هذن توضيح اكثر للايزوستيرزم هذا الموضوع هو زبدة المحاضرة ال٥ مااعتقد البداية مهمة

https://t.me/organicPharmChemistry_3rd/496
هنا بالقناة شارحين عضوية تقريبا نفس المادة بس فرق شكم صفحات شوفوها اذا تردون تدرسون عليها فويزات ماتفهمون للكتابة واني اكمل هنا كتابة اخلص هالمحاضرة

هنا شرح ع الجدول
عدنا احادي وثنائي وثلاثي
الاحادي يحتاج ارتباط واحد مثل ماموضح بالمثيل والهيدروكسيل وامين

الثنائي يحتاج ارتباطين يمين ويسار يرتبط بمجموعتين

الثلاثي يرتبط ب3ارتباطات واحد اصرة مفردة واحد مزدوجة يصيرن 3

هذن كلهن بخصوص vinylene من نستبدله بغير مركبات

عرفنا بالمرحلة الثانية المركبات heterocyclic الغيرمتجانسة الاروماتية الي يوجود بالحلقة ذرة او اكثر غير متجانسة مثل الاوكسجين الكبريت النتروجين وتصنف ثلاثية ورباعية وخماسية وسداسية اهمها الخماسية والسداسية

مثل الفيوران والبايرول وثايوفين وبريدين وغيرها هذن مركبات غير متجانسة اروماتية

يجي ال vinylene ويستبدل باحد الذرات بهذن المركبات يااما بالاوكسجين بمركب الفيوران او NH بالبايرول وهذا يؤدي الى تقليل الاروماتية بس تبقى هي isostrism متماثلة بالخواص فيزيائية وكيميائية
الغاية من الاستبدال انو المركب يحورون بشكله بتركيبه حتى يصممون ادوية جديدة بس من نفس الصنف متماثلة بالخواص

عدنا isostric pair
عنده شكلين هما steric and electronic تتمثل بايونات كاربوكسيليت وسلفوناميد وكيتون وكلورايد وسلفون وترايفلورومثيل

والي تكون divalent هن الامين والايثر والسلفيد هذن يختلفن بالشكل الالكتروني ويتشابهن بالنجمي steric فيكدرون يصممون منها ادوية جديدة

ايظاً المركبات اللي يمكن تغييرها عن طريق isosteric replacement ليش دنلجئ لهاي الطريقة اصلاً ؟

حتى نطور النظائر بتاثيرات بايولوجية جديدة .
او تعمل كمضادات لعمليات ايضية طبيعية.

📍اذاً الملخص من هذا الحجي isosteric replacement
احياناً ينتج الاستبدال المتساوي نظائر تعمل كمضادات ..
المصدر

هذا الجوة حجي شوية مالة داعي 😂😂
ديكللكم انو التفاعل اللي ديصير بين الانزيمات والرسبترات من دنسوي isosteric ديخلي drug more selectively..

هذن نفس ملزمتنا

قواعد lipinski
وضع هذني القواعد حتى يصنعون علاج معين فقبلا يبدون بالتجارب عليه يقيمون الخواص حركية الدواء والديناميكية عليه يشوفون الستركجر مالته هل يمكن ينوخذ اورل او ماينوخذ يشوفون الامتصاصية او النفاذية مالت العلاج

فاذا انرفض هذني القواعد ماينجح بالتصميم اما اذا نجح بهذني القواعد فيدخل بالتصميم ويجرون التجارب عليه

هذن القواعد تتضمن حساب الوزن الجزيئي للمركب شرط انو مايتجاوز 500 دالتون
شلون يحسبونه ورقيا ؟ من خلال الاوزان الذرية للعناصر بالمركب مثلا H2O الوزن الجزيئي اله عدد ذرات كل عنصر في الوزن الذري لكل عنصر في المركب فيكون
M.wt= 2×1+1×16 =18

ثانيا حساب معامل octanol/water لازم مايتجاوز 5

ثالثا يوجد اكثر من 5 رابطة هيدروجينية تكون donor يعبر عنها بمجموعات N_H و O_H
الي يكون donor هو الهيدروجين قادر يهب الالكترون مالته لذرة ثانية
اما الي يكون acceptor فهو نتروجين واوكسجين يستلمون الالكترون ويكون اكثر من 10

توضيح للعضوية

الأسئلة عبارة عن MCQs وترو وفولس الستركجرات مو حفظ وأنما تفهم كل مركب شجاي يصير وياه او شيتغير بيه مثلاً ويتحول لفلان مركب هيج اشياء اضافه التفاعلات والنواتج مالتها يعني لازم تعرف شنو يتغير بكل ستركجر علمود يتحول للستركجر الثاني وذا تذكرون اسئلة العضوية مالت الكورس الاول بالمرحلة الثانية نفس النمط تقريبا وعلى طاري هذا الامتحان هواي طاحوا شهداء بيه 😂😂😂وهل سنه يمكن تتكرر

هذا مثل بسيط

معليكم بالسؤال بس نفس الفكرة الي كالت عليها دكتورة يسرى

معناها Agonist : انو كل الدواء يرتبط مع الرسبتر مالته المخصص اله وينطي استجابة
جزيئة تنشط الرسبتر تفعله تشغله من يرتبط بيه يكون عنده خاصية الجذب affinity and high intrinsic activity

اما antagonist

فهي الدواء يرتبط بالرسبتر بس ما ينطي اي استجابة و يمنع اي دواء اخر يرتبط بالرسبتر الي هو مرتبط بيه يعني يريد المكان بس اله اناني مايخلي علاج ثاني ياخذه مسيطر وعنده خاصية جذب يعني ينجذب للرسبتر مالته بس ماعنده intrinsic activity

Affinity

هي خاصية تسمح للاكونست انو يرتبط بالرسبتر مالته تجذبه اله

Intrinsic activity

تسمح للاكونست انو يشغل الرسبتر مالته ويؤدي وظيفته

اكو عدة نظريات للرسبترات ضمنها

نظرية occupation
تنص ع انو شدة التاثير الدوائي تتناسب طرديا مع عدد الرسبترات الي يرتبط بيها العلاج
اذا ارتبط باكثر من رسبتر شرط مناسب اله ينطي شدة دوائية اكثر استجابة اكثر

هذه الاستجابة تعتمد ع عدة عوامل هي
كمية الجرعة
عدد الرسبتر المتوفر
ووالنشاط
كلما يكونن اكثر ينطن استجابة اكثر واحسن

اكو ادوية مجرد جرعة قليلة منها تنطي استجابة اكثر واكو لا بالعكس تحتاج جرع كبيرة يلا

النظرية الثانية
Rate theory

هذه النظرية توضح الفعالية العلاجية هي دليل ع ارتباط وتفكك العلاج مع الرسبتر
يرتبط بالرسبتر الخاص بيه ينطي فعالية دوائية استجابة ماارتبط برسبتر ماينطي استجابة

ومالها علاقة بعدد الرسبتر الي يرتبط بيه العلاج

النظرية الثالثة هي نظرية الحث الملائم indused fit

توضح عمل شغل الانزيم وsubstrate توضح انو الرسبتر الانزيم مو بالضرورة يكون بنفس الشكل او التشكل المتطلب للارتباط بالعلاج
وانما العلاج يصنعونه بشدل يلائم الرسبتر مالته

العلاج من يناوله الشخص ويتقرب من الرسبتر فراح تبدي تغيرات شكلية تحث العلاج انو يرتبط بالرسبتر ويبدي بالاستجابة الدوائية

مثاله هو اسيتايلكولين يتفاعل مع البروتين المنظم ويغير القوى الطبيعية المسؤولة عن استقرار البرروتين وتعيد ترتيب هيكلة الغشاء وتغير في تنظم الايونات

لذلك حسب هذه النظرية
ف agonist يرتبط بالتغيرات الشكلية وعنده intrinsic activity فراح ينتج استجابة

بينما antagonist يرتبط بالتغيرات الشكلية بس ماعنده فعاليةintrinsic activity مايشغل الرسبتر