شون تشخص مريض ال celiac disease ؟
لازم المريض عنده اعراض داء الحنطة او معرض انه يصير عنده داء الحنطة لاسباب أخرى مثلا تاريخ مرضي بالعائلة او عنده سكر النوع الاول وتريد تشوف صار عنده داء الحنطة لو لا
اول خطوة :-
ترسل المريض الى
Anti tissue transglutaminase IgA , IgG
Anti endomysial Antibody
Total IgA level

طلع عندك
tTG-IgA positive - possible celiac disease
تشوف النسبة شكد صاعدة، ضعف الى اقل من ٣ اضعاف الطبيعي، اذا اعراضه قوية لازم OGD
اذا اعراضه بسيطة وبيها مجال ، يعيد التحليل بعد ٦ اشهر بدون ان يترك الحنطة طبعا.
اذا كانت صاعدة ٣-١٠ اضعاف الطبيعي تسويله ناظور
اذا صاعدة اكثر من ١٠ اضعاف الطبيعي ، اما تسوي ناظور ، او تشوف ال EMA (anti endomysial Ab)
اذا لكيتها موجبة هذا داء الحنطة. واذا سالبة ترجع للناظور
هذا طريق ..
الطريق الاخر نرجع لل Total IgA اذا لكيته قليل شوف ال tTG-IgG و تسوي deamidated gliadin peptide اذا لكيتهم بوزتف تسوي ناظور
اذا سلبي، عالاكثر مو داء الحنطة
اما اذا ال Total IgA طبيعي و tTG IgA نكتف هذا مو داء الحنطة

نكول سويت ناظور، وطلع طبيعي ؟ تعيد الناظور والخزعة اذا عنده اعراض ، وممكن تنطيه محاولة علاجية بدون حنطة وتشوف.. طلع الناظور مو طبيعي تعتبره داء الحنطة

بالعملي واستشارية الجهاز الهضمي
جاي ندز
tTG IgA , IgG
Anti endomysial antibody
اذا لكيناهم significantly elevated نسويله ناظور
اذا عالحافة وبسيط الارتفاع نعيدها ورة ٣ اشهر ونشوف .
واكيد Case by case يصير القرار
المعلومة المهمة شنو، انه الارتفاع البسيط بالتحاليل مو ذات اهمية و جاي نرجع المرضى المحالين النا لاعادة التحاليل بعد ٣ اشهر
فلازم الواحد يكون عنده معلومة عن انه الارتفاع العالي عدة اضعاف يلا نفكر بالتشخيص.
واذا المريض كاطع الحنطة ف التحليل حيطلع طبيعي ف لازم يكون المريض ياكل اكل عادي يلا يسوي تحليل او ناظور
و لان قرار التشخيص مدى الحياة يكطع الحنطة لهالسبب لا تشخص المريض بدون ناظور ولا تحرمه من اكلات بدون تشخيص ١٠٠٪؜

نموذج من الصعود الخرافي للتحاليل .. هذا علميا ميحتاج OGD ، لانه صعود ال tTG IgA اكثر من ١٠ اضعاف، و ال EMA بوزتف يشخص ال Celiac ، واقعيا الاهل اجو يريدون ناظور ، و لانه على gluteen free diet لازم يرجع ياكل طبيعي وراها يسوي ناظور حتى يتأكدون من التشخيص بالناظور

عملي من الردهات :-
بمدينة الطب ردهة الجهاز الهضمي، مرضى ال
Hepatitis A
ننطيهم لاكتلوز شراب حتى تطلع بطنه واذا ما طلعت رغم زيادة الجرعة دننطيهم موڤي كول اكياس واحيانا تحاميل كلسرين،
وننطيهم اورسو كبسول ١٠-٣٠ مغ لكل كيلو
Fluid if needed
اذا يحتاج انتي بايوتك، كلافوران او سبرودار فيال
فيتامين كي امبول
If PT, PTT, INR normal
Patient is improving
No vomiting , looks well
نطلعه للبيت

اذا تحاليله عالية..
Significant TSB elevation
The diagnosis is not confirmed yet
Still have vomiting
Elevated PT PTT INR
نبقيه بالمستشفى.. ونتابعه
اذا حسينا راح يدخل المريض ب
Hepatic encephalopathy
نبدأ وياهم
NAC N-acetyl cystine
بالردهة كبل جاي نحسبه على ١٠٠ مغ لكل كيلو خلال ٢٤ ساعة
هذا عملي من واقع الردهة.. ولقاح hepatitis A على حد علمي ماكو بالعراق.

عملي :- مرضى ال hematamesis
اذا ما وكف ( لان مرات يصير مرة مرتين ويوكف) ننطيهم
Octeriotide amp 1-2 mcq / kg / hr
خصوصا الي عدهم enlarged spleen
نفكر ب portal hypertension و esophageal varices
و نحضرلهم دم .. و اكيد حسب التحاليل بعد
سواء يحتاج بلازما او ميحتاج
وبعدها ندور للسبب
هاي كلها تتشخص وتنحل بالناظور.
الدم بالمناسبة اكو حالات تضطر تنطي بيها مرتين باليوم
اتذكر كيس..
Upper GIT bleeding and pneumonia
دمها ٥ ، ننطيها دم نلكيه ثاني يوم ٥ .. اخر شيء كمنا ننطيها صباحا ومساءا مع الاوكتريوتايد يلا تشافت بعد فترة شهر تقريبا
لا تتحمل تخدير.. لا تتحمل شيء ، وفوكاها الاهل مو عراقيين و الاب مسجون والام تروح لباقي اطفالها تجيب اختها ١١ سنة تبقى مع الطفلة.
الكيس اتذكر كانت
5 years , Cystic fibrosis
Failure to thrive
Developmental delay
Severe pneumonia

معلومة :-
تكدر تدز المريض تحليل CBC بعد انتهاء اعطاء الدم بربع ساعة و تحصل نتيجة حقيقية ودقيقة
هالمعلومة طلعتها من مصادر موثوقة وعلمية و سؤال اطباء اختصاص دقيق امراض الدم
المعلومة الي تكول بعد ٦ ساعات، او بعد ٢٤ ساعة يلا تكدر ترسل تحليل مو صحيحة

اي طبيب مهما كانت علميته بسيطة يكدر يعرف اذا الطفل عنده تشوهات بالقلب لمن يكون الطفل عنده Cyanosis واضح. او يجي بأعراض تدل على وجود تشوهات بالقلب وبالنتيجة يرسل الطفل الى الايكو ويساهم بتشخيصه و وضعه على الطريق الصحيح بالعلاج.
مو هنا الشطارة
الشطارة لمن انت مقيم دوري و تكدر تميز يا طفل من الي استلمتهم بالخدج وماعدهم اي اعراض واضحة، يحتاج يسوي ايكو بأسرع وقت !

الطريقة بسيطة، بإستخدام ال Pulse oximetry
١- تقيس الاوكسجين بالايد اليمين و الرجل اليمين ( او اليسار ) ، اذا الاوكسجين لكيته ٩٥ و فوك، والفرق بين الرجل و الايد ٣٪ او اقل ، فهذا ميحتاج ايكو
٢- اذا لكيت الاوكسجين جوا ٩٠٪ سواء بالايد او الرجل فهذا المريض يحتاج ايكو بأسرع وقت
٣- اما اذا لكيته بين ٩٠-٩٤ ، او اكو فرق بين الايد والرجل اكثر من ٣٪ ، لا تستعجل بالقرار، عيد الفحص بعد ساعة، اذا نفس الشيء، اصبر بعد، وعيده بعد ساعة، اذا نفس الشيء معناها المريض يحتاج ايكو، واذا ما لكيته نفس الشيء بالاعادة، فإنت اما تنتقل الى النقطة الاولى وميحتاج ايكو او تنتقل الى النقطة الثانية ويحتاج ايكو

ملاحظة مهمة :- الفحص هذا نسويه بعد ٢٤-٤٨ ساعة، او لمن نريد نطلع الطفل للبيت، ما نسويه بأول دقايق بعد الولادة لأنه نسبة الاوكسجين بالدم الطبيعية تختلف عن الي نعرفه وبكل دقيقة تتغير وبعد ١٠ دقايق تقريباً يلا توصل للتسعينات.
https://t.me/pediatricmastering

مو كل Low albumin معناها لازم ننطي البومين، خصوصاً بحديثي الولادة الي عدهم Sepsis لأنه هالشيء راح يزيد الـ Edema.
طبعاً نسبة الالبومين الطبيعية بالاطفال حديثي الولادة ماكو رقم ثابت بيها بالمصادر ولا نكدر ناخذ النسبة الطبيعية مال الكبار ونعممها عليهم، خلاصة البحوث هو انه نسبته تتراوح من ٢ بالاطفال الي اعمارهم الجنينية بين ٢٧-٣٠ اسبوع الى ٣ بالـ Term. بعض المصادر تذكر نسب طبيعية لل Preterm حتى اقل من ٢
لمن يدخل الطفل بحالة Sepsis، راح يعاني من hepatic mRNA diminution ، ويقل انتاج الالبومين عنده، والـ Pro-inflammatory cytokines راح تساهم اكثر بعد بتقليل انتاج الالبومين بالجسم، لكن اهم من كل هالمسببات هو زيادة الـ Capillary leak و الـ Redistribution و Increased catabolism ، الـ Capillary leak يزيد اكثر من ١٣ مرة لمن يصير sepsis
فلمن تجي وتنطيه البومين.. راح يطلع عالسريع الى الـ Interstitial space، ويسحب وياه الصوديوم والمي، وبالنتيجة يزيد الـ Edema
هذا الشي ينطبق على ما بعد العمليات الجراحية ايضا كذلك رح تطلع الcytokine وتزيد الcapillary permeability
ف مجرد ننتظر انه الطفل يطلع من الstress وتمشي الامور و تروح الedema
كتاب Avery من الكتب المعتمدة بإختصاص الـ Neonatology يذكر
“ Even in the presence of hypoalbuminemia, when sick neonates are treated with frequent albumin boluses, much of the infused albumin rapidly leaks into the interstitium. This creates a vicious cycle of intravascular volume depletion and edema formation “
ويكمل قائلاً انه هاي الحلقة اذا ما وكفتها ( وهي انه الطفل مورم، وتنطيه البومين وهالشيء يزيد الوروم) راح تدخل الطفل بـ Anasarca ، ونتيجتها يتصنف الطفل على انه extremely poor prognosis
خلاصة الكلام انه ال Sick neonate ماعنده القدرة الكافية على تنظيم ال Intravascular volume و تنظيم حجم و مكونات الـ interstitium لذلك لازم تتابعه وتعالجه بصورة صحيحة بما يشمل عدم الاستخدام الروتيني للالبومين. العلاج الصحيح لقلة الالبومين عند هذولي الاطفال هو معالجة الـ Sepsis وحتشوف شون شوية شوية يتحسن الطفل. ومن القصص الواقعية الي ممكن تفيدكم للمعلومة .. كيس بالخدج، بالعامية نكول بقت تفرش بالحاضنة من كد ما edematous ، تبين لاحقاً انها Hypothyroidism ، فهاي هم تخليها ببالك كأحد اسباب الـ hypoalbuminemia الي ما تكدر تعالجها بدون ثيروكسين.
الشكر لدكتورة فاطمة جمعة على المحاضرة المقدمة بهالخصوص وعلى تجميعها للمصادر.
https://t.me/pediatricmastering

Esophageal stenosis bypass surgery…
هاي الي تشوفوها بال chest هي المعدة مال الطفل.

فد يوم استلمنا كيس بالخدج طفلة .. Neonate with respiratory distress
بالفحص السريري ، الطفلة عدها Abdominal distention ، وعسر تنفس .. اشعتها احنا نكول عليها محلوة ومخربطة متعرف راسها من رجلها
اهلها لأنه عدهم زواج اقارب وعمات الطفلة ما اتذكر اطفالهم داون لو هن داون.. ويخافون لا طفلتهم هم تطلع داون، مسوين تحليل للام بوقت الحمل
اسمه يمكن NICE او NIPT اختصاراً ل non-invasive prenatal testing ، اسم يعني الا بحثنا بالنت يلا عرفنا مختصر لشنو
بالتحليل يطلعلك اذا اكو داون، او ادوارد او باتو سندروم، و التحليل سليم
الطفل عنده اصابع زيادة برجله، واصابع ايده مدموجة مع بعض ، وانتفاخ بالبطن
الاشعة بالبداية خلتنا نشك ب diaphragmatic eventration ، وكأن رأي مقيم جراحة الاطفال انه الحالة مو طارئة حالياً، من تستقر نشتغلها
وسونارها كان يكول اكو اكياس عالكلى وهالشيء يمشي وية الـ ARPKD
استاذتنا من النوع الي تبحث وتسعى لتشخيص الحالة مهما كانت صعبة وهذه بالنسبة الي اقصى درجات الرقي بالعلم انه الانسان مهما يوصل علمه ما يتكبر ولا يتعاجز عن سماع اراء الاخرين او مناقشتهم، وقبل لا نوصل لأسم المتلازمة، كانت تكول انه هاي الطفلة عدها hametometrocolpus بس شوفولنا الجراحة يفحصوها اكو vaginal atresia لو لا، اثناء النقاش اختصاصية اخرى بارك الله بيها كالتلهم اذا الطفلة عندها Vaginal atresia فهاي متلازمة
McKusick-Kaufman syndrome
وبالفعل ، طلع الـ Abdominal distention هو hametometrocolpus ، و طلعت الطفلة مجمعة سوائل داخل رحمها بكمية رهيبة توصل الى ١ لتر والي طلعت بعد تداخل جراحة الاطفال
سوينالها تحليل جيني .. حتى نؤكد التشخيص وحتى نكدر نكول للاهل شنو يسوون بالحمل القادم، هل يحتاج تحاليل اثناء الحمل، لو لازم يسوون اطفال انابيب ويفحصون جينات الطفل قبل لا يرجعوه للرحم.
سبحان الله رغم اول طفل الهم وماكو داعي هيج يقلقون او يسوون تحاليل بس لأنهم اقارب، رب العالمين ابتلاهم بمرض غير الي يدورون عليه .

كل ردهة اختصاص دقيق.. بيها مرض هو ملح الردهة، وين متخليه يرهم
الجهاز الهضمي عدهم wilson disease
لانه ممكن يجي ب اي شكل من الاشكال الي تشبه باقي الامراض لازم تبحث عليه.. وهواية تشخصه
حاليا روتين الردهة ( نرسل S copper و S ceruloplasmin و نجمع ادرار ٢٤ ساعة علمود urine copper ) اذا طلعت الارقام تزيد شكنا ، نسوي challenge test ، ننطيهم بنسلامين ونعيد تحليل الادرار ونشوف.
ردهة امراض الكلى
الضغط.. اغلبهم يصعد ضغطهم، او ال SLE ، تدز تحاليل تدورله، وايضا يتشخص بعدد كبير

ردهة الغدد الصم
مرضى السكري ندور عدهم سيلياك وثايرويد

ردهة الجنرال
مليانة typhoid

Interesting case

طفل عمره ١١ سنة، اشتكى من صعوبة بالبلع و ألم في البلعوم (اهله اعتقدوا بسبب اللوزتين)، و ألم ب أكتافه وبطنه
A nearby clinician suspected either acute appendicitis or gastroenteritis. for which an ultrasound and additional investigations were conducted. The patient was then sent back home with a prescription of oral antibiotics and analgesics.
الطفل ماعنده تقيؤ، ماعنده اسهال، لكن عنده undocumented fever. قبل لا يرجع الطفل للبيت وصاهم الطبيب انه اذا الالم بقى تاخذوه للمستشفى لأنه معناها عنده Appendicitis.
يوم او اقل من يوم بقى الطفل بالبيت وكان وضعه احسن على مسكنات الالام الى ان
The patient experienced an episode of generalized spasticity, resulting in a fall. There was no loss of consciousness, no frothy secretion from the mouth, no fecal or urinary incontinence, and no twitching or repetitive rhythmic contractions in any muscle group, including the eyes and mouth.

الاهل من شافوه هيج، مع شكواه من الم شديد ببطنه، اخذوه بورقة عيادة مذكور فيها
RIF pain and tenderness with high WBC and US showing a wall thickness of appendix 0.8 cm
الى طوارئ جراحية معتقدين انها علامات ال
Appendicitis
حيث تم اجراء تحاليل وفقاً للتاريخ المرضي الي وصلهم بيه، وللحالة السريرية الي شافوه بيها
The investigations conducted under surgical supervision revealed the following: WBC count of 13, predominantly granulocytosis; hemoglobin at 12.4; platelet count of 324; normal PT, PTT, and INR; negative virology screen; normal renal and liver function tests; normal serum electrolytes, albumin, and total serum bilirubin; CRP positive at 6; serum amylase at 71 and 51, and lipase at 11 and 8 (measured twice). An emergency ultrasound indicated signs of mesenteric lymphadenitis, though appendicitis could not be ruled out. The X-ray was normal. The patient was treated with ceftriaxone, metronidazole, omeprazole, acupan, paracetamol, and fluids. During the hospital stay, an episode involving tongue biting raised suspicion of a pseudoseizure, along with lower limb and jaw spasm, prompting a recommendation for neurological and psychiatric consultations.
بعد استشارة العصبية دخل المريض الى الاطفال
experiencing spasticity and generalized body pain, including abdominal pain, along with a history of tongue biting. A review of other systems is unremarkable, with no respiratory, cardiac, or urinary symptoms reported. His prenatal, natal, and postnatal history as the son of a G6P6A0 mother is not significant. He has achieved normal developmental milestones. However, his vaccination status is not up to date, with only the first three visits to the primary health care center completed and some sporadic vaccinations received during vaccination campaigns. His past surgical and medical history is unremarkable, except for an injury to his foot by a rusty nail 20 days ago, which was not medically treated nor vaccinated . There is a family history of epilepsy in his mother, but no similar conditions or recent febrile illnesses in his siblings. There is no history of drug ingestion, despite living in a low socioeconomic area where illegal activities are common.

On examination, the patient is an adolescent male with a well-developed body build. He is conscious, alert, and oriented, and appears to be in pain. His speech is intact and comprehensive. There are no signs of jaundice, pallor, or cyanosis. The patient exhibits generalized body spasms in response to stimuli, has *risus sardonicus*, and a positive spatula test. There are no dysmorphic features observed, and he is lying in bed. Respiratory, cardiac, and abdominal examinations are normal. His vital signs are within normal limits, except for a temperature of 38°C. His anthropometric measurements are also normal.

تشخص المريض ب
Tetanus
والادوية الي اخذها
ATS immunoglobulin كان غير متوفر بوقتها
فالخيار البديل هو IVIG
The patient was initially sedated with Diazepam, which was later replaced by a Midazolam drip and Baclofen, along with Artane (trihexyphenidyl) tablets. Antibiotic therapy was administered to cover a broad spectrum of bacteria, including Vancomycin, Meropenem, and Metronidazole. The patient also received intravenous fluids and Paracetamol for pain management.

كل انسان تواجهه بمسيرتك الطبية تشوف عنده ايجابيات بشخصيته ك طبيب، مثلا عادات معينة بالعلاج او ال approach او طريقة الاقناع او استخدامه لادوية معينة، او اراءه الي تخص المرضى او تعامله مع الاصغر منه عمرا.. حاول تاخذ الايجابيات الي تعجبك و تعود نفسك عليها.
من الايجابيات الي مرت علية بمسيرتي راح اذكرها لعله اكو ناس تستفاد منها وتقتدي بيها
هي مواقف باقية بالبال، فد يوم كتبت على مريض بالنايت تور اما looks ill او tired ، الصبح كان هالطفل زين، لكن الاخصائي ما طلعه، من عادته يقرا كل كلمة نكتبها بالتور، كاللهم نشوف د سلمان شون يشوفه بالليل اذا شافه زين نطلعه باجر، هالشي حملني امانة الكتابة بضمير و انه احط كل قدرتي بالمريض حتى اكتب شيء صحيح رغم بعدني مقيم دوري هسة متعين!
فد يوم كتبت على طفلة عدها paralysis ، كتبت looks depressed ، ثاني اليوم الصبح شاف التور، گال فعلا، نطلعها للبيت ترتاح كم يوم وترجع نكمل علاجاتها. هالشي تعلمت منه الاهتمام بالمريض من كل جوانبه نفسيا وجسدياً مو مثل غير شخص قبل فترة كدامي يكول للاهل جبتو بنتكم فطيسة! لدرجة عفته يتور وحده من كد ما ضجت من التصرف
مريض اخر كتبت عنه لو عيونه حلوة لو شعره حلو بوقتها بالانكليزي، من ضمن التور، شافها الصبح، لا انتقد، لا كال شنو هاي !، كال اي والله فعلا حلو، خلي ناخذ وياه صورة.. هالشي تغيير جو للروتين الممل بالتور conscious alert وهم اثبات انه اني مركز بالمريض مو طياري دا اشوفه.
من المواقف التعليمية، يكول للاهل من يطلع التحليل تجيبوه لدكتور سلمان يقرر يطلعكم لو يبقيكم، ومن نطلع من يم المريض يكولي اذا طلع كذا بقيه واذا طلع بيه كذا طلعه للبيت و اذا هيج بيه انطيه كذا ( اسلوب تعليم على اتخاذ القرارات لمقيم دوري و بنفس الوقت يخلي الي بالردهة يقدرون وجودك )
فد يوم مريض كان كاتب عليه hepatomegally واني بالفحص حسيت اكو enlarged spleen ايضا، بس صاير lateral بالكوة ينحس، من كلتله، يومية بالتور يكول منو هذا المريض؟ ها هذا الي انت لكيت ال spleen واني لكيت ال liver، طريقة تحفيز وتقدير للجهود تخليك تدور بالمريض شعنده اشياء بعد سواء هستري او فحص
فد يوم ركضت لا اراديا على طفل هابط سكره وكانت اول حالة هبوط سكر اواجهها باقامتي الدورية.. من كملتها كالي عمو اجاك كتاب شكر..
هاي عدا المواقف الي لو لاه ما يصير بيها المريض زين، ومن الاهل يشكروه يكوللهم اشكروا المقيمين هم الي عالجوا ابنكم مو اني.

طبعا المنشور كانت فكرته اذكر كل المواقف الايجابية الي واجهتها مع الاخصائيين الي داومت وياهم بدون ذكر اسماء بس صار طويل كلش وبعدني بس دا اذكر مواقف مع سينير واحد ، هالسينير هو المعلم الاول الي بالاقامة الدورية بفرع طب الاطفال، والي خلاني احب البرانج
الاستشاري د حيدر مهدي الموسوي
الله يحفظه ويديمه .. علم واخلاق

طفل عمره ١٣ سنة
شاكي لاهله من الم برقبته
ماخذيه لممرض، كايللهم لو نكاف لو سن العقل، ماخذ ادوية وراجع للبيت
ثاني يوم الصبح كاعد ميكدر يحرك رقبته نهائيا
torticollis
ماخذيه للمستشفى
مسويله رنين مبيه شيء
شاكين بيه CNS infection
الطفل باقي يوم
Then he developed an attack of generalized spasm and inability to walk
اهله ماخذيه على مسؤليتهم لعيادة ثم تحول للطوارىء
بالمستشفى وصلنا يعاني من
Torticollis and ear discharge , photophobia, phonophobia
Imagining done for him with contrast looking for brain lesion or cerebellar tonsillar herniation
And treated as CNS infection before the generalized spasticity attack witnessed
هالشيء وجه الشكوك ب اتجاه ال Tetanus
الي شوية شوية ظهرت كل اعراضه
المريض دخل للعناية
Tracheostomy done
Two apnea attack due to spasm in airway
صاير عنده هالفترة
Pus discharge from tracheostomy tube
لهالسبب خاليه على ليفوفلوكساسين و تيگاسايكلين وكولستين و فوريكونازول، ومعاها باكلوفين حب، ارتان حب، و Tetrabenazine
He received ATS immunoglobulin
And we hope he improves in the next days.

طفل وزنه بحدود كيلو ونص، يومية تنعادله التحاليل صباحاً ومساءاً، وياخذ دم لان دمه ينزل بحدود ٤ درجات
بهيج حالة علميا المفروض نفكر بسبب نزول الدم ونعالجه، اكثر مما نركز بإعادة التحاليل واعطاء الدم
نفكر مثلا ، سحب التحاليل، بهيج اوزان حيل يأثر على نسبة الدم فكثرتها ممكن سبب سواء اساسي او سبب مساهم
الشيء الثاني الي نفكر بيه ال Sepsis، كلش هواية ينزل الدم
هاي اذا افترضنا ماكو hemolysis ولا اكو bleeding سواء خارجي او داخلي ولا ICH
آخر مرة انفحص بيها الطفل
كان صاير طماطية، يابة شصار !
والله دكتورة (يخاطبون الطبيبة الي نقلت القصة) كالولنا حننطيه للنص هالمرة حتى لا نبقى ننطيه يومية، واني نمت كعدت لكيته مخلص البطل كله !
بحدود ٢٠٠ مل ! وهو كل استحقاقه ما يعبر ٣٠ مل
The caregivers may lie, we are not blaming anyone
نريد ناخذ عبرة اذا رواية الاهل صحيحة ١٠٠٪؜.

استمارة اعطاء الدم الي بيها جارت المراقبة
قبل لتنطي الدم، وبعد ربع ساعة، وبعد نص ساعة، وبعد ساعة، وبعد ساعتين، ولمن ينتهي الي هو ٣-٤ ساعات. ما سووها اعتباطاً
هاي فكرتها عدا متابعة الفعاليات الحيوية للطفل علمود ال anaphylaxis و التحسس فهي تحمينا من هيج مواقف
علميا، ماكو بالاطفال للنص، للخط، اما infusion pump ، او الاهل يحسبون قطرات خصوصا الي اوزانهم قليلة حيل
You may kill the patient by over transfusion
يدخل ب heart failure عدا ال thrombosis وغيرها
بالمناسبة ال infusion pump موجودة ب اغلب مستشفيات العراق بالمخازن مضمومة.. طالبو بيها، استخدموها، علموا الكوادر عليها كلش تفيدهم وخلوها تنحسب الكم سنة حسنة لكم اجرها حتى بعد نقلكم من هالمستشفى
الي يكولك ماعدنا، تلكاه اصلا ميعرفها شنو ولا شايفها
من تكتب طلبية بيها تشوفها تطلعلك من اللوكرات
اني داومت بالحويجة وهي قضاء تابع لكركوك، وعانى الي عاناه من الحرب الاخيرة، مع ذلك عدنا infusion pumps بكثرة والممرضين هم الي كانو يطلبون من عدنا نطالب الادارة بأجهزة اكثر بعد
فما بالك بمحافظة او سنتر ! اكيد بيها بس محد يستخدمها

اذا يجيك طفل مجروح للطوارىء او يجيك سؤال بالامتحان عن طفل مجروح، يحتاج تنطيه شيء للكزاز لو ميحتاج؟
ال Human tetanus immunoglobulin تنطيه بشرطين لازم يتحققن سوية( الاول ان الجرح ملوث او كبير والثاني ان يكون ما ملقح سابقا او متعرف اذا ملقح او لا او ماخذ اقل من ٣ جرع )
بجميع الحالات الاخرى ما تنطيه يعني اذا الجرح بسيط او نظيف ما تنطيه حتى لو كان ما ملقح سابقا. .. بالامتحان واضحة يكولك الطفل ملقح بس بالطوارئ صعبة، يجوز هو ملقح بس ماخذ جرعتين فقط، شون تميز هالشي؟ اما عن طريق كارت اللقاحات مال المريض والي محد يجيبه وياه او عن طريق جدول اللقاحات
لقاح الكزاز ياخذوه بشهر ٢ ، ٤ ، ٦ ، ١٨ شهر والخامسة ب ٤-٦ سنوات ياخذوها. فتشوف عمره شكد واذا هم ملتزمين بكلهن حتعرف كم جرعة ماخذ.
واذا المريض عنده نقص بالمناعة وياخذ كيموثيرابي فهذا ياخذه بدون قيد او شرط
اما اللقاح
فينقسم الى نقطتين
1 اذا ما ملقح سابقا او متعرفه ملقح او لا او ماخذ اقل من ٣ جرع لقاح، فهذا تنطيه بدون قيد او شرط سواء جرحه بسيط ونظيف او لا
2 اذا ملقح سابقا وماخذ اكثر من ٣ جرع، تنطيه اذا بينه وبين اخر جرعة اكثر من ١٠ سنوات اذا كان جرحه نظيف وبسيط واذا جرحه كبير وملوث. تنطيه اذا بينه وبين اخر جرعة اكثر من ه سنوات
اذا اقل من هذه المدة ما تنطيه شيء

هالكلام اعلاه ينطبق على كل الجروح من اول يوم الى ٢١ يوم بعد الجرح بالنسبة لغير الملقحين تماما حتى من يجيك متأخر وملتئم الجرح تنطيه، اما الملقحين لكن ما كاملة لقاحاتهم، فالمصل فائدته كلش قليلة بعد ال ٧ ايام من الجرح.

هذا المنشور كاتبه ب ٢٠٢٠ عن ال excessive crying infant
الي يجي دائما للطوارئ بتالي الليل.
فد شيء كلش طويل ومفصل 😂

ال Infantile colic
دكتور طفلنا بس يبجي، صارله هواية هيج!

هذه مشكلة من المشاكل الشائعة بالطوارئ فيما يخص ال infants و كلش متعبة للطفل و للأهل و للطبيب يسموها Persistent or excessive crying ويخلون بين قوسين colic

الأهل يلومون نفسهم وكأنه مديكدرون يهتمون بطفلهم فيجوك متنرفزين اصلا او يلومون الطبيب انه مديكدر يعالج ابنهم

ال colic فد شي طبيعي ومو خطر ينتهي بمرور الوقت

خلي ببالك انه كل الأطفال سواء عدهم colic أو ماعدهم فهم يبجون أكثر خلال الثلاث اشهر الأولى من حياتهم بحيث سوو دراسة على ٨٦٩٠ طفل شافو انه وقت البجي ساعتين الى ساعتين وربع اول شهر ونص ثم قلت بعدها الى ساعة باليوم بالشهر الثالث

بعض الأطباء موافقين على دراسة تكول البجي لمدة ٤ ساعات تقريبا يعتبر excessive ومؤلف واحد كال لا، المدة متفيدنا وما تساعدنا بالعملي حتى نميز البجي الطبيعي من غير الطبيعي لازم ننتبه على سياق البجي و على ال quality مالته

بإختصار ماكو تعريف لل colic قياسي لكن بشكل عام وواسع يكولون هو البجي بدون سبب لمدة اكثر من ٣ ساعات باليوم يصير خلال أكثر من ثلاث ايام بالاسبوع في الأطفال الي صحتهم زينة وعمرهم اقل من ٣ أشهر

شنو اسبابه؟

بصراحة السبب ممعروف لكن يعتقدون انه هو جاي نتيجة عوامل كثيرة
1- Gastrointestinal reasons

- غلط بالرضاعة سواء قلة رضاعة او زيادة او متساعدوه انه يتجشأ او يبلع الهوا

- Cow's milk protein intolerance
اكو بعض الدراسات تقترح انه ال hydrolysate formulas للي يرضعون صناعي و hypoallergenic diet للامهات الي يرضعن طبيعي ممكن يقلل من ال colic

- ال Lactose intolerance، الدراسات حوله متضاربة احتمال الة ارتباط بال colic واحتمال لا

- ال Gastrointestinal immaturity : إحدى النظريات تكول انه بسبب عدم الامتصاص الكامل للكاربوهيدرات داخل الأمعاء الدقيقة راح تنتجلنا غازات هواية نتيجة تخمرها بوساطة البكتريا الي بالجسم وعدم الامتصاص الكامل سببه intestinal immaturity.. و الأدلة على هذه النظرية ايضا غير حاسمة او مقنعة

- ال Intestinal hypermotility هاي النظرية تنص على انه نتيجة ال autonomic imbalance فزيادة حركة الامعاء هي سبب ال colic والادلة على هذه النظرية متناقضة رغم انه اكو دراستين يدعمنها

- الAlterations in fecal microflora
اكو عدة دراسات شافو بيها انه اكو اختلافات بال microflora بين الي عدهم colic والي ماعدهم colic و لاحظوا أيضا انه بعض الأطفال الي انطوهم probiotics كان عدهم تحسن واضح بمرور الوقت

2- Biological reasons

- ال Immature motor regulation
العديد من ال mechanisms الي تنظم ال motor activity عند الطفل بعدها immature وهالشي سبب بكون الطفل اكثر عرضة لل feeding intolerance

- اكو دراسات لاحظو بيها انه الطفل الي عنده colic عنده increased serotonin level فكالوا هالشيء ممكن يكون سبب بيه

- تدخين الأم أثناء الحمل وتعرضها للنيكوتين شافوه مرتبط بزيادة ال Infantile colic

- ربما ال colic هو early manifestation of childhood migraine ، شافو اكو ارتباط بين داء الشقيقة مع الأطفال الي صار بيهم colic ب الطفولة لكن ممتاكدين اذا كان هو early manifestation لو marker of migraine genetics

3- Psychosocial

- المزاج او الطبع، لاحظوا انه تحسين استجابة و رد فعل الأهل للبكاء افضل بهواية من تغيير الأكل حتى يقل ال colic.. يعني تغيير سلوك الأبوين

- اكو نظرية تكول انه البجي بنهاية اليوم هو تفريغ لكل الشحنات الي حصل عليها بالنهار من البيئة الخارجية

- اكو روابط بين كآبة الام او شدها النفسي بالحمل و بعده مع حدوث ال colic من عدمها

شون نفرق بين البجي الطبيعي عن ال colic؟
‏
١- Paroxysms
بداية البجي غير الطبيعي عادة تكون واضحة ونهايته واضحة والطفل يكون فرحان او ديرضع او نايم او بحالة اهتياج ثم يبدأ يبجي فجأة، يعني بداية البجي مالها علاقة بالوضع الي يسبق البجي، أحيانا انت ضربت الطفل وكام يبجي فهنا اكيد مو colic لان ديبجي بسبب الضربة. وغالبا هالبجي يصير بالليل.

٢- بجي الطفل نتيجة ال colic يختلف عن البجي العادي، يكون أعلى و اقوى و بنبرة صوت تختلف بحيث تحس الطفل يتوجع او ديصرخ اكثر مما هو يبجي حتى الأم من توصفه تحسه طارئ او حاد او مزعج او مكره او غير مريح يعني بجي مختلف عن غيره

٣- البجي نتيجة ال colic احيانا يكون مصحوب ب علامات ال hypertonia مثل وجه الطفل يحمر و حول فمه يكون شاحب، بطنه تكون منفوخة و قوية، يسحب رجليه على بطنه، يقبض أصابعه، يصلب او يشد الاذرع، او يقوس ظهره

٤- صعب تكدر تهديه لو مدري شتسوي، ممكن اكو شغلات تخفف البجي لكن الطفل يبقى بحاله هياج واحيانا يسكت بعد ما تطلع بطنه او يطلع غازات

ملاحظة : هاي الأعراض ممكن تصير بالطفل الي مبيه colic لكن بمعدل اقل حدوثا وبوقت اقصر متطول هواية.

كطبيب راح تشخص ال Colic من الهستري لكن الأهم انه تستثني الحالات الي ممكن تسبب excessive crying غير ال colic الي راح نشوفها بعد شوية
حلو انه تشوف الطفل أثناء بجيه وتشوف الاهل شنو يسووله حتى يسكتوه و تشوف شنو استجابة الطفل للبجي

شنو نسأل بالهستري؟

١- نسأل عن رضاعته و خروجه و أدراره ونومه واذا عنده تقيؤ او لا حتى نفرق بين ال colic عن بقية الأمراض
٢- نسأل عن ايام الولادة قبلها وأثنائها حتى تشوف هل هذا البجي sepsis لو لا
٣- شون الاهل ديحاولون يسكتون طفلهم؟ اكو أمهات تحاول تسكته بقوة او تصيح عليه لان يضوجها او تبقى تسب وتلعن يومها او تلوم زوجها
أحيانا من خلال جوابهم قد تشوف انهم يستخدمون طريقة تزيد بجي الطفل اكثر من تقليله
٤- شوكت يبجي الطفل؟ ال colic غالبا بالليل، اذا البجي بعد الرضاعة مباشرة ممكن لان بلع هواء او لان عنده GERD وممكن يستجيب لتغيير طريقة الرضاعة ( رفع الجسم وبكميات قليلة و الخ)
٥- شكد يستمر البجي؟ عادة ال Colic يستمر أكثر من ٣ ساعات باليوم
٦- شون دترضعوه او شنو دتنطوه رضاعة؟
٧- بعض العوائل البجي يأثر عليها من باب الاب يلوم زوجته او يظنها مقصرة وية الطفل لذلك قد يكون ضروري تفهمهم وتوضح سبب البجي مو من الام ولا لأن الاب رجع متأخر للبيت حتى ميتعاركون

شنو مهم تشوفه بالفحص؟

١- شوف مزاج الطفل او تحسسه، مرات بس تلمسه يبجي..
٢- شوفه خوما عنده جفاف؟ شكله مال واحد رضاعته تمام لو قليلة؟ لان اذا شكله ضعيف ممكن رضاعته قليله او عنده تقيؤ مستمر او اسهال او عنده ال absorption قليل
٣- بالفم خوما عنده tongue tie ؟
٤- شوف عيونه خوما بيهن FB او فد Corneal abrasion او retinal hrg ولو بالعراق صعبة بالطوارئ تسوي هالشيء
٥- شوف اذنه خوما عنده OM
٦- حلكه خوما بيه فطريات؟
٧- خوما عنده Signs مال heart failure او SVT
اذا لكيت عنده Tachycardia, tachypnea, pallor, poor perfusion ممكن يكون عنده heart failure
٨- بطنه خوما عنده Tenderness or tense او ماكو Bowel sound لان ممكن يكون acute abdomen سواء volvulus او intussuseption ويكون عنده تقيؤ سواء bilious او projectile vomiting
٩- شوف خوما عنده طفح نتيجة الحفاظات، او testicular torsion او hair tourniquet او inguinal hernia او anal fissure
١٠- شوف جلده خوما اكو علامات مال ضربة او التهاب لان Petechiae or bruising may indicate infection, trauma
١١- شوف ال fontanelle خوما bulging؟! لان اذا bulging ممكن يكون Meningitis او Intracranial Hrg
١٢- اسهاله بيه دم لو مبيه؟ اذا بيه ممكن يكون cow's milk or soy-induced colitis, anal fissure او حتى intussuseption

اذا كلشي ماعنده واستثنيت اي شي مرضي فهذا تكدر تكول عليه colic لمن يكون الطفل healthy و عمره اقل من ٣ أشهر و بجيه بدون سبب اكثر من ٣ ساعات باليوم وخلال أكثر من ٣ أيام

تسألك الأم، هل ابني يطيب من ال colic؟! كوللها اي واصلا مو خطر ويروح بمرور الوقت بس ينرادله صبر وتحمل .

ليش دنعالج الطفل؟

نعالجه حتى يقل البجي ماله وحتى يرتاحون الأهل لان كثرة البجي تخرب العلاقة بين الطفل والاهل
لذلك ال mainstay of management هي ال parental support
بداية التدخل بالعلاج خليها تكون بتعليمهم على طريقة الرضاعة الصحيحة وعلمهم طرق تسكيت الطفل و خل يقللون ال environmental stimuli
طبعا ماكو طريقة تنفع وية كل الأطفال، كل طفل الة طريقة و كل طريقة ممكن تفيد لبعض الوقت وبعدها تكوم متفيد، يعني حسب كل طفل

شون تسوي Parental support؟
١- تطمنهم انه هذا شي طبيعي يختفي بعمر ال ٣-٤ أشهر
٢- تطمنهم انه طفلهم مو مريض
٣- تعلمهم انه سبب ال colic مو صوج طريقة تعاملهم مع الطفل او ديحتاج شي هم ممسوينه و لا يعني انه الطفل ميريدهم
٤- مهم انه تكوللهم صعب تسكتون الطفل لمن تجيه نوبة ال colic وانه انت تدري انه هم ما مقصرين وية الطفل
٥- تعلمهم طرق ونصائح تفيدهم بتخفيف بجي الطفل
هاي الأمور شافوا بدراسة انه كلش تفيد بتقليل بجي الطفل مقارنة بغير عوائل ما تعلموها

طريقة الرضاعة الصحيحة انه ميكون الطفل نايم انما مرفوع جسمه وهواية تخلوه يتجشأ حتى يقل الهوا الي بلعه
شون نخفف من بجي الطفل؟
الأهل لازم يتعلمون طرق تخفيف البجي ويجربوها كل وحدة منهن عدة دقائق اذا ما نجحت يتحولون للثانية سواء يستخدمون طريقة وحدة او عدة طرق سوية و بكل نوبة بجي يجربوهن مرة لخ لان الي متنفع بهاي النوبة ممكن تنفع بغير نوبة
١- بإستخدام اللهاية
٢- ياخذون الطفل ويطلعون بالسيارة او يخلوه بعربة أطفال ( الي هم يدفعوها مو الحجلة)
٣- يخلون الطفل بالحمالة الي تلنبس، يلبسوها الكبار بحيث يصير الطفل كدامهم
٤- يأرجحون الطفل
٥- يغيرون المنظر الي يشوفه، او يقللون ال visual stimuli