من كيسات اليوم
طفل عمره كم شهر .. عنده مادة بيضاء تطلع من ال
Prepuce
وال foreskin مترجع
هاي اسمها
Smegma
عبارة عن
mixture of desquamated epithelial cells, skin oils, and moisture that accumulates between the foreskin and glans
تعتبر شيء طبيعي ميخوف ولا يحتاج تداخل.. و كون الفورسكن مترجع، فهاي طبيعية بهيج اعمار، ب ٩٠٪ من الاولاد تبدي ترجع بين عمر ٣-٧ سنوات بشكل كامل
قبل هالوقت عادي انها مترجع، خصوصاً اذا ماكو اعراض الم او احمرار يخلينا نفكر بال
Pathologic phimosis
فمعناها هاي فلسجية .

الاستشاريات بيها نوع كيسات مختلف
بيها الناس الي جاية تتسوك .. تنطيك هستري ابو الشهر شهرين ، يصخن و مياكل و نزل وزنه ! بحيث توحيلك انه هذا عنده
Malignancy
اول خطوة تسويها .. انه توضحلها الي دتكوله شكد خطير ، فأما تسحب بريك وتتراجع وتكولك جاي تجييك ، او تبقى مصرة على كلامها وتاخذ الحالة بجدية
وبيها الكيسات الحقيقية الي تايهة متعرف وين تروح
وبيها القنابل الي همزين وصلوك
امثلة من بعض كيسات الاستشارية
Treacher collin syndrome
يريد طبيب علمود النطق ..
حولته الى استشارية السمع ، for hearing screen لأنه يصير عدهم Conductive hearing loss
وطلع عنده .. فتحول من الفحص الاولي الى استشارية الانف والاذن والحنجرة حتى يكملون باقي مشاكله

كيس اخرى .. طفلة عمرها سنة وشوية، عدها سمنة فضيعة ، ال
Triglyceride 200
وبعمرها الطبيعي لحد ١١٩ ، هيج حالة تحتاج هواية تحاليل.. بين تشوف وظائف الكلى و تشوف وظائف الكبد و تشوفلها لبد بروفايل، و تراكمي، و تشوف ضغطهم .. حتى تعرف ليا اختصاص دقيق تتوجه او شنو الي وصلها لهالحال .. هل هي سندروم، لو شيء ثاني لو نتيجة ستيرويد

كيس اخرى غريبة .. الام بائسة تماماً ، ابنها عمره ١٣ سنة، جايبته هسة تريد تشوف بيه مرض مو زين لو لا ؟ لأنه لمن كان بالخدج شاكين بيه هيج شيء.. وجايبة تحاليله مال الخدج تريد اشوفها
١٣ سنة هي فالتة متريد تراجع بيه للمستشفى حتى لا يطلع بيه مرض مو زين ..
الولد كلشي مبيه .. تحول للنفسية لأنه مشكلته الجديدة الي رجعتهم هي
fainting attacks
وتحاليله طبيعية بما في ذلك التخطيط
وياها اخرى .. هم تريد تخطيط .. ليش؟ لأنه ابني يكول بس خليتيني اتعنى للمستشفى وكلشي ما سوولي.. مو لأنه بيه شيء!!

بنهاية البورد
وصلت لقناعة انه ماكو طبيب كامل
وانه كل طبيب مهما كانت علميته
فذاكرته مثل ذاكرة اي انسان
اما يستمر بالقراءة بشكل مستمر و يجدد معلوماته ويحافظ عليها
او ينسى و تندثر
٦٠ يوم دوام بردهة معينة
كفيلة ان تنسيك معلومات الردهة الي قبلها

تقرا الامراض النادرة.. تتعود على تعقيد الكيسات.. تتوزع سنتين بمستشفى ما بيه امكانيات تخليك تنسى كلشي تعلمته
وحتى اذا مستشفى متوفر بيه كلشي
المرض الي ما تشوفه مراح تقرا
راح تصفى بالنهاية
GE
chest infection
DM
Common is common
واذا بقت عندك خبرة بال
PUO
راح تصير متميز ..
مرات افكر، شنو المانع من انه يكون عندك ذاكرة تكدر توصلها ب اي وقت؟
موضوع مار عليك سابقا بس ناسيه.. يكون بجانبك توصله ب اي وقت و ب اسرع شكل بحيث والمريض امامك انت توصل لهاي المعلومة؟
هذا الشيء ان شاء الله
ينوجد له حل بالمستقبل
مثل اللمبي ٨ غيغا 😂


اني احد المشجعين انه يكون اكو مع كل طبيب
ساعة مثلا
تسمع حواراته مع المرضى
و من يريد يتذكر شيء .. يسألها وتجاوب
Two brain better than one
وهاي الساعة هي داتا الطب كله
تخيلوا شكد نكدر نساعد ونشخص مرضى بشكل افضل بهيج طريقة

اكو طبعا هيج امكانية بالقريب العاجل مو بعيدة
بس مال مكان ثابت
استشارية
عيادة
مو متنقلة
اذا تطور الذكاء الاصطناعي ممكن ينربط ب روبوتات صغيرة بس تستقبل صوت وتحجي او تظهر كتابة

بالاستشارية عامة .. هواية أمهات اجوي علمود أطفالهم عدهم نقص بالنمو و هم اغلبهم طبيعيين، حتى لا اتأخر وياهم بإستخدام الجارت، استخدمت التطبيق ، والي فعلاً عنده نقص نمو انزله عالجارت حتى تتوثق قياساته ويحتفظون بيها الاهل بالمراجعات القادمة، ولأنه اللون القديم حسيته يأخذ وقت بين ما الكي الخلاصة مال الجملة
Between centiles
غيرته الى لون مغاير ، يخلي المستخدم يشوف الجملة بدون أي مجهود
Time is important

شوكت يتحول الطفل الي عنده مشكلة بالنمو الى طبيب غدد صم اطفال ؟
هذا الموضوع مهم لأنه هواية احالات تصير مو صحيحة او مو كاملة و تخلق لود ماله داعي وممكن نفيد المريض بإنه نجنبه روحة الى مستشفى ثاني او طبيب ثاني ما يحتاج يراجعه.
 
اول خطوة نسويها لأي طفل عنده مشكلة بالنمو ..
١-  هو نخليه عالجارت و نتأكد انه فعلاً وزنه و طوله اقل من اقرانه.
٢- اذا عمره اقل من سنتين ، اغلب الاسباب نتيجة سوء تغذية فما يستقبلون الطفل اساساً الا اذا اكبر من سنتين.
٣- بعد ما نتأكد انه فعلاً الطفل قياساته اقل من اقرانه نسويله تحاليل
نسويله يوريا و كرياتنين .. لأن عجز الكلى يسبب فشل بالنمو
نسويله سيلياك سكرين ..
( استشارية الجهاز الهضمي يعتمدون على تحليل tTG IgA, IgG بشكل أساسي وية الـ Total IgA ) وبعدها اذا الأرقام عالية بأضعاف و الطفل حالته كلش تمشي وية السيلياك يسووله ناظور لتأكيد التشخيص، تفاصيل التشخيص مذكورة ب الاب تو ديت بشكل Algorithm مو بس شغل مستشفى محلي)
نسويله تحاليل غدة درقية
نسويله CBC, LFT, SE وفلم
ندور أي شيء ممكن يكون سبب بفشل النمو غير نقص هرمون النمو، ممكن لوكيميا ! ممكن مشكلة بالكبد، ممكن مشكلة بالكلى تلكفها من خلال عناصر الدم. ممكن الهستري بيه الحل، طفل عنده اسهال مزمن.. يستخدم ستيرويد، عنده ربو مزمن ما مسيطر عليه.. وغيرها وغيرها.
بعد ما استثنينا كل المشاكل الي خارج اختصاص الغدد الصم و تسبب فشل بالنمو .. نحول المريض الى استشارية الغدد الصم يكملون وياه الوورك من ناحية عمر العظم ، و مرحلة نضوج الطفل ويدخلون بتفاصيل هل يستحق الطفل هرمون نمو لو ميستحقه.

تغيير المضاد الحيوي للطفل بوقت سريع يوهمك بإنه الطفل استجاب للعلاج الجديد، يعني مثلا دخل عندك طفل للردهة و خليته على سفترايكزون فيال، ثاني يوم الام كالت حرارته ٤٠ مدتنزل، هذا مو معناه المضاد مديشتغل، ف لمن تضيف فانكومايسين ، وتنزل الحرارة .. احتمال السفترايكزون اشتغل، واحتمال اصلا من البداية الحالة فيروسية يعني لا هاي ولا هاي الي اشتغلت ، هو الفيروس طفر.. وانت تبقى بينك وبين نفسك ب وهم ، انه لولا الفانكو ، مصار زين الطفل، وانه اطلعه للبيت لو ابقيه يكمل ٧ ايام !!

المفروض ، اولاً نتأكد انه بكتريا، و ثانياً ، نصبر كم يوم على السفترايكزون احتمال يجيب نتيجة اذا ما نزلت الحرارة بعد ٣ ايام من استخدامه ، ذاك الوكت يلا تضيف مضاد حيوي او تتخذ اكشن

وطبعاً الكايدلاين هي الاساس الي على ضوءه تبرر ليش بديت بمضاد حيوي واحد او بديت ب إثنين
اذا ماعندك مبرر علمي مقنع تكوله للاستاذ الي يمتحنك، شون راح يكون عندك مبرر تكوله لرب العالمين

من الافكار الحلوة ، الي ياريت لو تتطبق بالمستشفيات تعلمتها من د احمد محمد ، ردهة المرضى الراقدين بدون مضاد حيوي
انت ك أخصائي، عندك مريض وقفت عليه كل المضادات الحيوية ؟ تدخله لهاي الردهة
اذا عنده مضاد حيوي ولو واحد، يطلع من الردهة هاي
وبالنتيجة
نخلق تسابق بين الاطباء علمي يفيد المريض ويخليهم يسعون لأيقاف المضادات الحيوية الي ميحتاجها المريض، بدل ما كل كانيولا نضيف وياها سفترايكزون، تصير فقط كانيولا، وية فلود او مضاد تقيؤ ، للحالات الفيروسية ويا مكثرها هاي الحالات بالمستشفيات

لا تحبط فكرة جديدة ابد
بيوم من الايام ، اجيت بفكرة طبع العلاجات ، بدل ما يومية اعيد كتابتها ومشلوع قلبي، ك روتيتر وعندي لابتوب وطابعة، ليش ما اطبعها ؟، اسهل علية من الكتابة اليدوية بهواية
السينير الي اني وياه اتاجمنت، عجبته الفكرة، وحاولنا ناخذ موافقة ادارية بيها
بوقتها المدير كال لا تفتح باب على المقيمين الي بعدك، خليها كتابة
واندثرت الفكرة قبل لا تظهر للنور

بالمرحلة الثانية بورد، بخدج دار التمريض، وحدي بالمكان بلا روتيتر، لكيت طابعة، طبقت الفكرة خلال روتتي كلها، اطبع الادوية ، والسينيرية محد اعترض او كال مو قانوني هالشيء بالعكس فرحانين هالشيء يقلل نسبة الاخطاء بالكتابة

قبل فترة اجو روتيترية لمستشفى حماية الاطفال، بالوحدة الرابعة، يطبعون العلاجات طبع، الكل فرح بهالاجراء، وخلصنا من مشكلة عدم وضوح الخط خصوصاً الادوية اسماء صعبة مو سهلة كلها ادوية امراض عصبية وغيرها
وبعدها شفنا برايمري بالخدج صمم اوراق خاصة بالعلاج والتور مرتبة اكثر من الاوراق البيضة الفارغة
رباط السالفة شنو.. هالاطباء لو احد محبطهم، ومعترض على تصرفهم كان ماتت افكارهم بيومها، ف ابد لا تحبط فكرة ابداعية، الشيء الي انت متكدر تسويه غيرك يكدر يسويه ويقدم شيء جديد مفيد للمستشفى ، والقانون بيه مجال يتقبلها تدريجيا خصوصاً من يشوف فائدتها

شكد مهمة الطبلات ؟ حالياً اكو مستشفى كامل بلا طبلات، كويكا المستشفى الكوري مال العناية المركزة كله الكتروني ونظام التوثيق الكتروني
القانون مطاط وبيه مجال يتقبل التحول الالكتروني بالمستشفيات
ف انت كمدير، ك مسؤول، ساعد هاي الافكار انها تكبر وتصير روتين ثابت يقلل من الاخطاء

طريقة تفكير الذكاء الاصطناعي لتوفير اجابة طبية تجاه امر خاطىء
Calculate bone age
المفروض اكوله جنس المريضة و الطريقة الي اريده يستخدمها
النتيجة الي طلعها اكيد مو دقيقة ١٠٠٪؜ لان استخدم طرق غير الي نستخدمها احنا كون الي عدنا تفصل عظم عظم
و دقة تصوير الاشعة تؤثر ايضا عالنتيجة
توقع عمر المريض
اذا ولد ١٠ ونص
اذا بنت ٩ ونص
زائد ناقص واحد
و احدى الطرق من خلالها كال العمر من ١٠-١٢ سنة
احنا حسبناها ١٢

الي يلفت الانتباه
هو طريقة تفكيره للاجابة
مرة يستخدم كود لتكبير الصورة
مرة يبحث بكوكل
مرة يطرح اسئلة على نفسها ويجاوبها
مرة يخلي بباله نقاط معينة يطلع بيها بالنتيجة النهائية

نفس الفكرة .. بس الداتا حتفرق وهالجهاز اكيد اذا تكدر تضيفله داتا حيسهل المهمة.

هاي dried prune
زبيب ..
منا اجى اسم
Prune belly syndrome
بطن الطفل مبيها اي عضلات فتصير تشبه ال dried prune

وللمعلومة
يكونون
Undescended testes
Urinary tract anomalies

شون تسوي بحثك بنفسك مستغلاً الذكاء الاصطناعي بشكل صحيح ؟
المفروض الفيديو يبدأ بالسلام عليكم، مادري وين راحت.
شرحت بيه عن
١- كيف تلكي عنوان بحث مناسب
٢- كيف ترتب المصادر بدون استخدام مندلي او endnote و تحولها الى فانكوفر ستايل
٣- منين تجيب معلومات للبحث هي ومصادرها، وشون تحول مقالة الاب تو ديت الى مصدر، او الكتاب الى مصدر.
٤- شون تتجنب الاستلال، حالياً كون البحث مكتوب بالذكاء الاصطناعي ما داخل ضمن الاستلال، اذا دخل مستقبلاً انه بالاستلال يعرفون بيك مستخدم الذكاء الاصطناعي وميقبلون فحل هالشيء سهل، اكو مواقع اسمها مشابه ل ( Humanize text ) تحول النص الي مكتوب بالذكاء الى نص شبيه بكتابة الشخص ( يعني بيه اخطاء املائية او التعبير مو كلش احترافي)
٥- نقطة نسيت اوضحها بالفيديو، لازم توقف خاصية improve model for everyone الي موجودة بالذكاء الاصطناعي حتى لا يستخدم محادثاتك ويطور بيها نفسه، وحتى تحافظ على سرية بحثك
٦- فقرات البحث ، وشون تكتبها ، تاخذ بحث سابق لأي شخص قبلك مسويه وتكعد تمشي وراه خطوة بخطوة، وتطور اذا لكيت اخطاء.
٧- نصائح بخصوص نوع الخط، وحجمه، والتنسيق المناسب بالبحث.


الفيديو طويل دينرفع للتلغرام.. مناسب للناس الي تريد تسوي بحث ومتعرف منين تبدأ ، اشتغل بحثك بنفسك، تتعلم كلشي اثناء شغلك، وتناقش وأنت متمكن من النقاش، والجانب الاحصائي استعين بطبيب طب مجتمع يسويه الك.
التطبيقات والمواقع الي تحتاجها بالبحث هي
Microsoft word + excel اساسية
الذكاء الاصطناعي
chatgpt الافضل
google gemini مساعد له
deepseek سيء
grok ما مجربه بالبحث
uptodate جداً مهم
Textbooks للانترودكشن
google scholar مهم جداً
Sci-hub اداة مساعدة للبحوث المدفوعة

الصوت اعلى بهاي النسخة

كيف نستخدم الذكاء الاصطناعي لتشخيص الحالات الطبية المعقدة ؟
ما يختلف اثنين انه الطب بحر، وهذا البحر شكد ما تقرأ بيه ما راح تكدر تلمه، ولابد ما اكو كيسات نادرة ، صعبة، حتى الفحص الجيني ما يكدر يغطيها بالكامل اذا ماكو تشخيصات محتملة مسبقة على ضوئها يفحصون جينات معينة.. او تحتاج تحاليل جينية اعلى من الي متوفرة بالبلد، مكلفة، متكدر تسويها و أنت متعرف نتيجتها حتكون مفيدة او لا .. لازم يكون اكو خطة
استخدام الذكاء الاصطناعي الي اقصده.. مو مسج وترسله ويجيك الرد بثانية، وتحكم على هذا الرد انه ( سيء ) ( يهلوس )
اقصد الاستخدام الامثل للذكاء الاصطناعي .. استخدام اقصى الموارد المتاحة، واذكى النماذج المتاحة، افضل طريقة تطلع منها بنتيجة رهيبة
بهذا الفيديو شرحت كل التفاصيل اللازمة حتى توصل لتشخيص اي حالة طبية معقدة او ترسم لنفسك طريق تتبعه يساعدك بالتشخيص
تطبيق Shark Med تم توظيفه لتسهيل هاي المهمة بالتشخيص.. من خلال ال Medical Ai report
وبداخله ايضاً خليت ميزة Consult Ai للحالات المعقدة

- Medical Ai report explained
along with how to use AI in solving complicated medical cases

ملخص مرضى عجز الكلى بكلمة
SHAP UP

S - Stage
Stage 1 : GFR > 90
Stage 2 : GFR 60-90
Stage 3A GFR 45-60
Stage 3B GFR 30-45
Stage 4 GFR 15-30
Stage 5 GFR less than 15


H - Hypo and hyper
Hypertension
Hyperkalemia
Hyperphosphatemia
Hypocalcemia

الضغط يتعالج ب اربعة اشياء .. ABCD
A - ACEI or ARB
B - B blocker
C - Calcium channel blocker
D - Diuretics

عادة اذا الكلى زينة ننطي كابوتين.. اذا مو زينة ننطي مدرر لازكس او كارفيدولول .. ممكن مثيل دوبا هم نستخدمه احيانا .. ممكن نستخدم اكثر من كروب للمريض اذا ضغطه بقى عالي

ارتفاع البوتاسيوم اذا طارىء يتعالج بالكالسيوم والصوديوم بايكارب ( حتى نحمي القلب ) ، والفنتولين والانسولين + كلوكوز ، و اكو
K oxalate emema

هبوط الكالسيوم يتعالج بشراب كالسيوم
٥٠ مغ لكل كيلو باليوم
Elemental calcium
وننطي وياه فيتامين دي ٢٠٠٠ وحدة دولية يوميا


A - Acidosis , Anemia
يتعالج بصودا باودر م شاي ثلاث مرات يوميا او حبوب صوديوم بايكارب ٥٠٠ مغ نص او كاملة مرتين باليوم حسب العمر والوزن، او وريدي اذا يدخل للمستشفى ب severe acidosis

فقر الدم يتعالج بشراب هيمافير ، حب فولك اسد مستمر
وابرة اما ارثروبويتين فيال
تجي ام ال ٢٠٠٠ وحدة او ٤٠٠٠ وحدة
وجرعتها ٨٠-١٢٠ وحدة لكل كيلو بالاسبوع تقسمها مرتين او ثلاث مرات اسبوعيا اذا ميغسل كلى
واذا يغسل كلى فجرعته تصير ١٠٠-٣٠٠ وحدة لكل كيلو اسبوعيا

او داربو بويتين فيال جرعته 0.45-0.75 مايكروغرام لكل كيلو كل اسبوع او اسبوعين
يجي ابو ٢٠ ميكرو او ٤٠ ميكرو

P - Proteinuria
مثل مرضى السكر، مرات بداية مشاكل الكلى عدهم هي بروتين يوريا، فلازم تبقى تتابعهم
وتعوضهم بروتين اذا عدهم فقدان كبير


U- Drug
تعديل جرع الادوية حسب ال GFR


P - Plan
اما
Conservatives
او
Renal replacement therapy
وال RRT
اما زرع كلى .. او غسل كلى
والغسل اما
Hemodialysis
Or Peritoneal dialysis
وال peritoneal نقصد بيه المستمر
CAPD or APD

بالنفروتك سندروم
تكدر تنطي البردنزولون لمدة ٤ اسابيع
وتقيم حالة المريض اذا داخل ب
Remission
تخليه بين يوم ويوم لمدة ٤ اسابيع اخرى

وتكدر تنطيه لمدة ٦ اسابيع و اذا استجاب ايضا تخليه بين يوم ويوم لمدة ٦ اسابيع

الرأيين صحيحات وعلميات

الاستجابة انه يكون
Albumin in urine
One plus or trace or nil

والجرعة
60 mg per m2 therapeutic
Then 40 mg per m2 each other day

واذا لكيت الكولسترول عالي واكيد عالي
ميحتاج تنطيه
Atorvastatin
لانه حينزل بالبردنزولون

شوكت تنطي البومين لعد ب
Acute attack?
اذا كان عندك
Intravascular depletion what ever the degree of edema
يعني المريض نبضه سريع
ضغطه هابط
داخل شوك
هذا لازم ياخذ البومين
عمليا ( محتمل من مصادر اخرى )
If significant edema ( scrotal swelling, pleural effusion, they give albumin)

لمن المريض
Edematous due to low albumin

مو صحيح دائما انه تنطيه لازكس بدون ما تاخذ احتياطاتك
لانه هو اصلا الفلود طالع من اوعيته الدموية للانسجة
تجي تطلع الفلود من الاوعية بالزايد وتطرحه بالادرار !؟
انت حتسويله
Intravascular depletion

فلازم تنتبه .. تنطيه عند الحاجة مع متابعة المريض

حتى لا تدخله ب
Shock