مستنيين إيه من مجتمع بيدافع عن الراجل الخاين وبينهي حياة الست الخاينة لمجرد إن الراجل ليه سلطة أكبر .
عايزين إيه من مجتمع مش مقتنع إن العقوبة واحدة عند ربنا ومفيش فرق بين الراجل والست في التصرفات اللي ربنا حرمها!!

بسنت سيد .

لا أريد كارير ولا أريد دراسة ولا أريد أن أحمل مسؤولية، فكل ما أريده هو زوج صالح يحمل عني كل شيء وأنا سوف أدعمه .

بسنت سيد .

اطمنوا يا جماعة خلاص الحبيب طلع عنده حبيب تاني .

بسنت سيد .

هو أنا كدا دايما لا بطيق حد على أبلكيشن ولا في الحقيقة أنا طايق نفسي بالعافية أساسا .

بسنت سيد .

متسمحيش لحد يجبرك تقبلي خيانة شريك حياتك لمجرد إنك مش شاكيرا .
الموضوع دا بقى منتشر كتير ومقزز وللأسف الناس بتاخده على محمل الهاها والكوميك .
- وطبعا بعد ما الأخت اتخانت بقى رسمي الوضع دا عادي علشان حتى المقارنة فإنك مفكرة نفسك شاكيرا علشان متتخانيش فشلت .
- الحقيقة إن فعلا أنت مش شاكيرا أنت أحسن وأحلى وأجمل .
- أنت واحدة عارفة ربنا مع شخص واحد مش هيجي هيتفاجئ أنك مقضية حياتك في غرام واحد تاني تحت باند الاوبن مايند .
- أنت أصيلة عارفة إزاي تحافظي على البيت مش سايبة أولوياتك وطالعة قالعة للناس عاملة استعراض لجسمك .
- أنت حلوة شكلا مهما كانت درجة بشرتك وحبوبك اللي في وشك والبهاق اللي عندك يكفي إنك مغلية نفسك مش بتتحضني من هنا وتتباسي من هنا .
حاجات كتير أوي مهما أتكلمت فيها مش هتديكي حقك، متحطيش نفسك في مقارنة مع واحدة مشهورة، ولا تسمحي لحد حتى لو كان شريك حياتك يقلل منك .
- هو بس طبع أغلبية الرجالة كدا ميالين دايما للانحراف والعري والاغراء والشكل علشان رغبتهم مش أكتر بس يوم ما هيتجوزا هيحفوا علشان يطولوا اللي زيك أنت لأن ببساطة مفيش راجل مهما كانت مساوؤه يقبل إن شريكة حياته تقضيها معاه ومع غيره هما عايزين واحدة عالفرازة .
طبعا دا تفكير عقيم بس للأسف دا اللي المجتمع ماشي بيه، بس ربنا عادل وبيوفق بين الجنسين حسب اللي يستاهله .
أنت مش شاكيرا ولا لورديانا ولاا غيره ولا غيره .
أنت لذاتك ولنفسك والخيانة أمر مفروغ منه مفيش من بعده تعمير 👌🏻 .

بسنت سيد .

تقعد سنين تتمنى حاجة ويوم ما تجيلك وتبقى تحت إيدك تضيعها ودا مش علشان أنت إنسان غبي .
- علشان أنت متعرفش الخير فين لو كنت كملت فيها، ربنا إدهالك من إلحاحك بس عمره ما يرضالك الشر علشان كدا خدها منك تاني وهيعوضك بالأحسن .

بسنت سيد .

كان فيا كتير بس مقولتش .
كملت كإني إنسان كويس وأنا من جوايا بضيع .

بسنت سيد .

يارب أتجوز واحد مبيشخرش وهو نايم أنا نومي خفيف يارب ومبستحملش .

بسنت سيد .

وما قيمة قلبك وأنت لا تعرف معنى أن يكون الإنسان حنونا!

بسنت سيد .

ليس أنا من أراد كل هذا؛ بل نفسي المهزومة هي التي وضعتني إجبارًا .

بسنت سيد .

ليت الشباب يعود يوما .
- يابنتي ما أنت لسا في بداية الشباب!
بجد؛ أومال مالها الحياة بتعاملني أكن عندي ٦٠ سنة ليه؟! .

بسنت سيد .

في حد معين كدا عايزة أقوله أنت كنت حظ فعلا؛ بس حظ أسود ومهبب وخرا على دماغي .

بسنت سيد .

في المشاكل العائلية والأسرية بوجه عام الصغيرين دايما بيتاخدوا بذنب أهاليهم حتى لو ملهومش دخل ودا سبب كافي لتفكك أي روابط كانت موجودة .

بسنت سيد .

مفيش أسوا من إحساسك وأنت خارج متأكد من سؤال وحيد عامله صح وتتصدم في الآخر إن أنت حمار مخطط وإجابتك غلط فيبقى كل الامتحان محلول بالبركة .

بسنت سيد .

متنسوش دعائكم لطلاب الثانوية العامة والثانوي الأزهري .
لحد سنة ٢٠٢٠ وما قبل كان كل الناس بتهتم تذكرهم في دعواتهم كل ليلة وكل لحظة وكل المساجد في كل الأوقات وكل يوم في صلاة الفجر من شهر رمضان وحقيقي أنا من ضمن الناس اللي كانت بتستنى تسمع الدعوات دي علشان آمن وراهم .
السنة اللي فاتت والسنة دي حقيقي هما مظلومين جدا لأنهم منسيين من فقة كبيرة أوي حتى محدش أفتكرهم في رمضان اللي فات واللي قبله .
ياريت كل واحد يعرف حد في ثانوي يهون عليه بجد حتى لو بكلمة واحدة بس، نظام التعليم وحش وهي مش سنة زي أي سنة في ناس بتعتبرها نهاية المطاف وفي ناس واخداها عادي، إحنا كل اللي نعمله نقدملهم الكلمة الحسنة وبس والباقي على ربنا ❤️
ربنا معاكم جميعا ويفرح قلوبكم يارب وأهم حاجة اللي يعدي مترجعوش ليه خلاص ركزوا في اللي بعده وإن شاء الله خير يا جامدين أنتم أدها ❤️❤️💪🏻
«ياريت كل طلاب الثانوية العامة هنا يكلموني لما يجيبوا النتيجة مهما كانت في مفجأة هتبقى مستنياكم» ❤️💪🏻

بس أنا جمبك .
- وأنا مش عايزة حد جمبي، أنا هقدر أسند نفسي بنفسي، أنا أعيش عمري كله بواجه الحياة بطولي أحسن ما أميل على حد وأعيش ندمانة العمر كله إني سندت على كتف غير كتفي .

بسنت سيد .

أنا مببيعش ولا بنسى .
كل حد بيدخل حياتي ويمشي أو حالنا يتغير بيسيب فيا أثر سواء بلإيجابي أو بالسلبي بيفضل في ذاكرتي .
ولا بيهون عليا العشرة ولا عُمر هان عليا، اللي بيتعلق بحد مبينسهوش، واللي بيحب حد مبيكرهوش .

بسنت سيد .

- أنا أتعلقت وهويت وحبيت بس أتغدر بيا!

بسنت سيد .