مش مهم اللي فات المهم اللي جاي .
مش مهم اللي عدى المهم اللي هيعدي .
أسرق الوقت قبل ما هو يسرق الشوية اللي فاضلين من عمرك .

بسنت سيد .

لقد تُركت وتُرك قلبي بين فجوة الحزن العميق والصراعات التي لن تنتهي .

بسنت سيد .

الأصعب من شعور فقدان أي حد عزيز علينا هي وجود ذكرياته معانا .
لا منك قادر تمسح حاجة وتنسى وتكمل ولا منك قادر تخلي كل حاجة وتدي لنفسك أمل إن كل حاجة ممكن ترجع .
فتفضل متعلق بين النسيان وعدم النسيان وتعيش عمرك كله عايش حزين بسبب شخص .

بسنت سيد .

كل حاجة تروح منك أتأكد أنها مكنتش تستاهلك أنت تستاهل الأحسن والأفضل، كمل طريقك واللي مكتوبلك هيجيلك هيجيلك .

بسنت سيد .

بس أنا كنت فاكر ....
- شششششششش دا يعلمك إنك متفكرش وتتوقع أي حاجة من الكل حتى من نفسك .
- الأيام مبتسيبش حد على حاله كله بيتغير .

بسنت سيد .

إحنا مش داخلين مسابقة مين أكتر واحد مشاكله أكتر مش هنعلي على بعض كمان في الحزن!!
كل واحد حزين بالطريقة لا أنت زيي ولا أنا زيك، لا أنت مكاني ولا أنا مكانك .
فياريت تقدر حزن اللي قدامك يا إما تخرس خالص ومتندمهوش أنه أتكلم .

بسنت سيد .

وهييجي منين الخير والمنافقين ماليين حياتنا!

بسنت سيد .

مش مهم تقع وتبدأ من الصفر تاني المهم إنك متستسلمش وتفضل واقع مستني حد يشيلك .
إحساس الوصول للقمة مش فرحة نجاح وخلاص أد ماهي فرحة انتصار على معافرة أخدت مجهود كبير من حياتك .

بسنت سيد .

مازلت معلقة بين أجواء الفراق لا أدري هل هذا مؤقت أم دائم ولكني انتظر ماذا ستريني الأيام .

بسنت سيد .

أنا جاية أثير الجدل وأقول إني مش هخلى صاحبة جوزي اللي معاه في الشغل تفطره علشان أنا ست شاطرة وهصحى بدري أفطر قرة عيني عادي .

بسنت سيد .

نقطة ضعف أي ست الحنية والأمان، طول ما أنت مشاعرك حنينة وموفر الأمان والدفى للست اللي معاك هتفضل دايما محتجالك مهما كانت قوتها .
أقرب طريق لقلب الست إنك تبقى شخص مُطَمئِن .
- الأمان بيجيب حب بس الحب مبيجيبش أمان .
- القلب بيحن بس ميعرفش دا الشخص الغلط ولا الصح .

بسنت سيد .

ربنا خلق الذكر والأنثى علشان يبقى في حياة .
مفيش راجل قوي ولا ست قوية كلها إدعاءات كذابة والكبرياء غلاب .
أسوأ شعور ممكن يحس بيه الإنسان إنه يحس في لحظة بضعف وسط أجواء الجبروت .
مش عيب إنك تحن، مش عيب إنك تحب، العيب إنك متهزمش كبرياءك اللي مانعك تنحني لنصك التاني وتعيش عمرك كله تحت باند القوة وأنت في أشد الحاجة لطبطبة .

بسنت سيد .

هموت وانام .
جيرانا من الساعة ٦ الصبح*

طب كل واحدة تجهز نقابها يلا حفاظا على البشرة الدهنية اللي هتتهان الفترة الجاية .

بسنت سيد .

ليت الأحلام حقيقة، لعشنا سعداء .

بسنت سيد .

بستغرب أوي الناس اللي بيجيلها بند في الصيف كتير دي .
- قصدك برد!
أيوا ما أنا مخنف علشان عندي بند .

بسنت سيد .

مبقاش في حاجة مستاهلة أزعل علشانها كدا هنموت وكدا هنموت .

بسنت سيد .

طول ما أنت مركز مع اللي بيغير منك هتفضل فاشل حتى نجاحك هتسعاله علشان تغيظ الشخص دا مش علشان تفرح بنفسك ودا أكبر دليل إن أنت اللي بتغير منه لأن الإنسان الواثق من نفسه اللي وراه هدف علشان يوصله مبيبصش على مين بيغير ومين لأ بيركز في طريقه وبس .

بسنت سيد .

أنا في أشد الحاجة إلى عناق طويل دافي يحتوى روحي كما أريد .

بسنت سيد .

كنت عارفة إن هادا الطريق آخرته لحن حزين بس كملت علشان أنا بحب أشوف الحزن بعيني .

بسنت سيد .

يعز عليّ تكون الذكرىٰ اللي هكمل بيها باقي حياتي .

بسنت سيد .