الحمد لله و الصلاة و السلام على رسول الله ❤️🙌🏻
نقدروا نقولوا يا دفعة أنه هكي نحنا قدرنا نكملوا معاكم المشوار في مادة الباثو بالكامل

المنهج بالكامل شرحناه في فيديوات أنا وزميلتي #أسماء_الجازوي ، وكل كورس من كورسات الباثو درناله ملخص مطبوع تقدروا تستعينوا بيهن و يسهلن عليكم واجد 💙🙏🙏

كذلك ، جمعّنالكم الشورت نوت المتوقع عن كل كورس ، و كذلك درنالكم فوق من 1000سؤال ام سي كيو تتدربوا عليهن 💪🏻💚💚

🔴بالنسبة لمنهج الجنرال التابع للجزئي الأول🔴
درتلكم فيه كيف ما تذكروا مكثف 12 ساعة ، ننصح أي حد يبي يراجع الجينيرال أنه يستعين بيهن ، تسجيلات واضحات ، صوت ممتاز ، شرح ممتاز و مبسط و مختصر ، ويخليك تثبت المعلومة وقتي 💪🏻💪🏻

🔴بالنسبة لمنهج الجزئي الثاني 🔴
نفس النظام بالضبط ، درتلكم فيه كيف ما تذكروا مكثف 12 ساعة ، يلملكم الحوسة متاعه في أقصر مدة ممكنة و بأوضح طريقة ، ننصح أي حد بيه في حالة ما زال ما قرى أي جزئية من منهج الجزئي الثاني 🙏💚

أما بالنسبة لباقي المنهج (جي أي تي ، رينال ، فيميل ، بلود ، إندوكراين ، سي إن إس ، مايل ، بون وجوينتس)
فهذينا عطيتهن لكم في المعهد ونزلتهن لكم مع السبورات هنا عالقناة 🙏💙أي حد يبي أي حاجة من الشغل اللي درناه هذا كله (ملخص ، محاضرة ، ام سي كيوز ، سبورات) يلقاهن منظمات في الرسالة المثبتة في قناتنا (t.me/Pathoo46)

وأي حد يبي شغلنا هذا كله ك نسخة إلكترونية أو ورقية ، يمشي 🔴لتصوير سليمان🔴 ، حتلقوني غادي حاط كل الملخصات والام سي كيوز و الشورت نوت ، وحتى المحاضرات و السبورات و الفيديوت اللي درناهن في الباثو ، ومنظمات كيف ما إنتم شايفين في الصور فوق ☝🏻

في الأخير بكل ، نعتذروا منكم على أي تقصير منا ، و إن شاء الله يا رب نكونوا سهلنا عليكم
إن أحسنّا فهو بفضل الله علينا
وإن أخطئنا فالخطأ منّا

وإن شاء الله ديما طيبين يا دفعة 💙🙌🏻
#أسماء_الجازوي
#محمد_العمامي

اليوم حنزل المحاضرة الثالثة لكورس الفيميل
الكورس كامل مع البريست ساعتين ونص فقط شرح مكثف للفاينل 💜
#أسماء_الجازوي

المحاضرة الأخيرة ف كورس الفيميل ❤
https://youtu.be/yn_SrWh9siU

Female pathology 1 ( vulva , vagina , cervix )

Female 2 ( uterus )

Female 3 ( Disease of pregnancy , ovarian disease )

يومكم جميل يا رب 💜 ربي يوفقكم ويفتح عليكم
أهم شي اليوم هو الهدوء والتركيز ومراجعة المواضيع المهمة حتى لو حسيتو انكم ناسيين ف هذا شعور طبيعي وبإذن الله حتحلو بكرة في الامتحان 💜

نهاركم مُبارك وجمعتكم طيبة يا دكاترة ❤🙏

نسأل الله أن يسهل ويفتح عليكم ويوفقكم غدا جميعا ، وبإذن الله تطلعوا كلكم فرحانين بما قدمتوه في مادة الفارما 💪💪💚

نبي نذكركم أنه شغلنا كله قاعد في 🔴 مصوراتي سليمان 🔴 لمن يحتاجه بكره

✅ ملخصاتنا لمنهج الباثو كاملا
✅ MCQs منهج الباثو كاملا
✅ الشورت نوت المتوقع للمنهج كاملا
✅ فيديواتنا في المنهج بالكامل
✅ مكثفاتي الخاصة بيا في الجزئي الأول والثاني
✅ محاضراتي اللي عطيتهن في مركز ليبيا من الجي أي تي لنهاية المنهج


أي شيء تبوه منهن ، توكلوا على الله بعد الامتحان للمصوراتي وتحصلوه

ربي يسهل عليكم ويفرحكم
#نسأل_الله_التوفيق_لنا_ولكم
#محمد_العمامي

‏تحسّس الفرج، وترقّب اليُسر.. وإياك، إياك أن تترك الدعاء، حتى لو تأخرت الإجابة فهو أعمق وأعظم من ذلك، الدعاء هو التجربة الوحيدة (الغير قابلة للفشل) في هذه الحياة .. سيُلقي الله على وجهك قريبًا رداء البشارة فلا تقنط ، ربي يوفقكم 💜

السلام عليكم ، كيف حالكم ، يا رب تكونو راضيين عن امتحان الفارما وحليتو كويس .. اليوم تريحو وجددو نشاطكم 💜💜
درتلكم جدول للباثو ، حتى اللي عنده جزئية ما زال مش قاريها يقدر عليها بإذن الله
أهم شي أهم شي المراجعة حتساعدكم على التثبيت حتى لو كانت مراجعة سريعة لمدة ساعتين .. حاولو تلتزمو ب الجدول وبإذن الله حتلقو الموضوع ساهل وأخر ثلاث أيام قبل الامتحان مش حيكون عندكم أي صعوبة 💜
موفقين
#أسماء_الجازوي

بالنسبة لكورس Female ف شرحته ب الكامل شرح مكثف ساعتين ونص
وكورس Renal بالكامل ثلاث ساعات
و Bone ساعة فقط
و Male ساعة فقط
BLOOD كامل ثلاث فيديوات ثلاث ساعات ونص
ENDOCRINE ساعتين
ف أي حد مش قاريهن يقدر يستعين ب الفيديوات 💜
#أسماء_الجازوي

اليوم بإذن الله حنزل محاضرة male

وبكرة CNS

المحاضرة الأخيرة ف كورس الفيميل ❤
https://youtu.be/yn_SrWh9siU