قسم pathology للدفعة الخامسة

السلام عليكم يَ بني آدمين
زي م شفتوا دكتور الباطنة قال نركز على ال symptomsو ال signs لكل مرض وهذا اللي يهمه ومن هذا المنطلق قلنا نختصرهن كلهن بمنشور واحد
SO LET'S GO😌🤍🤍

_________________________🤍
🔴Rheumatoid arthritis;

1-Bilateral swelling of both hands
طبعاً هذي أول شكوى بيجيك المريض ومفاصل يديه منتفخة والأهم انها BILATERAL يعني SYMMETRIC يعني في كلتا اليدين # مهمة هذي النقطة ركز عليها الدكتور في تشخيص الروماتويد وتمييزه عن ال osteoarthritis # ويبدأ بالمفاصيل الصغيرة اللي هي مفاصل اليد والقدم

2-Generalize inflammatory symptoms
مثل الـ weakness والـ easy bruising (يعني ياااي مراا تحنب لو دكمته يرجى عدم السفاط مع هذا النوع 🙂💔) والـAnorexia والـ weight loss وحاجات زي كذا قد انتو اخبر😁

3- extra articular manifestation
وهذي ي قافلة منها خيرات مثل;
ضمور الـ exocrine gland
دمار العين scleritis
التهاب الغشاء البلوري
التهاب الgلب والغشاء اللي حول الـgلب(كيف الحركة بالله😂)
تورم الطحال
كلاكيع ( م عرفت كيف اجيبها بالعربي سع الناس سلكوا لي هذا المرة🙂😂)تحت الجلد
- وهذي ال nodules عبارة عن group of immune cells -(معلومة إضافية عشان لزوم اتفلسف وكذا🤓)
التهاب العضلات
وبلابلابلا من الآخر بلاوي خيرات الله يعافينا🙂

ولأن الناس م بيتفقوش على شي واحد ف تشوهه المفاصل م يكون له شكل واحد في كلللل الناس ولكن له أشكال مختلفة;
فالبعض يكون ع شكل ال ulnar drift
والبعض ع شكل ال swan neck
ومعانا مشكل من 1 و2 وهاولا موجودين في ملزمتنا الزايد هو
شكل ال Boutonniere وسأرفق لكم صورة له

خلاص كمل ابو الليم ننتقل للمرض اللي بعده 😋
_________________________🤍
🔴SLE
وهذا المرض آخر نيله واي بلوه ع بالك عد بس (الله يشفي المرضى ويجيرنا🙏🤍)
1-prolonged fever
حُمَّى واصل #ترجمة بالبلدي😂
2- Alopecia
بتساقط شعرها الجميل حتى لو استخدمت زيت دابر املا وبلسم بس يوك مافي فايدة🥲💔(هذي لوحدها توجع لحظة حداد🧎‍♀....خلاص بس يلا نكمل😁)
3-spleenomegaly
بيتخن الطحال 🙂

4-nephrotic syndrome
يعني مشاكل خيرات متعلقة بالكلى زي نزول البروتين مع البول وقد تصل الى الفشل الكلوي
5-vasculitis
التهاب المواصير والاسلاك حق الدم وكذا💔🙂
6-Neurological and psychiatric manifestation
ابتداءً بالاكتئاب والمزاجية ووصولا الى الهذيان وقراح الفيوز
7-Butterfly rash
وهذا العرض كيوت نطرحه ع جنب👈👉😁
8-التهاب القلب والبلورا
9-arthralgia
(والله تعبت وأنا اكتب عاد باللي يعايش هذا كله الحمدلله ع العافية🥺🥺🤍🤍)

خلاص انتا في معلوم؟ لتس موف اون😌🤍🤍

________________________🤍
🔴Ployarteritis nodosa
طبعًا هذا المرض ذكره الدكتور وانا كنت مشغلة وضعية اللهم إن كان هذا سحرًا ف ابطله ف خلونا نضيف اولًا تعريفه للي إلى الآن م يعرفوه
An inflammatory process affecting arteries (especially medium sized arteries) and causes multisystemic disease affection
الزبدة انه التهاب في الشرايين ولكنه systemic ويدق اي مكان ثاني على جزعته مش مشكلة

Symptoms and sign:
1- fever, weight loss, myolgia, Arthralgia
وغيرهن من الاعراض العامة
2-CNC manifestation
مثل. Organic psychosis وال hemiparesis وغيرها
3- cardiac manifestation
هذي قد عدنا وزدنا فيها خيرات فوق بغير طحان🙂

4-Chest manifestation
مثل الربو او ارتفاع الضغط الرئوي (مدري ليه احس شكلها مش مزبوط المهم هي ال pulmonary hypertension🌚💔😁)
5- GIT manifestation
مثل ألم المعدة وغيرها
6-Skin manifestation
مثل ال rash وال nodules بس ميزته ان البقع حقه لونها بنفسجي (والله كشخة لون الملوك ~~اللي يحبوا اللون البنفسجي الحساب باليز م اطبل بحقائق علميةع الفاضي~~🙂😂😂)

خلاص يلا بسكم نروح للي بعدوو
________________________🤍
🔴Gout
هذا المرض محبوب البلوك ذا واكيد الكل يعرفه فمايحتاج كثار هدرة اعراضه اللي هي الاحمرار والحرارة في المفصل المصاب والتورم و ال tender وبلابلابلا.👻

_________________________🤍
🔴Osteoarthritis

1-Pain
2-Deformity of the joint
3-muscle atrophy[ rare]
4- morning stiffening less than hour( usually 30 minute)

وخلاص بكذا نكون كملنا لا داعي للتصفيق 😁😂

#اللجنة_العلمية_للدفعة_الخامسة
#قسم_الباطنة
#عمل_لميس_الزَبيدي

1.28K views• ʀ૯ᴅΔᴅണเʀΔɭ ⌯﴾❥, 11:55