نسخة السكرتير هي نفسها، لكن تظهر التطبيق بشكل سهل جداً وباللغة العربية او الكوردية
مع صلاحيات محدودة جداً
• يكدر يضيف مريض جديد
• يكدر يضيف زيارة لمريض فقط
• يكدر يرفع صور التحاليل
• يكدر يحجز للمرضى بالتطبيق ويكدر يسجل المريض حضوريا
• باقي الميزات كلها ماتظهر للسكرتير، راعيت كون السكرتير احيانا لا يملك شهادة ولا معلومات تقنية
• التطبيق موجود عالايفون والاندرويد، حتى مهما كان جهاز السكرتير يدعمه

الحماية ( على مستوى Fable 5 ) والي ميعرفه، هذا مودل ذكاء اصطناعي اطلقته شركة كلاود ووقفته الحكومية الامريكية لأنه قادر يكتشف ثغرات داخل اي تطبيق بنكي او حكومي ويعرضه للاختراق، بعد توقفه لفترة والتعديل عليه تم اطلاقه من جديد بنفس القوة لكن محمي من الاستغلال، استخدمه لتعزيز حماية بيانات المرضى والعيادات
• الاشتراكات نوعين، اونلاين و اوفلاين، بنفس السعر
• الاونلاين يشتغل على كل الاجهزة
• الاوفلاين يشتغل على جهاز واحد فقط وجهاز سكرتير
• الاونلاين بياناتك تكون محفوظة على حاسبتك وعلى الكلاود ( شركات عملاقة مثل كوكل بمقابل مادي يحتفظون بالداتا ) لهالسبب التطبيق مو مجاني لأنه اني راح ادفع فلوس لكوكل مقابل هالخدمات
• التسجيل متاح على اجهزة الوندوز و الاندرويد اما الايفون والماك لازم ترسلي مسج عالخاص حتى اسويلك حساب، لأنه سياسة ابل ما تقبل انه الشخص يسجل مباشر و يدفع حساب الاشتراك باليد تريد عن طريقها، وعن طريقها يعني راح تاخذ دولار وتاخذ ضرائب، ف آني حتى اسكتهم، خليت امكانية تجديد الاشتراك عن طريقهم بس بسعر عالي حتى محد يشترك من خلالهم ( ما يستاهلون ) ، ممكن لاحقاً انزل السعر اذا صار مشتركين من غير دول بالتطبيق
• الحساب اذا انت سجلت مباشر، ف بعد ما تسجل اكاونت، احفظ البيانات ( الرمز الي ينطيه الك التطبيق) ودزلي مسج بإسمك الثلاثي و رقمك حتى افعل الاكاونت الك

هل التطبيق راح يتوقف لحد هنا بهاي الميزات ؟
لا .. الميزات القادمة ادهى ان شاء الله
هل التطبيق خالي من الاخطاء ؟
سبحان من لا يخطىء، الفترة التجريبية اسبوعين مجانية حتى اي خطأ نلاحظه اصححه، والتطوير مستمر بشكل اسبوعي لتصليح اي خطأ ما منتبه عليه

نجي عالجانب المو حلو 😂
الاشتراك الشهري ٣٠ الف
السنوي ٣٠٠ الف
سعر كشفيتين شهرياً 😁
نفس سعر احد التطبيقات المشهورة، لانه تكلفة خزن البيانات عالية

التطبيق موجود على
Windows store
بالرابط التالي

https://apps.microsoft.com/detail/9n7x8qmj34p9?ocid=webpdpshare&hl=en-US&gl=IQ

على
Mac
بالرابط التالي

https://apps.apple.com/us/app/shark-clinic/id6784841375 Shark Clinic

على
Ipad and iphone

https://apps.apple.com/us/app/shark-clinic/id6784841375

على اندرويد وتاب

https://play.google.com/store/apps/details?id=com.sharkers.sharkclinic

New Update Released for Android and Windows ( Pending MAC and IOS approval ) 1.0.6
- التسجيل بالتطبيق صار مباشر يدعم كل المنصات، بدون الحاجة للتفعيل من طرفي يتفعل الحساب
- تفعيل نظام المكافأة، اي شخص يشترك عن طريقك، اذا اشترك شهر تحصل ١٥ يوم زيادة على اشتراكك، واذا اشترك ٣ اشهر تحصل شهر زيادة على اشتراكك
- تفعيل نظام الكوبونات لسهولة الاشتراك، من خلال الموزعين، اشتراك لاول مرة لمدة ٣ اشهر بسعر رمزي
- اضافة ميزة طبع التحاليل المطلوبة من المريض على نصف ورقة A5 ، نفس التحاليل الي تسجلها اثناء ادخال البيانات تكدر تطبعها للمريض بسرعة
- تحسين الاتصال مع جهاز السكرتير، اذا اثنينكم عدكم انترنت راح تتصلون مع بعض واذا ماعدكم نت ( خلص الاشتراك مثلا) ما راح تتوقف العيادة، راح تتصلون مع بعض من خلال الراوتر فقط، والتطبيق يتولى هالشي تلقائيا ويظهرلكم علامة متصل ام غير متصل
- تفعيل الاشتراك من خلال كوكل ستور او اب ستور
- تحسينات وتصليح بعض الاخطاء السابقة

شرح تطبيق Shark Clinic

لمقيمين طب الاطفال، والصيادلة، برنامج Shark Medical الي كان بس للايفون، حالياً داخل برنامج Shark Clinic و للايفون والاندرويد
التطبيق مجاني
الي ميعرف شنو بيه التطبيق
بيه ادوات تساعدك اثناء عملك بالردهة
- تحضير انواع المغذيات بتراكيزها المختلفة
- تحضير الـ TPN خطوة بخطوة حتى لو ما تعرف شيء، وضفت له امكانية طبع اكثر من مريض حتى يستخدموها الصيادلة اثناء تحضيره بالخدج
- نتائج التحاليل الطبيعية للاطفال ( Reference values ) لكل الاعمار ومن مصدرين معتمدات
- الـ Growth chart ، واقعي مثل الاوراق الي بالاستشاريات تشوف النتيجة عليها وتكدر تطبعها ايضاً
- حساب الـ GFR, Surface area بمختلف الطرق الي تجي ببالك
- الفعاليات الحيوية وارقامها الطبيعية بالاطفال حسب العمر
- علاج الهايبو والهايبرنتريميا، مختلف المعادلات

ابحث بالمتجر عن Shark Clinic و سوي حساب جديد كمقيم او كصيدلاني و راح تكدر تستخدمه مباشرة.

صار نقاش على السيباب، وانه لازم يستخدم على طفل مرتاح تماما مو طفل تعبان ، الكلام مخالف للعملي الي نعرفه، ف كلت خلي ابحث اخاف العملي غلط واحنا متوهمين، طلع العملي صح، السيباب تستخدمه للطفل التعبان حتى يرتاح، اذا ما ارتاح يتحول فنتليتر

If the neonate is comfortable, with normal RR , why we need CPAP?
CPAP ( other than apnea of prematurity’s) is meant to support the neonate by providing PEEP , not meant to deliver controlled oxygen alone.

وحدة من المشاكل الصعبة الي يواجهها المقيم
هو التعامل مع حالات ال Neonatal jaundice
يا طفل يدخل ، يا طفل يطلع للبيت ؟
اكو جداول قديمة كنا نمشي عليها، وبعدها ب ٢٠٢٢ اجت جداول جديدة من الاكاديمية الامريكية لطب الاطفال
مشكلة هالجداول، احياناً الشخص ميعرف يستخدمها او ميدري بيها
قررت احل المشكلة داخل تطبيق Shark Clinic
الحل، على حد علمي، الاول على مستوى العالم بكمية الابداع والتفاصيل الي بداخله، يتخطى الاداة المعروفة bilitool
يمشي وياك خطوة بخطوة، يطلب منك عمر المريض الفعلي و الجنيني، ويسأل على عوامل الخطورة، حتى ينطيك القرار بالاخير
ويكولك شوكت تبدي علاج ضوئي، شوكت تبدل دم، واذا ردت تبدل دم، يجي السؤال المهم
يا فصيلة دم هي الافضل للطفل ؟ التطبيق يساعدك بإختيارها
اذا ردت تطلع المريض، شوكت يعيد التحليل؟ التطبيق يجاوب حسب المعطيات
اذا الطفل خامل و رضاعته قليلة، حتى لو ما يحتاج علاج ضوئي، التطبيق يكولك ترى هذا احتمال عنده غير مشكلة لا تدزه للبيت بلغ التيم حتى يدخلوه
اذا الطفل راح يروح للبيت، شنو توصي الاهل؟
اذا الطفل اساساً على علاج ضوئي، شوكت توقفه ؟ واذا وقفته تطلعه للبيت لو يبقى وتعيده بعد كم ساعة ؟
تفاصيل التفاصيل، كلها من الاكاديمية الامريكية لطب الاطفال، موثوقة
المستشفى الي يمشي على الجارت الجديد، يلكاه، والي يمشي عالقديم يلكاه، والي يواجه طفل اقل من ٣٥ اسبوع و ما يرهمله لا الجديد ولا القديم هم اكو كايدلاين تخصهم
التطبيق متوفر على الايفون و الاندرويد
Shark Clinic

شوكت نوقف الكافيين عن الطفل الخديج

الحليب الطبيعي لل Premature اذا تريد تزيد سعراته، تكدر تضيف حليب صناعي ( للطبيعي ) حتى تحصل على سعرات اعلى
المصدر uptodate
For infants who are fed breast milk from an artificial nipple, add bovine milk-based fortifier to breast milk (to provide 22 or 24 kcal/oz) or mix the premature infant formula with breast milk.

طفل تحت الـ 3rd centile.
تعالجه، ويرجع بعد ستة أشهر، بعده تحت الـ 3rd centile.
على الورقة ما تغيّر شي بعده تحت الخط.
بس Below عن Below تفرق.
الـ Z-score يكشفها: كان ‎−٣٫١، صار ‎−٢٫٤.
معناها الطفل جاي يستجيب للعلاج رغم بعده يظهر «تحت الخط».
وهذا الفرق هو اللي يقرر: أكمّل على نفس الخطة، لو أعيد النظر بيها كلها؟
هاي وحدة من تفاصيل كثيرة بموضوع النمو:
المتلازمات ، طفل داون أو رسل-سلفر ميصير نخليه على جارت أطفال طبيعيين،
حتى تعرف عنده نقص بالنمو لو ماعنده، إلهم جارتات خاصة بيهم.
الـ OFC : الجارت الشائع الى حد الخمس سنوات. جارتات موجودة عند اطباء النيورو توصل لحد ١٨ سنة.
الـ Height age ، ينحسب للطفل حتى تعرف طوله مال يا عمر، يفيد بمواضيع النمو
الـ Mid parental height ، ينحسب من طول الاب و طول الام، حتى الواحد يعرف الطفل جينياً ممكن لوين يوصل على ال Growth charts
الطفل حديث الولادة، اكو جارتات خاصة بيها، اسمها Fenton و Intergrowth
أكثر من ١٠٠ Growth Chart انضافت لـ Shark Clinic مفيدة لأطباء الاختصاص الدقيق غدد صم ، واطباء الاطفال، والتغذية
ماكو احتياج الها بشكل يومي، لكن حتى لمن تحتاج وحدة منهن بيوم من الأيام، تلكَاها.
التحديث متوفر على ابل ستور، و مايكروسوفت وندوز. اما الاندرويد ف خلال هالاسبوع ينزل التحديث الجديد، حاليا بس الجارتات القديمة منشورة

Psychomotor delay is a better term than CP , as CP is a diagnosis itself, not a term to describe disabled patients
A large number of those who labeled with CP are mislabeled

Recurrent pneumonia on one side goes with anatomical causes
While bilateral goes with immune deficiency

A throat swab showing pseudomonas a. Microorganism of patients with recurrent pneumonia suggest Cystic fibrosis
And a negative sweat chloride test does not exclude it

من كنت صغير، تعلمت اخطط للاشياء الكبيرة على مراحل صغيرة بحيث محد يحس شنو الهدف النهائي الا تكمل كل المراحل، ردت اسوي قفص طيور ايام المتوسطة ( غندور، طير حب، فنجس، قمري ملكي، الخ من الانواع) بشكل غرفة الواحد يكعد بيها ويتفرج عليهن
وهالشي صعب اهلي يوافقون عليه، صممته على مراحل، انتهت بتحقيق الهدف الي اريده بدون ما اواجه رفض
وبقت هاي العادة عندي
ب ٢٠٢٥ نشرت هاي الفكرة ..
اذا ابدي بتنفيذها مباشر، الناس مراح تتقبلها او تستهجن التطور السريع
لازم شوية شوية .. وهاي الشوية شوية ان شاءالله نوصل بيها للهدف

التقنية ما انوجدت لاستبدال الطب
التقنية تخدم الطب
ولازم نستغل كل جوانبها

قريباً ان شاءالله
Bone age calculator tool
بشكل دقيق، ادق من التطبيقات المنشورة، وبنفس طريقة الاختصاص الدقيق.