السلام عليكم 👋
وياكم الصيدلانية حوراء عماد
اليوم ان شاء الله حكمل الشرح وياكم
اليوم موضوعنه عن drug _response relationship
_مثل ماذكرنه سابقا عملية ارتباط الدواء بالمستقبل اما ان يؤدي الى تنشيط او تثبيط المستقبل.
_ الدواء من حيرتبط بالمستقبل ممكن يصير مجموعه من الاحداث يؤدي بالنهاية الى response يعني صار عملية activation.
_ عملية الbinding وال activation هي عبارة عن 2steps .
_ عدنه مجموعه من المصطلحات حنشرهه هسه بشكل مبسط ومن نوصل للموضوع نشرحه بالتفصيل ان شاء الله مثلا عدنه مصطلح agonist شنو معناه؟ معناه انه الدواء من يرتبط بالreceptorحيصير عملية activation.
_ اما مصطلح antagonist معناه الدواء من يرتبط بالreceptor حيصير inactive او تثبيط للمستقبل .
_مصطلح affinity :
Tendency of drug to bind to receptor
قابلية الدواء للارتباط بالمستقبل كلما يكون قابلية الارتباط اقوى كلما يكون high affinity
_مصطلح potency:
خلي نوضحهه بفد مثال عندي مثلا drug A 50mg وdrug B 100mg الdrug A more potent than drug B ليش؟ لانه اني احتاجيت كمية قليلة من drug Aحتى يرتبط بالمستقبل وينطيني تاثير فيعني الدواء كلما يكون بكمية قليلة يكدر يرتبط بالمستقبل وينطيني تاثير كلما يكونmore potent .
_ مصطلح efficacy
Tendency of drug to produce response .
بصورة عامه الادوية اللي تكون more potent تكون high affinity لانه شي طبيعي اذا عدنه دواء بكمية قليلة يكدر يرتبط بالمستقبل فشي اكيد هذا عنده affinity اتجاه المستقبل .
_ الادوية اللي تكون agonist حتكون عدهه significant efficacy .
_ الادوية اللي تكون antagonist حتكون عدههzero efficacy لانه حيصير تثبيط مو تنشيط للمستقبل.
_ اما الادوية اللي ترتبط %100 بالمستقبل بس حيكون الefficacy جزئي يعني مو 100% حينطي تاثير فهذا نسمية partial agonist .
#pharma_basic

Drug agonist mimic the action of endogenous substances
على سبيل المثال عدنه isoproternol تاثيره على المستقبل بيتا1 (حنشره بالتفصيل ان شاء الله) حيكون تاثيره مشابه للnorepinephrine on beta1 of heart .( حيصير زيادة عمليةcontraction of heart)
_ ملاحظه مهمه drug effect يتاثر بشغلتين :
1_ concentration of drug at receptor site.
2_ pharmacokinetic of drug(absorption,disturbution,metabolism,excretion).
يعني اذا مثلا نجيب دواء معين وناخذه اورل وتقريبا خمسين بالمية من الدواء يصيرله first pass metabolism قبل لاينطي التاثير ودواء اخر امتصاصه 100% ومايصير بيه first pass metabolism فشي اكيد الدواء الثاني حيكون ال effect مالته اعلى من الاول .
لحد هنا اليوم نتوقف بالشرح وبالتوفيق .
#pharma_basic

اليوم رح نحجيلكم عن شي كلش مهم تعرفوا كأساسيات الفارما
مثل ما كلنالكم سابقاً اكو علاقة بين receptors و ال ligands الي هو اما drug او endogenous substances
كلنا من يرتبطون المستقبلات مع الادوية عن طريق bond هذا الارتباط نسمي drug - receptor complex
معناها انه الدوة صار مع المستقبل و حيصير تأثير داخل الخلية
هذا التاثير نقسمة الى اربع اقسام
1- full agonist
2- partial agonist
3- inverse agonist
4- antagonist
اليوم رح نشرحلكم عن
1- full agonist
نخلي ببالنا شغلة من نكول full agonist
معناها drug +receptor = maximum biological effect
بمعنى انه الدوة رح يعمل عمل مشابه لما يقوم به ال endogenous substance فينطيني اقصى تأثير ممكن يعني نكول على هذا الدوا هو full agonist من يوصللي التأثير لل
E max
مثال phenylephrine يرتبط بمستقبل الفا 1 فيسوي تأثير بالضبط كما لو انه norepinephrine ارتبط بنفس المستقبلات
ارتباط هذا الدوه phenylephrine يسوي activation للمستقبل بالتالي يصير حركة ال Ca في داخل الخلية intracellular و يصير interaction بين ال actin و myocin الي موجودين داخل العضلات فتتقلص العضلة
و ع الاوعية الدموية ايضاً يصير تقلص بهاي الاوعية فتقاوم مرور الدم بالنتيجة يرتفع الضغط

#pharma_basic

طبعا اليوم حنكمل الشرح
قبل فترة شرحنه عن الfull agonist
واليوم ان شاء الله حنشرح عن partial agonist
2_partial agonist :
احنه من شرحنه عن ال full agonist گلنه بوكتهه انه ال full agonist من يرتبط بالreceptor حينطي مفعول 100% اما بالنسبه لل partial agonist فالeffect يعني حيكون اكبر من الصفر ومعناه انه من يرتبط بالمستقبل فقسم من receptors حيصيرلهه activation وينطي effect وكذلك يكون اقل من الواحد ال intrinsic activity مالته شنو معناته؟ شوفوا هو من اسمه partial agonist يعني هو حيكون بين ال agonist and antagonistمن يرتبط بالمستقبلات قسم منهه حيسويله تنشيط ( لهذا گلنه تاثيره اعلى من الصفر) والقسم الاخر من يرتبط بالمستقبل حيسوي تثبيط( لهذا گلنه تاثيره اقل من واحد * الواحد يمثل ١٠٠٪؜ * اقل من واحد معنا ممكن ٩٠٪؜ او ٨٠٪؜ او اقل ) فهو لايكون agonist مية بالمية( من يرتبط بالمستقبل محيوصل للmaximum effect مثل ال full agonist) ولاحيكون antagonist اي صفر بالمية .
زين اذا نجي نحجي على المستوى الaffinity فهو حيكون اما اكبر او اقل او مساوي لل full agonist,حتكولون شلون يعني ماافتهمنه وضحيلنه اكثر؟
اني اكولكم شلون قبل فتره بوكتهه شرحنه مصطلح ال affinity عرفناه
Tendency of drug to bind to receptor
مامعناه هو الدواء حتلوا يكون عنده partial agonist بس من ناحية الارتباط بالمستقبل قد يكون مثلا مساوي للfull agonist مامعناه انه هذا الدواء ممكن عنده قابلية ارتباط عالية بالمستقبل بس التاثير مالته محيكون مية بالمية مثل الfull agonist .
طبعا في حال اذا تعرض الreceptor الى دواء يكون شغله agonist ودواء اخر يكون شغله partial agonist فهنا الpartial agonist حيكون شغله as antagonist for full agonist drug .
في حالة اذا الreceptor تعرض لتراكيز عاليه من ال partial agonist فال maximum effect will be decresase مثل ماگلنه محينطي مفعول مية بالمية مثل الfull agonist .
مثال عليه : aripiprazole is atypical antipsychotic work as partial agonist at selected dopamin receptor
يستخدم بعلاج الschizophrenia اللي يكون عدهم الdopaminergic activity is high فهذا شيسوي حيثبط قسم من المستقبلات مال الدوبامين فتتحسن الاعراض بس مراح يثبطه بشكل نهائي حتى يقلل من extrapyrimidal side effect(طبعا حنشرح عن الموضوع بشكل مفصل ان شاء الله بالتدريب من نوصل للcns)
اليوم حنتوقف لهنا الشرح ان شاء الله
#pharma_basics

@learning_pharmacy

شاركوا المنشور عبر الرابط لتعم الاستفادة

مشاهدة "Partial Agonists animation" على YouTube
https://youtu.be/nw4Y8wv6EYo

سلام دكاترة👋
اليوم حنكمل شرح ان شاء الله
اليوم حنحجي عن نوع اخر هو inverse agonist
3_ inverse agonist :
مثل ماگلنه سابقا الreceptor بحالة عدم ارتباط الدواء او ligand حيكون inactive من يجي يرتبط بيه مثلا full agonist حيصيرله activation.
هذا النوع الحالة بالعكس،شنو يعني ؟
هذا النوع ال receptor هو اذا مامرتبط بيه الدواء حيكون active من يجي ويرتبط بيه الدواء المستقبل حيتثبط ،هاي الحالة تسمى constitutive activity يعني المستقبل في بعض الانسجه يكون هو بدون ارتباط اي agonist يكون نشط فهاي الادوية تجي ترتبط وتسوي تثبيط للمستقبل
فبهيج حاله intrisic activity less than zero ,and in this condition there is opposite effect of pharacological effect of agonist drug .اكو هواي امثله عليهه مثل histamin receptor ,beta adrenergic receptor
لهنا اليوم نتوقف بالشرح طبعا دنشرح شي بسيط لانه اكيد عدكم امتحانات وماحابين نلود عليكم .
#pharma_basics

@learning_pharmacy

شاركوا المنشور عبر الرابط لتعم الاستفادة

مشاهدة "inverse agonist" على YouTube
https://youtu.be/f6J34xqO1FQ

السلام عليكم
اليوم نكمل الشرح ونشرح عن antagonist
4_ antagonist :
The ligand bind to receptor with high affinity but there is not activation of receptor
يعني المادة حتجي ترتبط بالمستقبل بس ماكو اي تنشيط للمستقبل بالعكس يصير تثبيط اله .
Antagonist has no effect in the absence of agonist but when there is agonist bind to the receptor the antagonist will has effect.
طبعا هاي النقطه اللي تخلينه نفرق عن inverse agonist گلنه بوكتهه انه ال inverse يشتغل بدون وجود ال agonist انما المستقبل في بعض الانسجه هي تكون متنشطه بدون وجود agonist فهاي تجي وترتبط وتوصل intrinsic activity less that zero .
اما بال antagonist مايشتغل كantagonistاله اذا اكو agonist موجود ومرتبط بالمستقبل بس هنا حتكون الintrinsic activity equal to zero .
The antagonist either block the ability of drug to bind to receptor or block the ability of drug to activate the receptor when the agonist bind to receptor .
فهو شغله انه يقلل الشغل مال agonist اما عن طريق يمنع ارتباطه بالمستقبل او عن طريق يمنع تنشيط المستقبل .
طبعا اكو بعض الادوية اللي تشتغل ك antagonist ممكن تشتغل ك inverse agonist يعني من اكو agonist فراح يشتغل ك antagonist ( طبعا الagonist ممكن يكون دواء او ماده endogenous) بس بنفس الوقت اذا ماكو agonist فهو حيسوي stabilization of receptor اللي عنده constitutive activity ويحوله من active to inactive بدون وجود ال agonist .
طبعا ال antagonist بيه نوعين
1_competitive.
2_non competitive .


#pharma_basics

@learning_pharmacy

السلام عليكم دكاترة 👋
اليوم نكمل شرح ،اليوم حنشرح عن اول نوع من antagonist
1_competitive antagonist :
من يكون عدنه فد تركيز معين من ال agonist مرتبط بالreceptor واجينه وحطينه تركيز عالي من antagonistبحيث يكون تركيزه اعلى من تركيز الagonist فبهيج حاله ال antagonist راح يثبط عمل الagonist والحاله بالعكس يعني من عندي تركيز عالي من antagonitst وحطيت تركيز اعلى من agonist فهنا راح يصير تنشيط للمستقبل وحيشتغل ال agonist فهنا الحاله تصير مثل المنافسه ياهو اللي تركيزه اعلى هو اللي راح يتغلب على اللي تركيزه اقل .طبعا اكو شغله مهمه انه ال antagonist يرتبط بنفس المكان اللي يرتبط بيه الagonist يعني من يكون تركيزه اعلى من ال agonistحيجي يطلع ال agonist من المكان وهو يرتبط بمكانه .
طبعا بهيج حاله تركيز ال agonist اللي احتاجه حتى يشتغل بوجود ال antagonist راح يكون تركيزه اعلى من حالة عدم وجود الantagonist .
Competitive antagonist is the most direct mechanism by which one drug can reduce the effect of another (or of an endogenous mediator).


#pharma_basics

@learning_pharmacy

نكمل وياكم شرح ال antagonist
بحالة يكون non competitive antagonist
هنا الحالة تكون مختلفة عن ال competitive antagonist
هنا ممكن الارتباط يكون reversible او irreversible
يعني انه ممكن ال drug يرتبط بالمستقبل و يتركه و ممكن ميتركه حسب نوع الدوة طبعاً ببعض الاحيان يرتبط مع ال receptors عن طريق covalent bond

Such drugs are called negative allosteric modulators because they act by binding to a different (ie, “allosteric”) site on the receptor relative to the classical (“orthosteric”) site bound by the agonist.
بمعنى هاي الادوية حترتبط بمكان مو نفسه مكان ال site of action ع ال receptors و لكن يصير اله antagonism

#pharma_basics

@learning_pharmacy

مشاهدة "Types of Antagonists-Easily Explained" على YouTube
https://youtu.be/omYbS506UJw

مرحبا دكاترة👋
اليوم راح نحجي عن اخر نوع من انواع الreceptors اللي هو الfunctional antagonist .
Functional antagonist :
Any antagonist that act on separate receptor
يعني شنو ؟ احنه حجينه سابقا عن ال antagonist ووضحنه انه ال antagonist مايشتغل الا بوجود الagonist ياما يرتبط بنفس المكان او يرتبط بمكان ثاني من ال agonistبس هو على نفس المستقبل .هذا النوع بيه اختلاف هذا الagonist مثلا مرتبط بمستقبل معين الantagonist حيرتبط بمستقبل ثاني منفصل وينطي تاثير معاكس لتاثير ال agonist .خلي ننطي فد مثال :
Histamine that bind to H1 receptor on bronchial smooth muscle cause bronchoconstraction while epinephrine when bind to Beta 2 receptor on bronchial smooth muscle cause bronchodialation
يعني الهستامين من يرتبط بال H1 حيسوي bronchoconstraction بينما الابنفرين من يرتبط بالbeta 2 ( طبعا ان شاء الله حنشرح شنو يعني بيتا 1 وبيتا 2 وبقية الانواع ) حيسوي bronchodialation فدنشوف هنا ماارتبط بنفس المستقبل بس انطه تاثير معاكس لتاثير الهستامين ،طبعا هذا ايضا يسموه physiological antagonism.

#pharma_basics

@learning_pharmacy

مشاهدة "physiological antagonism II Pharmacology mp4" على YouTube
https://youtu.be/w9Ld5NhJsEw

السلام عليكم دكاترة 👋
اكو بعض المصطلحات المهمة والضرورية يحتاج نراجعهه
مثلا عدنه مصطلح ال potency
شنو تعريفه ؟
Potency : is a measure of the amount of drug necessary to produce an effect of a given magnitude .
معناه هو قياس كمية الدواء الضرورية حتى تنطي المفعول العلاجي للدواء
خلي نوضح الشرح اكثر بمثال .
عدنه هذا الرسم اللي موجود 👇
عدنه drug A and drug B
الDrug A بكمية قليلة حتنطي خمسين بالمئة من maximum effect ( يسمى بال EC50) بكمية اقل من drug B فنگول انه ال drug A is more potent than drug B
For example : candesartan and irbesartan are used for hypertension .
الcandesartan الجرع مالته من 4_32مغ بينما ال irbesartan من 75_300 مغ طبعا نلاحظ انه ال candesartan بجرع اقل وبكميات اقل حتنطي ال EC50 مقارنة مع ال irbesartan فهو يعتبر more potent
than irbesartan

#pharma_basics

@learning_pharmacy

دتلاحظون هنا ال EC50 اللي هو خمسين بالمئة من maximum effect دنلاحظ انه الdrug A وصل لل EC50 بكمية اقل من drug B بالتالي ال potency مالته حتكون اعلى.

مرحبا 👋
اليوم نكمل شرح
وصلنه لمصطلح ال efficacy
Efficacy : is a magnitude of response of drug causes when it interacts with a receptor .
معناه الدوه من يرتبط بالمستقبل وينطي استجابه فهذا اسميه efficacy .
الefficacy يعتمد على شغلتين
1_ number of drug receptor complexes formed
يعني شكد عدد المستقبلات اللي مرتبطه بالادويه .
2_ intrinsic activity ( abililty of drug to activate the receptor and produce cellular response)
يعني قابلية الدوه على الارتباط بالمستقبل ويسوي تنشيط للمستقبل وينطي مفعول .
ال Emax معناه ال maximum efficacy بحيث الدوه من يوصل لل Emax من ازيد التركيز بعد ماينطي زيادة بالاستجابة لانه وصل لاعلى استجابة اله .
طبعا ال Emax مختلف بين ال agonist and antagonist القصد شنو؟ همه مثلا اثنيناتهم مئة بالمئة يرتبطون بالمستقبل بس هل ياترى حينطون نفس الاستجابه؟ الجواب : لا
احنه شرحنه سابقا عن ال agonist گلنه انه يرتبط بالمستقبل وينطي مفعول مئة بالمئة معناه انه Emax =%100 بينما ال partial agonist صحيح حيرتبط بالمستقبل بس ال Emax ماراح يوصل لل 100% لانه هو partial .في حين ال antagonist يرتبط بالمستقبل مئة بالمئة بس حيثبط المستقبل فمعناه ال Emax=0 .
طبعا مصطلح ال efficacy بالادوية يستخدم اكثر من مصطلح ال potency .
The drug that has greater efficacy is better than the drug that more potent .
مثلا عندي drug A and drug B خلي نگول انه ال drug A ب 30 مغ وصل لل Ec50 بينما ال drug B ب 40 مغ يله وصل لل Ec50 فبهيج حاله ال drug A is more potent بس من زيدت الكمية والتركيز مال الدوائين لاحظت انه اثنيناتهم عند ال 100 مغ وصلوا لل 100% من الاستجابة فبهيج حاله الدوائين متساوين بال efficacy وممكن في بعض الحالات مثلا يجوز ال drug B بتركيز اقل من drug A ممكن يوصل لل greater efficacy لهذا احنه بالادوية نعتمد على ال efficacy اكثر من ال potency .


#pharma_basics


@learning_pharmacy

مساء الخير على الجميع 👋
شلونكم جميعا
يله خلي نكمل الشرح
اليوم حنشرح عن dose _ response relationship
احنه حجينه سابقا عن ارتباط الدواء بالمستقبل وشلون حيكون التاثير ،اكو شغلة مهمة لازم مانتغاضى عنهه اللي العلاقة بين dose of drug ونسبة ال population اللي يستجيبون العلاج ،مرات نشوف بالصيدليات او بالعيادات الطبيب من يكتب علاج او الصيدلاني اكو شخص يستفاد من العلاج ويتحسن عليه واكو شخص اخر نفس الاعراض بس العلاج مافاده ،فاكو ناس يستجيبون للعلاج واكو لا .
طبعا اكو فد رسم يحدد العلاقة بين الجرعه ونسبة الاستجابة العلاجيه من population يسمى بال quantal dose response curve هذا ال curve يكون useful for determining doses to which most of the population responds .ممكن نستفاد منه في تحديد الجرع المناسبة للمريض .حتى بتحديد الجرع للدواء يجيبون فد مجموعه من الناس ويجربون عليهم طبعا حسب شروط وضوابط معينة فيستخدمون مجموعة من التراكيز ويشوفون الاستجابة ويستخدمون ال curve وعلى اساسه حيتحدد الجرع لكل دواء ونشوف الجرعة المناسبة للمريض


#pharma_basics


@learning_pharmacy