يلا منو يسميهم🌚💙

1,5_ pentandial 🥲

تكون التسمية
4_methyl_3_ nitrobenzophenone
شلون صارت هيج بما انو عندي حلقتين بنزين بينهما كاربونيل يكون اسمه الاساس بنزوفينون وموجود ع الحلقتين تفرعات ناخذ حلقة واحدة من كل تفرع ونرقم من ذرة الكاربونيل تاخذ رقم واحد فالجزء الايسر يكون اربعة مثيل والجزء الايمن يكون ٣ نايترو بنزوفينون

من يكون بالمركب مجموعتين الديهايد او مجموعتين كيتون ننطي للمركب اسم الالكان حسب عدد ذرات الكاربون ونضيفله dial بالنسبة للالديهايد وdione بالنسبة للكيتون مثل هذا المثال مجموعتين كاربونيل بيها H فهو الديهايد يكون تسميته
1,5_Penatanedial

من يكون بالمركب الديهايد وكيتون نرقم من الالديهايد ونسمي الكيتون oxo يعتبر تفرع فبالمثال موجود مجموعتين كيتون ب3و4 فيكون dixo والديهايد واحد تاخذ رقم 1 يكون pentanal

الي يكول شنو هاي التسميات شارحيها بملفات الي نلخصها 🙂

بهذا الملف 🌝

نبدا بشرح الحوامض 🙂

🌸اول سلايد يوضح شنو هي الحوامض عبارة مركبات عضوية تحتوي ع المجموعة الوظيفية مجموعة الكاربوكسيل واسمه مشتق من الكاربونيل والهيدروكسيل بسبب انو الكاربوسيل كروب تحتوي ع مجموعتين مرتبطة مع بعضها البعض مباشرة
🌸ومجموعة الكاربوكسيل تصنف اما monocarboxyl او dicarboxyl ثنائي او ثلاثي tricarboxyl

🌸ثاني سلايد الخصائص الفيزيائية للحوامض

🌸مجموعة الكاربوكسيل راح تحتوي ع رابطة هيدروجين donor OH ورابطة هيدروجين acceptor مهم رسم الرابطة
🌸 سلايد ثالث ورابع حفظ الاسماء مهم

💭تسمية الحوامض النظامية IUPAC

💭نحذف حرف e من اسم الالكان ونضيفله مقطع oic acid يكون الترتيب كالاتي
رقم التفرعات ان وجدت + اسم التفرعات حسب الابجدية + اسم الالكان بدون حرف e + مقطع oic acid في حالة وجود سلسلة وليس حلقة
يكون الترقيم من ذرة الكاربوكسيل تاخذ رقم واحد
💭 اذا وجدت حلقة ايضا تاخذ كاربون الكاربوكسيل اقل الارقام هو رقم واحد بالترقيم يكون تسميه حسب الاتي
رقم واسم التفرعات حسب الابجدية + cyclo alkane بدون حذف حرف e من الالكان + carboxylic acid
وهاي امثلة توضح التسمية 😁

الشائعة تعتمد ع حفظ المركبات بسلايد 3

هذا يوضح اذا عندي مجموعتين كاربوكسيل يكون dicarboxylic acid
تسمية ملح الحامض شلون تكون ؟
الملح هو الجزء السالب للحامض بدون بروتون مرتبط بيه فلز فالتسمية تكون :
اسم الفلز + اسم الالكان بدون حرف e اذا نظامي واذا اسم شائع تكتبون الاسم الشائع الي هو حفظ موجودات بسلايد 3 من الملزمة + مقطع ate وموجود هنا امثلة توضحها

حامضية الحوامض شوكت تكون اكثر حامضية من الكحولات ؟؟ 🌝
🦋اولا اذا كانت pka قليلة تكون اكثر حامضية واكثر استقرار اما اذا كانت pka كبيرة تكون اقل حامضية

🦋ثانيا اذا يتفاعل الحامض مع قاعدة القاعدة تاخذ البروتون وتحمل ذرة الاوكسجين شحنه سالبة فالشحنة السالبة تتحرك من الاوكسجين المرتبطة بالكاربون الى الاوكسجين المرتبطة بH اي يكون شكلين للحامض اما الكحول ينطي شكل واحد فالي ينطي اكثر شكل يكون اكثر حامضية

🦋ثالثا بالكهروسالبية تكون ذرة اوكسجين الحامض المرتبطة بالكاربون اكثر كهروسالبية فيكون الحامض اكثر حامضية من الكحول

https://youtu.be/9fDxMFi5hbE
شرح الحامضية للحوامض هذا يوضح الحامضية

💭 بهذا السلايد هو خاص بالحامضية كلما يفقد الحامض بروتون ويحل محله بديل مثل الكلور تقل pka وتزداد الحامضية فاي واحد من المركبات اله اقل pka يكون اكثر حامضية وترتيب تصاعدي اقل pka اكثر حامضية وهكذا يكون الترتيب 🙂

هيج يكون الترتيب حسب زيادة الحامضية

كلما تقترب المجموعة الساحبة من الكاربونيل تزداد الحامضية والمجاميع الساحبة لازم حافضيها مثلا الكلور يعتبر مجموعة ساحبة كلما يقترب من الكاربونيل يكون اكثر حامضية

هذا ترتيب حسب زيادة الحامضية

🌸هاي مجاميع ساحبة ودافعة يكون ترتيب اذا عندي مركبات بيها مجاميع ساحبة ودافعة وحوامض بدون مجاميع ساحبة او دافعة كالاتي :

🌸المركب الي يحتوي مجموعة ساحبة ،، الحامض بدون مجموعه ساحبة او دافعه ،، المركب الي يحتوي مجموعة دافعة

🌸من الاسفل يكون اعلى حامضية يعني اذا عندي مركبات واحتون ع مجاميع ساحبة فقط مثلا مركب يحتوي NO2 و ثاني يحتوي CN فيكون المركب الي بيه مجموعه ساحبة NO2 اعلة حامضية من الي بيه مجموعه ساحبة CN ونفس الطريقة اذا كانت المركبات تحتوي ع مجاميع دافعة

🤍طرق تحضير الحوامض :

🤍 اول طريقة هي اكسدة الكحول الاولي الى الديهايد ثم اكسدة الالديهايد الى حامض كاربوكسيلي بنفس عدد ذرات كاربون الكحول بوجود العامل المساعد K2Cr2O7 وحامض H2SO4

🤍 اكسدة الكحول الثانوي لا يعطي حامض 🙃
🤍🤍🤍🤍🤍
اما يطلب بالسؤال تحضير حامض بطريقة اكسدة الكحول الاولي وانتو تكتبون مواد متفاعلة وناتجة والعوامل او ينطي بالسؤال مواد متفاعلة فتنتبوهون ع العامل المساعد والمادة المتفاعلة شنو هي كحول اولي فيتاكسد ينطي الديهايد والالديهايد يتاكسد ينطي حامض

🤍المثال هو كحول ايثانول اولي بوجود العامل المساعد يتاكسد فينطي ايثانال الديهايد هذا بدوره يتاكسد بالعامل المساعد والحامض فينطي حامض الاستيك

🦋هذا تفاعل سابع للحوامض يكون عكس التحضير بالتحضير اكسدة الكحول الاولي الى الديهايد وحامض هنا العكس اختزال الحامض الكاربوكسيلي الى كحول

🦋حامض كاربوكسيلي يختزل بوجود ليثيوم المنيوم هايدرن LiAlH4 بوجود ايثر ومي ينطي كحول وهيدروكسيد اليثيوم وهيدروكسيد الالمنيوم

🦋 مثلا حضر ايثانول من استيك اسد ؟ 🌝
او ينطي استيك اسد وعامل المساعد ويريد الناتج
🦋 3 مولات من استيك اسد يختزل بوجود عامل مساعد LiAlH4 , ether/ H2O ينطي ايثانول وLiOH و Al(OH)3

♻️ ثاني تحضير للحوامض هو اكسدة الالكينات

♻️تتم اكسدة الالكينات بوجود عامل مساعد هو KMno4 مخفف بالمي H2O ينطي جزئتين من الحامض الكاربوكسيلي

♻️اذا تمت اكسدة الالكين بوجود KMno4 بدون تخفيفه بالمي ينطي جزئتين من استيل الديهايد باستمرار الاكسدة بالاوكسجين ينطي الحامض كما في الامثلة :

♻️مثلا 2 بوتين بوجود Kno4 / H2O راح ينطي جزئتين من الحامض هو اسيتك اسد اي تحضير حامض بعدد ذرات كاربون اقل من عدد ذرات كاربون الالكينن المستخدم

♻️مثال 2 بوتين بوجود عامل KMno4 بدون وجود المي ينطي استالديهايد جزئتين باستمرار الاكسدة ب O2 ينطي الحامض acetic acid