Pharma Scope

بعيدا ع اسئلة البايو اليوم وصعوبة الوزاري
فاحلى واحسن شيء صار بيه هو التعاون بين كل الطلاب من كل الجامعات من شرح وملخصات حرفيا ابدعوا ابداع مو طبيعي هيج ضيعوا وقتهم وراحتهم في سبيل احنا نفهم المادة ومنواجه صعوبة بيها وكلشي جاهز كدامنا نلكاه ومانتعب ندور عليه ونضيع وقت فكلمة شكر قليلة بحقهم ومراح نكدر نردلهم هالشيء بس بالدعاء الهم بالتوفيق بكل خطوة بحياتهم وييسر امورهم ويحفظهم يارب ودوام الصحة والعافية الهم

بالعقاقير عبد الحكيم المبدع
ود.حسين اله فضل كلش جبير مادارسة عليه كلها تمدح بشرحه وايجابيته للطلاب وتحفيزه الهم خطوة حلوة منه
البايو الفريق الوزاري
ود.رشا الي اهتمت بالطلاب وماعافتهم
ود.شيماء
ود.اسامة
ود.علي احمد
واستاذ حسن وقناة الي تشرح كتابة
وقناة المخططات من اعداد اكرم
ووقنوات من الطاف صاحب الزمان بس الاسم كافي🥺
ومحمد تقي واخلاص وكل القنوات الي سوا اختبارات الله يوفقكم ويدوم روح التعاون مبدعين والله وينصرنا ع الوزاري
وكل طالب قدم ولو شيء بسيط
كلش شكرا ع كلشي قدمتوه بارك الله بيكم وان شاء الله باعلى المراتب نشوفكم

بخصوص اسئلة البايو لحد يلوم ع نفسه لان اسئلة صعبة وتحتاج تركيز ومراجعة وربط مواضيع والانتباه ع كلمة كلمة وهي مادة ضخمة وفترة قليلة ماتنضبط بيها انتو ماقصرتوا وسويتوا الي عليكم والي كدرتوا عليه واكثر الصوج والخلل مو بيكم وربي العالمين مراح يضيع هالتعب هذا ان شاء الله كلنا ننجح ويغيرون قراراتهم بخصوص الوزاري وشرط النجاح
ارتاحوا وعوفوا البايو ع جهة بعد امتحان وخلص من نلطم ونبجي مراح يرجعونا نمتحن من جديد ويجيبون اسئلة سهلة خلوها ع الله وهي تصفى
صح هواي تعبنا وكلش ضغط نفسي علينا مو طبيعي بالسادس مو هيج والله بس نتحمل شنسوي هذا مستقبلنا واحنا اخترناه واكيد الصعوبات هي تخليكم اقوى انتو كدها لتخلون وزاري وامتحان ياثر عليكم
كملوا امتحاناتكم البقية ولتخلون البايو ياثر عليهم بالتوفيق للكل ويارب كلنا نفرح وننجح

كُنَّاشة العقاقير