Shark
Dive into knowledge
الخطوة الاولى من الالف خطوة
لصناعة تطبيق عراقي طبي من طبيب لطبيب مفيد للمقيمين الي يداومون بالمستشفيات سواء فرع الاطفال او غير فرع ( مستقبلاً )
الاهداف :-
١- توفير ادوات سهلة سريعة الاستخدام في الدوام اليومي تساعدك بالعمليات الحسابية الطبية.
٢- توفير مادة علمية دراسية بشكل مختلف توفرلك وقتك وجهدك و تسهل عليك دراستك بالبورد او بالتنافسي.
٣- تسخير التقنية في خدمة الجانب الطبي من ناحية التشخيص المقترح.

الميزة الثانية: تحضير السوائل الوريدية بشكل علمي حسب التركيز المطلوب من الكلوكوز
ماكو داعي بعد تحفظ المعادلات بجهازك وتطلعها وتطبقها وبعض المعادلات تحتاج اكثر من خطوة يلا تطلع بنتيجة.. داخل التطبيق سويت هالشيء بشكل مبسط
تدخل كمية الفلود الي تريد تحضرها
تدخل التركيز الي تريده
تختار الفلود الي عندك
تختار الفلود الي تريد تضيفه
تحصل على نتيجة دقيقة ١٠٠٪
تريد تتأكد بنفسك من الحساب؟ ذاكرلك داخل التطبيق كيف تمت العملية الحسابية حتى تتأكد بنفسك.
يتبع

الميزة الثالثة : لمرضى الكلى
كل طفل يجي مرتفعة عنده وظائف الكلى، او يعاني من فشل بالكلى لازم نحسبله ال GFR
وعلى ضوء النتيجة نعدل دوزات الادوية
بنفس الوقت نطلعلهم الـ Surface area لأنه هواية ادوية بردهة امراض الكلى نحسبها على المساحة السطحية مو على الوزن
ولمن المريض عنده جارت قياس الضغط، لازم يكون عدنا ضغط الطفل الطبيعي شكد بالنسبة لطوله ؟
بهالميزة.. خليتها كلها سهلة، تدخل عمر المريض وتدخل جنسه علمود الـ GFR و تدخل الكرياتنين بأي وحدة عندك، حتى يحسبلك التطبيق شكد الـ GFR ، لمن تدخل طول الطفل، وية عمره، راح اكدر اعرف height percentile و بالاعتماد على جارتات الضغط الطبيعي راح تحصل على معلومات كاملة عن ضغط المريض الطبيعي شكد، وشكد يعتبر مرتفع، و راح تحصل على المساحة السطحية للمريض..
ان شاء الله مستقبلاً هالميزة اخليها تحسبلك جرع الادوية الـ Common بشكل تلقائي خصوصاً الـ Antibiotics
هاي الميزة للـ Infant and children and premature neonates
يتبع

الميزة السادسة هي الـ GIR
الـ GIR هو معدل اعطاء الكلوكوز للاطفال، كلش مهم بحالات هبوط السكر وهو لغة التواصل العلمية بين الاطباء
لمن تجي على طبلة، تلكي بيها مغذي مكتوب بشكل ما ١- سواء مكتوب خمس كلوكوز سلاين ٤٠٠ مل خلال ٢٤ ساعة
٢- او مكتوب خمس كلوكوز سلاين ٤٠٠ سي سي + ٣٠ سي سي هايبرتونك خلال ٢٤ ساعة
٣- او مكتوب يحضر خمس كلوكوز سلاين ٤٥٠ سيسي + ٥٠ سي سي هايبرتونك ويعطى للمريض ١٥٠ سي سي خلال ٢٤ ساعة
٤- او تكون تعرف تركيز المغذي شكد

حتى تفهم شديصير لهالمريض وهل الشغل صح لو غلط لازم تحسب الـ GIR ، وقبل لا تحسب الـ GIR لازم تحسب تركيز المغذي التطبيق يوفرلك الاحتمالات هاي كلها
سواء تلكي مغذي مكتوب بشكل من الاشكال، بس تدخله وزن الطفل وكمية المغذي و الشكل المكتوب بيه راح يكولك المريض شكد ديحصل GIR
واذا ردت تغير هذا الـ GIR بالزيادة او النقصان و ردت تحضر فلود جديد يناسب مريضك
فالتطبيق ايضاً بيه هالشيء، بس تكتب وزن المريض و رقم الـ GIR الي تريده، راح يحسبلك التركيز المطلوب و راح ينطيك طريقة سريعة لتحضير هذا التركيز سواء تريد تحضر ١٥٠ مل فقط او ٥٠٠ مل او تحضر كل الكمية المطلوبة
يعني نكدر نكول الـ GIR صار بالتطبيق بكل تفاصيله وعملياته الحسابية.. وموجود ايضاً شرح لكيفية العمليات الحسابية للي يريد يفتهم ويعتمد على نفسه بالحساب

يتبع

الميزة السابعة، تخص بولات الاسئلة والاجوبة لطلاب البورد تخصص الاطفال بشكل مختلف يحفظلك وقتك وجهدك ومبسطة تسهل فهمك للمصادر المتاحة حالياً، وبشكل حصري لمصادر اخرى سيتم الاعلان عنها لاحقاً
الميزة الثامنة: ان شاء الله حتكون من العيار الثقيل لفكرة كانت موجودة بدماغي من ٧ سنوات لما كنت مقيم دوري ، ان شاء الله تكون مفيدة لطلاب كلية الطب وللاطباء المقيمين والاختصاص

رابط التطبيق للتحميل للايفون والايباد الي بيها النظام محدث ١٧-١٨
https://apps.apple.com/us/app/shark-med/id6745961464.

ممكن نواجه مشاكل بتحميل التطبيق هاليومين واختفاءه من ال Appstore
نتيجة بعض التحديثات على البلدان المتاح بيها.

بيوم من الايام شرحت السكر لاهل طفل بيه سكر
بديناها من ال
Causes
Clinical features
Complications
Treatment
كلشي يعني كل الجوانب حجينا بيها فوك الساعة
من ضمن الكلام
كلتله
حتروح للبيت، اهلك يعرفون انه طفلك بيه سكر، راح ينصحوك ب اطباء او عشابين او دول
و راح تسمع كلامهم
وتروح
والي تروحله يكولك عوف الانسولين
وتعوف الانسولين
ويصعد السكر ويصير بطفلك حموضة وترجع نادما و مأذي طفلك فوكاها
هالكلام حجيته بعد ما شرحت المرض بالتفصيل
يعني ماكو اي مبرر انه يسوي هالشي غير ال
Denial
ثاني يوم رايح لمعاون صيدلي
ماخذ الطفل عالريگ
قايس السكر
عالي
كايله هذا البنكرياس ملتهب، لا تنطيه انسولين ، يحتاج علاج بس ويصير زين، و باجر تراجع بيه الاختصاص الفلاني
خابرني
سكره
HI
رباط السالفة
تصرفات المرضى انحفظت
كلهم نفس التفكير
كلهم يبحثون عن الي يكوللهم ما بيه سكر
اما يجيك ميكولك شبيه الطفل ولا يشوفك تحاليل
يحجيلك الاعراض وينتظر منك تشخيص ثاني غير السكر
او يروح لشخص ينطيه اعشاب
او لشخص يكوله ابني هم كالولي بيه سكر واخذ انسولين وراها صار زين وعفت الانسولين
او لشخص يلعب بالجرعة يخلي الصبح والليل نفس الجرعة
او يسويه عند الحاجة
من الخرط الموجود بالسوق
والايتمات ال ٢٠ الي بعدها تعطى للاطفال مرضى السكري و الوعود الكاذبة ب ( راح نحاول نقلل الانسولين تدريجيا حتى نحوله الى حبوب )
هالكلام طبيب يكوله للمرضى لحد هسة!
تاليها يجي المريض
DKA
وتعال لحگ بيه حتى يعبر

Gricelli Syndrome is a rare autosomal recessive genetic disorder characterized by partial albinism, immunodeficiency, and neurological dysfunction. It results from mutations in genes affecting melanosome and lysosome trafficking.


Clinical Features:
• Silvery-gray hair with large clumps of melanin in the hair shaft.
• Hypopigmentation of skin.
• Recurrent infections
• Neurological dysfunction (
• Hemophagocytic lymphohistiocytosis

Diagnosis:
• Microscopic hair examination (shows abnormal melanin clumping).
• Genetic testing.
• Bone marrow biopsy in suspected HLH.

Treatment:
• Type 1 & 3: Symptomatic treatment.
• Type 2: Requires hematopoietic stem cell transplantation (HSCT) to prevent fatal immune complications.