📢 សេចក្តីជូនដំណឹងសំខាន់សម្រាប់បងៗ "ដៃគូបើកបរ PassApp" ទាំងអស់!

ដើម្បីជៀសវាងការកកស្ទះ និងបង្កើនប្រសិទ្ធភាពក្នុងការទទួលភ្ញៀវក្នុងអំឡុងពេលព្រឹត្តិការណ៍ «នគរសង្ក្រាន្ត» សូមបងប្អូនដៃគូបើកបរទាំងអស់ មេត្តាជ្រាប និងយល់ដឹងអំពីតំបន់ដែលរដ្ឋបាលរាជធានីភ្នំពេញនឹងធ្វើការផ្អាកចរាចរណ៍ និងទីតាំងចំណតដែលបានកំណត់ដូចខាងក្រោម៖

🚫 តំបន់ដែលត្រូវផ្អាកចរាចរណ៍៖
បងៗគួរជៀសវាងការធ្វើដំណើរឆ្លងកាត់ ឬទទួលការកក់ (Booking) ដែលតម្រូវឱ្យចូលក្នុងតំបន់ទាំងនេះ៖

• តំបន់វត្តភ្នំ និងសួនវឌ្ឍនៈ
• តំបន់ផ្លូវថ្មើរជើងចតុមុខ (ជុំវិញព្រះបរមរាជវាំង និងផ្សាររាត្រី)
• តំបន់វត្តបទុម (ជិតរង្វង់មូលសម្តេច ជួន ណាត)
• តំបន់បាសាក់លេន (ក្បែរវិមានឯករាជ្យ)
• តំបន់ទួលទំពួង (ជុំវិញផ្សារទួលទំពួង និងវត្តទួលទំពួង)

🅿️ ទីតាំងចំណតយានយន្តដែលបានកំណត់ (សម្រាប់សម្រាក ឬរង់ចាំភ្ញៀវ)
បងប្អូនអាចធ្វើការផ្អាកសម្រាក ឬរង់ចាំភ្ញៀវនៅក្បែរទីតាំងចំណតផ្លូវការ ដើម្បីងាយស្រួលដល់ភ្ញៀវក្នុងការស្វែងរក៖

• ក្បែរតំបន់វត្តភ្នំ៖ តំបន់បឹងកក់ , បឋមសិក្សាហាំង ង៉ោ , ចំណតក្រោមដីសួនវឌ្ឍនៈ , សួនច្បារ CDC , និងផ្សារធំថ្មី ។
• ក្បែរតំបន់ចតុមុខ៖ បឋមសិក្សាព្រះនរោត្តម , បឋមសិក្សាភ្នំដូនពេញ , វិទ្យាល័យព្រះស៊ីសុវត្ថិ , និងអនុវិទ្យាល័យចតុមុខ ។
• ក្បែរតំបន់វត្តបទុម៖ តាមបណ្តោយវិថីស៊ូ ស៊្រុន និងផ្លូវ ២៤០ , វិថីព្រះស៊ីសុវត្ថិ , និងមហាវិទ្យាល័យគរុកោសល្យ ។
• ក្បែរតំបន់បាសាក់លេន៖ អនុវិទ្យាល័យសុធារស , សាកលវិទ្យាល័យបៀលប្រាយ , និងលើចិញ្ចើមផ្លូវលេខ ២៩ ។
• ក្បែរតំបន់ទួលទំពួង៖ វត្តទួលទំពួង , វិទ្យាល័យផ្សារដើមថ្កូវ , និងសាលាមតេយ្យភូមិ៥-៦ ។

សូមបងប្អូនដៃគូបើកបរទាំងអស់ បង្កើនការប្រុងប្រយ័ត្ន និងគោរពច្បាប់ចរាចរណ៍ ដើម្បីសុវត្ថិភាពទាំងអស់គ្នា!
ជូនពរបងប្អូនរកចំណូលបានច្រើន និងមានសុវត្ថិភាពក្នុងឱកាសបុណ្យចូលឆ្នាំថ្មី! 🛺💰

#PassAppDriver #PassAppCambodia #NorkorSangkran #SafetyDriving

សាររំលែកទុក្ខដ៏ក្រៀមក្រំ
ក្រុមការងារក្រុមហ៊ុនផាសអ៊ែប មានក្តីរំជួលចិត្ត និងសោកស្តាយយ៉ាងខ្លាំង បន្ទាប់ពីទទួលបានដំណឹងថាបងប្រុស ជា រ៉ែម ដែលជាដៃគូបើកបររបស់យើង បានទទួលមរណភាពកាលពីថ្ងៃទី ១៨ ខែឧសភា ឆ្នាំ ២០២៦ ដោយរោគាពាធ។

ក្នុងនាមក្រុមហ៊ុន និងបងប្អូនដៃគូបើកបរទាំងអស់ យើងខ្ញុំសូមចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារនៃសព ចំពោះការបាត់បង់សមាជិកគ្រួសារ និងជាមិត្តរួមអាជីពដ៏ស្វាហាប់ម្នាក់។

យើងខ្ញុំសូមឧទ្ទិសបួងសួងដល់ដួងវិញ្ញាណក្ខន្ធបងប្រុស សូមបានទៅកាន់សុគតិភព កុំបីឃ្លៀងឃ្លាតឡើយ។