ب انعاش الاطفال
Neonatal resuscitation
اذا متعرف كلشي ولا طگة
بس سوي
PPV
تسويها بالامبو باك
والي واكف بصفك خلي يراقبلك النبض
ويكولك ديزيد او لا
اذا ديزيد
شغلك صح
استمر
هو شوية ويبدي ياخذ نفس لوحده

واذا يتنفس او يبكي
الشغلات الروتينية كافية.

اهم قاعدة
من يتيه بيك الزمن
سوي امبو باك

شوكت ننطي Sufactant ؟
الموضوع بيه شوية تعقيد من ناحية
Case by case
واغلب المرات ما تلكي كايدلاين واضحة وثابتة
تشوف ناس تكول ال
White lung and air bronchogram
هي
Indication of surfactant

اكو اشياء متفق عليها وثابتة
مثل
اي طفل من يطلع للدنيا يحتاج فنتليتر يعني يحتاج
Surfactant
مدام خليت تيوب
تنطي سرفكتانت
بتعبير اخر

1- MV = Surfactant

البقية جماعة السيباب او ال NIPPV
اي طفل يحتاج
Fio2 more than 40 or 30 to maintain SPO2 90-95% means the patient need surfactant

٣٠ اذا راح تستخدم طريقة ال MIST ( مشايفها بالعراق بعد)
٤٠ اذا راح تستخدم طريقة ال INSURE
الي هي تخلي تيوب، تنطي سرفكتانت، تشيل التيوب وترجع عالسيباب

واكو تفاصيل بعد للي متعمق بالموضوع ويريد معلومات اكثر بالملف اعلاه خليتها

اول شغلة تسويها بطفل عنده مشاكل بالنطق .. فحص السمع

FiO2 = تركيز الأوكسجين
Peep = المساعدة
بتعبير ثاني
ال Peep هو الهواء الي راح يبقى بداخل الحويصلة حتى لا تفرغ تماما لانه من تفرغ تماما من الهواء وهي بيها سائل راح تلزك على بعض
يصير بيها collapse
موجودة بداخل جسم الانسان وظيفة دفاعية رب العالمين مخليها تحمي الطفل من ال alveolar collapse الي هي ال Grunting
لمن يجي الطفل يطلع الهواء الي موجود بالرئة الجسم يمنعه من تفريغ الحويصلات بالكامل من خلال قفل ال vocal cords فيصير عدنا صوت ال grunting
هاي الوظيفة الها حد معين وراها متكدر تحافظ على الحويصلات
ف انت من خلال السيباب راح تخلي اكو هواء يبقى داخل الحويصلة حتى لا يصير بيها collapse

هذا ال PEEP سلاح ذو حدين
تنطي هواية، تطك الحويصلة ويصير نيموثوراكس
تنطي قليل، متساعد الطفل ويبقى عنده Grunting
الحل شنو؟
التوازن
ابدي مثلا ب ٥ ، شفت الطفل ما ارتاح اصعد لل ٦، ما ارتاح اصعد لل ٧، بحالات معينة مثل ال pulmonary hemorrhage نوصل لل ٨

ما فادت اعلى peep ، معناها لازم فنتليتر، مو كافية ال PEEP وحدها حتى تساعد الطفل

بالنسبة لل FiO2
موضوعه يتعلق ب ال SPO2
اقل FiO2 هو ٢١ ، تركيز الاوكسجين بهواء الغرفة
واعلى شيء هو ١٠٠
انت تنطي اقل رقم للطفل يخليه يحافظ على اوكسجينه فوك ال ٩٢
من تجي للطفل الي جان مرتاح و اوكسجينه فوك ال ٩٢ ، تلكيه متنگ واوكسجينه صاير ٨٠
الحل مو تزيد ال FiO2 او البيب
الحل تدور للسبب الاصلي
كان مرتاح ليش تخربطت هسة؟
اما صار نيموثوراكس
او انفه مسدود
او الجهاز يخربط
او المونتر هو الي ديخربط
او مستنشق حليب

تحل السبب، لمن تشخص السبب وتشوفه مو بيدك مثلا الالتهاب زايد او مستنشق حليب بوقتها تنجبر تزيد الاعدادات
اغلب الاسباب تنحل بدون ان تغير الاعدادات
واكثرها شيوعا السيباب فالت من الانف
او الانف مسدود.

بموضوع تسمم البراسيتول، الجرعة تنحسب
Cumulative
مو شرط الا كلها بنفس اللحظة
هاي الصورة كلش مفيدة ومرتبة

اهم شغلتين مفيدات للروتيتر
- يتعلم الاداريات ( كل كتاب اداري يننشر اقراه وافهمه )
- يتعلم التواصل وية المريض وطريقة اقناعه

النقطتين هي استثمار بشخصيتك نتيجتها مثمرة لاحقاً
اليوم استشارية كاملة بكل لودها ومرضاها
فضت بشراب واحد اموكسيل
شراب واحد اوكمنتين
براسيتول او بروفين شراب لعدد من المرضى

البقية
Counseling
صحيح صوتي راح
بس المريض يطلع يدعيلك
واحد منهم جايب شرابات كحة اشكال الوان، دكتور كل هالشرابات ما فادت كحته، شنسوي؟
وضحتله الكحة بتفاصيلها، طلع على عسل و سوب وتبخير نورمال سلاين.
وافتهم ليش ما توكف الكحة
اذا تضيفله شراب جديد، راح يرجع بعد كم يوم.

صح الوقت مو مثالي واكو اقناعات تنجبر تقطعها بنص الطريق ما توضحها بكل تفاصيلها، بس احسن من لا شيء و ب استشارية مو بعيادة.

شون تستثمر بطرق الاقناع؟
اي موضوع تقراه، اخذلك صفنة شوية، اذا يجيك المريض شون راح تقنعه؟
اخترعلك قصص
امثلة قريبة من فهم المريض
تشبيهات تفهمهما الام غير المتعلمة

اساليب الاقناع هواية

اسلوب مثلا تستخدم بيه مثال من المطبخ او البيت حتى تقتنع الام
اسلوب تستخدم بيه مثال من حياة الاب ، تصليح او عمالة حتى يستوعبه

اسلوب تستخدم بيه المدح، تمدح الام الي تحس نفسها مقصرة بحق طفلها وتريد تعالجه

اسلوب تستخدم بيه الشقى مع الطفل حتى الاهل يشوفوه بخير و يضحك ويلعب

اسلوب تضيف بيه صمامات امان، مثلا ( اريدج بالبيت تنتبهين عالطفل وتتابعيلي حرارته وشهيته، اذا شفتي كذا تعالي، اذا كذا سوي كذا)
هذا يخليهم يطلعون للبيت وهم مطمئنين عدهم خطط امان تحمي طفلهم وترجعهم لمن يصير شيء

اسلوب تعليم، الم البطن عند الطفل، اذا مو جراحي، ما يخوف.. وتشرحله الاحتمالات الشائعة والفروقات بينها حتى يطلع مقتنع

اسلوب السوالف وية الطفل
بيضة الديچ كبيرة لو صغيرة؟
بين ما يحل السؤال انت فاحصه واهله ضاحكين على جواب ابنهم و شايفيك بنظرة الطبيب الي ناطيهم وقت و مهتم بطفلهم

اغلب مشاكلنا هي انه الطبيب ميتحاچى بدون ما يقدرون الظروف الي هو بيها ، و المشكلة اللخ هي محد فهمنا هيج.
واغلب امراض الاطفال هي بسيطة بس يحتاجلها صبر
لذلك ال
Communication Skills
هي مفتاح النجاح بالتعامل مع المريض .

احيانا يجيك طفل status asthmaticus لمن تنطيه بخاخ تسوء وضعيته أكثر، شنو السبب؟

السبب بهالشي هو مشكلة ال Ventilation perfusion mismatch

تصير لمن المريض اصلا عنده hypoxemia
وتجي تنطيه موسع قصبات يزيد الطين بلة


صحيح انه أغلب المرضى يكون عدهم hypoxemia بسيطة لدرجة ميحتاج اوكسجين ويتحسن عالبخاخ
لكن اذا كان عنده هايبوكسيميا قوية و تنطيه بس بخاخ احتمال تنلاص الوضعية

ايضا البخاخ بوحده يقلل ال Oxyhemoglobin saturation بنسبة اكثر من ٥ بالمية لمدة نصف ساعة


الحل تنطي اوكسجين قبل البخاخ، وعملياً دننطي تبخير بالاوكسجين، اهم شيء مو العكس

هواية كيسات تجي ( ابننا ما ياكل ) ، فصلت الكم القضية بمنشور بالعربي مزيج بين العلم والاقناع تستخلص منها كليشة تستخدمها وية اهل المريض حتى يعرفون ليش مياكل ، لحد هسة اغلب الاهالي جابت وياهم نتيجة واشوفهم يهزون براسهم انه فعلا صحيح ( هذا الي ديصير بالبيت )
—-

رب العالمين من خلقنا ، خلق دفاعات داخل الجسم، من ضمن هاي الدفاعات الاحساس بالجوع عند هبوط السكر، والاحساس بالجوع يجي وياه الصداع والنرفزة

الطفل الي مياكل نهائيا وحدة من اثنين
١- مريض مرض مزمن مأثر على شهيته ، هنا غصبا عنه مراح يشتهي و هذا المرض ينكشف بالفحص السريري والتاريخ المرضي و قياس الطول والوزن ووضعها على جارتات النمو.
٢- طفل سليم جسديا لكن بنظر اهله ما ياكل.

الي هو سليم جسديا وبنظر اهله ما ياكل بيها وحدة من اثنين

لو الام تبالغ على اعتبار الام تريد ابنها ياكل اكل يشفي غليلها بحيث تلكي الطفل سمين وضمن الطبيعي بس هي تشوفه ضعيف ومياكل مثل البقية، لو الطفل فعلا مياكل كميات مناسبة لعمره

الي مياكل كميات مناسبة هالشيء بسبب عدة عوامل

- الصبح يتريك الطفل شيء بسيط ويكوم، بعد ساعة ساعتين يجوع، هذا ايعاز الجوع الي هو وجوده واجب و اجباري و كل طفل مخلوق بيه، يجي يسده بشيء معين ( سواء حلويات او فاكهة او اكل صحي بس كمية قليلة )
بعد ساعة ساعتين من سد الجوع يجوع مرة ثانية، لان ما اكل كمية زينة، ويبقى يجرب نفس السلوك بحيث يصير عدنا طفل ياكل كميات صغيرة مستمرة او متقطعة يستخدمها لسد جوعه وهذا مو صحيح السلوك

- العامل الثاني الطفل ياكل حلويات والحلويات تنطيه طاقة عالية تسد شهيته عالاكل وايعاز الجوع فما ياكل شيء غير الحلويات وباكيتات الحليب او الجبس

- العامل الثالث ، العامل النفسي
الطفل يريد يسمع اهله يحجون بيه ( مياكل ) يريد يبقى حديث الساعة بالبيت يريد يبقى يشوف اهله يصيحوه عالاكل ويعانون ويحاولون يقنعوه ويدللوه حتى بس ياكل يريد يبقى هو البارز بين اخوانه واخواته ويسمع صيته دائما بالبيت ( يلفت انتباهكم)
او الطفل كاره الاكل من كد ما اهله يلحون عليه، ابني تعال اكل تعال اكل وووالخ، لو عنده قوة يكوم يضرب الاكل براس اهله لان محد يحب الملحة فيكره الاكل بسبب الملحة الزايدة عليه
او الطفل يرفض الاكل حتى يحصل البدائل الي تعجبه سواء حليب او حلويات او اكل غير صحي

نجي للحل
١- ينسد موضوع الاكل نهائيا بالبيت محد يحجي بيه ولا يجيب طاريه .. راح يستغرب الطفل، اشو محد بحالي؟
٢- ينحط الغدا او العشا، نصيح الطفل مرة، ما اجى، عوفه، محد يموت من الجوع، اكو حماية رب العالمين حاطها، راح يكوم يبجي حتى ياكل، من يحس بالجوع.
٣- من يجوع بعد الوجبة الرئيسية، ماكو اكل ممنوع لا تخلوه يشتري ولا يفتح الثلاجة بنفسه، مو كان الغدا نازل ليش ما اكلت زين؟ انتظر يجي العشا.. راح يبجي، ورة ما يحس بلوعة الجوع انطيه اكل واكوله اذا تعيدها بعد ماكو اكل، اكررها مرة مرتين وازيد وقت العقوبة لحد ما يتعلم انه اذا ما يتغدا زين مراح يحصل اكل يسد بيه جوعه وراح ينجبر ينتظر للوجبة التالية. السناكات ننطيها للاعمار الصغيرة ونحاول تكون سناكات غذائية مو حلويات
٤- الحلويات ممنوع مليون بالمية، النستلة بيها سعرات تعادل ماعون تمن
٥- ممنوع استخدام الاجهزة اللوحية قبل الاكل، اني بالغ اذا اباوع شيء او مشغول بالموبايل ما اكوم عالوجبة ما بالك بطفل مندمج بلعبة او فيديوهات
٦- لا تلحون عليه حتى ياكل، لا تكافئوه اذا اكل، احيانا حتى لا تصيحوه عالغدا اذا شافكم كعدتوا عالسفرة، راح يستغرب، شبيهم اهلي محد بحالي ؟ راح يجي يكعد بصفكم بهدوء ( ينكسر عناده) و راح يطلب اريد كذا وكذا، انطوه الي يطلبه بس لا تخلون هالفعل بارز حتى ما يعاند، راح يحس انه الاكل مفيد له وانه اذا ما اكل محد بحاله هو الوحيد المتضرر راح ينجبر ياكل ويطلب اكل ويبكي اذا تأخر وقت الوجبة.

بهالتعليمات راح نحول الطفل من طفل مدلل يتبطر عالاكل الى طفل مماثل للي عايش بعائلة محد بحال احد وينجبر يكافح حتى ياكل اكثر من غيره لان يدري محد بحاله اذا مياكل هو الخسران.

ونحول العائلة من عائلة شديدة الاهتمام بالطفل لدرجة انزعج من كثر الاهتمام الى عائلة متوازنة خد وعين، تعاقب وتكافىء، تخلي الطفل ينمو بشكل صحيح متوازن بدون الميول الى الاذية ولا الدلال المفرط.

اغلب كيسات فشل نمو الاطفال
هي تغذوية او مرضية غير ال Growth hormone deficiency

فاذا شفت طفل وزنه قليل و طوله قليل
سويله
Basic workup
CBC
ESR
GUE
RFT
TFT
Celiac screen

اذا كلشي طبيعي.. استثنيت اغلب الاسباب الشائعة لفشل النمو
اشوف وزنه ، اذا كلش قليل، شون تريده يصير طويل الطفل؟ انطيه فرصة ٦ اشهر واعيد تقييم حالته
خلال هاي ال ٦ اشهر يمشي على جدول تغذية يزيد وزنه يوصفوه له اطباء التغذية.

ومن يجي بعد ٦ اشهر اشوف شكد سرعة النمو عنده

عمره كبير و شكيت بيه نقص هرمون نمو مو مال ينتظر؟
شوف عمر العظم، شوف ال SMR
كلها تساعدك بتقريب التشخيص

٩٠٪؜ من الاحالات ما تحتاج لا تحليل growth hormones ولا تحتاج تاخذ ابر نمو، يحتاج بس يحلون مشاكل تغذيته.

التعامل مع الفيروسات ، سواء المتحور الجديد او غيره، كلها نفس الطريقة
بطريقة علمية مع استخدام مهارات التواصل الإجتماعي

١- طفلكم بيه جرثومة، هذه الجرثومة بنسبة ٩٠٪؜ فيروس، ليش فيروس؟ لانه اكثر من شخص بالبيت مصاب وهذه ميزة بالفيروسات انها تنتقل بسرعة من شخص لشخص، ولانه الفيروسات اكثر شيوعاً من البكتيريا، ولانه من دتروح حرارته ديتنشط وهذه احدى علامات الفيروسات

٢- هذا الفيروس من دخل للجسم، راح يسوي اعراض حسب المكان الي يروحله، يدخل للبلعوم؟ بلاعيمه تورم، يدخل للمعدة؟ يصير تقيؤ، يوصل للامعاء ؟ يصير اسهال، وين يروح راح يشغل وظيفة دفاعية
اول وظيفة دفاعية بالجسم تشتغل هي الحرارة

الجسم اول ما يكتشف الفيروس راح يرسل مسج للدماغ يكوله الحكنا، اكو جسم غريب دخل وجاي يتكاثر

الدماغ يكوللهم صعدوا الحرارة
لا تخلوه يتكاثر

الحرارة من تصعد الفيروس بعد ميكدر يتكاثر براحته
فالحرارة هي وظيفة دفاعية بالجسم

شوكت نعالجها ؟
الطفل الي نشوفه ضاج منها او خمل، نعالجها حتى يرتاح

شون نعالج الحرارة؟

اذا شفت الطفل مرتفعة حرارته بس يلعب … هذا بطل و جسمه قوي لا تنطيه خافض حرارة خليه يدافع عن نفسه خليه يلعب بالفيروس طوبة

واذا شفته خامل راح ننطيه العلاج رقم ١ الي هو براسيتول شراب وتكتبه بالوصفة وتكتب يمه رقم ١

براسيتول بيه نوعين نوع ١٢٠ مغ ونوع ٢٥٠ مغ ب ٥ مل. جرعته ١٥ مغ لكل كيلو كل ٦ ساعات

بعد ساعة ساعتين اذا رجعت الحرارة و رجع الطفل خمل ومتكدر تنطي العلاج رقم ١ لانه موعده بعده ما اجى راح تستخدم العلاج رقم ٢

العلاج رقم ٢ هو البروفين
جرعته نص الوزن كل ٨ ساعات، يعني اذا وزنه ١٠ كغم راح تنطيه ٥ مل كل ٨ ساعات

بهالعلاجين اذا ضبطتهم صح راح تسيطر على الصخونة
ممكن يقترحولك فولتارين تحاميل، بصراحة اني ما ارتاحلها واحسها ممكن تسبب قرحة للطفل، مدام عدنا علاجات امينة و مرخصة من عمر ٦ اشهر استخدمها وابقى بالجانب الامين

٣- ممكن يصير عند الطفل تقيؤ، نعم ممكن يصير لانه الفيروس وين ميروح يسوي مشاكل، اذا صار راح ننطيه مضاد للتقيؤ شراب زوفران كل ٢٠ كيلو خمسة مل من الشراب، اذا استمر التقيؤ وما استجاب للشراب تجيب الطفل وتجي للمستشفى

٤- شنو اريدك تتابعلي بالبيت؟
اريدك تركزلي على نشاط الطفل، شيء طبيعي لمن تصعد حرارته يخمل، اريده لمن حرارته طبيعية يكون نشيط اذا كان نشيط امورنا طيبة
اذا بقى خامل رغم حرارته طبيعية، راح نخلي ببالنا احتمالية انه هالفيروس جاب وياه بكتيريا

اذا حرارته طولت اكثر من ٤-٥ ايام مستمرة ايضا راح نخلي احتمالية وجود التهاب بكتيري وية الفيروس

اذا الطفل صار زين و تمرض مرة لخ بفترة قصيرة اقل من ١٠ ايام ممكن الفيروس صار وياه بكتيريا مثلا يتحسن يومين ويرجع ترتفع حرارته

اذا الطفل كطع الاكل تماما، شيء طبيعي لمن ترتفع حرارته تقل شهيته حتى انت اذا صار بيك انفلونزا بعد ما تشتهي تاكل، الي نريده من الطفل انه عالاقل ياخذ الشيء الي يمشي بيه يومه اذا حتى هالشي ما اخذه تجيبه للمستشفى.


٥- هالكلام اعلاه تكوله بعد ما تفحص الطفل من فوك ليجوا، وتتشاقى وياه، وانت وتفحص تكول ( نفحص الرئة .. ما شاء الله مثل الورد يفوت الهوا ويطلع براحته ) ( نشوف قلبه .. رهيب ) ( نشوف الكبد والطحال .. كلش زييين )
يعني كل جزء تفحصه تكول اسمه وتكول انه طبيعي، حتى الاهل يتطمنون انه كل اعضاء جسم طفلهم طبيعية، هالكلمات هي مثل كثرة الدگ عالحديد يفكه، كلها تفك قلقلهم وتطمنهم على كل عضو بجسم طفلهم
شقاك وية الطفل بسؤال ( تبيع خشمك؟ ) اشو عجبني حيل منين اشتريته انت؟ راح يضحك الطفل واهله و يطمنهم انك مهتم بطفلهم وانه طفلهم الي جاي يبالغ شوية بسبب شوفته لاهله خايفين وقلقين ويحس بالذنب انه تعبهم وياه او عايش الدور، يشوفوه سليم وهم يشوفون ضحكته وتفاعله وياك واصلا راح تقلل خوفه من عندك وهو ينتظرك تكول نضربه ابرة!!

من تفحص الطفل كوله اذا بقيت بطل اوعدك ما اكتبلك اي ابرة بس شرابات لان انت خوش ولد ومبين متحتاج ابر

حتى تنطي فكرة للاهل انه انت مراح تكتب ابر و راح تعالج طفلهم ب ابسط الادوية لانه زين

٦- شوكت ننطيه لعد علاج التهابات؟ ننطيه لمن حالة الطفل تمشي وية البكتيريا، وننطي الشراب مو مباشرة انما نسوي تحاليل نتاكد انها تمشي وية البكتيريا يلا ننطيه، علاج الالتهابات حالياً ميفيد الطفل لانه عنده فيروس والعلاج يفيد البكتيريا فقط فراح تضر مناعته و تخلي البكتيريا تستقوي عالطفل مستقبلا، فليش. دنلعب ب اعدادات الجسم و ننطي ادوية يجوز يتحسس منها وهو ما يحتاجها

٧- مرات الفيروس يسوي كحة ، الكحة ترسم البلعوم و ترسم مستقبلات السعال الي تتفعل نتيجة جفاف المكان او نتيجة السعال المتكرر او نتيجة الفيروس وتفهم الاهل ليش ديصير السعال ، وانه اذا الكحة يابسة راح ننطيه شيء يغطي هاي المستقبلات مثل العسل او السوب او الحليب الدافي كلها شغلات تلطف المكان حتى تخف الكحة

اذا لكينا بيها بلغم او نحس بيها بلغم وميكدر يطلعه راح نسويله تبخير نورمال سلاين كل ٦ ساعات يذوب الوساخة
الطفل ميكدر يطلع الوسخ بعد ما يذوب فلازم تساعده بالطبطبة على ظهره
وتشرحله طريقة العلاج الطبيعي للصدر


نسيت شنو ببالي بعد بس كل سيناريو يواجهك بالفيروسات تكدر تتعامل وياه علميا بس تستخدم طرق الاقناع ، ومعليك بالتلوث العلمي الي مليء بالمضادات الحيوية والابر
القضية تتطلب صبر و تأني ، وفهم من قبل الاهل حتى تمشي الامور ببساطة

من أخطر المعلومات الي لازم تفهمها صح
الهيموغلوبين هو عربات لنقل الاوكسجين والغذاء
✅✅✅✅✅✅✅✅✅✅✅✅✅

هاي ال ١٣ عربة، حتى يصير عند الطفل Cyanosis
لازم اكثر من ٥ منها يصير بيها desaturation
☑️☑️☑️☑️☑️✅✅✅✅✅✅✅✅
تقريبا نسبة ال desaturation حتكون ٣٨٪؜ و الطفل راح يكون اوكسجينه ٦٢٪؜ تشوفه عايش.

الي عنده فقر دم قضيته تختلف تماماً
تخيل هو عنده بس ٧
✅✅✅✅✅✅✅
حتى يصير cyanosis
لازم يفقد ٥ منهن
☑️☑️☑️☑️☑️✅✅
نسبة ال desaturation هنا راح تكون ٧١ ٪؜ و الاوكسجين ٢٩٪؜
شون راح يعيش بهيج اوكسجين ؟
تخيل لو كان دمه اصلا ٥ ، معناها تشوف ال cyanosis لمن يصير ١٠٠٪؜ desaturated وبهيج رقم يكون متوفي المريض.
فهو ممكن يموت وانت اصلا متشوفه صار cyanosis !
لذلك
Do not depend on cyanosis in anemic patient, it is a very late sign, the patient might die before reaching cyanosis level.

من تشوف طفل عنده
Moderate to severe hydronephrosis
مستحيل تروح وحدها بعد سنة !
يحتاج workup
يحتاج يسوي
MCUG
حتى نشوف الكلى والحالب والمثانة بشكل افضل
يحتاج تحليل ادرار وزرع ادرار قبل لا نسوي ال MCUG
يحتاج نشوف وضع الكلى، متضررة لو بعدها
بعد ما نسوي ال MCUG نشوف رأي اطباء البولية سواء جراحة اطفال بولية او بولية حسب المتوفر عدكم حتى نشوف الخطوة القادمة نشوف يا نوع من العمليات يفيده
من غير المعقول انه ننصح هيج عائلة انهم يطهرون الطفل وبعد سنة هو يروح هذا التوسع
هاي معلومة من ارض الواقع، لكيس حقيقية، جايين لان ابنهم عنده فقر دم ويريدون يشوفون ليش، اما الكلى، فعادي يدرون بيها وينتظرون يصير سنة حتى يعيدون السونار

Meropenem vial
كورسين كاملات
على
Mesenteric lymphadenitis

اكو قاعدة تكول، لا تسوي شيء متعرف تطلع نفسك منه

يعني مريض
Mesenteric lymphadenitis

ليش اعيدله السونار حتى اشوف راحت لو بعدها ويجي التقرير انه موجودة بعدها واحير شنو اتصرف ؟
مدام المريض ماعنده ارتفاع بالحرارة
والتهاب هاي العقد مو خطير ولا يخوف ويصير وية اي التهاب ثاني ويروح لحاله
وماعنده
LAP
no HSM
Normal wt and ht

Just counseling and follow up at home for temperature and general wellbeing

اذا بديت مضاد حيوي لمريض، واجت نتيجة الزرع نظيفة، توقف المضاد الحيوي

ايقاف المضاد الحيوي قبل نهاية الكورس ماله بهالموقف مراح يزيد ال
Antibiotics resistance

الي يزيدها هو
Misuse of antibiotics

ايقاف المضاد الحيوي لعدم وجود بكتيريا يندرج ضمن الاستخدام الصحيح للمضاد الحيوي وطالما الزرع نظيف يعني ماكو بكتيريا حتى تصير عدها مقاومة ويعني ماكو داعي نكمل عالمضاد.

العلامات الي ما تكذب ابد

- طول الطفل ووزنه اذا قليلين او نازلين اكو مشكلة حقيقية
- الالم الي يكعده من النوم مو الي قبل لا ينام
- الالم الي ميخليه يلعب او يخليه يترك اللعب
- التعب او الاغماء اثناء الجهد سواء لعب او مشي
- عدم الخوف من الطبيب اثناء الفحص للاعمار الصغيرة عادة يدل على طفل وضعه تعبان لدرجة ما يبجي لانه ما يشوفك او ما بيه حيل يخاف منك
- الجفاف
- كثرة المراجعات، الام الي شايلة طن تحاليل اكو مشكلة حقيقية تجبرها تراجع، الي شكوتها صارلها سنة وما جايبة ولا تحليل ولا مراجعة هاي تريد تچييك عالاكثر بدون شكوى حقيقية

هالاشياء اذا شفتها بالطوارئ دور بالهستري

فد يوم طفلة تبجي بالطوارئ شكوتهم انها يومية تبجي بالليل من رجليها، خلصنا عليها ٣ علب بروفين ومصارت زينة
Dx as leukemia
شكوى حقيقية اجبرت الاهل ينطون علاج مسكن الالم لفترة طويلة
والالم حقيقي ومستمر لدرجة ينطون علاج
مو مثل الالم الي بالاسبوع مرة ومو قوي لدرجة ما مهتمين له ويفض بتدليك للرجلين
والي اغلبه يطلع
Growing pain

اول خطوة بالهستري بعد ما تسمع ال Chief compliant هي ال Differential Diagnosis

حتى تعرف شنو الي لازم تسأل عنه.
كل الاطباء يسووها بلا وعي
من يجي واحد بطنه توجعه
يسألوه على تفاصيل تخص الالم تخليهم يفرقون بين
Appendicitis
GE
Ulcers
Etc
الاسئلة تتذكرها لان ببالك DDX حتى لو ما حجيته .

بعد ما تكمل هستري، ترتب ال DDX اكثر، ثم تفحص، بالفحص يترتب اكثر
بعدها يلا تطلع بنتيجة نهائية لو تشخيص لو تطلب تحاليل توصلك للتشخيص.

ترتيب ال DDX
يكون حسب السستمات
وحسب الأكثر شيوعاً والاقرب اولا.