السعال cough
هو وسيله دفاعيه للجسم لتطهير وتنظيف مجاري الهواء من الاجسام الغريبه والجسيمات العالقه


شلون يحدث السعال؟
عدنه رسبترات موجوده بالحنجره والبلعوم والقصبات والشعب الهوائيه

من يدخل جسم غريب مثل الغبار او البكتريا او الدخان وغيرها هاي الرسبترات راح تتفعل

وره ما تتفعل راح ترسل اشارات عن طريق العصب المبهم والعصب الحنجري العلوي الئ مركز السعال الموجود بالنخاع (جزء من الدماغ)

مركز السعال راح يسوي ردة فعل ويرجع استجابه للاشارات المرسله اليه عن طريق نفس الاعصاب
تروح الاشارات الراجعه للعضلات المسؤوله عن السعال (عضلات الحجاب الحاجز، عضلات البطن،عضلات الصدر)هذني العضلات راح ينقبضن سوه
وبنفس الوقت الحنجره راح تنتفح فجأه ويحدث السعال

بس هاي الاليه؟
لا
السعال من يحدث، بنفس الوقت راح تتحرك الاهداب الموجوده داخل القصبات وتدفع المخاط والاجسام الغريبه باتجاه البلعوم حتئ تطلع وي السعال

يعني
عندي سعال وياه حركة اهداب هذني اعتبرن وسيلة دفاعيه لطرد الاجسام الغريبه من مجرئ التنفس