SIFATLI ELEKTR ENERGIYASI - IQTISODIYOT TAYANCHI

🔎“Qorag‘uppa”, “Gulobod”, “Zangiboyi” hamda “Baxshiboyi” mahallalardagi aholi soni oshishi va tadbirkorlik subyektlarining ko‘payishi natijasida elektr energiyasi isteʼmoli oshib bormoqda.

⚡️Shu sabab, “Temir yo‘l” nimstansiyasidagi quvvati 2500 kVA bo‘lgan transformatorni, har birining quvvati 6000 kVA bo‘lgan 2 dona transformatorga almashtirish rejalashtirilgan.

👨‍💼Tuman hokimi Sh.Rahmonov tegishli o‘rinbosar va tuman Elektr tarmoqlari korxonasi rahbari hamrohligida mazkur nimstansiyani ko‘zdan kechirib, uning faoliyatini kuchaytirish, quvvatini oshirish orqali elektr energiyasi sifatini yana-da yaxshilash borasida amalga oshirilishi lozim bo‘lgan ishlar yuzasidan muhokama o‘tkazdi.

🏙Maʼlumot uchun, ushbu nimstansiyaning quvvati oshishi natijasida, u orqali elektr energiyasi bilan taʼminlangan 3 ming 400 ta aholi xonadonlari, 310 ta tadbirkorlik subyektlari, 2 ta KZS sifatli elektr energiyasi bilan taʼminlanadi hamda yiliga qo‘shimcha 22,0 mlrd so‘mlik sanoat hajmlari yaratiladi.

🆙Shundan so‘ng, tuman hokimi Qorag‘uppa mahallasida "Mehr mebel" MCHJ tomonidan tashkil etilayotgan mebelchilikka ixtisoslashtirilgan KSZga tashrif buyurib, tadbirkorning muammo va takliflari, kelgusi rejalari bo‘yicha suhbat o‘tkazdi.

💧Bunda, suv taʼminoti va chiqindi suv yo‘llari kabi masalalarga ham joyida yechim topildi.

✅Taʼkidlash joizki, mazkur loyiha ishga tushishi natijasida, 200 ta yangi ish o‘rinlari yaratilishi va 100 dan ortiq xonadonlarda “Mebelchilik kooperatsiyasi” amalga oshirilishi maqsad qilingan.

#Jarayon

🎥Ayni paytda, Davlat xizmatlari markazi binosida tuman hokimi Sherzod Rahmonov tuman prokurori, soliq inspeksiyasi boshlig‘i va tegishli mutasaddi tashkilotlar vakillari bilan birgalikda tumanimizda faoliyat yuritayotgan tadbirkorlar uchun qabul o‘tkazyapti.

✅Qabulga tashrif buyurgan 15 nafarga yaqin ishbilarmonlar o‘zlarining turli murojaat va takliflarini bildirishmoqda.

✅Aksariyat masalalarga joyida yechim topilayotgan bo‘lsa, muddat talab etiladiganlari ijrosini taʼminlash maqsadida tegishli mutasaddilarga yo‘naltirildi.

YOSH TUMANDOSHIMIZ JAHON ARENASIDA KUCH SINASHADI

🇺🇿Andijon shahrida o‘smirlar o‘rtasida sportning belbog‘li kurash turi bo‘yicha "O‘zbekiston chempionati" musobaqasi bo‘lib o‘tdi.

🔎Unda yurtimizning barcha hududlaridan tashrif buyurgan yosh avlod vakillari o‘zaro kuch sinashdi.

🥈Shuningdek musobaqada Pastdarg‘om tumani Yuqori Bog‘onali mahallasida istiqomat qiluvchi Elnur Jomurodov ham ishtirok etib, 71 kilogram vazn toifasida 2-o‘rinni egalladi.

✅Ushbu natija bilan yosh tumandoshimiz joriy yilning may oyida o‘tkaziladigan Jahon chempionati musobaqasi uchun yo‘llanmani qo‘lga kiritdi.