ووتو وێژ لە گەڵ سەلاحی ئەحمەدی کوردی رۆژھەڵات ،خەڵکی شاری سەردەشت کە لە لایان پولیسی یونانە وە دەس بە سەر کراوەو .
#Pena #Salah_Ahmadi #سه‌لاح_ئه‌حمه‌دی #په‌نا

فێدڕاسیونی نێونەتەویی "پەنا" بۆ کوردانی رۆژھەڵات کە بە ھۆی زەخت و ستەمی ڕژیمی کۆماری سێدارە لە زێد و نیشتمانی خۆیان ئاوارە بوون و لە وڵاتانی تورکیا، یونان و سێربێستان پەناخوازن، رێکخراوە. بەو ھیواە کە بە ھاوکاری و دڵسۆزی ئێوەی خۆشەویست رێکخراوی پەنا ببێتە پەنایەک بۆ پەناخوازانی رۆژھەڵاتی.
لئژنەی بەڕێوەبەری پەنا
١١/٠٧/٢٠۲۱

ڕاگەیاندنی ڕێکخڕاوی جیھانی پەنا
هاونیشتمان و هاوزمانی هێژا
وه‌ک دەستەی بەڕێوەبەری رێکخراوی پەنا بەشانازی و دڵێکی پڕ له هیوا ڕادەگەیه‌نیین کە بۆ یە‌که‌م جار رێکخراوێکی یاساییمان وه‌ک ئێن جێ ئۆیه‌ک بۆ پشتگیرییه‌کی چالاکانه له په‌نابه‌رانی رۆژهه‌ڵاتی له وڵاتانی تورکیه، یۆنان و سێربێستان پێک هێناوه. ده‌مانه‌وێ به پێی توانا و وه‌ک ئه‌رکی سه‌رشانمان به هانای ئه‌و ئازیزانه‌وه بچین که په‌ریوه‌ی هه‌نده‌ران بوون و به داخه‌وه له‌و وڵاتانه‌دا تووشی دۆخ و ژیانێکی زۆر تاقه‌ت پڕووکێن بوون.
بە ڕواڵەت ئەگەرچی ڕێکخراوەکەمان ھێشتا ساوایە، بەڵام ده‌مانه‌و‌ێ به متمانەکردن بە یه‌کتر و به هیوای په‌یوه‌ست بوونی ئێوه‌ی ئازیز،به هیوای هاوکاری و هاودڵی ئێوه‌ی ئازیز، گه‌وره‌‌ی بکه‌ینه‌وه و به هه‌ره‌وزێکی هه‌مه‌لایه‌نه ببینه هۆی که‌متربوونه‌وه‌ی به‌شێک له ئازار و مه‌ینه‌‌ته‌کانی په‌نابه‌رانی هاوڵاتیمان.
هاوڵاتیانی خۆشه‌ویست، رێکخراوی پەنا بۆ ھیچ حیزب و لایانه‌نێکی سیاسی کار ناکات و سه‌ر به هیچ حیزب و لایه‌نێکی سیاسیش نیه. ئێمه ده‌مانه‌وێ په‌نایه‌ک بین بۆ هه‌ر تاکێکی کورد که وه‌ک په‌نابه‌ر له‌و وڵاتانه‌‌دا ده‌ژیت و پێویستی به یارمه‌تیمانه. هه‌ر بۆیه داواتان لێده‌که‌ین که پشتیوانی په‌نا بن تا به‌ڵکوو په‌ناش بتوانێ ببێته په‌نایه‌ک بۆ په‌ناخوازانی کورد له‌و وڵاتانه.
له‌گه‌ڵ رێز وخۆشه‌ویستیمان
ده‌سته‌ی به‌ڕێوه‌به‌ریی
پەنا
١٥جولای٢٠٢١

کاوه ئاهه‌نگه‌ری ئه‌ندامی ده‌سته‌ی به‌ڕێوه‌به‌ری په‌نا (بلژیک)

شۆڕش مۆحی ئه‌ندامی ده‌سته‌ی به‌ڕێوه‌به‌ری په‌نا (تورکیه)

مامۆستا ره‌سوڵ پێشنماز ئه‌ندامی ده‌سته‌ی به‌ڕێوه‌به‌ری په‌نا (کوردستان)

عوسمان ئه‌لیاسی ئه‌ندامی ده‌سته‌ی به‌ڕێوه‌به‌ری په‌نا (ئوسترالیا)

که‌ریم ئه‌ڵاوه‌یسی ئه‌ندامی ده‌سته‌ی به‌ڕێوه‌به‌ری په‌نا (نۆڕوێژ)