هذا السلايد الاخير 🥲 هنا يوضح اضافة الجذور الحرة لمركب diene يحتوي اصرتين متبادلة يعني لو بدلنا الاصرة الاولى بمكان الاصرة الثانية يبقه الموقع والتسمية نفسها بعدين موضح انو الجذر الحر نحصله من بيروكسيد مثل H2O2 يعني مركب يحتوي O بعدين يكول هذا الجذر rad. لو فاعلنا وي الكاشف BrCCl3فراح تاخذ ال(rad .) Br وتبقه CCl3جذر حر وهنا ال rad هي جذر حر لذلك ميصير تاخذ جذر حر فأخذت Brباعتبار CCl3جذر حر هسه نجي لميكانيكية اضافة كاشف BrCCl3 للdiene. بالبداية نضيف الجذر الحر الي هو CCl3 للمركب. فراح ياخذ ذرة رقم 1 بالنسبة للاصرة المزدوجة وهنا (.) هاي النقطة تشبه (+) الي اخذنه بالسلايدات القبله عند اضافة (H+) هنا CCl3 تاخذ رقم 1 بكل الحالات سواء حالة 1،2او 1،4 والنقطة راح تكون موقعها 2 اذا اضافة حسب 1،2 وموقعها 4اذا الاضافة حسب 1،4 بس بأضافة 1،4 راح تتغير موقع الاصرة المزدوجة الثانية بالخطوة الاخيرة راح يضيف الكاشف كاملBrCCl3 ومثل ما گلنا انو CCl3 تاخذ رقم 1وBrتاخذ رقم 2 اذا كانت اضافة 1،2 وتاخذ رقم 4اذا كانت اضافة 1،4 وبالاضافة حسب 1،4 يتغير موقع الاصرة الثانية
#لهنا وخلصنا جزء من المحاضرة الرابعة اتمنى تكون واضحة عدكم

خلصت محاضرة ال dienes فهموها وضبطوها زين مابيها شي هيه وملخص الالكاين انشالله عن قريب ينزل الكم 😣

فديو يخص محاضره الالكاينات .

مساء الخير طلاب
الامتحان حيكون بالمحاضرتين الاولى والثانية
يوم الإثنين الساعة 8 مساءا

مساء الخير تغير عدد المحاضرات لان صار امتحان المد قريب فراح يكون خمس محاضرات يوم الاثنين ب8

حتى تفرق بين /iso /sec/tert/neo بطريقة بسيطة

1)من تشوف ذرة فاقده H مرتبط بيها اثنين (CH3)R كول هاي iso

ex)

CH3
|
—CH—CH3 Iso propyl

2) من تشوف ذرة كاربون فاقده H مرتبطة بمجموعة (CH3) R وحدة يعني sec

ex)
|
CH3—CH2—CH—CH3 sec butyl

3) من تشوف ذرة كاربون فاقده H مرتبطة
ب3 مجموعات (CH3) 3R يعني tert

ex)

CH3
|
—CH—CH3
|
CH3


4) من تشوف ذرة كاربون مابيها H و مرتبطة ب4مجموعات (CH3) 4R يعني هاي neo


ex)
CH3
|
CH3—C—CH3
|
CH3


*اذا جانت ذرة الكاربون الفاقدةH مامرتبطة
بأي (CH3) R يعني بدايته n
مثل
CH3—CH2—CH2—
n-propyl


يعني هسة الملخص :-
1) تلكي مرتبط بيها CH3 وحدة يعني sec
2) تلكي مرتبط بيها 2CH3 يعني Iso
3) تلكي مرتبط بيها 3CH3 يعني tert
4) تلكي مرتبط بيها 4CH3 يعني neo
5) تلكي ما مرتبط باي CH3 يعني n
وسلامتكم🌝
للأمانة منقول

Alkynes

نفس طريقة الالكانات والالكينات يعني بالتسمية نتبع نفس القواعد السابقة بتسمية الالكانات والالكينات ..
وهي: نبدي نرقم من الطرف الاقرب للاصرة الثلاثية ونكتب موقع الاصرة بأي ذرة
وكذلك ادا جان هاليد الالكيل ضمن السلسلة نبدي التسمية بيه واذا الهاليد متكرر نكتب البادئة (di,tri) ...
وكل هاي القواعد مال تسمية دارسيها
المثال الاول بهذا السلايد :
اول مركب ( H_C≡C_C2H5) نسميه فـ نعرف الاستيلين (ذرتين كاربون بينهم اصرة ثلاثية ) ونكتب التفرعات الي وياه الي هي عندي C2H5
فـ يكون (اثيل استيلين) Ethyl acetylene
واذا على التسمية العامة فـ يكون 1-Butyne
ونفس الحالة بالنسبة للامثلة البقية
المطلوب منكم اطبقون طرق التسمية الي درسنها للالكانات والالكينات

طريقة تحضير الالكاينات
١-صناعياً
بحرق الميثان حرق غير تام ومعروف عدنا اذا نحرق اي مركب عضوي حرق غير تام يكون الناتج ماء+ احادي اوكسيد الكاربون ،تمام..
٢-مختبرياً بعدة طرق
١- سحب الهالوجين من هاليد الالكيل
خطواتها ثابتة
الي عندي هو الكين ف اول شي اضيفله هاليد Xالي هو (cL,Br..)
بعدين نسحب X+H طبعا الـ H الي مرتبطة بذرة الكاربون فـ لازم اعوض النقص واضيف اصرة ثلاثية وهيج حضرت الكاين

الطريقة الثانية نحضر من الكاين الكاين ثاني بس بعدد ذرات اكبر
خطوات ثابتة اول شي نفاعل الاستيلين ويا الصوديوم او امين الصوديوم ف نحصل الستيليد الصوديوم نرجع نفاعله ويا هاليد الالكيل RX
ف يكون الناتج الكاين +R وكذلك الـ الصوديوم ح ياخذ X فـ يكون (NaX)

الطريقة الثالثة نحضر الكاين من هاليد رباعي (لازم يحتوي ٤ تفرعات هالوجين )
اول خطوة افاعله ويا٢ الخارصين ف الخارصين ح يسحب الهالوجينات الاربعة يبقى عندي فقط ذرات الكاربون تعاني نقص بعد ما سحبت منها الهالوجينات فـ اعوض النقص واضيف اصرة ثلاثية وهيجي صار عندي الكاين

وصلنا للتفاعلات
١- تفاعل اضافة الهيدروجين وتكون عندي الاضافة بطريقتين حسب العامل المساعد
اول طريقه من اضيف لـ الالكاين عامل مساعد Na،Li ح تكون عندي الاضافة بطريقة الـ trans
واذا العامل المساعد H2 تكون الاضافة بشكل الـ cis

وعدنا بهذا المثال 3-Hexyen
اول شي العامل المساعد Na طبعاً لازم بوجود الامونيا السائل ف تكون الاضافة بشكل trans مثل مدشوفون يعني نضيف ذرتين الهيدروجين بشكل متعاكس ونضيف المجاميع الي عندي والي هي هنا الاثيل C2H5 بشكل متعاكس ايضاً
وثاني شي عندي العامل المساعد H2 فهنا ح تكون الاضافة Cis

التفاعل الرابع للالكاينات هو اضافة جزيئة مي للالكاين بوجود العامل المساعد هو حامض الكبريتيك وكبريتات الزئبق هنا بالمثال عدنا الاستيلين اضيفله جزيئة مي جزيئة المي تتكون منH2O يعني H_O_H اضيفها الى الاستيلين بوجود حامض الكبريتيك وكبريتات الزئبق كعامل مساعد نضيف ذرات هيدروجين جزيئة المي لاحد ذرات كاربون الاصرة الثلاثية ونضيف ذرة الاوكسجين بجزيئة المي الى ذرة الكاربون الثانية للاصرة الثلاثيه فتنكسر الاصرة الثلاثيه باعتبار ضفت ٣ ذرات اثنين هيدروجين ووحده اوكسجين وتتحول الى اصرة مفردة فيتكون استيل ديهاليد

التفاعل الخامس هو تشكيل استيلات المعادن الثقيلة هنا باول مثال الاستيلين مكون من ذرتي كاربون بيناتهم اصرة ثلاثيه شرط ان تكون ذرتي كاربون الاصرة الثلاثية او احدهما تكون طرفية يتفاعل مع ٢ من ايون الفضه بوجود الكحول كعامل مساعد فيحصل استبدال الفضه تحل محل ذرتي الهيدروجين المرتبطة بذرتي كاربون الاصرة الثلاثيه ويزيح ذرتي الهيدروجين فيتكون استيل الفضة + ٢ ايون الهيدروجين
المثال الي بعده هو البروباين مكون من ٣ ذرات كاربون بين ذرتي الكاربون اصرة ثلاثيه تكون احد ذرات كاربون الاصرة الثلاثية طرفيه تتفاعل مع ايون امونيا النحاس فيحصل استبدال ذرة النحاس تحل محل ذرة الهيدروجين لذرة كاربون الاصرة الثلاثيه فيتكون مثيل استيل النحاس وذرة الهيدروجين ترتبط مع احد جزيئة الامونيا فيتكون ايون الامونيوم وينتج امونيا

التفاعل السادس هو تشكيل استيلات الفلزات القلويه
شرط ان يكون احد ذرتي كاربون الاصرة الثلاثية او كلا ذرتي الكاربون يكون طرفي
هنا باول مثال الاستيلين مكون من ذرتي كاربون طرفيه بيناتهم اصرة ثلاثية يتفاعل مع الصوديوم بوجود لكود امونيا يعني امونيا سائلة كعامل مساعد ح يحصل استبدال الصوديوم Na يحل محل ذرة الهيدروجين مكون استيليد الصوديوم ونصف جزيئة هيدروجين
المثال الثاني الكاين الي هو البيوتاين مكون من ٤ ذرات كاربون تكون احد ذرتي كاربون الاصرة الثلاثية طرفيه تتفاعل مع امين الصوديوم NaNH2 بوجود الايثر كعامل مساعد يحصل استبدال ذرة Na الصوديوم تحل محل ذرة الH الهيدروجين المرتبطة بذرة كاربون الاصرة الثلاثية الطرفيه فيتكون صوديوم ايزوبروبيل استيليد وذرة الهيدروجين تحل محل ذرة الصوديوم الي بالمركب NaNH2 مكونه الامونيا

حموضة الالكاينات ،حامض ضعيف جدا
موجود هذا المثال الي هو استيلين يتفاعل مع الصوديوم فيتكون استيليد الصوديوم +نصف جزيئة هيدروجين يعني حصل استبدال ذرة Na محل ذرة الهيدروجين
المثال الي بعده هو ١_ بيوتاين يكون الكاين طرفي يتفاعل مع ايون الفضة Ag فيحصل استبدال الفضه محل ذرة الهيردوجين المرتبطه بذرة كاربون الاصرة الثلاثيه فيتكون استيل الفضة بعدين يتفاعل مع حامض النتريك الي هو حامض قوي فيستبدل ذرة الهيدروجين بذرة الفضة ويتكون ١_ بيوتاين + ايون الفضة Ag هذا لاثبات حموضة الالكاينات شرط ان تكون احد ذرتي كاربون الاصرة الثلاثية طرفية
المثال الي بعده هو ٢_ بيوتاين لاتوجد ذرة كاربون الاصرة الثلاثية طرفيه وانما بالوسط فمن يتفاعل مع ايون الفضه لا يحصل تفاعل بيناتهم لان لايوجد الكاين طرفي