"FarDU" futbol jamoamiz chempionat uchrashuvlariga tayyorgarlik doirasida navbatdagi g'alabaga erishdi 🔥

O'zbekiston Pro-ligasining navbatdagi qismiga tayyorgarlikni davom ettirayotgan Sergey Lebedev bosh murabbiyligidagi "FarDU" jamoamiz bugun Oltiariq tumanidagi "Imkon-arena" o'yingohida Farg'onaning "Neftchi" U-21 jamoasiga qarshi nazorat uchrashuvini o'tkazdi. Tomoshabop va gollarga boy o'tgan o'yinda vakillarimiz 3:2 hisobidagi irodali g'alabaga erishdilar.

Jamoamiz safida kiritilgan gollarga Abdulloh Olimov, Abrorjon Inomov va Murodxo'ja Jabborovlar mualliflik qilishdi.

Nazorat uchrashuvi.

🏟Oltiariq tumani. "Imkon-arena" o'yingohi.

❇️"FarDU"-"Neftchi" (U-21) 3:2

⚽️Gollar: Mujohid Olimov (12) 0:1, Mujohid Olimov (43) 0:2, Abdulloh Olimov (76) 2:1, Abrorjon Inomov (81) 2:2, Murodxo'ja Jabborov (87) 3:2

#futbol #tayyorgarlik #chempionat #omad #muvaffaqiyat #jamoa #FarDU

O'zPFL delegatsiyasi "FarDU" sport majmuasida amalga oshirilayotgan ishlarni ijobiy baholadi

Xabaringiz bor, Sergey Lebedev bosh murabbiyligidagi "FarDU" futbol jamoamiz joriy mavsumdan boshlab O'zbekiston Pro-ligasida ishtirok etmoqda. Shu bois ayni kunlarda jamoamiz uy uchrashuvlarini o'tkazadigan "FarDU" sport majmuasida zamonaviy talablar asosida bunyodkorlik ishlari olib borilmoqda.

Bugun O'zbekiston Professional Futbol ligasi maxsus ishchi guruhi "FarDU" sport-sog'lomlashtirish majmuasida o'rganish olib bordilar. O'rganish davomida delegatsiya tomonidan ushbu maskanda amalga oshirilayotgan ishlar ijobiy baholandi. "FarDU" futbol jamoamiz O'zbekiston Pro-ligasining navbatdagi tur uchrashuvlarini o'z maydonida qabul qilishi uchun ayni damda barcha jarayonlar jadal suratlarda tashkil etilmoqda.

#futbol #sport #bunyodkorlik #tayyorgarlik #omad #muvaffaqiyat #jamoa #FarDU

Bugungi mashg‘ulotlardan fotolavhalar 📸