GCS
عند الأطفال بكل اعمارهم

دكتور ، ابننا منتول شنو علاقة النتلة بتحليل الادرار !
معلومتين مهمات عالسريع بخصوص الصعقة الكهربائية

الاولى : الكهرباء ما تلزم احد مثل ما مفهوم شيوعا انه الكهرباء هي الي لزمت الشخص، بالحقيقة هو الشخص يلزمها
كهربائنا هي تيار متردد
مشكلة هذا التيار لمن يدخل لجسم الانسان يسبب
Tetany
يعني تقلصات مستمرة بالعضلة لدرجة الشخص الي منتول ميكدر يحرك عضلاته حتى يترك الكهرباء
ولهذا يبقى بمكانه متشنج ميكدر يتحرك

حتى تنقذه
لازم اما تطفي الكهرباء
او تبعده عنها بشيء غير موصل للكهرباء
خشبة يابسة
بلاستك
ملابس سميكة غير مبللة

هو يحتاج منك بس انه تبعده عن الكيبل الي دينتل بيه حتى يتوقف التيار


المعلومة الثانية
:-
تقلص العضلات المستمر ممكن يدخلها ب
Rhabdomyolysis

وهذا يخلينا نحتاج تحليل ادرار حتى نشوف اكو
Myoglobin
بالادرار لو لا
لمن يسووه بالسترب حيطلعلك
Hematuria
من يسووه بالمجهر
حيشوفون ماكو RBC
معناها السترب طلع بوزتف لوجود
اما هيموغلوبين
او مايوغلوبين
حتى تميزهم
الهستري.. النتلة حتسبب مايوغلوبين يوريا اكثر مما تسبب هيموغلوبين يوريا
ممكن تدز
CPK to confirm rhabdomyolysis
علاج ال
Rhabdomyolysis
Aggressive fluid to protect kidneys
و الباقي عليكم ( شون تقنعون الاهل انه مريضهم منتول وانتو دتنطوه مغذيات ! والمغذيات مي ، مي وكهرباء! ويحكم)

اكو فروقات مهمة بالطوارىء لازم تعرفها كمقيم

بين ال
- GER and Vomiting
- Gastrocolic reflex and Diarrhea

ارتجاع المريء GER يصير بس بعد الرضاعة، الطفل سمين ووزنه يزداد زين، وادراره كلش زين وماعنده جفاف، ومن تسأل اهله تكتشف انه صارله هواية يتقيء و بعد كل تقيؤ ينطوه رضاعة و تلكيها تنطيه طبيعي وصناعي
ومن تكوللهم يطلع الحليب على خده و مرات يصدف انه يذبه بعيد يكولون اي

التقيؤ المرضي جديد ، والطفل يتقيء بعد الرضاعة وبين الرضعات و بدون رضعات ( بدون قيد او شرط يتقيء ب اي وقت) ، و ادراره قليل و مرتفعة حرارته ويجوز عنده اسهال و كمية رضاعته زينة


الاسهال تطلع بطن الطفل بشكل مختلف عن السابق
Change in consistency to more unformed stool
مو لينة، انما اخف مما عهدها الاهل بالايام السابقة للمرض لانه ممكن اصلا خروجه دائما لين، وتطلع بكثرة يعني مو بس بعد الرضعات
الي فقط بعد الرضعة هاي Gastrocolic reflex
الاسهال تطلع بغض النظر عن الرضعة

ال Gastrocolic reflex
تطلع بطنه بعد كل رضعة مرة وحدة اذا يرضع عشر مرات تطلع عشر مرات والطفل يلعب ونشيط وماعنده جفاف

الاسهال تطلع ممكن اقل او اكثر بس تسبب جفاف لانه يفقد سوائل بسببها

ال
Diarrhea and vomiting
مرض تحتاج تداخل
ال GER and gastrocolic reflex
تحتاج تطمين للاهل اكثر من العلاج والتداخل بحالات كلش قليلة

من تشوف طفل عنده تقيؤ
لا تفكر شون اخليه يتوقف
فكر بسببه اول شيء

Most common causes
Gastroenteritis
Gastroesophageal reflex
Infantile hypertrophic pyloric stenosis
Meningitis
Head trauma
DKA
Pyelonephritis

اذا استثنيت هذولي رحم الله والديك
شوية شوية راح تضيف عليها معلومات وأسباب اخرى تدورلها بالطوارىء
حسب العمر طبعاً تجي ببالك الاسباب الاكثر شيوعا وتبدي تفحص تتاكد انها ما موجودة

اهم شيء
Toxic = serious cause
لازم تلكاه

الطفل الي عنده تقيؤ مستمر.. لازم يدخل مستشفى


التقيؤ اخطر من الاسهال
الاسهال شنو ال
Ddx ?
مو خطيرة اسبابه
التقيؤ بيه اسباب خطرة لازم تستثنيها

لحد هسة اتذكر سينير باطنية اجى لمستشفى اطفال يشوف بنت السكرتير ماله الي داخله عند سينير اطفال

Vomiting, labeled as GE
2nd day got shortness of breath
Labeled as pneumonia

The internal medicine specialist diagnosed her with DKA , he saved her life .

اذا تخلي السكر ببالك كسبب للتقيؤ مراح تعبر عليك كيسات ال DKA ابد

Hyper IgE syndrome
المريض يكون عنده
Eczema like rash
Recurrent skin infection
Very high IgE level

اسمها الثاني
Job syndrome

جوب معناه ايوب بالانكليزي
تيمنا بنبي الله ايوب و مرضه الجلدي

لمن يجيك مريض تسمم بدواء معين
لا تعتمد على ال
Half life
الموجودة ب
Guidelines
لانه هاي ال half life هي للجرعة العلاجية وليست ل الجرعة السمية
بعض الادوية بالجرع العلاجية تبقى بالدم ساعتين
بينما بالجرع السمية تبقى ٢٤ ساعة

هالمعلومة تؤثر على قرارك شوكت تتطمن وشوكت تطلع المريض للبيت

ابتلاع باتري الساعة اليدوية ( الصغير ) الي اسمه
Button battery

اذا الطفل عمره اكثر من سنة
يفترض الاهل ينطوه ١٠ سي سي عسل كل ١٠ دقايق ولحد ٦ مرات لحد ما يوصلون الطوارئ
من يوصل الطوارئ
تسويله اشعة
وتنطيه ١٠ مل
Sucralfate
كل ١٠ دقايق

اذا الباتري حاشر بالمريء ، فهذا لازم يدخل عمليات
لانه الباتري بالمريء يكمل دورة كهربائية وبالنتيجة بالكهرباء يحرق المريء
مو بالمواد الي بداخله
المواد الي بداخله غالباً ما تضر الا اذا كميتها كبيرة تسبب تسمم بالزئبق

المعمول بيه هو انه اختصاص جراحة الصدر يتدخلون لازالة الباتري لانه اختصاص الجهاز الهضمي يكول اذا ادخل واسحبه ويطلع ثاقب المريء او انفتح المريء شنو اكدر اسويله
فجراحين الصدر لهالسبب هم يتدخلون حتى يكونون جاهزين لاي طارىء

وانت تبقى تنطيه
Sucralfate every 10 min till sedation is given for endoscopy

اذا الباتري عابر المريء و كان بالمعدة
فما تسويله شيء ولا يحتاج تداخل جراحي الا اذا اكو اعراض تدل على وجود حالة جراحية
توصي الاهل يتابعون الخروج يومية
ممكن يتأخر لحد ٧ ايام يلا يطلع

اذا ما طلع
او سوالنا اعراض ترجعون بيه نجيكه ب اشعة جديد ونشوف
وممكن بوقتها نتدخل حتى نخليه يطلع
مثلا حقنة شرجية
اذا ايضا عجزنا
ممكن بوقتها يكون تداخل جراحي بالناظور

الامتحانات بشكل عام
بيها هواية عوامل تتداخل مع بعض حتى توصل للنتيجة المطلوبة

عوامل من جانب الممتحن الي يخلي الاسئلة، يكدر بكل سهولة يرسب اشطر واحد، ويكدر ينجح الاغلبية.
وعوامل ومن جانب الطالب الي يمتحن وهي

١- توفيق رب العالمين
من اهم العوامل ، وهذا ما تناله اذا ما تصدق النية، و تتمنى الخير لغيرك من قلبك .. نشرت هالمنشور من هالباب والا ممعقولة واحد ينشر وبعده ما ممتحن ويجوز ما ينجح ويتفشل 😂😂


٢- سرعة البديهة
تفيدك بشغلتين، عامل الوقت، وايجادك لل key
من تفهم السؤال من اول قراية، هالشيء يوفر عليك وقت، و بسرعة البديهة تنتبه على مفتاح حل السؤال


٣- القرارات الحرجة
اكيد ما يهون على اي واحد بينا يعبر سؤال بدون ما يفكر بيه هواية، بس شتسوي اذا الوقت ضيق ؟ وبقاءك بهذا السؤال يخليك تخسر وقت الاسئلة الباقية الي هي اسهل من هذا، القرارات الحرجة هي ان تكول ما اضيع وقتي بسؤال واحد و اختار اقرب خيار واعبر على الي بعده ( لا تعوف سؤال فارغ ابد بحجة ارجعله بعدين، ترى مترجع).

٤- شخصية Decision maker
بعض الاشخاص يتميزون بقدرتهم على اتخاذ القرار المناسب بالوقت المناسب، فلمن يجيه سؤال بيه اكثر من نقطة صحيحة، تشوفه يختار الاصح بناءا على تحليله المنطقي للكيس و الي لو واجهها بالحياة راح يبدي بهذا الخيار. هذا العامل يساعد بالاجابة على بعض الاسئلة

٥- القراية
القراية الها دور بالنجاح، بس مو الدور الاساس والكامل، تشوف ناس تقرا كلش هواية وما تنجح، وتشوف ناس ما تقرا وتنجح، العوامل السابقة ايضا الها دور، واكيد توفيق رب العالمين اهم عامل.
بالنسبة للقراية
مو صحيح انه تتعمق بسستم وتعوف البقية، الافضل تقرا كلشي ولو بشكل سطحي، السستمات غير الاساسية تجي منها اسئلة بسيطة وسطحية لانها غير اساسية والسستمات المهمة تجي اسئلة منها معقدة اكثر ، فممكن تجمع درجة بالسستمات غير الاساسية و متجيب درجة بالمهمة، لذلك ابد لا تعوف السستمات غير الاساسية، مثل
Behavioral
Poisoning
Pharmacology
Immunology
Etc
الاشياء الي محد يقراها.. يجي منها اسئلة سطحية بقراية بسيطة تجاوبها مو الا تتعمق بيها وتضبطها ضبط

اثناء قرايتك ، الموضوع المعقد الي راح تنساه بعد ربع ساعة، لا تهتم بيه هواية.. انك لن تخرق الارض ولن تبلغ الجبال طولا، طالما معقد، ويننسي بسرعة، وحتنساه حتى لو قريته هواية، ليش تضيع وقتك بيه؟ يعني مثلا تتعمق بقراية ال
Marijuana , amphetamines , etc
وكل واحد شون يجي
متحسها قضية خاسرة؟ كلهن متشابهات
الاصح انه تقراها بشكل سريع وتشوف بس ال
Highlights
سواء انت تحددها او تخلي جات جي بي تي يحددها الك او تشوف فيديو يختصرها الك

مو صحيح ان تقرأ سستم قبل شهرين وتدخل للامتحان، المفروض تراجع صح؟ المراجعة اذا نفس قرايتك حتاخذ منك وقت هواية.. ممكن تراجع بشكل اسرع، شوف فيديوهات Med study ، فيديوهات د اسامة ناگا، حينطوك اثنينهم مراجعة سريعة لكل المادة يذكروك بالنقاط الاساسية المهمة. احسن من عدم المراجعة
اسئلة الاعوام السابقة، مهمة ويتكرر منها، لا تضيع وقتك بحل كل سؤال اذا وقتك ضيق، اقراها كما هي.. النتيجة الي تجي منها حتى لو بيها بعض الحلول غلط فهي كافية للنجاح. وكونك تبحث بحل كل سؤال فهذا يحتاج وقت هواية
اي واحد يحجيلك معلومة قبل الامتحان، انصت له، مرات تفوت تلكاها كدامك .. بعض من عطايا رب العالمين
من ما يبقى عندك وقت، وتريد تقرا كتاب بيه اسئلة واجوبة.. لا تحاول تحل السؤال، اقراه و اقرا الخيار الصحيح بس، هالشي يساعد ذاكرتك الصورية، انطيك مثال، قريت سؤال ، وحاولت تحله وانت مقاري النظري، بالمحاولة مالتك ركزت على نقطة معينة لنفرض ( بيها كلمة عماد ) و طلع حلك غلط، والنقطة الصحيحة بيها كلمة ( صباح) ، من يجيك السؤال بالامتحان راح تحتار بين عماد و صباح متعرف منو صح، لانه انت مقاري النظري، وقرايتك للحل بوقتها ما ثبتت المعلومة ببالك، فالاصح اقرا بس الجواب الصحيح، حتى من تشوف كلمة صباح كبل تختارها بلا ما تحير بباقي الخيارات، هاي الخطة تصيب بالاسئلة المكررة حرفيا
من تقرا قرايتك الاولية.. لون الجواب الصحيح، بعدين ما يبقى عندك وقت ترجع تختبر نفسك، حتقرا السؤال وحله ، وتعتبرها معلومة قصيرة
خليلك يوم او يومين قبل الامتحان تقرا بيهم نهاية كتاب د اسامة ناگا last minute review ، عبارة عن سطر سؤال وجواب .. مراجعة سريعة جدا لكل المادة
لمن تقرأ الكارديو، اقرا عن ال murmur وانواعه وشوف فيديوهات، ثم اقرا عن s1,s2 والخ، ثم اقرا عن cyanotic and acyanotic ، سويلك مختصرات تساعدك بالحل، لانه الاسئلة متشابهة ومفتاح الحل موجود بكل سؤال ف لازم تميزه.. مثال اني مسوي كلمة PSTR ASMR سيد اسمر، هذولي كلهم systolic murmur ، و MSAR مسار دايستولك، احل بيها هواية اشياء 😂

الانفكشن..

السستم التعيس، اي سؤال ينحل من خلال السكن مال المريض ( اسم ولاية امريكية) اعوفه، اني عربي مستحيل احل السؤال وما معقولة يجيبولي انفكشن اعرفها من اسم الولاية..
اقرا بشكل سستمات، يختصرلك الوقت، يعني شوف فيديو ثم اقرا الكتاب الاول ثم الثاني ثم الثالث وهكذا، لنفس السستم، كلش يوفرلك وقت و يقلل عليك قراية المكرر

طبعا هاي النقاط اعلاه ممكن تفيد بالامتحان وممكن ما تفيد .. اذا الممتحن يجيب اسئلة نظرية بحتة ما بيها طابع عملي ، اسم جين، معلومة من بين الاسطر حتى هو ما يتذكرها بالعملي، محد يجاوب غير بس الي قاري نظري بكثرة
الاسئلة مرات تحمل طابع عملي .. تنفع بيها هاي النقاط، و مرات طابع نظري للدراخين، هاي ما ينفع بيها غير الحفظ و القراية المركزة

وبالنهاية
هي كلها تسهيلات من رب العالمين وحتى الي ما ينكتبله النجاح دور اول ، ينجح دور ثاني او ثالث او رابع، الواحد ميعرف الخير موجود بيا دور، الحمدلله على نعمة الصحة
البقية كلها تهون
و شكد تكدر، ساعد الاخرين، تلكاها كدامك اذا مو بالدنيا بالاخرة.

Blueberry muffin spots in neonatal CMV infection

ابتلاع مغناطيس واحد عند الاطفال مو مشكلة ونتعامل وياه بأن ننتظره يطلع الا اذا سبب انسداد بالامعاء بسبب كبر حجمه
ابتلاع قطعتين مغناطيس هو المشكلة
لانه ممكن كل واحد بجزء من الامعاء ينجذبون لبعض ويكبسون غشاء على غشاء
يسبب بوقتها
Pressure necrosis or intestinal obstruction

ال ADHD بيها ٣ انواع
اما ما ينتبه
او حرك زيادة
او الشغلتين مجتمعات

المهم بالتشخيص
In two settings

يعني اذا بالبيت ديسوي هالشيء، بس بالمدرسة يكعد عاقل
هذا مو كافي للتشخيص
التشخيص يحتاج انه يكون عنده هالشي بمكانين
لدرجة بالخارج ينطون
Questionnaire
للمعلم ماله
وللاهل

هواية اطفال يقال عندهم فرط حركة
من يروح خطار لبيت جديد.. يكعد عاقل لحد ما يتعود عالمكان واهله تماما يلا يبدي نشاطه
هذا يعتبر طبيعي
مو ADHD

من الاشياء الي تدوخ لانه معلوماتنا الاساسية ضعيفة
Streptococcus pneumonia
Pneumococcus
Group A streptococcus
Beta hemolytic group A streptococcus
Streptococcus pyogenes
Group B Streptococcus
Streptococcus agalactia

مرة تقرا هيج مرة هيج بحيث تحس اكو هواية اسماء وكل وحدة الها معنى

هو عدنا كروبين حسب التحلل
Alpha hemolysis
Beta hemolysis

الالفا تشمل ال
Streptococcus pneumonia = pneumococcus
الها اسمين نفس الشيء

البيتا تشمل
Group A
Group B



Group A streptococcus = Streptococcus pyogenes


اما الكروب B
Group B streptococcus = streptococcus agalactia

بالصورة

Impetigo

بيها ٣ انواع

Non bullous caused by Staph aureus or GAS

Bullous caused mainly by staph aureus

Ecthyma caused mainly by GAS

اللون الي عليهن يصير مثل العسل اليابس او الذهبي مقشر

اذا الاكثاييما كانت سودة فتسويها ال
Pseudomonas aeroigenosa
وتسمى حينها ب
Ecthyma gangrenosum

ال
Marasmus
يفقد كلشي من جسمه، دهون وبروتين وكارب.. لذلك ما يصير عدهم
Significant edema

ال
Kwashiorkor
يفقد بروتين اكثر من البقية
لذلك يصير عدهم
Edema

K = Kup = cup of water
M = Matchstick

S. Iron
هو نسبة الحديد الي بجسمنا مرتبط بالترانسفرين ويتأثر صعودا ونزولاً بالوجبات والالتهابات وبالنهار او الليل لذلك اذا تريد تقيسه يفضل المريض ما عنده التهاب و صباحا و صايم.

Transferrin
هو البروتين الي يرتبط بالحديد و ينقله بالجسم .. ينزل لمن يصير عدنا التهاب ، الجسم يقلله بفعل السايتوكاينز .

‏Total iron binding capacity
هو مقياس غير مباشر لكمية ال Transferrin مو بروتين او مادة معناه
الشاحنات المتوفرة لنقل الحديد كلما كان الرقم عالي كلما معناه انه ماكو حديد تحمله كلما كان طبيعي او قليل كلما كان معناه انه الحديد طبيعي

‏Ferritin
هو بروتين يخزن الحديد داخل الخلايا. يُعتبر أيضًا positive acute-phase reactant، أي يرتفع في الالتهابات حتى لو كانت مخازن الحديد طبيعية أو قليلة

‏Transferrin saturation
هذا معادلة
= (Serum iron over TIBC) × 100
تطلع النسبة مئوية، اذا لكيتها اقل من عشرين هذا عنده فقر دم حديد وبعض المصادر تكول اقل من ١٥٪؜
بس مو شرط دائما صحيحة، لانه تطلع النتيجة قليلة ب
Anemia of inflammation
والي هي مصطلح يطلق على وضع الجسم ونتائج التحاليل الي تخدعك بوجود الالتهابات

اذا تدز
بس
Ferritin
، من يطلع قليل فهذا يشخص فقر الدم نتيجة نقص الحديد، اما اذا طلع طبيعي او مرتفع فما تكدر تشخص الفقر من خلاله وحده، لانه ممكن البروتين هذا الجسم صانع منه هواية استجابة لالتهاب معين
فلازم تدز وياه
CRP
حتى تتأكد ماكو التهاب

الجسم من تجيه عدوى.. لانه هواية انواع من البكتريا تستخدم الحديد كغذاء الها
الجسم يقلل مستوى الحديد بالدم ويزيد مستوى ال ferritin
الحديد يقل حتى لا الجرثومة تستفاد منه
والكبد بفعل IL6 يصنع
hepcidin
هذا الهبسدين راح يوقف شغل ال ferroportin الي شغلته يطلع الحديد من الخلايا، بالنتيجة لانه هذا الفيروبورتين توقف عن العمل، الحديد راح ينسجن داخل الخلايا ويقل مستواه بالدم

يعني الجسم يحاول يتمسك بالحديد حتى لا ينطيه للجراثيم

الحديد سلاح ذو حدين
زيادته تفيد البكتريا
نقصانه الشديد يضر الجسم
لذلك تشوف ناس تنطي حديد مو علمود تغذي البكتريا انما حتى تنطي الجسم حاجته حتى يدافع عن نفسه ويقال انه الحديد الفموي امين الاعطاء حتى بوجود الالتهابات عدا الوريدي
وتشوف ناس متنطي الا الالتهاب يطيب من باب الجسم يكدر يمشي اموره
يعني
Benefit outweighs risk

خلاصتها
اذا احتاجيت تدز تحاليل حتى تشخص نقص الحديد
تدز
S ferritin
اذا قليل .. تم التشخيص
اذا طبيعي او عالي، لازم تدز CRP ، تشوف اكو التهاب رفعه لو لا؟
باقي التحاليل الاخرى
S. Iron, TIBC , Transferrin Saturation
كلها تتفسر مجموعة يلا تكدر توصل لنتيجة
ومرات تنطي علاج وتشوف اكو استجابة لو لا اذا ما اسعفتك التحاليل بالتشخيص.