بيها شهادات معترف بيها وتفيد كخبرات بعد التخرج

المنارة شنو صايرة عدكم ازمة بالبايو 😂💔

فقرة المعلومات

⭐️اشياء لازم نعرفها اخذناها بالعضوية وفارما

⭐️ الرسبتر هو تركيب بروتيني او انزيمي يجي العلاج ويرتبط بيه حتى ينطي استجابة دوائية تاثير علاجي بس شرط لازم يكون good fit يكون شكل العلاج الي يصنعوه مناسب لشكل الرسبتر مثلا اذا العلاج مثلث فهو يشتغل ع رسبتر مثلث واذا كان مربع فيشتغل ع رسبتر مربع
يعني العلاج كلما كان good fit كلما ينطي استجابة دوائية اسرع


⭐️ال prodrug هي ادوية غير فعالة من تدخل للجسم وتعاني عمليات امتصاص وتوزيع وايض تتحول الى فعالة وتنطي تاثير علاجي

⭐️ اكو ادوية تكون entric coated tablet

معناها ادوية مغلفة مثل ادوية ppi يغلفوها حتى متتاثر بحامضية المعدة لان هي تمتص بوسط قاعدي بالامعاء ph مالتها عالية اكثر من7 مو بوسط حامضي المعدةph مالتها قليلة اقل من 7
تمتص تنحل بالامعاء وليس المعدة

⭐️فغلفوها حتى ماتنحل بالمعدة لان اذا انحلت وامتصت بالمعدة ممكن تسبب تقرح بالمعدة او ممكن حامضية المعدة تاثر عليها وتلغي فعاليتها وبالتالي المريض من ياخذها ميستفاد منها

💨عدنا مصطلحين العدوى والالتهاب شلون نميز بيناتهن

⭐️العدوى infection هو غزو احتلال البكتريا او الفيروسات ،فطريات للجسم وتتكاثر داخله اكو منهم ضارة واكو نافعة
اي معناه الإصابة بالأجسام الممرضة التي تدخل جسم العائل وتتكاثر فيه وتسبب مضاعفات وأضرارا مختلفة وغالبا ما تكون العدوى مؤقتة وتختفي بعد علاج الحالة
العدوى فتنتقل عن طريق لمس الأجسام الملوثة، أو تناول الطعام الملوث، أو التعرض للدغات الحشرات، أو عن طريق الجسيمات الموجودة في الهواء

💨اعراض العدوى

أعراض تدل على الالتهاب.
ارتفاع درجة حرارة المصاب.
فقدان الشهية.
تعب وإعياء عام.
إسهال.
قشعريرة.
إفرازات قيحية أو صديد.
طفح جلدي

💨التشخيص يتم عن طريق معرفة اعراض يعاني منها المريض ويسووله فحوصات ياخذون عينة من الجزء المصاب كالدم أو البول أو السائل النخاعي وغيرها لدراسته وتحديد وجود أي مسببات للعدوى أو وجود الأجسام المضادة له


💨تعالج العدوى بالمضادات الحيوية antibiotic

⭐️اما الالتهاب inflammation هو استجابة الجسم الوقائية للعدوى اي دفاع الجسم ضد العدوى اي هو رد فعل من الجهاز المناعي في الجسم بعد التعرض للعدوى أو لمرض ما والهدف منه حماية الجسم ويوجد نوعان منه حاد أو مزمن يستمر لعدة أشهر وطبعا الالتهاب مايعدي

💨 اعراض الالتهاب

تورم وألم في المنطقة المصابة.
احمرار في المنطقة المصابة.
حرارة أو الشعور بدفء في المنطقة المصابة.


💨التشخيص ع الأعراض التي ييعاني منها المصاب وإجراء مجموعة من فحوصات الدم التي تتضمن فحص البروتين التفاعلي (CRP)، وفحص معدل ترسب كريات الدم الحمراء (ESR)

💨العلاج
يعالج الالتهاب بالأدوية مثل مضادات الالتهاب اللاستيرويدية كالإيبوبروفين، أو حقن الستيرويد في المناطق الملتهبة

احنا الي نعرفه الدواء من ناخذه هاي انطى كبل انطى مفعول وخلص بس هو يمر بعمليات تسمى رحلة الدواء بالجسم

https://youtu.be/HDHsUJstE84
هذا فديو يوضح رحلة الدواء بالجسم
فارما

بس تشوفوه شوي وانزل شرح عليه

⭐️تأثير الجسم ع الدواء الي يسمی pharmacokinetics رحلة الدواء بالجسم نجي نتعرف عليه

الدواء من نتناوله راح الجسم ياثر عليه بعمليات عدة منها :
⭐️ اول عملية الامتصاص absorption :- الدواء راح يمتص من يدخل للجسم الى مجرى الدم البلازما والامتصاص يصير بالمعدة أو الامعاء اکو دواء يكون امتصاصه سريع واكو يكون امتصاصه بطيء هذا يرجع حسب خصائص وفیسولوجي الدواء مثلا من يكون حجم جزيئات الدواء صغيرة يكون اكثر امتصاص من الكبيرة ، الدواء كلما تزداد جرعته dose يزداد absorption
اكو ادوية تمتص بالمعدة وسط حامضي واكو ادوية تمتص بالامعاء وسط قاعدي مثل enteric coated tablet واكو ادوية تمتص بالفم مثل حب تحت اللسان

⭐️كذلك lipid soluble

احنا نعرف غشاء الخلية يكون phospholipid فالدواء من يكون non ionized غير مشحون ممكتسب شيء من الخارج مو قطبي راح يعبر ويمتص بسهولة لغشاء الخلية ويكمل العمليات الأخرى بينما من يكون ionized مشحون قطبي راح يخلي المي يتجمع حول الدواء من الوسط الموجود بيه فمراح يمتص

⭐️كذلك تأثير pka فالدواء إلي يكون حامضي PH اقل من 7 والوسط حامضي راح يمتص مثل الاسبرين كذلك من يكون الدواء والوسط قاعدى يمتص نفس معاملة non ionize يعني متشابهات يمتصن بينما من يكون مختلف مثلا دواء حامضي ووسط قاعدى مراح يمتص

مثال عدنا الأسبرين pka مالته حامضي فراح يمتص بالمعدة لان حامضي لهذا السبب يسوي مشاكل بالمعدة وياثر عليها يسوی peptic ulcer

لهذا السبب اذا المريض عنده قرحة معدة بسبب الاسبرين وميكدر يعوفه لان عنده ذبحة فينطوه وياه ppi

⭐️ثانية عملية هي Distribustion التوزيع بعد ما امتص الدواء راح يتوزع من مجرى الدم الى الانسجة والخلايا

⭐️احنا نعرف انو الدم بيه نسبة کلش جبيرة من البلازما وهذه البلازما بيها عناصر منها البروتین فجزيء الدواء يجي ويرتبط ببروتين البلازما ويصير ماله فائدة للوزيع لان يكون inactive, non distributed, non metabolism, non excereted وبسبب ضعف الرابطة بين جزيئ الدواء والبروتين فمراح يبقى لفترة طويلة مرتبط بيه راح تنكسر ويصير جزيء حر ويكون ,active, distributed, metabolism ,exceretet

المصدر

⭐️ثالث عملية هي الايض metabolism
هنا يصير ربط فارما وعضوية وعقاقير

معناه انو يصير تكسير للعلاج بعد ماامتص وتوزع للانسجة يجي يروح للكبد حتى يصير تكسير اله لان العلاج بيه مواد فعالة وغير فعالة فيتكسر حتى يتحلل الى active وinactive اخذناه عقاقير كورس اول ع الكلايكوسايد بيه جزئين glycone الفعال وaglycone غير الفعال
مادة فعالة نستفاد منها ومادة غير فعالة مانستفاد منها وتطرح خارج الجسم

⭐️احنا نعرف الادوية الي ياخذها الجسم تكون lipophilic لان غشاء الخلية دهني فمن تدخل للجسم متكدر تطرح للخارج وتتراكم لان مو مائية فهنا بmetabolism يحولها من دهني lipophilic الى مائية hydrophilic حتى يكدر الجسم يتخلص منها يطرحها للخارج عن طريق الكلى وurine وهذا اخذناه بالعضوية كورس٢

⭐️اكو ادوية prodrug الي هي تكون غير فعالة بس من تدخل للجسم ويصيرلها metabolism تصير فعالة

⭐️هذه العملية تصير باهم عضو الها هو الكبد لان بيه انزيمات مسؤولة عن تقليل سمية الادوية لان كل الادوية هي سامة فالكبد يقلل من سميتها بواسطة انزيماته الي اهمها هو CYP450

⭐️اكو اعضاء اخرى تصير بيها هالعملية مثل الامعاء والرئتين وغيرها بس افضلها واولها هو الكبد

⭐️الادوية الي تؤخذ orally ويصيرلها metabolism راح تقل فعاليتها هو قبل metabolism تكون فعاليته عالية بس من صارله ايض بالكبد قلت فعاليته لان مر بعدة عمليات
مثلا شخص اخذ براسيتامول جرعته 400mg قلت فعاليته لل200mg بسبب مر بعمليات امتصاص وتوزيع وتكسير راح للمعدة نوب للكبد يلا وصل للدم فقلت فعاليته عكس ادوية بشكل حقن IM ,IV ,SCهذن تروح مباشرة للدم ومتعاني من عمليات تكسير

⭐️اخذنا بالعضوية كورس ٢ يعتبر الكبد first bass effect للعلاج قبل مايوصل للدم كلنا انو الادوية ال orally تقل فعاليته من تمر بالمعدة والكبد تعاني first bass effect لذلك اكو ادوية مثل lidocaine ما ينطوه بشكل orally حتى ميتاثر بfirst bass effect بالكبد
ودواء Nitroglycrine ينطوه تحت اللسان bucallyلنفس السبب

⭐️رابع عملية هي الاخراج Exceretion

بس يخلص شغل الدواء يتم طرحه للخارج مايبقى بالجسم لان سام مجرد نستفاد منه يقلل ويعالج مرض معين فيطرح عن طريق kidney مع urine بشرط أن يكون الدواء قابل للذوبان بالمي توجد أعضاء أخرى أيضا لطرح الدواء مثل المرارة

⭐️تختلف فترة بقاء الدواء بالجسم من دواء لاخر أكو يبقئ ساعات، يوم ، ایام ، اشهر ، سنوات

المصدر

لهنا كافي ع غير يوم نكمل

نتائج الثانية نزلت 😂💔

شهل دراما دنزلوهن وفضونه 😂😂

جملة تخوف 😂😂

الفارما 😂😂😂😂😂😂😂

#تذكير

🔴 تنطلق امتحانات الدور الثاني لطلبة الجامعات والمعاهد يوم 23/8/2023 اي بعد 47 يوماً.
ممكن اكو كليات تحدد قبل او بعد التاريخ المذكور بايام قليلة.

‌عالم الصيادلة - Pharmacists world