الحب مش كفاية لاستمرار أي علاقة، ولا هو الأولوية .
الحب هيفضل عامل من عوامل نجاحها .
في حاجات كتير أوي أهم من إنك تكتفي بحب شخص ليك؛ في حنية، في قلب لين، في تفاهم، في رحمة ومودة، في تقدير واحترام، في إلتماس للعذر مرة واتنين وألف، في خوف وأمان، في إحتواء وتواضع، في هدوء بالنفس .
ويأتي بعد كل ذلك الحب .

بسنت سيد .

بفضل أهتم بشعري وأطوله في الشتاء علشان يبقى شكلي حلو وييجي في الآخر فصل نتن يخليني أشيله من كتر الحر والزهق .

بسنت سيد .

كيفَ
لِقلبي
أنْ
يتَحملْ
كلَّ
ذلِك
بِمفرده؟! .

بسنت سيد .

إن شاءالله ربنا مش هيساوي اللي بيهوي لنفسه في الحر دا باللي بيلاقي حد يهويله .

بسنت سيد .

أنت مش أبأس من واحد الناس اللي بتروح عندنه بتحسده علشان عنده تكيف وهو أصلا مش شغال .

بسنت سيد .

أتمنى أن أقع في حب شخص كلما رآني حزينة ضمني إليه بقوة دون أن يجعلني أتحدث حتى تهدأ نفسي من الندوبات .

بسنت سيد .

1/25
- ساعات بخاف تبقى ذكرى
وتسيب في عيني كل الدموع .
- ساعات بخاف ييجي بكرة
وأفضل مشتاقلك وأنا مهموم .

6/9
- وبقيت الذكرى اللي هعيش باقي حياتي عليها
ودموعي خلاص مبقاش يكفيها مناديل الدنيا علشان تمحيها .
- ورجعنا أغراب من تاني بعد ما كنا أجمل حبيبين
وأهو ضاع الحب وأيامه وبقينا يا حبيبي اتنين تانيين .

بسنت سيد .

فرق كبير بين حد بيدافع عن الدين لذاته وقيمته، وبين حد متشدد لفكره ومعتقداته عن الدين اللي هو صانعه في مخه .

بسنت سيد .

راحتك النفسية أهم بكتير من علاقتك بحد .
الناس بتروح وتيجي، إنما راحتك دي لحظة مبتجيش غير بعد معاناة .

بسنت سيد .

ياللي بتسأل عن الحياة!
- نعم
منك لله ياشيخ من ساعة ما سألت وهي خارباها مع الكل .

بسنت سيد .

لما أتفرج على ريتش القناة من شهر وهو جايب الألف view ودلوقتي مش محصل حتى ال 500 😢💔
BiSoo SaD 😢😪 .

بدل ما أنت عمالله تفكري إزاي تندميه إنه سابك فكري إزاي تطوري من نفسك وتبقى أحسن لنفسك مش علشان يرجعلك .
اللي بيروح مبيرجعش، والراجل اللي يخرجك من حياته أكنه مجاش عالدنيا .

بسنت سيد .

زمان الغلطان كان بيقدر اللي قدامه ويعترف بغلطه ويعتذر وكان الطرف التاني بيقبل الاعتذار على طول علشان كدا الحياة مشيت والعلاقات استمرت .
إنما دلوقتي الغلطان بقى يقلب الطربيزة عليك ويبجح علشان كبرياؤه مانعه يقول أسف بس ممكن يقول سوري وهو بيقولها أكنها جميلة منه عليك ودا السبب اللي بيخلي الطرف الآخر دايما بياخد وقت لحد ما يتصالح لأن التقدير منعدم ودا بيخلي نسبة فشل العلاقات بكل أنواعها مساوية لنسبة فشلها .

بسنت سيد .

أعملي سكين كير يفرفشك أحسن ما تدخلي في حياتك راجل يقرفك .

بسنت سيد .

تلاقي النملة أصغر من حباية السكر بس تقرصك القرصة تورم جسمك يومين قدام ودا يعلمك إنك متتغرش بالمظاهر .

بسنت سيد .

أنا كل تلت دقايق بدخل أتفرج على نفسي في جوجل وأقول ربنا يحميني ودي نرجسية وغرور عادي 😂😄🙄

كل ما تيجي تزعل أفتكر إن عندك فيشة جمب سريرك ودي نعمة مش عند أي حد .

بسنت سيد .

المفروض يحطوا قوانين إن الحياة تمشي بالليل بس ويفضل كل واحد في بيته بالنهار ويبقى نايم كمان مش صاحي .
حقيقي أنا ضد الصيف وضد الحر وضد أي إنسان بيرغي كتير في الحر وضد البشرية نفسها في الحر وضد نفسي وحسبي الله ونعم الوكيل في أي حاجة تجبر الإنسان يعيش حياته بالنهار .

بسنت سيد .

متسمحش لأي حد يتريق عليك حتى لو على سبيل الهزار .
أنت مخلوق علشان يبقالك شخصية وقيمة لنفسك ولو أنت شاركت في السخرية عليها هتتحاسب على إهمالك دا .
أنت مش مخلوق علشان يُستهان بيك، سُبل الهزار كتيرة بس تقدير اللي قدامك ليك مرتبط بتقديرك لذاتك طول ما أنت حاطط رولز ماشي عليها محدش يتخطاها أبدا مهما كان الشخص دا مين .

بسنت سيد .