بعدها لازم نعرف شنو هو الطفيلي ال Parasite ؟

_هو كائن حي يعيش في او على كائن حي آخر ويستمد منه العناصر الغذائية بصوره مباشره دون إعطاء اي فائدةللمضيف (الكائن الآخر نسمي المضيف host) .

_ال Parasites راح تنقسم ل 6 انواع
ضروري نعرف كل نوع شنو يعني ومثال عليه .

1-Ectoparasites (طفيل خارجي )
_هو طفيل يسكن ع سطح جسم المضيف بدون اختراق الانسجه .
_مثال عليه (fleas or ticks) البراغي او القراد.
_غزو هذا الطفيل الخارجي نسمي ب infestation.

2-Ensoparasite (طفيل داخلي)
_هو طفيل يعيش داخل جسم المضيف .
_غزو هذا الطفيل نسمي ب infection.

3-Obligate Parasite طفيل ملتزم
_لا يمكن أن يوجد بدون حياة طفيليه بالمضيف .
_مثل plasmodium .

4-Facultative Parasite طفيل اختياري
_يمكن أن يعيش بوجود حياة طفيليه او يعيش حياة حره .
_مثل Acanthamoeba.

5-Accidental Parasite
_يصيب مضيف غير طبيعي (يعني يصيف مضيف غير مضيفه الأصلي )
_مثل Echinococcus granulosus يصيب ال humans.

6-Aberrant Parasite or Wandering Parasite
_لا يمكن أن تتطور عندما تصيف مضيف غير مضيفها الطبيعي .
_مثل Toxocara in humans.

_هسه نجي نعرف شنو هو المضيف ال Host ؟
هو يؤوي الطفيل ويوفر له الغذاء والمأوى.

_عدنه 4 انواع للمضيف
1-Definitive host مضيف نهائي
تحدث بي الدورة الجنسيه.

2_Intermediate host مضيف وسيط
تحدث بي الدورة اللاجنسيه (طور النضوج)

3-Reservoir host مضيف خزان او خازن
مثل ال Dogs 🐕
راح يؤوي المضيف وايضا يعمل كمصدر مهم للعدوى للمضيفين المعرضين للاصابه (يعني راح يصيب مضيف آخر).

4_Paratenic host
وظيفته كمضيف نقل او ناقل للطفيلي ، الطفيلي راح يعيش بي بس مراح يتطور لذلك هذا المضيف يعتبر غير مهم لدورة حياة الطفيلي .
مثل Big suitable fish For plerocercoid larva of Diphyllobothrium latum .


_عدنه بهذا الجدول موجود بي الطفيليات الي الي تحتاج مضيف واحد
Protozoa وحيده الخليه (كائنات اوليه)
Helminthes متعددة الخلايا (ديدان طفيليه)

لازم نحفظ الأمثله

_بهذا السلايد عدنه جدولين
_بأول جدول موجود الطفيليات الي تحتاج لمضيفين (مضيف نهائي definitive ومضيف وسيط intermediate )
_ضروري نحفظ الأمثله وكل مثال المضيف النهائي والوسيط اله
ركزوا ع آخر 3 المضيف النهائي لكل الأنواع man ما عدا آخر 3 .

_بالجدول الثاني الطفيليات الي تحتاج ل 3 مضيف ( مضيف واحد نهائي definitive و مضيفين وسيط intermediate )
نحفظ الأمثله .

نجي للمخطط
_بشكل عام تنقسم ال Parasite لقسمين
Protozoa و Metazoa
ال Protozoa هي cellular organizme
راح تنقسم لأربع أقسام اعتماداً ع وسائل الحركه هي :
Sarcodina لحميه , sporozoa سبورات , mastigophora سوطيات , ciliata هدبيات .
+ مثال لكل وحده

ال Metazoa (ديدان طفيليه) هي multicellular organizme

تنقسم لقسمين
Platyhelminthes ديدان مسطحه
Nemahelminthes ديدان اسطوانيه

الديدان المسطحه نوعين ( Trematoda و Cestoda)

_مثلاً ينطي نوع معين من ال organizme ويكَول يعود لأي كَروب او صنف ؟

هسه نجي لأول نوع من ال Parasite

ال Protozoa: Amoebae
العديد من الاميبا راح تكون تعايشات بشريه يعني تعيش داخل الجسم. مثل
Entamoeba coli
Endolimax nana
هذين النوعين تكون nonpathogen
Entamoeba histolytica
آخر وحده هي المسببه للأمراض البشريه .

وبعض الاميبا تعيش بشكل حر ، مثل
Naegleria fowleri
Acanthamoeba species .



_اول مثال لل Protozoa هي ال Entamoeba histolytica من صنف ال sarcodina

_Epidemiology
تكون عالمية الانتشار Worldwide distribution بالمقام الأول بالمناطق الاستوائيه و شبه الاستوائيه .

ال Diseases تسبب مرضين :
_Amoebae dysentery
_Amoebae liver abscess .

ال Habitat مكان تواجدها :
_large intestine of man

ال Morphology تمر ب 5 اطوار اساسيه :
Trophozoites
Per_cyst
Cyst
Meta_cyst
Metacystic trophozoite

أهم طورين ال cyst و trophozoite
اذا يكَول اذكر الطور المعدي هو ال cyst
والطور التشخيصي هو ال trophozoite

ال Life cycle
إلها مضيف واحد هو ال humans
ال infective form هو ال mature cyst

طرق الانتشار
الماء والغذاء الملوثين
ونادراً ال sexual transmission

المقطع الأخير للإطلاع.

هذا شرح اول محاضرة مايكرو للكورس الثاني
بقى 3 سلايدات شويه ونشرحهم
ادرسوا المحاضرة زين لتفشلونه من اول يوم 😑، بالتوفيق 🤝🏻❤ .

عوامل الخطورة ، الضراوة
تتضمن Amebic lectin دوره هو يساعد بالالتصاق
ومن عوامل الضراوة ايضا Cysteine proteinase, Amebapore, Hydrolytic enzymes, Neuraminidase and metallocollagenase .

التشخيص المختبري
ليش يسوون تشخيص للstool ?حتى يثبتون انو
Trophozoites يشير الى عدوى نشطة
Quadrinucleated cysts يشير الى حالة النقل
يجب التمييز بين الطورين Cyst and trophozoites of E.histolytica عن الي موجود بالEntamoeba coli الي يكون متعايش ضمن الStool
يتم اكتشاف مستضد stool بواسطة ELISA أو تكنولوجيا المعلومات والاتصالات للكشف عن مستضد الليكتين.

هذا جدول يوضح الطورين Cyst ، trophozoite للنوعين Entamoeba histolytica و Entamoeba coli شنو تكون الحركة بالهستولايتكا تكون نشطة شبيها بالاصبع وبالكولاي تكون ضعيفة
السايتو بلازم يكون متميز لمنطقتين اندوبلازم واكسوبلازم بالهستولايتكا وبالكولاي غير متميز
كذلك الهستولايتكا تحتوي خلايا الدم الحمر والleukocyte بينما انتااميبا كولاي ماتحتوي ع RBC هذن بالنسبة لطور الtrophozoite
اما بالCyst اثناء الانقسام تكون عدد الانوية للهستولايتكا 4 بينما بالكولاي 8 الهستولايتكا تكون حزم دائرية بينما الكولاي تكون خيطية

يتم معالجة الزحار الاميبي بالفلاجيل ومشتقاته الي يكون Tinidazole and Metronidazole.

هذا الجدول يوضح الامراض الي تسببها كلا النوعين ووعامل الخطورة شنو وطرق النقل وغيرها من الصفات بين Naegleria fowleri ،و Acanthamoeba
الي مأشر عليهن ترك

خلص تلخيص المحاضرة بالتوفيق

https://youtu.be/RHOoJKITWDQ

المحاضرة الثانية طفيليات

المختبر الأول طفيليات

الف مبروك للي نجحوا من نجاح الى نجاح ان شاء الله
والي وكعوا بدرس ، درسين ،٣ دروس لتضوجون ترا مو نهاية العالم جان كورس تعيس واول تجربة كورس حضوري صح تعبتوا ودرستوا بس الي جاي احسن من الي راح بعد صار كورس الاول ماضي انتهئ مثل واحد من يموت ميرجع لتفكرون بيه وابدوا بداية جديدة هذا الكورس ان شاء الله يكون احسن وشدوا حيلكم بيه لتككررون غلط الكورس الاول اقروا اليوم بيومه وسيطروا ع المواد من اليوم ابدوأ لتفكرون وتضوجون ع النتيجة كلشي يتعوض عدكم دور ثاني وقرار تنجحون بيه لتخافون لتستسلمون لاحباطكم وخيباتكم وتكولون تعبنا ودرسنا كورس اول شنو حصلنا مانجحنا لتفكرون هيج هذا الشيء فات وانتهئ كلنا جان علينا كورس صعب
شدوا الهمة هذا الكورس مدام حاليا الملازم قليلة لتخلوها تتراكم عليكم رتبوا جدول واقروا والملزمة الي تكملوها راجعوا كنقاط اساسية حتى متنسوها واي شيء تحتاجون احنا نساعدكم بيه نتمنالكم التوفيق والنجاح 💚

Heterocyclic compounds. المحاضرة الاولى
🌿المركبات الحلقية غير المتجانسة هي مركبات حلقية تحتوي على ذرات لعنصرين كيميائيين مختلفين او متشابهين في الحلقة العطرية اي تتكون من بناء حلقي كما في البنزين والمركبات العطرية أو الهيدروكربونات العطرية فقط في بناء هذه الحلقات توجد ذرات أخرى غير الكربون مثل الكبريت أو الأكسجين أو النيتروجين او سيليكون او فسفور ومثال عليها البيريدين (C5H5N) والبيريميدين (C4H4N2)

🌿شلون اميز بين المركبات الحلقية الغير متجانسة الي تكونhetero والمتجانسة الي تكون homocyclic ؟
المركبات الحلقية المتجانسة تتكون من كاربون فقط
الغير متجانسة تتكون من ذرات غير متجانسة هي N, O ,S وغيرها

Hetero Atom
🌿الذرات غير المتجانسة هي تلك الذرات الي تحتوي ع غير الكاربون يكون نتروجين ، اوكسجين ، كبريت او فسفور

#عضوية