​​#әҳмийетли

Қурбанлық сойыў шүкиршилик қылыў белгиси

Қурбанлық сойыў яғный, бир жәниўардың қанын ағызыў қалайынша неъматларға шүкиршиликти аңлатады, деген сораўға уламалар төмендегише жуўап берген. Бенде өзине берилген неъматларға шүкир қылып жүриўи керек екени белгили. Ал, неъматларға шүкир қылыў сол неъматларды берген Аллаҳ таалан уллылаў ҳәм Оның көрсетпелерине муўапық ис қылыў менен болады. Соған көре, қурбанлық сойыў еки тәрептен неъматларға шүкиршилик белгиси есапланады:
1. Қурбанлық сойыў себепли шаңарағына, ағайин-туўысқанларына, қоңсы-қобаларына кеңшилик қылынады, кәмбағал жетим-жесирлерге садақа қылынады. Ал, бул ислер бенде ушын Рәббисиниң берген неъматларынан разы болып жасап атырғанын билдириў есапланады. Себеби, Аллаҳ таала:
"Ал, Рəббиңниң (саған берген бəрше) неъматы ҳаққында (адамларға) айтып бер!
Қурбанлық қылыў себепли бенде өзине неъматларды "сөйлеп атырған" болады. Соның ушын қурбанлыққа айып-кемшиликлерден саламат болған ең жақсы ҳайўан таңланады.
2. Қурбанлық сойыў Аллаҳ тааланың берген хабарын тастыйықлаў есапланады. Яғный, Аллаҳ таала шарўа ҳайўанларын инсанлар пайдаланыўы ушын жаратқан ҳәм оларды сойып жеўге руқсат берген:
"Ҳайўанлардан жүк көтеретуғынлары ҳəм (сойыў ушын) жатқызылатуғынларын (пайда етти). Аллаҳ сизлерге ырысқы етип берген нəрселерден жең".
Демек, қурбанлық қылыўшы мөмин, ҳайўанды себепсиз өлтиретуғын "мийримсиз" адам емес, бәлким өзин де, сол ҳайўанды да жаратқан ҳәм бул жәниўарды ырысқы қылып берген Аллаҳтың хабарын тастыйықлап атырған, ҳайўанларға зыян бериўден қатты сақланатуғын, ҳәттеки, ҳайўанның алдында пышақты да қайраўды дурыс деп билмейтуғын ең мийримли бенде есапланады.

https://t.me/paziyletuz