🦋قواعد بالتسميه 🦋

الكانات : 💜🌟🌟💜

🌟💚عدنا الكانات عاديه وعدنا الكانات حلقيه🌟💚

💚🌟العاديه : بيها حالتين اذا ماكو عليها تفرع مجرد نحسب شكم كاربونه وميحتاج نرقم مثلا ٦ ونكول هسكان

💚🌟اذا اكو تفرع واحد نختار اطول و نرقم من الطرف القريب للتفرع ونذكر اسم التفرع ورقمه وبعدين اسم السلسله الاصليه

اذا تفرعين ف نرقم من الطرف القريب للتفرع ونذكر اسم التفرع ورقمه حسب الحروف الابجديه مثلا برومو قبل كلورو وبعدين نسمي السلسله




💚🌟اكو اشياء يسموهن ايزومرات يعني المركب عنده نفس العدد مال كاربونات ونفس الهيدروجين اذا نحسبهن بس بامكانه يسوي اكثر من شكل وراح يقل بالميتلنك وبالبولينك بوينت ، الايزومر من يصير ،يصير المركب عدا التفرع الكيل يعني الكان ناقص H اوك ؟
عدنا اذا الكاربون ماعليها تفرع يعني سلسله مستمره يسمون المركب n يعني normal يعني عادي ماعليه تفرع
واذا على الكاربونه تفرع واحد يسموه iso .. واذا على الكاربونه تفرعين يسموه neo واكيد راح يتغير الاسم مال المركب بس اذا نجي نحسبه هو والتفرع يطلع نفس العدد مال كاربون وال H بالنسبه للمركب المستمر مثل اول مثال وهو اصله اللي جار عليه سهم .. وكلنا انو sec يعني ثانوي سيكندري وكلنا ال tert يعني ثالثي تيرشري

( البنتيل يسموه اميل )


🌟💚الحاله الثانيه اذا المركب حلقي من البروبان وهذا بي ٣ حالات :

🌟💜اذا ماعليه تفرع كبل نحسب شكم خط مثلا ٣ وقبل اسمه نكول cyclo مثلا ٣ خطوط يعني بروبان ف يصير cyclo propane


🌟💜اذا عليه تفرع واحد مانحتاج نرقم مجرد نذكر اسم التفرع بعدين اسم المركب الحلقي


🌟💜اذا عليه تفرعين هنا لازم نرقم من التفرع ياخذ رقم ١ والتفرع الثاني نشوفه شكد رقمه ونسمي حسب الابجديه الانكليزيه وبعدين نذكر اسم المركب الحلقي💜🌟

شون حله هذا؟

حليته هيج

5-iso butyl-2-methyl-4-propyl nonane

استفادوو

⚠️ملاحظة 🔔

الفرق، بين
Iso-
وبين
n-

بالتسمية القديمه للمركبات المعقدة (اقصد سلسله وبيها تفرع وهذا التفرع بي تفرع ثاني) مرات يستخدمون بادئات وهنه لتسميه الفرع وتفرعاته:

١) ن-n: اذا جانت السلسة لاينر هجي بدون تفرعات وحبشكلات ثانية😉...

CH³ - CH² - CH² - CH³ - - -
N-Butyl

٢) ايزو-iso: يسمون المركب بي اذا جانت ثلاثية، يعني تتصل وياها ذرات كاربون من ٣ جهات 😁.

CH³
|
CH³ - CH - CH² - - -
Isobutyl

٣) نيو-Neo: يسمون المركب بي، اذا جانت ذرة الكربون رباعية، يعني مرتبطه ب ٤ ذرات كربون اخرى، يعني ذرة الكربون الوسطى ما بيها H☹️، واجت بعدين البارنت جين وياها:

CH³
|
CH³ - C - CH² - - -
|
CH³
Neopentyl

٤) سيك-Sec: يسمون المركب بي، اذا جانت ذرة الكربون ثنائية يعني متصله بيها ب ذرتين كربون، والاتصال الثالث للبارنت جين.

CH³
|
CH - - -
|
CH²
|
CH³
Sec-butyl

٥) ترت-tert: وتتسمى بيها اذا جانت ذرة كربون ثلاثيه واتصل بيها البارنت جين من ذرة الوسط!

CH³
|
CH³ - C - - -
|
CH³
tert-butyl

🔴 الخطوط الثلاثة (- - -) اقصد بيها الاتصال وي بارنت جين.

فديو يخص المحاضرة الرابعه ملزمه ال dienes

وهذا هم يخص محاضره ال diene شوفوا ياهو تفهمون عليه .

هلاو شبابنا نبلش وياكم محاضره الداين 😀.
هذا السلايد شبي ؟!
هو مقدمه عن الداين احنا أخذنا الداين بمحاضره الالكينات انو اذا اكو اصرتين مزدوجه نخلي diene واذا ثلاثه أواصر نخلي triene والداين بصوره عامه هو جزء من الالكينات او هي عباره عن متتعدد الالكين أو عباره عن الكين مع أكثر من اصرة مزدوجه شلون متفهوموها فهموها 😂 .
نوت صغيره تكول : طريقة تسميه ال diene يجب أن الأواصر المزدوجه تأخذ اصغر الارقام .
مثلا عدنا هالمثال
CH2 = CH-CH=CH2
شلون حسمي ؟ نجي نرقم الأواصر المزدوجة وحتصير
1,3 _ Butadiene
واذا أكثر من اصرتين مزدوجة نخلي بدل diene نكتب triene .

السلايد نمبر 2 .
يكولك نكدر نصنف ال dienes الى ثلاثه اصناف اعتماداً على الاصرة المزدوجة.
نجي ست باي ستب .
Conjugate : تعني متبادلة ويعني أن تكون الاصرة المزدوجة موجوده وثم اصرة مفرده وثم أصرة مزدوجة .شنو هاي 😂.اجيكم بالمفيد يعني حتكون موجوده اصره مفردة واحد بين كل اصرتين مزدوجة وبهل الحاله أكدر اكول عليه conjugate.اؤؤكي
مثلا عدنا هالمثال.
_C=C-C=C-
فصل بين الاصرتين اصرة مفرده
نجي ع الصنف اللخ
Isolated:هذا نعني بي وجود أكثر من اصرة مفرده واحدة تفصل بين الاصرتين المزدوجه .
مثل
-C=C-C-C=C-
فصل بين الاصرتين أكثر من اصرة مفرده واحدة .
Cumulated: هذا حتكون الاواصر بيها متجاورة ما راح تفصل بينهن اصرة مفرده وتدعى بالالينات.
مثل
-C=C=C-
الاصره هنا جيران مافاصلة بينهم اصرة مفرده .

السلايد نمبر 3.😀
هنا تحضير وخصائص ال dienes.
اول طريقة ع حسب كلام الدكتورة
يمكن أن نحضر الداين من الألكانات بوجود الحرارة والمحفزات هنا راح اسحب ذرة هيدروجين واعوض النقص باصرة مزدوجة وتكدر تسحب من اي ذرة كاربون وباستمرار التسخين راح يعطى ال diene وينطي الداين المقابل نفس عدد ذرات الكاربون للالكان .
أما الطريقة الثانيه طريقة الكلايكول .
احنا سبق وأخذنا تحضير الالكين عن طريق الكحول من خلال سحب جزئية الماء بوجود الحرارة والحامض. وموقع الاصره المزدوجه يعتمد على موقع OH الموجود في المركب . مثل المثال الموجود بالسلايد .

عدنا الاضافه حتكون عدنا نوعين
1: اضافه 1,2
2' اضافه 1,4
عدنا الالكتروفيل نعني بي انو هو يمثل الجزء الكاشف الباحث عن الالكترونات .
عدنا بالمثال الموجود بالسلايد ضفنا Br2 تروح ذره بروم لعدد ذرات التي تحوي أكثر عدد H حتصير عدنا اضافه 1,2 حتكون داي برومو بنتين ونرجع نضيف Br2 مرة لخ وتروح لذرة الكاربون الثانيه اللي بيه اصرة مزدوجة وحتصير عدنا 1,2,4,5 تترا برومو بنتان .

عدنا هذا المثال مهم
CH2=CH-CH=CH2
اسمه 1,3-Butadiene
حنضيف مره Br2 وتصير عدنا اضافه 1,2 مره ومره لخ 1,4 مثل المثال بالسلايد القبله
ونضيف Hcl احنا ندري انو H يروح لعدد ذرات الكاربون اللي بيه أكثر عدد ذرات H و cl يروح للذره البيه عدد ذراتH أقل ونفس الشي تصير عدنا إضافيتن 1,2و 1,4
وباضافه H2 نفس الشي حيصير .

ذني قسم من تلخيص ملزمة ال dienes والقسم الباقي انشالله بأجر ينزل الكم 😶

هنا عدنا أضافة( H+) للdiene
مكيانيكية هذه الاضافة تكون كالاتي نضيفHالى احد ذرتي الكاربون الي بينهم اصرة مزدوجة ونضيف (+) الى الذرة الثانية يعني هنا شغلنا ع الاصرتين الي يرتبطون بواسطة اصرة المزدوجة وهنا المركب يكون diene يعني موجودة اصرتين
هسه نجي الى احد الاواصر نشتغل عليها فنضيف Hالى ذرة الكاربون المرتبطة بالاصرة المزدوجة ونكسر الاصرة المزدوجة ونضيف (+) الى الذرة الاخرى. ننضر الى المركب نشوف بعد (+) عن الاصرة المزدوجة الثانية فأذا كانت الذرة الي تحمل (+) مرتبطة بذرة كاربون وهاي ذرة الكاربون مرتبطة باصرة مزدوجة يعني ذرة الي تحمل (+) وبعدها ذرة مرتبطة بأصرة مزدوجة بذرة اخرى هنا الاضافة صحيحة اما الاضافة الي جوه تكون خطأ لان بين الذرة الي تحمل (+) والذرة الي مرتبطة بأصرة مزدوجة ذرة كاربون وهذا ما ينطينه شكل الاليل الي رايدينه الاليل شنو؟حسب كلام الدكتورة انو الشكل الي يينتج من اضافة (H+) للdiene اذا كان بصيغة اليل يعني ذرة تحمل (+) وبعدها ذرة مرتبطة بأصرة مزدوجة وهذا الشي الصحيح بهذه الاضافة وجوه الدكتورة موضحة شنو الاليل (ثلاث ذرات كاربون وحدة تحمل (+) واخرى يرتبطن بأصرة مزدوجة كذلك يجي بشكلين III وIV

#توضيح للاليل عبارة عن 3ذرات كاربون. اثنين يرتبطن بأصرة مزدوجة ووحدة تحمل (+) ويجي بشكلين اما ذرة تحمل (+) وبعدها ذرتين مرتبطات بأصرة مزدوجة
او ذرتين يرتبطن بأصرة مزدوجة وبعدهن ذرة تحمل (+) شوفو اخر سطر بهذا السلايد يوضح الشكلين

هذا السلايد يكول ضيف HBr لمركب
1،3- butadiene
و والاضافة حسب قاعدة 1،2 و 1،4
هنا منطينه درجة الحرارة فحسب درجة الحرارة نحدد النسبة. اذا كانت درجة الحرارة قليلة تكون نسبة اضافة حسب 1،2هي 80% وحسب 1،4هي 20% وبهذا المثال الحرارة (80-) اقل من حرارة 40 فعند 80- نضيف حسب 1،2 ونضيف حسب 1،4 بس 1،2 نسبتها 80% و1،4 نسبتها 20% اما عند درجة حرارة 40 تكون نسبة الاضافة. حسب 1،2 هي 20% وحسب 1،4 هي 80%
#الخلاصة انو بكل الحالات نضيف مرتين حسب 1،2 مرة وحسب 1،4 لاي مركب بغض النضر عن حرارته لكن عند الحرارة المنخفضة تكون نسبة اضافة 1،2هي 80% ونسبة اضافة 1،4 هي 20% اما بالحراوة المرتفعة. تكون بالعكس يعني 1،2 هي 20% و1،4 هي 80% (تحدد النسبة حسب الحرارة يعني اذا منطينا درجة حرارة نكتب النسب )