🌿هذا الجدول حفظ من خلاله تعرفون المركبات بالمحاضرة الثانية

💫اول شيء لازم نعرف شنو الحلقة ثلاثية ، رباعية ،خماسية ،سداسية.. الخ

🌿بعد ماعرفنا الحلقة لازم نعرف بيها نتروجين او مابيها نتروجين وهل هي مشبعة او غير مشبعة

💫اذا بيها نتروجين تكون مشبعة نضيف للبادئة الذرة الغير المتجانسة المقطع iridine

🌿مثلا نتروجين بحلقة ثلاثية مشبعة يسمى aziridine
ف azلان نتروجين وiridine لان حلقة ثلاثية مشبعة بيها نتروجين اذا غير مشبعة نضيف لبادئة النتروجين المقطع irine فيصير azirine

💫اذا بدون نتروجين يعني توجد ذرة اوكسجين او كبريت بالحلقة
مثلا حلقة ثلاثية مشبعة بيها اوكسجين بادئة الاوكسجين هي oxa والحلقة ثلاثية مشبعه بدون نتروجين نضيف للoxa مقطع irane فيصير oxirane الغير مشبع يصير oxirene وهيج بالنسبة للباقي
🌿🌿🌿🌿🌿🌿🌿🌿🌿

Oxaانتهى بحرف علة هو a

وaza كذلك انتهئ بحرف علة هوa
irine او irane بدأ بحرف علة هو i
فراح ينحذف حرف العلة الي تنتهي بيه الذرة الغير متجانسة فصار oxirane , oxirene , aziridine ,, azirine

🤍شرح المحاضرة الثانية عضوية نظري

💜الحلقة الثلاثية الي تحتوي ذرة غير متجانسة واحدة حلقة ثلاثية يعني تحتوي ir

🤍شنو نوع الحلقة ؟ ثلاثية لازم انتو عرفتوا اما بيها نتروجين او مابيها وهل هي مشبعة او غير مشبعة

💜حلقة ثلاثية بيها نتروجين توجد بحالتين شنو هي ؟
مشبعة نضيف مقطع iridine لبادئة النتروجين aza فيصير aziridine وغير مشبعة نضيف مقطع irine للaza فيصير azirine

🤍حلقة ثلاثية مابيها نتروجين اي يوجد كبريت واوكسجين هم تكون بحالتين مشبعة نضيف مقطع irane لبادئة الاوكسجين oxa والكبريت thia فيصير thiirane بالنسبة للكبريت والاوكسجين oxirane او
ethylene oxide لان يكون ايثر

💜والغير مشبع ميحتوي نتروجين نضيف مقطع irene للكبريت والاوكسجين فيصير
Oxirene للاوكسجين
Thiirene للكبريت

بالامتحان اما تنطي اسم المركب وتريد الصيغة مالته شكله او تنطي شكل المركب وتريد اسمه

🤍حلقة ثلاثية تحتوي ذرتين غير متجانستين اما اثنين نتروجين او اثنين اوكسجين يعني di

💜حلقة ثلاثية بيها نتروجين وبحالة غير مشبعة اذا مقطع irine تكون ذرتين يعني di والذرة هي نتروجين فيكون الاسم diazirine المشبع مابيها مركب

💚ممكن تجي صح وخطا حلقة ثلاثية بيها ذرتين نتروجين توجد بحالة مشبعة وغير مشبعة ؟ خطا فقط غير مشبعة

🤍حلقة ثلاثية مابيها نتروجين اذا مقطع irane للمشبع ومقطع irene لغير المشبع هاي من عرف شنو الحلقة بما انو ذرتين اوكسجين اذا di بادئة الاوكسجين ox ويوجد بحالة مشبعة اذا نضيف مقطع irane للبادئة للO فيصير dioxirane ،الغير مشبع مابيها

هسه الحلقة الثلاثية
اما بيها نتروجين يعني الذرة الغير متجانسة هي N
بادئة نتروجين هي aza
تكون مشبعة يعني مقطع iridine
غير مشبعة يعني مقطع irine هذن المقاطع نضيفهن لبادئة النتروجين فيصير مركب في حالة احتوت الحلقة ع ذرة غير متجانسة واحدة
اذا احتوت ع ذرتين يعني تصير di
هذول المقاطع ندمجهن سويه فيصير اسم المركب aziridine ,,azirine مشبع وغير مشبع للحلقة الثلاثية الي بيها ذرة غير متجانسة واحدة
Diazirine
للحلقة ثلاثية تحتوي ذرتين غير متجانسة بيها نتروجين غير مشبعة

او تكون حلقة ثلاثية ماتحتوي نتروجين اي يكون اما O, S نضيف مقطع irane للمشبع ومقطع irene لغير المشبع واذا تحتوي ذرتين غير متجانسة نضيف للمقاطع di

🤍الحلقة الرباعية تحتوي ذرتين غير متجانسة
اما اثنينN ,, او اثنين O او اثنينS

💜شنو نوع الحلقة ؟ رباعية يعني تحتوي et
اشوف بيها نتروجين او مابيها ؟ وهل هي مشبعة او غير مشبعة

🤍بيها نتروجين بادئته aza وتكون ذرتين يعني diaza تكون مشبعة نضيفله مقطع etidine فيصير diazetidine غير مشبع ماكو

💜حلقة رباعية مابيها نتروجين بيها اوكسجين او كبريت

🤍الاوكسجين بادئته oxa ويكون ذرتين يعني dioxa مشبع نضيف مقطع etane فيصير dioxetane الغير مشبع نضيف مقطع eteيصير dioxete

💜الكبريت بادئته thia وذرتين يعني dithia مشبع نفس الاوكسجين نضيف etane يصير dithietane الغير مشبع dithiete


🤍الملخص : حلقة رباعية تبدي بet
بيها نتروجين لو مابيها اذا بيها يكون مقطع etidineللمشبع ومقطع ete لغير المشبع اذا موجود
اذا مابيها نتروجين تكون اوكسجين وكبريت المشبع مقطعetane الغير المشبع مقطعete
واذا ذرتين يعنيdi نضيفها للبوادئ مال
Oxa ,, aza,, thia

🤍حلقة رباعية تحتوي et
تحتوي ذرة غير متجانسة واحدة
اما N اوO او S

💜اشوف الحلقة بيها نتروجين او لا مشبعة او غير مشبعة

🤍 اذا بيها N مقطع etidine للمشبع وete لغير المشبع
عندي نتروجين يعني aza يكون مشبع يصير الاسم azetidine غير مشبع يكون azete

💜حلقة رباعية مابيها N ,,بيها كبريت او اوكسجين المشبع مقطع etane والغير مشبع ete فتصير
للاوكسجين
Oxetane مشبع ،،oxete غير مشبع

الكبريت
Thietane مشبع ،، thiete غير مشبع

🤍الحلقة الخماسية تحتوي ol يدل عليها
تتكون من ذرة غير متجانسة واحدة

💜تحتوي نتروجين ومتحتوي نتروجين مشبعة وغير مشبعة

🤍الي تحتوي نتروجين خماسية ol مشبعة مقطع idine فتصير pyrrolidine الغير مشبع يكون pyrroline او pyrrole يعتبر الاسم الاساس

💜متحتوي ع نتروجين اي تحتوي كبريت او اوكسجين تكون مشبعة الاوكسجين اسمه tetrahydrofuran والكبريت tetrahydrothiophene او غير مشبعة dihydrofuran , dihydrothiophene اسماء غير اساسية الاسماء الاساسية هي furan للاوكسجين , thiophene للكبريت

ليش تكون بالمشبعة للاوكسجين والكبريت tetrahydro لان غير المشبع من يتحول الى مشبع يحتاج اربع ذرات هيدروجين حتى يكون مشبع

🤍الفسفوروز اسم غير مشبع هو phosphole
🤍السيليكون اسمه silole
🤍arsenic اسمه aresole
هذن اسماء منعتمد عليهن راح نعتمد ع اوكسجين نتروجين كبريت

🤍حلقة خماسية تحتوي ذرتين غير متجانسة يدل ع الخماسية مقطع ol

💜بالخماسية الي تحتوي ذرتين تاخذ موقعين موقع1,2 يدل عليه pyr وموقع 1,3 يدل عليه imi

🤍حلقة خماسية بيها ذرتين نتروجين المشبعة تكون imidazolidine للموقع1,3 ،، pyrazolidine للموقع 1,2
الغير مشبعة بيها اصرة مزدوجة وحدة يدل عليها ine او اصرتين مزدوجة يدل عليهاole ف imidazoline يكون غير مشبع موقع1,3 له اصرة مزدوجة وحدة واسم imidazole غير مشبع خماسي موقع1,3 له اصرتين مزدوجة
اسم pyrazoline غير مشبع خماسي له اصرة مزدوجة وحدة واسم pyrazoleغير مشبع خماسي له اصرتين مزدوجة

💜نتروجين/ اوكسجين المشبع يكون oxazolidine موقع 1,2 واسم isoxazolidineموقع1,3 ,,iso يعني موقع1,3 بالحلقة
الغير مشبع يكون بيه اصرة مزدوجة وحدة يدل عليها ine او اصرتين مزدوجة ole فاسم oxazoline غير مشبع خماسي N/O موقع 1,2 له اصرة مزدوجة واحدة واسم oxazole غير مشبع خماسي موقع1,2 له اصرتين مزدوجة
اسم isoxazoline اصرة مزدوجة وحدة بموقع1,3 واسم isoxazole اصرتين مزدوجة ب1,3

ينطبق ع النتروجين / كبريت

ذرتين اوكسجين مشبعة فقط dioxolane
ذرتين كبريت مشبعة dithiolane
O/S مشبع فقط oxathiolane

🤍حلقة خماسية تتكون من 3 ذرات hetero
خماسية يدل عليها مقطع ol
تكون فقط صيغة غير مشبعة المشبعة غير موجودة

💜من يكون بالحلقة 3 ذرات نتروجين يكون له صيغة غير مشبعة هو Triazole فمقطع tri يعني3 ذرات ،az يعني نتروجين ، ole يعني حلقة خماسية غير مشبعة

🤍من يكون بالحلقة ذرة N وذرتين S يكون اسم المركب الخماسي غير المشبع dithiazole

💜يكون المركب يحتوي ذرتين N وذرة O يكون اسم المركب الخماسي الغير مشبع oxadiazole

🤍المركب الخماسي الغير مشبع الي يحتوي ذرتين N وذرة S يسمى thiadiazole

💜الحلقة الخماسية الي بيها 4 ذرات hetero هي فقط مركب خماسي غير مشبع يحتوي 4 ذراتN اسمه tetrazole

🤍حلقة خماسية تحتوي 5 ذرات hetero هو صيغة غير مشبعه لمركب خماسي يحتوي 5 ذرات N هو pentazole يكون مركب لا عضوي ؟ لان ميحتوي ع ذرة كاربون لان المركب العضوي هو الي يحتوي ع ذرات كاربون فهذا المركب تكون جميع ذراته هي النتروجين فيكون لا عضوي


الملخص : الحلقة الخماسية اما بيها ذرة hetero او اثنين او 3 او 4
المقطع الي يدل ع الخماسية هو ol
نشوف بيها نتروجين المشبعة مقطع olidine غير المشبعة ole
اذا مابيهاN المشبعة مقطعolane غير المشبعة ole

🤍الحلقة السداسية يدل عليها مقطع in او ane

💜حلقة سداسية تحتوي ذرة hetero واحدة اما تكون نتروجين او كبريت او اوكسجين

🤍حلقة سداسية مشبعة بيها نتروجين تسمى piperidine غير مشبعة pyridine

💜حلقة سداسية بيها اوكسجين المشبعة tetrahydropyrane الغير مشبعة pyrilium

🤍حلقة سداسية بيها كبريت المشبعة thiane الغير مشبعة thiopyran

💜حلقة سداسية تحتوي ع ذرتين hetero تكون اما اثنين نتروجين او اثنين اوكسجين او اثنين كبريت او نتروجين اوكسجين او نتروجين كبريت ، الي يدل ع الحلقة السداسية مقطع in او ane

🤍حلقة سداسية تحتوي ذرتين N المشبعة piperazine , الغير مشبعة diazines

💜حلقة سداسية تحتوي نتروجين اوكسجين المشبعة morpholine , الغير مشبعة oxazine

🤍حلقة سداسية تحتوي نتروجين كبريت تكون لها فقط صيغة غير مشبعة هي thiazine

💜حلقة سداسية بيها ذرتين كبريت لها فقط صيغة مشبعة هي dithiane

🤍حلقة سداسية بيها ذرتين اوكسجين المشبعة dioxane , الغير مشبعة dioxin

💜حلقة سداسية مكونة من 3 ذرات hetero تكون اما 3 نتروجين ولها صيغة غير مشبعة فقط هي Triazine المشبعة غير موجودة او 3ذرات اوكسجين له صيغة مشبعة فقط Trioxane الغير مشبعة غير موجودة

🤍حلقة سداسية مكونة من 4 ذرات hetero هي 4 ذرات نتروجين وتكون غير مشبعة فقط هي tetrazine المشبعة غير موجودة

💜الحلقة ال8 يدل عليها مقطع oc من الاوكتان
المشبع بيه مقطع ane ،،غير المشبع بيه مقطعine , تتكون من ذرة واحدة hetero تكون نتروجين او كبريت او اوكسجين

🤍حلقة ثامنة تتكون من نتروجين المشبع azocane مقطع az نتروجين ، مقطع oc يعني حلقة ثامنة ، مقطع ane يعني مشبع ، الغير مشبع هو azocine مقطع ine يدل ع غير المشبع وoc حلقة ثامنة وaz يعني نتروجين

💜حلقة ثامنة تتكون من اوكسجين المشبع هو oxocane غير مشبع لايوجد

🤍حلقة ثامنة تتكون من كبريت المشبع هو thiocane غير المشبع لايوجد

💜الملخص : حلقة ثامنة يعني مقطع oc
💜المشبع يدل عليه مقطع ane
💜غير المشبع يدل عليه مقطع ine
💜نتروجين له مشبع وغير مشبع بينما كبريت واوكسجين فقط مشبع بالحلقة ال8

المركب الاول 1,4_diazin

الحلقة شنو نوعها ؟ حلقة سداسية وبيها اصرة مزدوجة يعني حلقة سداسية غير مشبعة مقطع ine

موجودة ذرتين نتروجين اذا diaz ونرقم من الذرة hetero الي هي نتروجين فيكون المركب
1,4_diazine او pyrazine

المركب الثاني نفس الاول فقط اخلاف بمواقع النتروجين هنا بموقع 1,3
الحلقة شنو نوعها ؟ حلقة سداسية وبيها اصرة مزدوجة يعني حلقة سداسية غير مشبعة مقطع ine

موجودة ذرتين نتروجين اذا diaz ونرقم من الذرة hetero باتجاه عقارب الساعة حتى تاخذ اصغر رقم هو 1,3 لو رقمنا عكس اتجاه عقارب الساعة يكون الترقيم 1,5 فناخذ باتجاه عقارب الساعة هو 1,3 فيكون المركب
1,3_diazine


المركب الثالث
نوع الحلقة خماسية وبيها اواصر مزدوجة يعني غير مشبعة تاخذ مقطع ole يدل عليها

موجودة ذرتين اوكسجين ونتروجين فنرقم ونسمي من الاوكسجين اله الاولوية اي ياخذ رقم 1 ونرقم باتجاه عقارب الساعة لان اصغر الارقام 1,3 اذا عكس عقارب الساعة يكون 1,4 فاحنا ناخذ اصغر رقم هو 1,3 فيكون تسميته
1,3_oxazole

كذلك المركب الرابع نفس الثالث حلقة خماسية غير مشبعة فقط عدنا ذرتين نتروجين diazوذرة اوكسجين نرقم من O فيكون التسمية
1,3,4_oxadizole

المركب الاول imidazole
الحلقة خماسية وبيها اواصر مزدوجة يعني خماسية غير مشبعة يدل عليها مقطع ole ,,عدنا ذرتين نتروجين يعني diaz ، الترقيم اذا وجدت ذرتين متجانسة نتروجين او كبريت او اوكسجين اثنين سويه احدهما مشبعة يعني مابيها اصرة مزدوجة والاخرة غير مشبعة يعني بيها اصرة مزدوجة فنرقم من الذرة المشبعة تاخذ رقم 1 بينما اذا وجد نتروجين واوكسجين نرقم منO اله الاولوية او نتروجين وكبريت نرقم من S او N,S,O نرقم منOثمSثم N فهنا نرقم من ذرة N المشبعة عكس اتجاة عقارب الساعة حتى تاخذ اصغر الارقام فعدنا برقم 1 N مشبعة يعني تكون 1H و1,3 توجد ذرتين نتروجين يعني 1,3_diazole فتكون التسمية
رقم واسم التشبع + رقم واسم الذرات المتجانسة
1H_1,3_diazole او يكون imidiazole


المركب الثاني oxazine

الحلقة شنو نوعها ؟ حلقة سداسية وبيها اصرة مزدوجة يعني حلقة سداسية غير مشبعة مقطع ine , موجود بيها اوكسجين oxaونتروجين aza نرقم من الاوكسجين تاخذ رقم1 هسه تتسألون ليش مرقمنا منN لان بيه H ميصير لان موجود اوكسجين فبالترقيم الاولوية للO ياخذ رقم 1 ،هسه برقم 4 موجود H تكون تسمية
رقم واسم التشبع + رقم واسم الhetero
4H_1,4_oxazine

الحلقة شنو نوعها ؟ حلقة سداسية وبيها اصرة مزدوجة يعني حلقة سداسية غير مشبعة مقطع ine , موجود بيها اوكسجين oxaو كبريت thia و نتروجين aza نرقم من الاوكسجين تاخذ رقم1 والترقيم يكون من جهة اليسار لان موجود اوكسجين وكبريت متجاورات فراح تاخذ اصغر الارقام 1,2,4 اذا رقمنا من اليمين يكون الترقيم 1,4,6 فناخذ ترقيم جهة اليسار 1,2,4

نكتب بادئة اوكسجين oxa ثم كبريت thiaثم نتروجين az وحلقة سداسية غير مشبعة مقطعine ندمجهن يصير oxathiazine
فتكون تسمية المركب
1,2,4_ oxathiazine

نوع الحلقة خماسية وبيها اواصر مزدوجة يعني غير مشبعة تاخذ مقطع ole يدل عليها

موجودة ذرتين اوكسجين ونتروجين فنرقم ونسمي من الاوكسجين اله الاولوية اي ياخذ رقم 1 ونرقم باتجاه عقارب الساعة لان اصغر الارقام 1,3 اذا عكس عقارب الساعة يكون 1,4 فاحنا ناخذ اصغر رقم هو 1,3 موجود برقم 2 تفرع ميثيل فيكون تسميته
رقم واسم المتفرع + رقم واسم الذرة hetro
2_methyl_1,3_oxazole

نوع الحلقة خماسية وبيها اواصر مزدوجة يعني غير مشبعة تاخذ مقطع ole يدل عليها

موجودة ذرتين اوكسجين oxaونتروجين azفنرقم ونسمي من الاوكسجين اله الاولوية اي ياخذ رقم 1 ونرقم باتجاه عقارب الساعة لان اصغر الارقام 1,2بالنسبة للذرات غير المتجانسة اذا عكس عقارب الساعة يكون 1,5 للذرات O,N هسه تكولون موجودة تفرعات ليش منرقم منها وتاخذ اصغر رقم لا لازم نرقم من الذرات الغير متجانسة هي الي تاخذ اصغر رقم حتى لو كانت موجودة تفرعات فتكون التسمية
رقم واسم المترفع حسب الابجدية + رقم واسم الذرات غير المتجانسة
5_ethyl_4_methyl_1,2_oxazole

الحلقة خماسية وبيها اواصر مزدوجة يعني خماسية غير مشبعة يدل عليها مقطع ole
عدنا ذرتين نتروجين يعني diaz ، الترقيم اذا وجدت ذرتين متجانسة نتروجين او كبريت او اوكسجين اثنين سويه احدهما مشبعة يعني مابيها اصرة مزدوجة والاخرى غير مشبعة يعني بيها اصرة مزدوجة فنرقم من الذرة المشبعة تاخذ رقم 1 بينما اذا وجد نتروجين واوكسجين نرقم منO اله الاولوية او نتروجين وكبريت نرقم من S او N,S,O نرقم منOثمSثم N فهنا نرقم من ذرة N المشبعة عكس اتجاة عقارب الساعة حتى تاخذ اصغر الارقام فعدنا برقم 1 N مشبعة يعني تكون 1H وبيها تفرع مثيل يكون 1methyl ,,توجد ذرتين نتروجين يعني 1,3_diazole فتكون التسمية
رقم واسم المترفع +رقم واسم التشبع +رقم واسم الذرة hetero
1_methyl_1H_1,3_diazole

يوضح المركبات الملتحمة اما حلقتين سداسية او حلقة سداسية وخماسية
فاول مركب حلقتين سداسية بيها نتروجين بموقع 1 تكون اسمها quinoline

المركب الثاني ايضا حلقتين سداسية بس ذرة النتروجين بموقع 2 تكون اسمها isoquinoline

المركب الثالث حلقة سداسية وخماسية بيها نتروجين مشبع فتكون 1H_benzopyrrole
او indole

هذا يوضح ارتباط الحلقة السداسية والخماسية
Pyrrolo_ و pyridine