أي يا ولاد اللي ماشي في الجو دا 🥲
فين أيام البرد اللي كان آخره عطستين ويومين مناخير حمراء 😭😂💔

قضيت وقت كبير من عمري بدور على حاجة معينة عايزة امتلكها كنت مفتقداها في حياتي،
كل هدفي إني ألاقيها مش مهم مع مين وفين والطريق اللي همشي فيه المهم إني أشبع أنانيني في الاستحواذ عليها بأي شكل .
ضيعت نفسي ووقتي مع ناس غلط من الوهم،
مشيت لوحدي في طرق كلها مطبات وعوائق وظلام على أمل إني أوصل .
توهت نفسي وسمحت للي حواليا يتوهوني كل دا علشان أمتلك شيء موجود وأنا اللي عميت عنه ..!
- غريب الإنسان يروح للهلكان برجليه ولما يتكسر يغضب من قساوة الدنيا وناسها وهو أصلا مكنش حنين على نفسه ..!

بسنت سيد .

لا جدوى من المقاومة لذلك؛
عندما تأتي الرياح وتأخذك بعيدًا
- فقط اذهب معها في صمت .

بسنت سيد .

<< مفيش مشكلة ..!

- إنك تحلم ومتقدرش تحقق حلمك أيا كان الظروف إيه ومن طرف مين، المهم تحلم تاني وتسعى من جديد .
- إنك تمشي كل خطواتك لوحدك لآخر الرحلة، أوقات كتير وجود أشخاص حتى لو أقرب الناس ليك بيكونوا سبب رئيسي في عرقلة طريقك .
- إنك تحب ومتتحبش أو تتحب ومتقدرش تحب أو تعيش قصة حب ومتكملش، ساعات احتياجنا لمشاعر معينة بيخلينا نغفل عن حاجات كتير أولهم تقديرنا وفهمنا لنفسنا صح .
- إن عادي يتغدر بيك، أنت مش هتجبر اللي قدامك يعاملك بنفس أخلاقك الصدمة بتكون جامدة بس بتفوقك لمصلحتك .
- إنك تبقى مرفوض من عيلتك، ودا مش عشان أنت فيك حاجة غلط أو وحش لكن كل واحد بيشوف اللي قدامه بنظرته في النهاية هما بشر .
- مفيش مشكلة من فشلك المهم إنك تواجه بكل قوة وتحوله لأول خط بداية النجاح، كل حاجة مع الوقت بتتصلح لو فضلت متمسك بإرادتك ومستسلمتش للأمر الواقع .

بسنت سيد .

وأنا ماشية في طريقي ظهر شعاع نور
من شدته لغبطت اتجاهي .
اتعصبت جدا إني مش هوصل للمكان اللي أنا عايزاه في الوقت اللي محدداه .
- لكن لما وصلت ..^
اكتشفت إن الضوء دا هو نور طريقي الصحيح اللي أنا كنت هضيع نفسي ووقتي ومجهودي قبل ظهوره،
وإن مش كل حاجة هتمشي زي ما إحنا مخططين ليها لأن تدابير ربنا أعظم من كل شيء .
قدرت أفهم إني تعبي في سعيي عشان أوصل مش هيروح هدر رغم إن مش دي النهاية اللي بتبقى في بالي، لكنها النهاية اللي ربنا أرادها ليا اللي فيها سعادتي اللي كنت بجري وراها في مكان غلط .
- كان الهدف واحد ولكن الوصول إليه مختلف .

بسنت سيد .

لستُ أنا مَن تكتفي باختلاس النظر
عبر ثقب المفتاح حينما تُغلق الأبواب،
- فـ أنا من أنصار الذين تُخدش أياديهم
من كسر الأبواب لتُفتح .

بسنت سيد .

عارفين إحساس إنكم ترسموا حياة في خيالكم مش عارفين هتتحقق ولا لأ وتناموا وتصحوا تلاقوا كل حاجة بتمشي زي المسطرة وتخلص في سطر واحد ..!
- متخافوش لو حلمكم اتحقق
مش هتصحوا على كابوس في نص الطريق .
- متبطلوش تحلموا لأن مفيش مستحيل .
- متيأسوش من الحياة الخيالية
هييجي يوم وهتكون على أرض الواقع .
- متستسلموش أبدًا ..!

بسنت سيد .

دائمًا ما أعفو عن الجميع .
أعلم أن هذه الحياة لا تدوم كثيرًا لذا؛
لا أريد رؤية أحد مرة أخرى في الخلود .

بسنت سيد .

لا أحد مثلي،
لطالما ظلّ قلبي علىٰ صفحاتهِ البيضاء
رغم كثرة الأحبار السوداء بداخله .
فـلن تجدني مرة أخرىٰ .

بسنت سيد .

بينما أنا أردت السعادة الدائمة له
كان يستعد للرحيل ليزرع سعادتي
في مكانٍ آخر .
لقد أخذ عمري ليبدأ به عمرًا جديدًا .

بسنت سيد .

أحببتُ قلبًا مثل خُف الفراشة .
نحمل أثقال بعضنا البعض دون أن نشعر بها .
لأننا سويّا بل؛ لأنه مَن يسند معي .
- لأنه هُنا جواري دائمًا،
فيصبح كل شيء بلا شيء .

بسنت سيد .

عايزة أقولكم حاجة .
مش دايما حياتنا هتمشي زي ما إحنا
ما بنحسب ليها .
مش عشان أنا في حالي هفضل في حالي فعلا .
مش عشان بحط حدود لعلاقاتي مش همر باقتحام في حياتي .
مش عشان بحب العزلة هفضل طول الوقت مع نفسي .
مش عشان بحاول أكون حد كويس مش هواجه انتقادات بشكل عام .
- إحنا بنحاول مع نفسنا وبناخد قرارات بناء على رغبتنا أو حكم الظرف اللي بنتحط فيه بس لو كل الخطة اتغيرت دا مش معناه إننا قصرنا أو إحنا وحشين .
- مع كل خطوة صابت أو خابت متخلوش حد يأثر عليكم بالكلام،
قيس الموقف مرة واتنين وعشرة اللي برا مش زي اللي جوا ولو اجمعوا على عكس صوتك، أنت لوحدك بس اللي تقدر تقرر .
- متسمحوش لحد يقتحم أفكاركم بصوته ويشوش على حياتكم ..🤍

أصعب حاجة ممكن الإنسان يمر بيها
أنه يكتم مشاعره .
سواء فرح، حزن، عتاب، اشتياق، حُب ..!
- أوقات كتير بيكون جوانا كلام عايزين نقوله ومش عارفين .. بس اللي يقهر أوي إن اللي عايز توجهله الكلام مش موجود ..!
أو ممكن يكون موجود بس مش موجود ليك .
- في اللحظة دي بتتحول كل المشاعر لصمت .
لا أنت قادر تكلم صاحبها عنها ولا عارف تحكي لغيره عنها .
وحشة أوي إن محدش بيتحكم فينا يحمينا من عواطفنا ..

بسنت سيد .

معظم مشاكلنا في الحياة أننا محشورين
جوا دواير معينة مبنطلعش منها،
بس لو فكرنا لحظة نخرج منها هنلاقي أنماط كتير تفتحلنا أبواب حياة جديدة ومختلفة مش بس بدايات محددة .
- محتاجين نتحدى خوفنا ونجرب ونغامر لأن الحياة عمرها ما بتثبت على شكل واحد .

بسنت سيد .

انقل حمولتك وخففها من عليك واحدة واحدة .
متخليش حد يشيل معاك
علشان لما توصل محدش يقولك بفضلي أنا أنت هنا ..!
- الوقت بيجري بس لما تجتهد لوحدك
أحسن ما تتذل بالمساعدة .

بسنت سيد .

رغم أن المقعد فارغًا،
إلا أنني مازلت أمضي في الطريق .
- دائمًا ما أريد الشّقاء لقلبي .

بسنت سيد .

ليتني مثل أول نجمة عيناك لمعت معها،
ليتني كآخر زهرة في بستانٍ أرضه بور،
ليتني أصدق قلب في هذا العالم لكي تحبه .
- بينما كنتَ لي كل شيء، كنتُ لك لا شيء .

بسنت سيد .

يأمن قلب الإنسان حينما يجاور قلبًا
يخشىٰ عليه من نسيم الهواء .

بسنت سيد .

المكان اللي متلاقيش نفسك فيه
امشي وشمّع أبوابه عشان متفكرش في يوم ترجعله وتضيع وقتك وأنت بتدور علىٰ نفسك في أركانه .

بسنت سيد .

الهزائم المتتالية جعلتُني شخصًا
لا يمكنه الوثوق بأحد، حتىٰ ذاته ..!
- فهي لم تُحسن الاختيار منذ البداية .

بسنت سيد .

إن لم تستطِع الحفاظ على نفسِك،
- فلا تُفرط بالآخرين بأفعالِك .

بسنت سيد .