تغيير المضاد الحيوي للطفل بوقت سريع يوهمك بإنه الطفل استجاب للعلاج الجديد، يعني مثلا دخل عندك طفل للردهة و خليته على سفترايكزون فيال، ثاني يوم الام كالت حرارته ٤٠ مدتنزل، هذا مو معناه المضاد مديشتغل، ف لمن تضيف فانكومايسين ، وتنزل الحرارة .. احتمال السفترايكزون اشتغل، واحتمال اصلا من البداية الحالة فيروسية يعني لا هاي ولا هاي الي اشتغلت ، هو الفيروس طفر.. وانت تبقى بينك وبين نفسك ب وهم ، انه لولا الفانكو ، مصار زين الطفل، وانه اطلعه للبيت لو ابقيه يكمل ٧ ايام !!

المفروض ، اولاً نتأكد انه بكتريا، و ثانياً ، نصبر كم يوم على السفترايكزون احتمال يجيب نتيجة اذا ما نزلت الحرارة بعد ٣ ايام من استخدامه ، ذاك الوكت يلا تضيف مضاد حيوي او تتخذ اكشن

وطبعاً الكايدلاين هي الاساس الي على ضوءه تبرر ليش بديت بمضاد حيوي واحد او بديت ب إثنين
اذا ماعندك مبرر علمي مقنع تكوله للاستاذ الي يمتحنك، شون راح يكون عندك مبرر تكوله لرب العالمين

من الافكار الحلوة ، الي ياريت لو تتطبق بالمستشفيات تعلمتها من د احمد محمد ، ردهة المرضى الراقدين بدون مضاد حيوي
انت ك أخصائي، عندك مريض وقفت عليه كل المضادات الحيوية ؟ تدخله لهاي الردهة
اذا عنده مضاد حيوي ولو واحد، يطلع من الردهة هاي
وبالنتيجة
نخلق تسابق بين الاطباء علمي يفيد المريض ويخليهم يسعون لأيقاف المضادات الحيوية الي ميحتاجها المريض، بدل ما كل كانيولا نضيف وياها سفترايكزون، تصير فقط كانيولا، وية فلود او مضاد تقيؤ ، للحالات الفيروسية ويا مكثرها هاي الحالات بالمستشفيات

لا تحبط فكرة جديدة ابد
بيوم من الايام ، اجيت بفكرة طبع العلاجات ، بدل ما يومية اعيد كتابتها ومشلوع قلبي، ك روتيتر وعندي لابتوب وطابعة، ليش ما اطبعها ؟، اسهل علية من الكتابة اليدوية بهواية
السينير الي اني وياه اتاجمنت، عجبته الفكرة، وحاولنا ناخذ موافقة ادارية بيها
بوقتها المدير كال لا تفتح باب على المقيمين الي بعدك، خليها كتابة
واندثرت الفكرة قبل لا تظهر للنور

بالمرحلة الثانية بورد، بخدج دار التمريض، وحدي بالمكان بلا روتيتر، لكيت طابعة، طبقت الفكرة خلال روتتي كلها، اطبع الادوية ، والسينيرية محد اعترض او كال مو قانوني هالشيء بالعكس فرحانين هالشيء يقلل نسبة الاخطاء بالكتابة

قبل فترة اجو روتيترية لمستشفى حماية الاطفال، بالوحدة الرابعة، يطبعون العلاجات طبع، الكل فرح بهالاجراء، وخلصنا من مشكلة عدم وضوح الخط خصوصاً الادوية اسماء صعبة مو سهلة كلها ادوية امراض عصبية وغيرها
وبعدها شفنا برايمري بالخدج صمم اوراق خاصة بالعلاج والتور مرتبة اكثر من الاوراق البيضة الفارغة
رباط السالفة شنو.. هالاطباء لو احد محبطهم، ومعترض على تصرفهم كان ماتت افكارهم بيومها، ف ابد لا تحبط فكرة ابداعية، الشيء الي انت متكدر تسويه غيرك يكدر يسويه ويقدم شيء جديد مفيد للمستشفى ، والقانون بيه مجال يتقبلها تدريجيا خصوصاً من يشوف فائدتها

شكد مهمة الطبلات ؟ حالياً اكو مستشفى كامل بلا طبلات، كويكا المستشفى الكوري مال العناية المركزة كله الكتروني ونظام التوثيق الكتروني
القانون مطاط وبيه مجال يتقبل التحول الالكتروني بالمستشفيات
ف انت كمدير، ك مسؤول، ساعد هاي الافكار انها تكبر وتصير روتين ثابت يقلل من الاخطاء

طريقة تفكير الذكاء الاصطناعي لتوفير اجابة طبية تجاه امر خاطىء
Calculate bone age
المفروض اكوله جنس المريضة و الطريقة الي اريده يستخدمها
النتيجة الي طلعها اكيد مو دقيقة ١٠٠٪؜ لان استخدم طرق غير الي نستخدمها احنا كون الي عدنا تفصل عظم عظم
و دقة تصوير الاشعة تؤثر ايضا عالنتيجة
توقع عمر المريض
اذا ولد ١٠ ونص
اذا بنت ٩ ونص
زائد ناقص واحد
و احدى الطرق من خلالها كال العمر من ١٠-١٢ سنة
احنا حسبناها ١٢

الي يلفت الانتباه
هو طريقة تفكيره للاجابة
مرة يستخدم كود لتكبير الصورة
مرة يبحث بكوكل
مرة يطرح اسئلة على نفسها ويجاوبها
مرة يخلي بباله نقاط معينة يطلع بيها بالنتيجة النهائية

نفس الفكرة .. بس الداتا حتفرق وهالجهاز اكيد اذا تكدر تضيفله داتا حيسهل المهمة.

هاي dried prune
زبيب ..
منا اجى اسم
Prune belly syndrome
بطن الطفل مبيها اي عضلات فتصير تشبه ال dried prune

وللمعلومة
يكونون
Undescended testes
Urinary tract anomalies

شون تسوي بحثك بنفسك مستغلاً الذكاء الاصطناعي بشكل صحيح ؟
المفروض الفيديو يبدأ بالسلام عليكم، مادري وين راحت.
شرحت بيه عن
١- كيف تلكي عنوان بحث مناسب
٢- كيف ترتب المصادر بدون استخدام مندلي او endnote و تحولها الى فانكوفر ستايل
٣- منين تجيب معلومات للبحث هي ومصادرها، وشون تحول مقالة الاب تو ديت الى مصدر، او الكتاب الى مصدر.
٤- شون تتجنب الاستلال، حالياً كون البحث مكتوب بالذكاء الاصطناعي ما داخل ضمن الاستلال، اذا دخل مستقبلاً انه بالاستلال يعرفون بيك مستخدم الذكاء الاصطناعي وميقبلون فحل هالشيء سهل، اكو مواقع اسمها مشابه ل ( Humanize text ) تحول النص الي مكتوب بالذكاء الى نص شبيه بكتابة الشخص ( يعني بيه اخطاء املائية او التعبير مو كلش احترافي)
٥- نقطة نسيت اوضحها بالفيديو، لازم توقف خاصية improve model for everyone الي موجودة بالذكاء الاصطناعي حتى لا يستخدم محادثاتك ويطور بيها نفسه، وحتى تحافظ على سرية بحثك
٦- فقرات البحث ، وشون تكتبها ، تاخذ بحث سابق لأي شخص قبلك مسويه وتكعد تمشي وراه خطوة بخطوة، وتطور اذا لكيت اخطاء.
٧- نصائح بخصوص نوع الخط، وحجمه، والتنسيق المناسب بالبحث.


الفيديو طويل دينرفع للتلغرام.. مناسب للناس الي تريد تسوي بحث ومتعرف منين تبدأ ، اشتغل بحثك بنفسك، تتعلم كلشي اثناء شغلك، وتناقش وأنت متمكن من النقاش، والجانب الاحصائي استعين بطبيب طب مجتمع يسويه الك.
التطبيقات والمواقع الي تحتاجها بالبحث هي
Microsoft word + excel اساسية
الذكاء الاصطناعي
chatgpt الافضل
google gemini مساعد له
deepseek سيء
grok ما مجربه بالبحث
uptodate جداً مهم
Textbooks للانترودكشن
google scholar مهم جداً
Sci-hub اداة مساعدة للبحوث المدفوعة

الصوت اعلى بهاي النسخة

كيف نستخدم الذكاء الاصطناعي لتشخيص الحالات الطبية المعقدة ؟
ما يختلف اثنين انه الطب بحر، وهذا البحر شكد ما تقرأ بيه ما راح تكدر تلمه، ولابد ما اكو كيسات نادرة ، صعبة، حتى الفحص الجيني ما يكدر يغطيها بالكامل اذا ماكو تشخيصات محتملة مسبقة على ضوئها يفحصون جينات معينة.. او تحتاج تحاليل جينية اعلى من الي متوفرة بالبلد، مكلفة، متكدر تسويها و أنت متعرف نتيجتها حتكون مفيدة او لا .. لازم يكون اكو خطة
استخدام الذكاء الاصطناعي الي اقصده.. مو مسج وترسله ويجيك الرد بثانية، وتحكم على هذا الرد انه ( سيء ) ( يهلوس )
اقصد الاستخدام الامثل للذكاء الاصطناعي .. استخدام اقصى الموارد المتاحة، واذكى النماذج المتاحة، افضل طريقة تطلع منها بنتيجة رهيبة
بهذا الفيديو شرحت كل التفاصيل اللازمة حتى توصل لتشخيص اي حالة طبية معقدة او ترسم لنفسك طريق تتبعه يساعدك بالتشخيص
تطبيق Shark Med تم توظيفه لتسهيل هاي المهمة بالتشخيص.. من خلال ال Medical Ai report
وبداخله ايضاً خليت ميزة Consult Ai للحالات المعقدة

- Medical Ai report explained
along with how to use AI in solving complicated medical cases

ملخص مرضى عجز الكلى بكلمة
SHAP UP

S - Stage
Stage 1 : GFR > 90
Stage 2 : GFR 60-90
Stage 3A GFR 45-60
Stage 3B GFR 30-45
Stage 4 GFR 15-30
Stage 5 GFR less than 15


H - Hypo and hyper
Hypertension
Hyperkalemia
Hyperphosphatemia
Hypocalcemia

الضغط يتعالج ب اربعة اشياء .. ABCD
A - ACEI or ARB
B - B blocker
C - Calcium channel blocker
D - Diuretics

عادة اذا الكلى زينة ننطي كابوتين.. اذا مو زينة ننطي مدرر لازكس او كارفيدولول .. ممكن مثيل دوبا هم نستخدمه احيانا .. ممكن نستخدم اكثر من كروب للمريض اذا ضغطه بقى عالي

ارتفاع البوتاسيوم اذا طارىء يتعالج بالكالسيوم والصوديوم بايكارب ( حتى نحمي القلب ) ، والفنتولين والانسولين + كلوكوز ، و اكو
K oxalate emema

هبوط الكالسيوم يتعالج بشراب كالسيوم
٥٠ مغ لكل كيلو باليوم
Elemental calcium
وننطي وياه فيتامين دي ٢٠٠٠ وحدة دولية يوميا


A - Acidosis , Anemia
يتعالج بصودا باودر م شاي ثلاث مرات يوميا او حبوب صوديوم بايكارب ٥٠٠ مغ نص او كاملة مرتين باليوم حسب العمر والوزن، او وريدي اذا يدخل للمستشفى ب severe acidosis

فقر الدم يتعالج بشراب هيمافير ، حب فولك اسد مستمر
وابرة اما ارثروبويتين فيال
تجي ام ال ٢٠٠٠ وحدة او ٤٠٠٠ وحدة
وجرعتها ٨٠-١٢٠ وحدة لكل كيلو بالاسبوع تقسمها مرتين او ثلاث مرات اسبوعيا اذا ميغسل كلى
واذا يغسل كلى فجرعته تصير ١٠٠-٣٠٠ وحدة لكل كيلو اسبوعيا

او داربو بويتين فيال جرعته 0.45-0.75 مايكروغرام لكل كيلو كل اسبوع او اسبوعين
يجي ابو ٢٠ ميكرو او ٤٠ ميكرو

P - Proteinuria
مثل مرضى السكر، مرات بداية مشاكل الكلى عدهم هي بروتين يوريا، فلازم تبقى تتابعهم
وتعوضهم بروتين اذا عدهم فقدان كبير


U- Drug
تعديل جرع الادوية حسب ال GFR


P - Plan
اما
Conservatives
او
Renal replacement therapy
وال RRT
اما زرع كلى .. او غسل كلى
والغسل اما
Hemodialysis
Or Peritoneal dialysis
وال peritoneal نقصد بيه المستمر
CAPD or APD

بالنفروتك سندروم
تكدر تنطي البردنزولون لمدة ٤ اسابيع
وتقيم حالة المريض اذا داخل ب
Remission
تخليه بين يوم ويوم لمدة ٤ اسابيع اخرى

وتكدر تنطيه لمدة ٦ اسابيع و اذا استجاب ايضا تخليه بين يوم ويوم لمدة ٦ اسابيع

الرأيين صحيحات وعلميات

الاستجابة انه يكون
Albumin in urine
One plus or trace or nil

والجرعة
60 mg per m2 therapeutic
Then 40 mg per m2 each other day

واذا لكيت الكولسترول عالي واكيد عالي
ميحتاج تنطيه
Atorvastatin
لانه حينزل بالبردنزولون

شوكت تنطي البومين لعد ب
Acute attack?
اذا كان عندك
Intravascular depletion what ever the degree of edema
يعني المريض نبضه سريع
ضغطه هابط
داخل شوك
هذا لازم ياخذ البومين
عمليا ( محتمل من مصادر اخرى )
If significant edema ( scrotal swelling, pleural effusion, they give albumin)

لمن المريض
Edematous due to low albumin

مو صحيح دائما انه تنطيه لازكس بدون ما تاخذ احتياطاتك
لانه هو اصلا الفلود طالع من اوعيته الدموية للانسجة
تجي تطلع الفلود من الاوعية بالزايد وتطرحه بالادرار !؟
انت حتسويله
Intravascular depletion

فلازم تنتبه .. تنطيه عند الحاجة مع متابعة المريض

حتى لا تدخله ب
Shock

بالطوارىء حاول تتعلم كمقيم شون تدير الامور اثناء اللود
يعني مثلاً

عندك كيس
CPR
كملته و رجعت للاستقبال لكيت ١٠ مرضى واقفين

اصح تصرف هو ان تسألهم
شعندك ؟
تسمع كلمتين فقط
ثم تشوف الاخر وانت شعندك ؟
وانت ؟
وانت ؟
حتى تشوف منو اكثر واحد بيهم طارىء تبدي بيه
وحتى تستوعب موضوع ( اني جاي قبله )
من تكوله شعندك.. يكولك اسهال صارله يومين .. شوف الطفل بعينك كوله شغلتك سهلة والطفل مبين زين هسة نشوفه
وانت شعندك؟ دكتور مديطلع ادراره حتى نسوي تحليل
كوله بسيطة هسة نشوف موضوعه
يعني كل واحد سمعه كلمة تريح قلقه الزايد
ومن تلزم طفل تبدي بيه كول هذا تعبان حيل ميتحمل انتظار تعال خلي نشوفه حتى الكل تسكت محد يعترض كون الطفل الي بديت بيه تعبان اكثر شيء

لا تشفت عالتحاليل ابد .. يرجعولكم نفسهم ورة شوية وتبقى بنفس اللود

كل مريض حل مشكلته بالكامل حتى ميرجعلك

لا تدخل على فلودات حتى تكسب وقت.. دكتور وين نشد المغذي؟ دكتور خلص المغذي
دكتور هسة شنسوي ؟
نفس المريض يرجعلك ٣ مرات او اربعة وكان ممكن تكمل شغله بمرة وحدة

باللود .. كتابة العلاج اهم من توثيق التفاصيل

يعني مريض جفاف شديد ومريض شمرة
بدل ما تكعد تكتب كارت واحد منهم بالتفاصيل

اكتب علاج ابو الجفاف
واكتب علاج ابو الشمرة
وبعدها ارجع املي الكارتات

العلاج حتى يمشوه الممرضين مرات اهم من توثيق التفاصيل رغم التفاصيل تحميك بس حياة الطفل اهم من التفاصيل الي تكدر بعدين تكتبها

اسمع من الكل حتى الاهل
من اي طبيب .. صغيرا كان ام كبيرا

ليش ما نكول رب العالمين ألهمه حتى يرشدك لشيء كان ممكن يعبر عليك ؟

وياك مقيم دوري .. ستاجير.. انطاك رأي بمريض
اما تشرحله ليش رأيه مو صح
او تاخذ بيه
لا الاستهزاء يرفع شأنك
ولا التفشيل يظهرك بمظهر المتفوق

فد يوم طبيب يغير اعدادات فنتليتر
كلتله ال
Tidal volume
مو ٤-٦ مل لكل كيلو؟
بطريقة استفهام
كال هذا شغلنا احنا نعرفه !
فشلني 😂

بعد ساعتين نفس الطبيب ناقشته بموضوع طبي اخر
تبين انه يتظاهر بالعلم دون وجود اي علم حقيقي او منطق
كان مصر على رأي نظري يقول باعطاء طفل
وزنه اقل من ١٠ كيلو
١٠٠٠ سي سي هايبرتونك سلاين ٣٪؜
لتعديل الهايبو ناتريميا
وهذا الرقم كارثة طبية قاتلة ان تم تطبيقها فعلياً و فشلت ب اقناعه انه الرقم غير منطقي و غلط وانه فهمه للمعادلة مو صح
انتهى الموضوع بجدال عقيم من موضوع لموضوع يتنقل لغرض ال
Show

صار هيج و اني اكبر منه رغم اختلاف البرانج.. شراح يسوي ب الي اصغر منه اذا يقترحله شيء

رباط السالفة
اني فاينل .. و عدنا برايمرية يفوقوني علماً وحتى حرصاً
و فد يوم روتيتر كانت معلوماتها ما شاء الله عليها هي تقدملنا الكيسات وتشرحلنا عليها ونسألها ببعض النقاط الي تتطلب قراية نظرية قوية

ماكو احد اعلى من احد
الي يقرا اكثر يتفوق

فرق العمر .. يزيد من فرق الخبرة
ما يزيد من فرق النظري ابد
الخبرة مهمة والنظرة للمريض مهمة ( هاي تجي بفرق العمر )
اما العلم النظري .. فهاي تجي بالقراية شكد تقرا اكثر شكد تحصلها مهما كان عمرك

فكرة صدقة جارية ..
هواية ناس متخيلة انه الغسل البريتوني لازم اختصاص كلى اطفال يلا يصير
وانه المستشفى ماعدها امكانيات وانه لازم مركز مخصص

بالحقيقة لا
الشغلة سهلة ..
كم واحد منكم يعرف يشد جيست تيوب ؟ يعرف يحط سي في لاين؟ هاي كلها اصعب من الغسل

الغسل البريتوني
يحتاج

نيدل عادي ندخل بيه فلود للبطن نسوي بيها
Pseudoascitis
وراها
ندخل الكاثيتر، نفس الجيست تيوب بالضبط
هاي الكاثيتر سعرها ٤٠ الف تنباع بالمستلزمات الطبية مو شيء حكر على مستشفى معين ولا تجي من الصحة
دتجي بشكل تبرعات او شراء فردي

بعد ما تركب الكاث، وتخيط الجلد عليها بغرزتين

تدخل المحلول.. يبقى ببطن الطفل ساعة او ساعتين ثم تفرغه
وهكذا لمدة اكثر من ٣ ايام لحين استقرار حالة المريض
منو يدخل ويفرغ ؟ ام الطفل تسوي هالشي مو الكادر
احنا نتدخل بس لمن تنسد الكاث نفتحها ونحل مشكلتها

هذا المحلول
ممكن مستشفانا يسوي بيه مناقلة لاي مستشفى يحتاج منه
وممكن حتى بدون هالمحلول تشتغل
برنگر ، نضيفله هايبرتونك و انتي بايوتك وتشتغل بيه
ويا مكثر الرنگر

تريد تحمي نفسك قانونياً؟
تعال يمنا تنسيب نعلمك تشتغل .. ونسويلك تأييد انه يحقلك تشتغل بمحافظتك

التحاليل الي تحتاجها بمستشفاك

S. Electrolytes
ABG
RFT
PT PTT INR

قدم بيها طلب للمدير.. كوله نريد توفرلنا هالتحاليل حتى نشتغل غسل كلى للاطفال بريتوني
وتكون انت اول مدير بعهدك توفر الغسل بالمحافظة كلها!

هذا الغسل للحالات الطارئة
من يستقر وضعه
اما يكون
AKI
ويطلع للبيت ممنون منك
او يكون
CKD
ويتحول لطبيب كلى يكمل وياه

بالنسبة لقرار الغسل من عدمه، اذا كلش شفته صعب بتلفون هاتفي اي طبيب كلى بدل ما يستقبل الكيس يجاوبك عالقرار وانت تكمل.

هذا الشغل الي راح تتعلمه ك اخصائي تعلمه للمقيمين الي عدكم وناس تعلم ناس
وتبقى للأجيال الغسل شغال بمستشفاكم وتنقذون بيه اطفال وانت يجيك اجر من هالشيء ك اول شخص بدأ بيها

وفي ذلك فليتنافس المتنافسون

علاج Hyponatremia

الي جاية بسبب اسهال مثلا مو غير اسباب

( 0.6 or 0.7 or 0.8 ) * body weight * (6 to 9) * ( 1000 over 77 or 154 or 513 ) = amount of fluid to be given over 24 hr of selected fluid type


0.6 children and above
0.7 infant
0.8 premature

هاي نسبة المي بجسم الانسان.. تختار الرقم الي يناسب مريضك

تضرب الرقم بوزن الطفل
ثم تضربه ب ٦-٩
تختار من ٦ الى ٩
كلما كان كرونك كلما تختار رقم قليل
كلما كان اكيوت كلما تكدر تختار رقم عالي

عادة دنختار ٨

تضرب النتيجة ب ١٠٠٠
هذا الالف هو لتر من الفلود
وتقسمها على

٧٧
او ١٥٤
او ٥١٣

هذا هو رقم الصوديوم الموجود باللتر من الفلود
بالنصف كلوكوز سلاين موجود ٧٧ بكل لتر
بالنورمال سلاين او كلوكوز سلاين الكامل بيه ١٥٤
بالهايبرتونك سلاين ٥١٣

الناتج هو كمية المغذي الي تنطيها للطفل خلال ٢٤ ساعة حسب الفلود الي اختاريه
اذا كتبت ٧٧ ، فتكتب نصف كلوكوز سلاين

الكلام الفوك كله للطفل الي ماعنده شمرة ولا غيبوبة
اذا شمرة او غيبوبة
تنطي شوت
3-5 ml per kg of saline 3% over 15 min
وتكدر تعيدها مرة ثانية

وبعدها من تحسب ال
Maintenance
تحسبه على ٤ مو ٨
لان انت بالشوت زيدت بحدود ٤
ممعقولة ترجع تزيد ٨ انوب وتوصل لل ١٢ بيوم واحد
رغم انه بعض المصادر تكول اذا ترفع الصوديوم باليوم الواحد لحد ال ١٢ فهي امينة.. نحاول ما نتقرب منها حتى لا نضر المريض
لانها اقصى حد لرفع الصوديوم باليوم الواحد

ويجي واحد يكول انخلقنا صدفة! او الطبيعة خلقتنا مو بفعل خالق

كل خلية بجسم الانسان عدا بعض الخلايا
بيها نواة
هاي النواة بيها ٢٣ زوج من الكروموسوم
يعني ٤٦ كروموسوم من ابوك وامك

الكروموسوم .. بداخله اكو شيء اسمه هستون
هذا الهستون مثل البكرة ملفوف عليها خيطين مترابطات بقواعد هيدروجينية ( الي هو DNA ) حتى يخلي الكروموسوم يكدر يشيل ال DNA الي هو طويل كلش
طول الخيط تقريبا مترين مضغوط و مرتب بشكل دقيق حتى يكدر يشيله الكروموسوم داخل نواته الي حجمها ٦ ميكرومتر
بجسم الانسان ٣٠ ترليون خلية اذا تربط الخيط مال كل الخلايا مع بعض يوصل منا للشمس اكثر من مرة ويرجع !


هذا ال DNA من شنو متكون
عدنا اربع مواد كيميائية اسمها
ادنين ثايمين سايتوسين كوانين
اختصروها العلماء بحروف
A and T , C and G

هاي المواد يسموها قاعدة مرتبطة ببعضها بشكل ازواج ، فصار عدنا ازواج من القواعد ( لان ال DNA عبارة عن خيطين .. كل جهة بيها قواعد ، وكل قاعدة ترتبط بقاعدة بالخيط المقابل)
كل ٣ قواعد متتالية بنفس الخيط يسموها كودون
كل مجموعة من الكودون تسمى
اما Gene
او Non gene
اذا الها وظيفة يسموها جين، اذا ماعدها وظيفة مكتشفة يسموها non gene

ال DNA هو الكتاب ( الخيط )
فقرات هذا الكتاب الي نعرف وظيفتها وفائدتها نسميها جين، فقراته الي منعرف وظيفتها او ما الها فائدة ( فراغات مثلا ) يسموها non gene

الجينوم هو مجموع الفقرات معلومة الفائدة الجينات وغير معلومة الفائدة non gene كلها الموجودة بجسم الانسان مو بس بخلية وحدة لان احنا فوك دنحجي على خلية وحدة.

مثال عملي
بمرض ال fragile X syndrome

كروموسوم X
بداخله DNA
بداخل هذا ال DNA جين اسمه FMR1
وظيفته ينشأ بروتين اسمه FMRP
شغل هذا البروتين يخلي خلايا الدماغ تتواصل مع بعضها بسهولة

جين ال FMR1 مكون من كودونات مثل باقي الجينات

الكودون ماله مكون من زوج من القواعد مرتبة هيج
CGG
و متكررة فد ٥ الى ٤٤ مرة
الخلل الي صار هو انها تكررت اكثر من ١٠٠ مرة
لان صار بيها هيج خلل ، الجسم سوالها
Shut down
اعتبره جزء عاطل ميشتغل.. ولان الجسم طفاه بعد ماعدنا بروتين FMRP
لذلك مريض ال Fragile x عنده
Intellectual disability
لانه يفتقد الى البروتين الي يسهل التواصل بين خلايا الدماغ