&&ثلث روايات& &

عدنه هوايه دمعات..بس ثلث روايات..ماتكفي لمصابچ
كون نسوي السنين..مجلس دمعه وونين..ونموت اعله بابچ

بالروايه الاولى لو بالثانيه
عالروايه الناس مدمع بانيه
ياروايه الناس هاي متانيه
يفترض ننصب عزا بكل ثانيه
ضلعچ انتي مكسور..لازم كل الشهور..نكسرلچ ضلعنه
اصلاً عدنه تقصير..من مصابج يصير..نملك بس دمعنه

ابد مايكفيني أون واتحسر
راح اجيبن بابي يم المنبر
خل يعصروني الخلگ حتى اگدر
أعرف شلون الضلع يتكسر
كون بصدري بسمار..حتى استوعب الصار..واتفهم عذابچ
منسمع بابچ جذوع..تنزل دم الدموع..واتذكر شبابچ

منسمع احچايه علي مولاتي
ريت خرجت نفسي وي زفراتي
استحي من اذرف الچ دمعاتي
والله عيب اتفاخر بلطماتي
باقي شله بعمره
الما بچه سنينه بمصاب الزهره
مايتسمه انسان..الماكو بصدره نيشان..من لطمت

بسم الله الرحمن الرحيم

السلام عليكم ورحمة الله وبركاته

متابعينا الكرام نضع بين ايديكم مجموعتنا المتواضعة
#قصائد_وألحان_في_رحاب_الحسين

مجموعه قصائد وألحان
في رحاب الحسين ع

👇👇👇👇

https://t.me/joinchat/AAAAAD6_c8icnURDB0f7Cg

القصيدة مع لحنها👇👇👇

https://t.me/Alphadli


قناة الحاج فلاح حسن👇👇👇

@alnnashirfalalhasan

للتواصل 👇👇

@sagadalphadli


ملاحظه : يسمح بإزالة الرابط محبة للزهراء عليها السلام واسم الشاعر امانة

على وزن اكتب عذابي


قصة حياتي امنياتي ذكرياتي
تشرحها الك ياابا الحسن لحضة وفاتي
لا تهيج جروحي يزيد همي بنار دمعك
تعال اقرأ عالقبري انا مشتاقة ارداسمعك


***********************
يالكرار لا تحتار لو عالمغتسل عاينت لجروحي
حمره العين لاجل الدين اقرا اضلاع صدري شنهو الك توحي
هاي الروح فدوه تروح بس كون انت سالم يابعد روحي
الزهره تغيب لو ما اطيب ذبلانه وحزينه وسابحه بنوحي
عالمغتسل لو جردتني اصبر يحيدر
اعيوني حمرة وجم ضلع بيه التكسر
لا تخليني بحرارة لهفتي بدموعي اودعك
تعال اقرأ عالقبري انا مشتاقة ارد اسمعك
*****************

بدمعي تشوف. جالملهوف ياحيدر ونيني يصير نص الليل
مرضي طال وانابحال من ريح الهوه ظل جسمي وحده يميل
دمعي يسيل راح الحيل. بعد هيهات يرجع بيه ذاك الحيل
بالحسرات والونات اكضي الليل كله الويل بالياويل

لا عندي قوه ياعلي ويرجع شبابي
الله يعينك اصبر اتحمل غيابي

انا ادري بمحنتك عارفة ومقدرة وضعك
تعال اقرا عالقبري انا مشتاقة ارد اسمعك
***********************
عندي عتاب. يم الباب ليش بغمده سيفك وصابره ذاتك
طاح احجاب ضلعي انصاب وانا اصرخ يحيدر وين حملاتك

تصبر ليش سيفك جيش. مو يوم المنازل هاي عاداتك
الخندق بيك. تشهد اليك وي عمر بن ود معروفة صولاتك

بحبل الوصية تقيدت هايالزجيه
لولاها جا ارض اسمه انطبگن سويه
الصبر مر خاطبني وگتله لازم انا اجرعك
تعال اقرأ عالقبري انا مشتاقة ارد اسمعك
*********************
بالتوديع. لله اطيع. هاي اكبر وصيه لولدي من امهم
حيدر كون بالمضمون. قبل لا تلف جفني ولدي اريدنهم
هذا دين. حسن وحسين. لو طاحو عليه خلني اشمنهم
ادري الموت. يهدم بيوت هذا اخر وداع وارد اودعنهم
قصة حسن وحسين لو طاحو عليه
خليني اودعهم علي لا تصد اليه
ادري بهذا حالي وموقفي ودمعي يصدعك
تعال اقرأ عالقبري انا مشتاقة ارد اسمعك
------------------------------
كون بالليل وينجم سهيل. هاي اخر وصيه لو شلت نعشي
تبقئ تحوم ام كلثوم زينب ياعلي ويالنعش لا تمشي
تجر حسرات بالاهات دنيا بلايه ام ما تسوه الي كلشي
لسان الحال. الله الگال. زينب لوبجت ما يستقر عرشي
لو دمعه من عدها انزلت تبجي السماوات
وعرش الله انفاسه يجرها يقوم حسرات
ما اريد بجروح وضيم دلالي انا اوجعك
تعال اقرأ عالقبري انا مشتاقةارد اسمعك

-------------------------------

ابو احمد الصالحي

اتعنه ابحزن حامي الحمه الكبر الزجيه فاطمه
يازهراء يازهراء يازهراء يازهراء
ـــــــــــــــــــــــــــــــــــــــــــــــــــــ
ماتت البضعه فاطمه وبيت الوصي ايعيش احزان
وزينب والحسين وحسن كل كلب نار او أشجان
أبهاليله نامو والوصي تعنه الكبرهه اوحيران
اشتاق اعله شوفت فاطمه وماخذ ابجفه القران
وصب عالكبر مي اودمع وصاح أعله محسن والظلع
يازهراء يازهراء يازهراء يازهراء
ـــــــــــــــــــــــــــــــــــــــــــــــــــــــ
نزلت الروح اويه الدمع وناح الفك لام الطهر
شمعه علك يم فاطمه من نار كلبه المستعر
نفذ وصيتهه علي بصوته الحزين المنكسر
يم راس كبر ام الحسن يقره ايات امن الذكر
ويسمع ونين امن اللحد للزهره من نار الفكد
يازهراء يازهراء يازهراء يازهراء
ــــــــــــــــــــــــــــــــــــــــــــــــــــ
ابهالحاله لن يسمع علي من الكبر ونه تعتلي
تنشد الزهره عله الحسن وحسين كلي يالولي
كلهه سبطينج اصبحوا بيهم حزن ماينجلي
وزينب اوكلثوم ابدمه مودمع عالخد ايهلي
ماكفو الون والنحب وماهنوا باكل اولاشرب
يازهراء يازهراء يازهراء يازهراء

وحيدر يخاطب فاطمه وروحه ابحزن متوجره
بعيني شفت يازاكيه محسن وكع فوك الثره
وعالمغتسل يافاطمه بيدي اهجست ياطاهره
ظلعج ابسمار انكسر وخدج الظالم صاطره
عني كتمتي هالخبر وحملتي آهات أوقهر
يازهراء يازهراء يازهراء يازهراء
ــــــــــــــــــــــــــــــــــــــــــــــــــــــــــ
ادريك نادت ياعلي ابكلبك جرح مايندمل
ودمعك يظل يابالحسن للموت لمصابي يهل
ماردت اخبرك بالظلع وايزيد من حملك حمل
ولوله وصية والدي محد لعد داري يصل
ناداهه من شفت الظلع وعينج احس كلبي انصدع
يازهراء يازهراء يازهراء يازهراء
ــــــــــــــــــــــــــــــــــــــــــــــــــــــــــ
نامت اعيونه اعله الكبر وشاف الزجيه الكرار
وشاف الحزينه ابياوضع ويمهه حزين المختار
ولن الوديعه نادته كوم ارجع اوكلهه الشصار
زينب من النوم اكعدت وموحش صبح بيهه الدار
ورد حيدر الداره ابحزن وبالباب لن زينب تون
يازهراء يازهراء يازهراء يازهراء
ــــــــــــــــــــــــــــــــــــــــــــــــــــــــ
تمت بعون الله تعالى
للشاعر الحسيني ثامر الكربلائي

الناشر الحاج فلاح حسن

لحن قصيده اتعنه ابحزن حامي الحمه
لشاعر ال محمد ثامر الكربلائي بصوت خادم العتره الطاهره مله سجاد البهادلي اللحن 👇👇👇

.. 🍀
من غربتي ... جيتك ومستحيه منّك هالمسيه
من غربتي ... خويه لا تنشدني عن بتّك رقيه
مدمعي اسيله ... وسفرتي طويله
ـــــــــــــــــ
الركبت انياكَ الهزيله ...جانت ابسفره طويله
وارد اخبرك خويه لجلك ...دمعي من شوكَي اسيله
عكَبك وعكَب ابو فاضل ... بحيره يا هو الاشتكيله
عن رقيه شرد اخبرك ... شرد اسولف للعليله
هل مصيبه ... جرح باقي بطول حزن الغاضريه
هل مصيبه ... الهاشميه اتصير يبن امس سبيه
جيتلك نحيله ... وسفرتي طويله
ـــــــــــــــــ
ها ينبراس الولايه ... عيلتك صارت سبايه
من الشمس يبني امي والله ... اتبدّلت حمره العبايه
يل متت ضامي عجيبه ... العلكَمي ما نشف مايه
ذيج رايه اعله الشريعه ... وآنه رحت ابلايه رايه
سلّبوني ... خويه واهل الشام صاحو خارجيه
سلّبوني ... من الشماته صرت اتستّر بديه
ياهو اشتكيله ... وسفرتي طويله
ـــــــــــــــــ
بسوكَ مرّونه الشماته ...الدهر تكتل نايباته
وكل طفل عالناكَه اشوفه ... من العطش تسعر لهاته
يصيح بدموعه الجريه ... وعينه تنظر امّهاته
وين ابو فاضل ندبنه ... خل يلف ضعنه ابعباته
يا بو فاضل ... خويه طبّينه لديوان ال اميه
يا بو فاضل ... الكاس بيده وانه مجتوفات اديه
اختك العقيله ... وسفرتي طويله
ـــــــــــــــــ
عيلتك لا ما رعوهه ... بالخرابه كعّدوهه
ومن بجت بتّك رقيه ... براس ابوهه سكّتوهه
ماتت ودمعتهه تجري ... خويه كلّش عذّبوهه
وبيدي وسّدت العزيزه ... والله اهلهه ما نسوهه
بالترابه ... بيدي وسّدت الحنينه بالوطيه
بالترابه ... وأكتبت هذا كَبر بنتك رقيه
ترابهه الاهيله ... وسفرتي طويله
ـــــــــــــــــ


خويه من تنشدني عنهه ... بكَلبي يلهب هسه ونهه
الشوفتك يالغالي والله ... ذابت بجمرة حزنهه
السوط خويه السوط كلش ... اكل من لحمة متنهه
وضربة الملعون وسفه ... ورّمت خويه جفنهه
والتراجي ... سلّباهه بلا رحم ابن الدعيه
والتراجي ... من بجت ما كَال عالطفله خطيه
يا هظم اشيله ... وسفرتي طويله
ـــــــــــــــــ
الشاعر محمد حسن ضيغم ..

ياسمه الله الما تحجبچ غيمة
الحرگ بابچ حلف يحرگ خيمة
وصي زينب باجر
قبل يوم العاشر
تدفن البسمار كون بهيمه
،،،،،،،،،
بابچ مگابل ضلع
يا عشگ حيدر يموت أصل العشگ
يندگ وما يندفع
ليش كل حيلة اعله ضلعچ ينطبگ
وية كل عين ودمع
رسمي زينب خيمة بألطف تحترگ
صوت باچر ينسمع
صدر بالباب وصدر من ينسحگ
نار بابچ لا تطفي بمايها
وصي زينب مِو محرم جايها
وصي حيدر بيها
خلي عينه اعليها
گليلة باجر مِو تصير ايتيمه
يا سمه الله الما تحجبچ غيمه
،،،،،،،
ابيتچ يطب اجنبي
وفاطمة شان الشرف من شانها
باب بيه ريحت عبي
واصل السابع سمة دخانها
بعد بيه بصمة نبي
وراسمه صورت علي ابيبانها
طاحت وتحبي حبي
اتگوم رادت والضلع ما عانها
حرگت چفوف النبي نيرانهم
جذع بابج چان من بستانهم
الباب مِو تقصيرة
چفوف وآدم غيرة
دفعته ودارت عليه الجيمة
يا سمه الله الما تحجبچ غيمة
،،،،،،،،،،
عيون گلبي ماغفن
دخان بابچ عامي عين البارحة
محترگة من هدمج ردن
الياوكت و تضل عباتچ طايحة
صرتي سالوفة ضعن
للطف احسچ وية زينب رايحة
عين والسطرة ومتن
سوط متنچ متن زينب جارحة
گلي للعباس عيني تشوفة
كون عمري ايطول ابوس چفوفة
الزهرة كون تريدة
حزام ضهر اعضيدة
انه اعرفة انترس غيرة وشيمة
يا سمه الله الما تحجبچ غيمة
............
ياندى خاوة النزف
الله گد ما حبچ اشكد دلّلچ
الحرگ بابج ماعرف
شكثر جبرائيل طاف ابمنزلچ
باب بيت ام الترف
كون مِو بسمار وردة اتصير الج
المثلچ ايشرف الشرف
ليش من سطروج ما فزعو هلچ
ورثي زينب دمعة وچم شوغة
انطيها خيمة وچم عباية وصوغة
هاي زينب هاية
انطيها جربة وراية
باچر ألطف ياهو يحمل ضيمة
يا سمه الله الما تحجبچ غيمه
............
دمع بعيونه انرسم
النار من حرگت اذيال اهدومها
الباب ما عندك رحم
حامل وام الحسن مِو يومها
صارت بعينة الخيم
شاف فاطم غارگه بدمومها
عثرة صارت للزلم
وندفن حدر التراب ارسومها
الباب ما يرحم عصرها بحيلة
اثر عطاب وحرگ با الشيلة
المهدي ياخذ ثارها
الشعل نار بدارها
باچر الحد كون ابنها يقيمة
يا سمه الله الما تحجبچ غيمة
،،،،،،،،،،
،،،،،،،،،..
كريم الدراجي

الناشر الحاج فلاح حسن

❦كــروبات منـبريون للالحـان❦

نزله للزهراء ع

عايش ابخيرﭲ.
بيش اوفيلچ.. يازهراء
+++++++++++++
من بركتچ انه للمجلس اطب
نظره منچ بيها رققتي الگلب
وحته لو اعوج تعدليني غصب
انه لو ما انتي دمعي مايصب
بمجلس اوليدچ.
عايش ابخيرچ. يازهراء
++++++++++
روحي طمعه يالكريمه بالعطاء
رايد اتصدر عزائچ بالبكاء
حرگه زيديني ودموع بكل عزاء
كربلاء ابكل كياني كربلائي
وضلعچ وعينچ
عايش بخيرچ. يازهراء
++++++++++
دعوه من مهموم بذنوبه ارتهن
ربي اجعل باطني نفس العلن
كون دمعي يوگع بچف ام حسن
بهيچ حاله ذنوبي حتماً ينمحن
ما الي غيرچ
عايش بخيرچ. يازهراء
++++++++++
اسمچ ابدگات گلبي ايتمتمه
فاطمه يافاطمه يافاطمه
انتي ليخدمچ يصير اشمعظمه
فدوه سجليني بكتاب الخدمه
بيني او بينچ
عايش بخيرچ. يازهراء
++++++++++
اتلث روايات اعله بابچ والضلع
اشويه مايكفني يالزهره دمع
اتمنه لو اتحوّل الطبع الشمع
او كلّي اذوب امنسمع الخد منصفع
اعظامي ابچيلي
عايش بخيرچ. يازهراء
++++++++++
لو شربت الماي اسلم عالگمر
وباب بيتي لو فتحته العن عمر
لعني ليزيد اعله كل ماي انذكر
بين هذا وذاك چم ضلع انكسر
ادري ماذينچ
عايش بخيرچ. يازهراء


ثائر الربيعي

متطفّلاً على الكوّاز العظيم "رحمه الله" , راجياً بذلك بعض بركاته نونيّته الخالده :


لَمَّا رَأتْ ذِئْبَاً يَجُرُّ سَـمَيْدَعا
خرَجَت تَسُحُّ مِنَ العُـيُـونِ الأدْمُعا
صاحت بصوْتٍ للرَّواسي صَدَّعا
خَـلّو اِبْنَ عمِّيَ أو لأكِشِفَ للدُعا
رأسي و أشكوا للإلهِ شجُوني

—---------—

لمْ تَـلْـقَ مَنْ تشكو لهُ مِنْ عِـلَّةٍ
أو مَنْ تَبُثُ له الأسى مِنْ غـُـلةٍ
فتَـوَجَّهت نحْوَ النبيِّ بِعَـوْلةٍ
وَ رَنَتْ إلى القَبْرِ الشريفِ بِمُقلةٍ
عَبْرى وقلبٍ مُكْمَدٍ مَحزُونِ

—---------—


أنَّتْ لوَكْـزِ سيوفِهم في جَنبِها
لهفي لغُربَتِها و قد حاطُوا بِها
حتّى إذا شَرَعَ اللّعينُ بضربِها
قالت وأظفارُ المُصَابِ بقلبِها
غوثاه قَـلَّ على العُـداةِ مُعِـيني

—---------—

غَدرُوا إماماً ليْسَ يُنكَرُ فضلُهُ
و خليفة الهادِي اُبيحَ مَحَلـُّهُ
أبتاهُ إنَّ الدِّينَ شُتِّتَ شَمْلُه
أبتاهُ هذا السَّامِرِيُّ وَ عِجْلُهُ
تُبِعَـا ومالَ الناسُ عنْ هارونِ

—---------—


بابي كـقَلبي في لظىً مُتَـوَقـِّـدٍ
مالي على طولِ البُكا مِن مُسْعِدٍ
يا ليت شِعري بعْـدَ فقْـدِ مُحمَّدٍ
أيَّ الرزايا أتِّـقي بتجلّـدٍ
هو في النوائبِ مُـذ حَييت قَـريني

—---------—


فِبِنا اِبتلى البارِي تعالى خلقَهُ
لكنَّ قوْسَ القوْمِ واصَلَ رَشقَهُ
فبأيِّ رُزءٍ أبتدي إن ألْـقَـهُ
فقدِي أبي أمْ غصْبَ بعلِيَ حَـقـَّـهُ
أمْ كسرَ ضلعِيَ أمْ سُقوطَ جنيني


—---------—

كيف اصطباري في الأسى و أنا التي
قد مِتُّ مِن بلوايَ قبَلَ منَيِّتي
آهٍ أأشكو لَوْعَتي أم غـُرْبَتي
أم أخذَهُمْ إرثي وفاضلَ نِحْلَتِي ؟
أم جهلَهُمْ حَقّي وَ قَـدْ عرفـُوني

الميرزا عادل اشكناني

الناشر الحاج فلاح حسن

لسان حال بنت استشهد والدها في الموصل تقول

مـــن شفته تابوته ذكرت ** قصة رقيه والطشت
ردت انه اموت وما متت ** ويـــلي عليــه
*******************************
ما عندي غيره بدنيتي ** مفضلني جان اعله خوتي ** يحبني وحبه
من الباب جنت استقبله ** واندهله يا ميت هله ** يضمني اعله كلبه
اه يا عذوبة نبرتــه تتناغم ويحساسي
راسه ابد ما دنكه بس اعله بوست راسي
-------------------------------------------
بجفوفه شعري يمشطه ** اعيونه الي فراش وغطه
وبجاله حيل ادللت ** ويلي عليه
********************************************************
يشد حيله جان بضحكتي ** عيونه اتبده لشوفتي ** ناذرلي عمره
شايلني بمتونه حرز ** من نومي يركض لو افز ** اغفه اعله صدره
من امي يغار وينزعج لو شافها تلاعبني
حب الشريفه للستر هيج انه ابوي يحبني
--------------------------------------
رازونه تنضح بس دفو ** يعينه الله المفارك ابو
سألوني انه تعذبت ** ويلي عليه
**************************************************
مو نكطه ابوي بكصته ** دجله وفرات بجبهته ** اه يا حميته
يستنكي لانفاسي الهوه ** لو شح عليه مر الضوه ** شمعه لكيته
سألو عليه مره وبجه جاوب اموت بدونها
تعبي وشكه سنين العمر فدوه ونذر لعيونها
-----------------------------------------
يتكسر بحضنه البرد ** ما خله هيبه للورد
من دون ابوي انه اذبلت ** ويلي عليه
*****************************************************
بعيونه راسملي صور ** جنت انه عن ممشه شهر ** عطره اشمه
نجمه وبقيت بلا سمه ** طيفه ابدموعي ارسمه ** ولصدري اضمه
---------------------------------
عافيتــــــي هسه اطشر والوادم اتلم بيها
الريشه ابد ما تنثني من انتجي انه اعليها
-------------------------------------------
ايطيحني لو مرني الهوه ** جني يتيمة نينوى
ولكبره روحي تيسرت ** ويلي عليه
**********************************************


انه ورقيه تواردت ** بس الفرق جان الطشت ** وديوان اميه
ولا دمعي مثل ام الحزن ** ولا سوط يلعب عالمتن ** كطع اديه
---------------------------------
بس اعتبرها سلوتي وبيها من انوح اتصبر
وانسه ابوي وقصته وابجي اعله ذيج الخدر
-------------------------------------------
لاخذوهن ابسوط وزجر ** ويزمخ عله رقيه الشمر
مثل السبيه ما شفت ** ويلي عليه
************************************
الخادم// حيدر الشويلي

فضه صاحت وبحزن ياعلي حامي الحمه
مدري عالمحسن اون لو اون الفاطمه
حركوا الباب يحيدر
ـــــــــــــــــ
صوت صاحت والمدامع تجري منهه
هاي فضه لو تناشد انت عنهه
كعدت اعله الكاع حيل وزاد ونهه
وآيجمرات الرزيه الي جونهه
والمدامع هامله بخدهه ياحيدر علي
تسمع الزهره تون بداري ماواحد الي
حركوا الباب يحيدر
ـــــــــــــــــ
حيره ياكرار حيره بهل فجيعه
كوم والحك فاطمه يصل الشريعه
انصاب ضلع ام الحسن هاي الوديعه
ياعلي بعيني اصبحت ضيكه الوسيعه
بعيني شفت ام الحسن صوبوا منها الضلع
وي دمعها الي جره ضل يصب مني الدمع
حركوا الباب يحيدر
ياعلي وشفت المصيبه الي دهتني
من سكط محسنها يالوالي افجعتني
اتصيح يافضه المصيبه روعتني
منين هاي المحنه والشده لفتني
طاح محسن ياعلي انصبغت العتبه بدمه
وانحنت ام الحسن آيلوعة فاطمه
حركوا الباب يحيدر
ساعه اونن عالزجيه ويجري دمعي
وساعه عالمحسن جمر يجويلي ضلعي
كابلت ام الحسن وبحركه انعي
وصار بس ابجي واونن هذا طبعي
بين ضلع ام الحسن والحمل ذاك الوكع
دمعي عالوجنه بألم والله يالوالي انطبع
حركوا الباب يحيدر
بعيني شفت الباب من وجروا ناره
وصحت ابو الحسنين لتدخلون داره
آية التطهير بس الهم مناره
ليش خليتوا دمه الزهره ايتجاره
وهي بنت المصطفى الشافعه بيوم الحشر
شنهو باجر للنبي انتوا تنطوا ياعذر
حركوا الباب يحيدر
ـــــــــــــــــ
الشاعر محمد حسن ضيغم

الناشر الحاج فلاح حسن


سجاد البهادلي:
بسم الله الرحمن الرحيم

السلام عليكم ورحمة الله وبركاته

متابعينا الكرام نضع بين ايديكم مجموعتنا المتواضعة
#قصائد_وألحان_في_رحاب_الحسين

مجموعه قصائد وألحان
في رحاب الحسين ع


‏https://t.me/joinchat/AAAAAEE5ALXv4e8T52aetw

قناة القصيدة مع لحن👇👇👇

‏https://t.me/Alphadli


قناة الناشر الحاج فلاح حسن👇👇👇

‏@alnnashirfalalhasan

للتواصل 👇👇

‏@sagadalphadli


ملاحظه : يسمح بإزالة الرابط محبة للزهراء عليها السلام واسم الشاعر امانة

بين دارج والخيم قصة عذاب.. والفرق عن الخيم مابيهه باب

يمه نارج ..هينــه ما حركت طفل

يمه جفج .. ما عرف جرح الحبل

جـــان بابج من خشب .. واتحـــول بهيئت خيم

بسمارج الكاسر ضلع .. عاشرني وتحول سهم

الذبح  محسن امس ذابــــح وليــــد الرباب

انت لوليتي عله بابج وهيه لولت عالتراب

دلولو .. انتي كلتيهه بحزن

دلولو .. تهظم الفكــدت ابن

ومحسنج يمه اندفن بعزة نفس .. شحال عبد الله البقه بحر الشمس

ومن بجيتي .. وعالولد دمعج يهل

وما مشيتي .. مجتفه وفوك الهزل

 

ما نختلف صـــــــح احترك .. الباب وتحــول جمر

ونتشابه احنه بهل الوضع .. عيوني وعيونج حمر

والفرق يمه الحصل انتي ما شفتـي السبي

ولاصعتي ناكه هزله ولامشيتي ويه أجنبي

وبالضعون .. ما كطعتي انت درب

والمتون .. زركـه والدم هم يصب

ولا غفيتي بليله ظلمه بلا صواوين .. ولامشيتي ولاكعتي بنص دواويين

يوم عاشر .. يــــــــــوم اهات وذبح

يوم عاشر .. يحرك بروحي الرومح

 

اتكسر بصدرج ضلع .. وبكلبج التــــم الزعل

الف وتسع ميه جرح .. عزبهن بروحه وقبل

بعيني شفته من وكع تفرهد بحيله الجراح

كوه يشك بالنفس والسهم بصديــــره طاح

يمه .. كبالي شفته عله الترب

يمه .. طـــــــــايح بولية غرب

     عينه تنظرلي شفت وكليبه حاير .. لحظه لن ليه اعتنت يمه الحوافر

جسمه التوه .. برفست خيــــــــول الكفر

بعازت هوه .. ابن امي مرضوض الصدر

 

اتوسلت بيهه ورد .. لكن ييمـــه عـــانـــــــدت

عوفي اخيي المنذبح .. اترفسه حيل وعانـــدت

ويه كل حافر شفت يمه وصله من الضلع

وذرو جسمه وذر وسلبوا منــــــــه صبع

كلفه .. الليل يلفـــــــي بــــــلا خيم

صلفه .. الشجره من صارت سهم

زين ضلعج يمه يتحمل عصر .. شلون عبد الله حمل ظيم الكسر

يمه جانت .. تشبك كماطه الرباب

نام يبني .. تلولي وتنيــم السراب

 

النار صلفـــــه وماتحن .. شو تـــــاكل بجلد الخيم

والسوط هم صاير وكح .. جم وصله من متني ثلم

كبال ابـــــوي المرتضى دمعتج جانت زعل

ودمعتي كبال الغرب ترست احساسي خجل

دمعج .. من ينزل ينشفــه علي

دمعي .. من ينزل بسوط انولي

شيعوج وعالكبر رشينه ماي .. وعالهزل اني مشيت بلايه راي

بعازت الحيل .. الوحيده بنص عـده

بهدوت الليل .. يفزز اجروحي النده

 

 

الخادم / احمد هادي الشيباني. الناشر الحاج فلاح حسن

الناشر الحاج فلاح حسن
لكل من انكر شجاعة الأمير في مسألة باب الزهراء ع
.
.

الدفع باب الولي خل يحسب احساب
خــلــف الـبـاب حـيـدر قــالــع الـبــاب
لــجـل الله ونبـــيه
علي حامي الحميه
تـَقـيـد بــالــوصـيه
قالع الباب

__________________________

النسه نفسه واجه وجاب الجماعه .. ماعنده عقل .. مافكر عدل
بالله امـنــين اجـته هــالشـجــاعه .. چا وينه قبل .. مافكر عدل

اذا هــوه شـجــاع وچــان يـگـــدر
شـو ظم راسه ليش ابـيــوم خيـبر
خلف الله اعله ابو الحسنين حيدر
قلــع باب الحـصــن ســـواه معــبر

علي من چان هوه بأول الجيش
انـته بالاخــير وتـرتجــف لــيش
الرجوله اعظم قضيه
علـي حامي الحــميه
تـَــقيـد بــالــوصـــيه
قالع الباب

___________________

اتَصفح وجــه تاريخ الاحزاب .. من ناده ابن ود .. ياهو المستعد
ولا واحد تنفس سكته الاصحاب .عليه محد يرد . ياهو المستعد

إلخــنـدق نــعــم تـتــذكــره زيــن
من صاح ابــن ود وين الـزلم وين
جيـش المـسلمين اتـگـول مـيتين
بيكم بخت گاعد چان ابو حسين

يالگاصــد البيــت الطاهــره اشـبيك
تسكــت لو انــسولف عــلى ماضيك
مــعــروفه الـهــويه
علي حامي الحميه
تــَقيـد بــالــوصـيه
قالع الباب

__________________________

يالصــدگت روحــك بالله يــَواش .. لالاتــنــدفــع .. انته والربع
ابمكان النبي ياهو الظل بالفراش .. وبذاك الوضع .. انته والربع

اصـلاً انــتو ماچــنتو بالاسـلام
ابذاك الوكت اتـعبدون الاصنام
على بـفراش ابن عمه النبي نام
وأبد بسيوف اهلكم چان ماهام

احـذرك يامن احـدودك تعــديت
تره بالبيت حيدر صاحب البيت
وميـــهــم بالمنــيه
علي حامي الحميه
تـَقـيـد بــالــوصـيه
قالع الباب

______________________

اريد اسئل الجايب قنفذ وجاي .. وين المرجله .. بهاي المسأله
علي لــو گــالك تتــقابل اوياي .. شتجاوب إله .. بهاي المسأله

شــتسـوي اذا الــفــقــار شــفـــته
انطلــعه الحچي لو لا يبقه سكته
الـروه وقــعة أحد گــال ابعهدته
قريب الشام واصــل ركــض انته

من تالي وكت تـتمــرجل اتــريد
تره ميــلوگلــك روح العب ابعيد
عـــن بيــت الزچيه
علي حامي الحميه
تـَقـيـد بــالــوصـيه
قالع الباب

__________________________

علي لو ما اموصه بالصبر چان .. ميجرؤن ابد .. بس منطي وعد
ابكثر مازعل طَـلع گلـبه دخـان .. گام ورد گعد .. بس منطي وعد

سمـع اصواتـهـم مـن حرگـو الـدار
اعيـونه اتجـادحـت منهـا طـلع نار
سيفه ايــسلـه لــو لا بقــه محــتار
وصبر بأمر ابن عـمه النبي المختار

علي لو ما اموصه بهذا السكوت
ماظلــت زلــم لاظــلــت ابــيوت
يگــلــبها الــوطــيه
علي حامي الحميه
تـَقيـد بــالــوصـيه
قالع الباب
__________________________
تمت والحمد لله في ٤ / ٢ /٢٠١٦
حيدر تركي الكربلائي. الناشر الحاج فلاح حسن