المشاعر الدافية هي اللي بتولد الحب .
لأن مفيش حب بمشاعر حادة .

بسنت سيد .

أنا لو رجع بيا الزمن هختار أتعرف على نفس الأشخاص وأعيش نفس الظروف علشان الماضي هو السبب في تكوين الشخصية اللي أنا عليها دلوقتي ولولاه مكنتش هعرف أعيش .

بسنت سيد .

فككوا من الشويتين الحلوين بتوع البدايات دول اللي بيحب مبيقساش، مبينساش، مبيبيعش!
- اللي بيحب بيبيع الدنيا كلها ومبيشتريش غير حبيبه .

بسنت سيد .

بلاش كبرياء يا جماعة لازم تاخدوا وقتكم في كل حاجة بتتخطوها أو مش عارفين تتخطوها .
بلاش كبرياءكم يغلب عليكم وتبقوا سبب في ظلم نفسكم .
بلاش المظاهر الكدابة دي مفيش إنسان معندوش قلب وإحساس، إنما الناس اللي قلوبها جشعة دي ميليقش بيها غير الوحدة ربنا لا يقابلكم بيهم ولا يقابلهم بيكم .
Take your time until be fine .

بسنت سيد .

أنا مبتكلمش في الكورة علشان أنا مبفهمش فيها ودا باستثناء النادي الأهلي علشان هو كدا كدا غني عن الفهم والتعريف .

بسنت سيد .

الحب مش كفاية لاستمرار أي علاقة، ولا هو الأولوية .
الحب هيفضل عامل من عوامل نجاحها .
في حاجات كتير أوي أهم من إنك تكتفي بحب شخص ليك؛ في حنية، في قلب لين، في تفاهم، في رحمة ومودة، في تقدير واحترام، في إلتماس للعذر مرة واتنين وألف، في خوف وأمان، في إحتواء وتواضع، في هدوء بالنفس .
ويأتي بعد كل ذلك الحب .

بسنت سيد .

بفضل أهتم بشعري وأطوله في الشتاء علشان يبقى شكلي حلو وييجي في الآخر فصل نتن يخليني أشيله من كتر الحر والزهق .

بسنت سيد .

كيفَ
لِقلبي
أنْ
يتَحملْ
كلَّ
ذلِك
بِمفرده؟! .

بسنت سيد .

إن شاءالله ربنا مش هيساوي اللي بيهوي لنفسه في الحر دا باللي بيلاقي حد يهويله .

بسنت سيد .

أنت مش أبأس من واحد الناس اللي بتروح عندنه بتحسده علشان عنده تكيف وهو أصلا مش شغال .

بسنت سيد .

أتمنى أن أقع في حب شخص كلما رآني حزينة ضمني إليه بقوة دون أن يجعلني أتحدث حتى تهدأ نفسي من الندوبات .

بسنت سيد .

1/25
- ساعات بخاف تبقى ذكرى
وتسيب في عيني كل الدموع .
- ساعات بخاف ييجي بكرة
وأفضل مشتاقلك وأنا مهموم .

6/9
- وبقيت الذكرى اللي هعيش باقي حياتي عليها
ودموعي خلاص مبقاش يكفيها مناديل الدنيا علشان تمحيها .
- ورجعنا أغراب من تاني بعد ما كنا أجمل حبيبين
وأهو ضاع الحب وأيامه وبقينا يا حبيبي اتنين تانيين .

بسنت سيد .

فرق كبير بين حد بيدافع عن الدين لذاته وقيمته، وبين حد متشدد لفكره ومعتقداته عن الدين اللي هو صانعه في مخه .

بسنت سيد .

راحتك النفسية أهم بكتير من علاقتك بحد .
الناس بتروح وتيجي، إنما راحتك دي لحظة مبتجيش غير بعد معاناة .

بسنت سيد .

ياللي بتسأل عن الحياة!
- نعم
منك لله ياشيخ من ساعة ما سألت وهي خارباها مع الكل .

بسنت سيد .

لما أتفرج على ريتش القناة من شهر وهو جايب الألف view ودلوقتي مش محصل حتى ال 500 😢💔
BiSoo SaD 😢😪 .

بدل ما أنت عمالله تفكري إزاي تندميه إنه سابك فكري إزاي تطوري من نفسك وتبقى أحسن لنفسك مش علشان يرجعلك .
اللي بيروح مبيرجعش، والراجل اللي يخرجك من حياته أكنه مجاش عالدنيا .

بسنت سيد .

زمان الغلطان كان بيقدر اللي قدامه ويعترف بغلطه ويعتذر وكان الطرف التاني بيقبل الاعتذار على طول علشان كدا الحياة مشيت والعلاقات استمرت .
إنما دلوقتي الغلطان بقى يقلب الطربيزة عليك ويبجح علشان كبرياؤه مانعه يقول أسف بس ممكن يقول سوري وهو بيقولها أكنها جميلة منه عليك ودا السبب اللي بيخلي الطرف الآخر دايما بياخد وقت لحد ما يتصالح لأن التقدير منعدم ودا بيخلي نسبة فشل العلاقات بكل أنواعها مساوية لنسبة فشلها .

بسنت سيد .

أعملي سكين كير يفرفشك أحسن ما تدخلي في حياتك راجل يقرفك .

بسنت سيد .

تلاقي النملة أصغر من حباية السكر بس تقرصك القرصة تورم جسمك يومين قدام ودا يعلمك إنك متتغرش بالمظاهر .

بسنت سيد .