بستغرب أوي الناس اللي بيجيلها بند في الصيف كتير دي .
- قصدك برد!
أيوا ما أنا مخنف علشان عندي بند .

بسنت سيد .

مبقاش في حاجة مستاهلة أزعل علشانها كدا هنموت وكدا هنموت .

بسنت سيد .

طول ما أنت مركز مع اللي بيغير منك هتفضل فاشل حتى نجاحك هتسعاله علشان تغيظ الشخص دا مش علشان تفرح بنفسك ودا أكبر دليل إن أنت اللي بتغير منه لأن الإنسان الواثق من نفسه اللي وراه هدف علشان يوصله مبيبصش على مين بيغير ومين لأ بيركز في طريقه وبس .

بسنت سيد .

أنا في أشد الحاجة إلى عناق طويل دافي يحتوى روحي كما أريد .

بسنت سيد .

كنت عارفة إن هادا الطريق آخرته لحن حزين بس كملت علشان أنا بحب أشوف الحزن بعيني .

بسنت سيد .

يعز عليّ تكون الذكرىٰ اللي هكمل بيها باقي حياتي .

بسنت سيد .

أنا خلاص حددت معاد الفرح والقاعة وجهزت أسامي العيال ومدارسهم والسكن وكل حاجة كدا مش ناقص غير العريس .

بسنت سيد .

الأشياء ليست كما تبدو أمامنا فقط؛ أحيانًا يتطلب الأمر إلى التبرير حتى لا يُهدم كل ما بُني .

بسنت سيد .

مصابة بداء الحُب مفيش غير قلبك يعالجني!

بسنت سيد .

أي حد مبيحبش محمود الليثي فلاح .

بسنت سيد .

مش لو كنتوا ذاكرتوا من الأول كان زمانا مرتاحين من صياحكم دا!

بسنت سيد .

أحيانا بيبقى في علاقات متستحقش فرصة تانية مش بس علشان بيكون نسبة فشلها أكبر من نجاحها، وكمان علشان الأشخاص نفسهم بيبقى بينهم حاجز كبير أوي مهما حاولوا يتخطوه المشاكل اللي بتحصل بتزود مقدار الحاجز .
فالفرصة التانية دي بقى تديها لنفسك أنت في علاقة تانية مريحة مفيهاش أي حواجز ولا ضغوطات .

بسنت سيد .

مش محتاجة حضن من حد أنا عندي دراع بيحتويني .

بسنت سيد .

أنسب مكان ممكن الواحد يقعد فيه بالصيف وهو مش شايل هم حاجة هو الحمام .

بسنت سيد .

جماعة أنا أتغدر بيا .

بسنت سيد .

يا طنط بدل ما أنت فاضية كدا وعماله تقارني عيالك بينا علشان يبقوا أحسن مننا أشغلي نفسك في تربيتهم وعلميهم إزاي يبقوا أحسن لنفسيهم مش لحد أو تعالى لأمي تعلمك إزاي تبقى أم سوية!

بسنت سيد .

..

خلاص خلصتوا؟
البنت أصلا ملهاش غير بيت جوزها فعلا!

بسنت سيد .

جماعة والله دا مش كوميكس وهاها وكدا بس أنا مبيجليش برد غير في الصيف بس .

هحكيلكم موقف يأكدلكوا إن الصحاب مش بالعشرة .
أنا لحد من كام يوم بس كنت واخدة القرار إني هأجل سنة تانية ومش هدخل الامتحانات بسبب ظروف سيئة مريت بيها ولحد الآن أنا مش عارفة أتعافى منها، الحقيقة إن مكنش في أي نصيحة بسمعها علشان خلاص أنا قررت وأنا اللي في الموقف، صحابي بتوع الجامعة اللي معرفتي بيهم وقت ضئيل جدا لما عرفوا قرروا ينزلوني ونتقابل علشان نحل الموضوع وأنا أصلا نازلة وأنا مفيش حاجة هتتغير معايا، اللي حصل إني روحت من بيتي وأنا بعافر مع نفسي علشان أدخل الامتحانات ومجاش في بالي غير حاجة واحدة وهي إني مش هبقى معاهم ودا الهدف اللي قررت أسعى علشانه ودا لأن مش هلاقي زيهم يخاف عليا كدا .
كل شوية يسألوني ذاكرت لفين ومتابعين معايا في سبيل إن صحابي اللي من سنين مفرقش معاهم بالعكس فكروني بهزر ومجرد كلمة اتقالت وسط عتمة وخلاص .
الحقيقة إن الفترة دي محدش وقف جمبي فيها غيرهم حتى في إني أرجع في قراري من بيع القناة علشان هما قدروا إن دا حلمي في سبيل إن محدش من أصحاب السنين قالي إزيك حتى .
الصحاب فعلا مواقف مش كلام ولا سنين ولا لمة .
اختاروا صح، اختاروا ناس تحبكم بجد .
ومتقلقوش الدنيا لسا فيها خير وناس كويسين .
- وفي النهاية كل حاجة هتعدي 🤍!

عرف إني حزينة ومجاش دور عليا في المدينة يا جدعان!

بسنت سيد .