثانية وبالاخير نجمعهن


بس بالبداية ننتبه انو حجم الطالبة 30 مل وحجم الوصفة 100 مل فل لازم نطلع كتل المادتين
اول مادة
18=100
×=30

=5.4 g
نحولة ملغرام يصير 5400

المادة الثانية
48=100
×=30

×=14.4 g
نحوله ملغرام يصير 14400


طلعنه كتل وعدنه كتل مولية بقت الفالنس هنا لازم ينطيكم الصيغة مال مواد ومنها تحسبون الفالنس
المادة الاولى Na2HPO4.7H2O
المادة الثانية NaH2PO4.H2O

الفالنس مال مادة اولى 2
مادة ثانية 1

صارت عدنه معطيات كاملة نطبق قانون الملي اكوفلنت للمادة الاولى والمادة الثانية
المادة الاولى يطلع 40.3 mEq
المادة الثانية 104.3 mEq
المجموع
144.6 mEq

هذا السؤال يكول مريض يستلم 2 ملي اكوفلنت لكل كيلوغرام و وزنه 132 lb
وراها يكول كم مليلتر من محلول 0.9% NaCl لازم تنسحب حتى ننطي جرعته

ماشي عدنه 0.9% يعني 0.9 غرام ب 100 مل نحتاج كتلة ثانية حته نقارن ونطلع المليلترات

منين نجيب كتلة ثانية🤔
عدنه ملي اكوفلنت فوك نحولها الى ملغرامات ونحولها الى غرامات

زين عدنه 2 ملي اكوفلنت لكل كيلو و وزنه 132 lb
132÷2.2=60 kg

60 ×2=120 mEq

هاي الملي اكوفلنت مال مريض هسه نحولها الى ملغرامات
عدنه ملي اكوفلنت وكتلة مولية ينطيها( احتمال ما ينطيها يكلك انت حافظها من جابتر 11 😃 هيه 58.5)

والفالنس واحد ف نحسب الملغرامات تطلع 7020 نحولها غرامات تطلع 7.02 غرام
حلو صارت عدنه غرامات نجي نقارنها ب 0.9%

0.9=100
7.02=x

X=780 ml الجواب

يعني لازم يسحبون 780 مل من المحلول حته يعادلون جرعة المريض الي هيه 120 ملي اكوفلنت
💙☻

العنده مشكلة يسالني