شباب من تراسلون الحسابات دزوا صورة الهويه او اي شي يثبت انك صيدلاني

لزمت كم واحد دخيل 😂

🛑 ملزمة دكتور ضياء للتدريب الصيفي للطلاب الي راحوا للخامس

🛑 ملزمة دكتور ضياء للتدريب الصيفي للطلاب الي راحوا للمرحلة الرابعة

التكمله👇🏻

أكو علاج يتكون من كومبنيشن من Domperidone و ppi

هذا العلاج مخصص حتّىٰ يعالج الجيرد
لأن المريض اللي عنده جيرد يصير مثل إسترجاع للمرئ وهذا الإسترجاع يعتبرونه غثيان فالشركات گالت خلي نجيب علاج يمنع هذا الغثيان اللي ديصير ونجيب ويا علاج يقتل الحامض حتّىٰ بالتالي نعالج الجيرد

فيعني domperidone يعالج الغثيان
والـ ppi تعالج الحامض

ندمجهم حتىٰ نقضي ع الجيرد 🌱

▪️prochloperazine

➖إسمه التجاري stemetil

➖عدكم هذا العلاج يروح ع الرسبتر مالت الدوبامين D2 يغلق الرسبترات بنسبه قليله ، طبعاً هالعلاج نستخدمه للتقيء و التقيء الشديد المستمررر وهالحاله نسميها Hyperemesis gravidarum

🔺بس هيچ ؟!
لا ، نستخدمه أيضاً كـ علاج نفسي Antipsychotic agent

➖الجرعه /

🌱tab. 5mg
🌱Ampoule: 12.5mg/ml

➖الآثار الجانبيه/ يسبب إسهال ونعاس وإكتئاب "هم العراقيين بلا علاج بيهم إكتئاب🫡" كذلك يأثر ع القلب ويسويلي hyperprolactinemia يعني يزيد إفراز البرولاكتين

شوفوا الدوبامين والبرولاكتين بينهم توازن بالدماغ ، عدكم الدوبامين يقيد إنتاج البرولاكتين🤧
هنا هذا العلاج يغلق رسبترات D2 يعني الدوبامين ميشتغل بعد وبالتالي يزداد البرولاكتين 🤷‍♀

هذا العلاج منصرفه للحامل
المرضعه يمكن يتواجد بنسبه قليله بالحليب لذلك يمكن إستخدامه لكن لفتررررره قصيررررره

لايصرف للأطفال تحت عمر السنتين
كذلك اللي وزنهم أقل من تسعه كيلوات

طريقه الإعطاء/

للكبار : 5mg ثلاث إلىٰ أربع مرات يومياً
للأطفال : 10mg نقسمها طوال اليوم إلى ثلاث أو أربع مرات

▪️Cinnarizine
هذا يغلق رسبتر H1 للـ vomiting centre و CTZ وهيج حنمنع الهستامين يشتغل

🔖الهستامين هو أحد النواقل العصبيه اللي تسبب اليقظه يعني يخلي للشخص نشط ونبه ومن نجي نقفله بالدماغ
المريض راح يطفي يصير خمول 😵‍💫

🔖الجرعه /
Tablet: 25mg
Capsule: 75mg

نستخدمه لـ motion sickness

🔖طريقه الإعطاء/

🌱للكبار: حبه او حبتين قبل ساعتين أو ساعه من السفره
بعدين حبايه كل 8 ساعات ع طول السفره
أكو ياخذون حبه قبل ساعه من السفر ويكرروها كل 6 ساعات هذي هم عادي 🦦

🌱الأطفال: من 5 سنين لحد 12 سنه ننطيهم نصف حبايه

🔖ركزوااا مننطي للحامل
Category c

طبعاً ملاحظه عدكم بحاله التقيء اللي يصير نتيجه دوار السفر أو اللي يطلعون مكان بعيد بسياره ذوله نگدر ننطيهم علاج إسمه scopolamine يعني إما نصرفلهم Cinnarizine أو scopolamine
لكن أكثر شي نصرف Cinnarizine لأن الـ scopolamine عنده تأثير ع الدماغ 🫡

▪️Dexamethasone

المرضىٰ اللي ياخذون علاج كيمياوي يصير عدهم تقيء بسبب الكيمياوي فنصرفلهم علاج Dexamethasone

طبعاً Dexamethasone يستخدم لإلتهابات المفاصل والجهاز التنفسي ويستخدم كذلك مع أدويه أخرىٰ مثل metoclopramide ، prochlorperazie ، loprazepam حتىٰ يعالج التقيء اللي يسببه الكيمياوي

▪️Doxylamine

🔖هذا العلاج بشكل كومبنيشن ويه فيتامين B6

🔖يعالج التقيء والغثيان للحامل

🔖طبعاً الحامل بدايه شهر الحمل يصير عدها تقيء وغثيان وهالشي نورمل تگدر تصرفلها pyridoxine اللي هو فيتامين B6

▪️Navidoxin

عباره عن كومبنيشن لـ meclizine+vitamin B6

يستخدم لعلاج التقيء والغثيان
يعتبر مضاد للهستامين وللمسكارين
يغلق رسبترات الأستيل كولين بـ الدماغ فبالتالي يعمل مضاد للتقيء

طبعاً هذا العلاج يكون آمن ع الحامل 🫡

▪️Diphenhydramine

إسمه التجاري الرمين Allermine
يستخدم للـ motion sickness

▫️يجي ع شكل ؛
🌱Tablet: 25mg
🌱Syrup: 10mg/5ml
🌱Ampoule: 10mg/1ml

▫️كيفيه الإعطاء/ حبايه أو حبايتين
ثلاث أو أربع مرات يومياً

خلص هالموضوع 🌱

شرحنه للسعال ضمن منهج التدريب الصيفي لطلاب الصيدله بصوره مفصله كلش

اليريد ينضم
يدز هويته لل
@train2025H ، @hanst70
واهلا وسهلا 🌹

🌱inflammatory bowel disease🌱

مرض إلتهاب الأمعاء المزمن يشمل

▪️Crohn's disease مرض كرون
▪️ulcerative colitis إلتهاب القولون التقرحي

▫️إلتهاب القولون التقرحي يصيب فقط الـ rectum و colon المستقيم والقولون
أما مرض كرون يصيب أي جزء من GIT

الأعراض اللي يسببها إلتهاب القولون التقرحي هي ؛

الإسهال ، ألم أو نزف بالمستقيم ، ألم بالبطن ، وجود دم مع البراز ، ميگدر المريض يتبرز ، فقدان الوزن

سببه / فيروس أو بكتريا بالأمعاء
وقد يكون وراثي

▫️الأعراض اللي يسببها مرض كرون ؛

إرهاق ، تعب ، صخونه ، إسهال ، تشنجات وآلآم في البطن ، وجود دم في البراز ، فقدان الوزن وتقرحات في الفم

سببه / فيروس أو بكتريا وقد يكون وراثي