وزاريات الفصل الاول مع الحلول + اسئلة الفصل
تكدرون تاخذوها من المكتبة تفيدكم كلش بالمراجعة

السلام عليكم ورحمة الله وبركاته
للتذكير
💎مجموعة ايقونة الزُمرد دفعة 2024 باجر محاضرتكم ساعة 9:00

💎 امتحان فصل السادس ساعه ٩ او ١٠ ونصف واللي ما يمتحن باجر ممنوع يدخل يوم السبت

السلام عليكم ورحمة الله وبركاته
الطلاب اللي ما امتحنتوا الفصل السادس فرصتكم الوحيدة حتى تكملون وياي بالمحاضرات تمتحنون باجر الساعة 9:00 صباحاً واللي ما يمتحن ممنوع يدخل للدرس

السلام عليكم ورحمة الله وبركاته
حبايبي الايقونات انتبهوا للنقاط التالية :-

١- باجر حتكون اول محاضرة للفصل الثامن والاخير فالحضور للكل مطلوب لان اكتبلك ملخص يغنيك عن الملزمة كاملة ( حتى للطلاب اللي منعتهم من الدخول بسبب عدم امتحانهم للفصل السادس ) الساعة 10:30 او 2:30

٢-باجر ناخذ الحضور الكامل فيما يخص حفلة التخرج والاتفاق على زي التخرج ليوم الجمعة الساعة 3:00 فاذا غبت ممكن ما ينحسب حسابك بالحفلة كهدايا او شهادة تقديرية

٣-الطلاب اللي عدهم تعويض الرنين الفصل الثالث باجر حتكون اول محاضرة بالمسائل الساعة 12:00

٤- في حال تبقى وقت من المحاضرة حتكون محاضرة خاصة بتنظيم وقت المراجعة والجدول

والله ولي التوفيق …

حتى تكون منتصر بدراستك لازم توصل لأعمق نقطة من التعب ، المشاكل ، السهر ، القلق …. الخ
وانت تبقى #ايقونة💎 يعني #أنت_كدها

مجموعة 💎ايقونة الزُمرد دفعة 2024 💎باجر ماكو محاضرة لان القاعة مشغولة لحفلة تخرج طلاب دفعة 2023 تحبون تجون تشاركوهم الفرحة فأهلاً وسهلاً بيكم واخذكم السبت الساعه 1:30 ان شاء الله ويكون عندكم امتحان من البداية لصفحة 5 مداخلة

2023/4/13
وانتهت رحلتي وياكم بالمعهد بحلوها ومُرها
بعد كل هالتعب والتحمل والضروف القاسية من صعوبة الامتحانات وضيق الوقت ونفسية تتعب وواهس يخرب كل هاي الامور تجاوزتوها لان انتوا ابطال لان انتو ايقونات انتو دائما اقوى من كل الظروف وتكدرون تتجاوزون الاصعب تجاوزتوا المصاعب اللي مريتوا بيها بالمعهد معناها انتو تكدرون تتجاوزون كل الصعوبات اللي حتواجهكم بالمراجعة المركزة بس كلي ثقة وأمل بيكم مراح تخيبون ظن اهلكم ولا اساتذكم بيكم ولا تضيعون تعبكم والسهر والقلق والروحة والجية كل ذني ميضيعن عند رب العالمين فقط اجتهد اعمل ثابر لا تتهاون بالوقت هذا كلة محسوب عليك انت مسؤؤل حالياً عن مستقبل انسان اللي هو انت كون على كد المسؤؤلية والثقة وحقق احلامك هذا وقتك الساحة الك حتى تثبت للناس لاهلك لاساتذتك انو انت كدها واكيد لانو انت #ايقونة💎
#انت_المسؤؤل_فكر_بيها🫡
واني راح اكون موجود وياكم ان شاء الله لحد اخر طالب يمتحن وزاري حرجع اراجع الكم كل المنهج وخصوصا المسائل والاشتقاقات بالتفصيل (يعني الفيزياء خليها عليه لا تشيل الها هم )
وبالاخير احب اكلك (#الانسان_صنيع_افكاره) اصنع نفسك بنفسك🫡💎
اخوكم واستاذكم : مصطفى سامي

مِسك الختام وي دفعة ايقونات 2023🫶🏻💎
2023/4/14

اسئلة الفصل الاول مجزئة حسب المواضيع + ثلاث نماذج شاملة