ياللي بتسأل عن الحياة!
- نعم
منك لله ياشيخ من ساعة ما سألت وهي خارباها مع الكل .

بسنت سيد .

لما أتفرج على ريتش القناة من شهر وهو جايب الألف view ودلوقتي مش محصل حتى ال 500 😢💔
BiSoo SaD 😢😪 .

بدل ما أنت عمالله تفكري إزاي تندميه إنه سابك فكري إزاي تطوري من نفسك وتبقى أحسن لنفسك مش علشان يرجعلك .
اللي بيروح مبيرجعش، والراجل اللي يخرجك من حياته أكنه مجاش عالدنيا .

بسنت سيد .

زمان الغلطان كان بيقدر اللي قدامه ويعترف بغلطه ويعتذر وكان الطرف التاني بيقبل الاعتذار على طول علشان كدا الحياة مشيت والعلاقات استمرت .
إنما دلوقتي الغلطان بقى يقلب الطربيزة عليك ويبجح علشان كبرياؤه مانعه يقول أسف بس ممكن يقول سوري وهو بيقولها أكنها جميلة منه عليك ودا السبب اللي بيخلي الطرف الآخر دايما بياخد وقت لحد ما يتصالح لأن التقدير منعدم ودا بيخلي نسبة فشل العلاقات بكل أنواعها مساوية لنسبة فشلها .

بسنت سيد .

أعملي سكين كير يفرفشك أحسن ما تدخلي في حياتك راجل يقرفك .

بسنت سيد .

تلاقي النملة أصغر من حباية السكر بس تقرصك القرصة تورم جسمك يومين قدام ودا يعلمك إنك متتغرش بالمظاهر .

بسنت سيد .

أنا كل تلت دقايق بدخل أتفرج على نفسي في جوجل وأقول ربنا يحميني ودي نرجسية وغرور عادي 😂😄🙄

كل ما تيجي تزعل أفتكر إن عندك فيشة جمب سريرك ودي نعمة مش عند أي حد .

بسنت سيد .

المفروض يحطوا قوانين إن الحياة تمشي بالليل بس ويفضل كل واحد في بيته بالنهار ويبقى نايم كمان مش صاحي .
حقيقي أنا ضد الصيف وضد الحر وضد أي إنسان بيرغي كتير في الحر وضد البشرية نفسها في الحر وضد نفسي وحسبي الله ونعم الوكيل في أي حاجة تجبر الإنسان يعيش حياته بالنهار .

بسنت سيد .

متسمحش لأي حد يتريق عليك حتى لو على سبيل الهزار .
أنت مخلوق علشان يبقالك شخصية وقيمة لنفسك ولو أنت شاركت في السخرية عليها هتتحاسب على إهمالك دا .
أنت مش مخلوق علشان يُستهان بيك، سُبل الهزار كتيرة بس تقدير اللي قدامك ليك مرتبط بتقديرك لذاتك طول ما أنت حاطط رولز ماشي عليها محدش يتخطاها أبدا مهما كان الشخص دا مين .

بسنت سيد .

يارب الامتحانات تيجي في مستوى الطالب اللي فاكر إن الجاموسة بتشرب لبن .

بسنت سيد .

مش مهم تبقى ضعيف بينك وبين نفسك الأهم إنك تفضل قوي قدام الكل علشان محدش يستضعفك ويفضل يدوس عليك .

بسنت سيد .

أتعلمت أقول ما في داهية علشان كدا أنا عايشة رايقة .

بسنت سيد .

قلب الراجل عامل زي موقف العربيات فيه كل الأنواع ومفتوح ال٢٤ ساعة أي وقت هتلاقيه موجود .

بسنت سيد .

ولما أنت عايزة تمشي بمبدأ خانك تخونيه سيبتي إيه للبنات الرخيصة يا غالية!

بسنت سيد .

بقى هي دي فترة العشرينات اللي كان نفسي أعيشها!!
لا عيدوا السنين من الأول معلش .

بسنت سيد .

اتفضلوا يا جماعة كلكم جوا قلبي لو لقيتوا فيه حتة سليمة خدوها كسروها على دماغي علشان أنا مببحرمش .

بسنت سيد .

أنا هويت و......
- انتهيت؟
لا أنا كنت بهوي لنفسي عادي علشان الحر بس .

بسنت سيد .

إحنا بنحكيلكم علشان محتاجين حد يسمعنا بس مش علشان تقولوا معلش أو تقدموا حلول لأن كدا كدا إحنا اللي في الموقف مش أنتم .

بسنت سيد .

حدوتة تخوف أكتر من معاد الامتحانات 😂