لم يعُد هناك مكانٌ تسكن فيه بداخلي .
- وإن أصبح البحر المالح عذبًا،
لن تعود مشاعري ولن ينحني قلبي .

بسنت سيد .

مش ندمانة على أي جري اتقطع نفسي فيه رغم إن كل الطرق كانت غلط أحسن ما كنت أفضل فاكرة طول عمري إني ضيعت من أيدي الفرصة اللي مش هتتعوض .

بسنت سيد .

عارف إمتا هتقدر تحب الحياة وظروفها؟
- لما تبقى مركز مع نفسك وبس .
أنا عايز أكون كويس من جوا قبل برا، تشتغل على نفسك إزاي تبقى سوي وصادق مفيش جواك غل ولا شر لحد .
عايز أكون ناجح في حياتي ويبقى معايا فلوس،
تدور على طرف الخيط وتتعب وتفضل طول حياتك بتسعى حتى بعد ما توصل علشان النجاح ملهوش نهاية متستسهلش الطرق وأي حاجة تجيب فلوس وخلاص .
- أساسيات مبادئك هي اللي هتمشي حياتك .
تعبت على نفسك هترتاح في حياتك حتى لو موصلتش يكفي إنك مشيت بما يرضي الله .
متعبتش وسيبت مغريات الحياة تمشيك هتفضل تقع في حُفر لحد ما هتيجي في مرة مش هتلاقي اللي ينقذك وهتبقى دي أخرتك لا دنيا ولا آخرة .
- متبصش جمبك ولا للي في أيد غيرك كل واحد ليه حياته وليه ظروفه وليه حكاية وصلته للي هو فيه .
خليك مع نفسك، هدفك وبس ..!

بسنت سيد .

من 3 سنين أيام ما كانت القناة بخيرها وأكتيڤ على طول دخلنا في مناقشة أنا وبعض الصالحين في أمر ما .
المهم في شخصية معينة فضلت تستفزني وأرد تستفزني وأرد
بعدين حد قالي يا بسنت أنت بتعملي قيمة للشخص دا بدفاعك عن نفسك أنت مش مضطرة تبرري حاجة سيبي كل واحد يهري مع نفسه .
من وقتها وأنا ملتزمة الصمت في كل حاجة عبثية بتواجهني .
واقتنعت جدًا إن أفضل رد على السفيه الصمت .
طول ما الإنسان عارف قيمة نفسه ومقدرها مش هيفرق معاه اللي قدامه شايفه إزاي ولا حاطه فين لأن الناقص بيعكس صورته على اللي قدامه .
- ودي نصيحتي ليكم مش كل الناس تستاهل تدخل معاها في نقاش وتحسن صورتك قدامها أو تبرر لنفسك لأن كدا كدا وجودهم زي عدمه .
انتوا اللي تقدروا تحددوا هل الموقف دا يستاهل أجادل فيه ووجهة نظري هتتقدر ولا اتكلمت زي ما متكلمتش ..؟!
- إحنا مش هنفضل طول حياتنا بنمشي نصلح نظريات الناس فينا اللي عايز يفهمك صح هيلتمسلك ألف عذر واللي عايز يشوفك غلط هيفضل واقفلك على الواحدة حتى لو كل حاجة واضحة قدامه ..🤍

ما كنت أعلم كيف للمرء
أن يغرق في نومهِ دون قلق في المنتصف .
- الآن لقد أدركت؛ حينما يوجد أحدهم
يملأ القلب اطمئنان وسكينة
يجعل الحياة خالية من الضوضاء
لا يبقىٰ سوىٰ كلمات صغيرة تُردد كل يوم
- أنا هنا، أنا دائمًا هنا .
- أرِح ياقلبي البعيد مسكنك بأمانٍ .

بسنت سيد .

هُنا وأنا علىٰ الضفةِ الأخرىٰ من طريق
النجاة الذي ظننت عبوره مستحيلًا أقول
- ما من مستحيل .
- لقد تعاركنا سويّا، أوشكنا ننتهي
لكننا لم نيأس بعد .
كان الحُب أشد من الهزيمة لذا؛
نحن الآن علىٰ بر الأمان،
في أولىٰ خطوات حياتنا الجديدة
الذي ليس بها سوانا وبعض الأشجار
والكثير من الحُب والطمأنينة .

بسنت سيد .

تطلع إلىٰ الماضي وانظر
لما أنت عليه الآن وتمنىٰ الأفضل في المستقبل .
- فكلّ يومٍ يولد شيءٌ جديد
وشخصٌ جديد، هكذا تسير الحياة .

بسنت سيد .

صباح الخير .
الإنسان حياته بتتحول لبُستان
لما بيحاوطها دايرة ناس محترمة
ونضيفة وقلبها أبيض ..🤍

وأنا؛
أريد أن استريح من إرهاقِ التّنقل
من محطةٍ إلىٰ أُخرىٰ علىٰ أملِ أن ألتقي
بمكانٍ آمنٍ استقر علىٰ أرضهِ دون تِرحال .

بسنت سيد .

خذ وقتك يا عزيزي .
- لربما يعود الماضي
فتكون قادرًا علىٰ مواجهتهِ بقوة .

أما أنا .
فـاختارت أن أسامح دائمًا .
وألا يُملأ قلبي بندبات كراهية
يحدث ما يحدث لستُ ساذجة؛
- لكنني أردت العفو
وأن يبقىٰ قلبي كما هو بعيدًا عن دائرة الظلام .
أن يأخذ المظلوم حقه فحتمًا سيصبح ظالمًا .
قد يغفل الإنسان عما حوله في لحظات الغضب
وحينما يدرك يرى أنه فقد الكثير من ذاته الإنسانية لذا؛
اصمت وأمضي أيامي كأن لم يحدث شيء علىٰ الإطلاق ..!

بسنت سيد .

في يوم شوفت نجوم منورة كتير ونجم لوحده بعيد عنهم شكله يبان أنه قريب بس في الحقيقة هو بعيد .
فضلت أراقبه كل يوم وأنا منبهرة بيه وكل ما يتحرك أمشي في الاتجاه بتاعه علشان أقدر أشوفه بوضوح .
كنت بستحمل عتمة الليل وضلال الطريق وإني لوحدي علشان بس أكون جمبه وآنس وحدته .
في النهاية اكتشفت إنه مجرد ضوء ملهوش لازمة وأنا اللي عملت منه نجم وقصة، اختارت أجازف من غير مقابل وأنا بستنزف في كل خطوة .
- على أد ما بتدي الحاجة أكبر من قيمتها على أد ما بتاخد من قيمتك أنت وتحطها في الولا حاجة .
- متتغروش بانبهار البدايات،
وأنا هنا مش قصدي النجوم .

بسنت سيد .

ورغمًا عن الظروف التي طرأت عليّ منذ الصغر وأجبرتني أن أواجه صامدة كإمرأة أخذت من الحياة الكثير،
- ألا أنني مازلت أحن للصبا .
- أفتقد طفولتي التي سلبتها مني رياح الدنيا باكرًا .
- أفتقد بكائي لشراء البالون ذات اللون الوردي، والحلوى، والركض في منتصف الطريق .
- أفتقد عقلي الذي ما كان يحمل همًا سوىٰ اختيار كرتون لمشاهدته .
يبدو كأنني أخذت الكثير ولكنني لم ءأخذ سوىٰ القليل .

بسنت سيد .

أي يا ولاد اللي ماشي في الجو دا 🥲
فين أيام البرد اللي كان آخره عطستين ويومين مناخير حمراء 😭😂💔

قضيت وقت كبير من عمري بدور على حاجة معينة عايزة امتلكها كنت مفتقداها في حياتي،
كل هدفي إني ألاقيها مش مهم مع مين وفين والطريق اللي همشي فيه المهم إني أشبع أنانيني في الاستحواذ عليها بأي شكل .
ضيعت نفسي ووقتي مع ناس غلط من الوهم،
مشيت لوحدي في طرق كلها مطبات وعوائق وظلام على أمل إني أوصل .
توهت نفسي وسمحت للي حواليا يتوهوني كل دا علشان أمتلك شيء موجود وأنا اللي عميت عنه ..!
- غريب الإنسان يروح للهلكان برجليه ولما يتكسر يغضب من قساوة الدنيا وناسها وهو أصلا مكنش حنين على نفسه ..!

بسنت سيد .

لا جدوى من المقاومة لذلك؛
عندما تأتي الرياح وتأخذك بعيدًا
- فقط اذهب معها في صمت .

بسنت سيد .

<< مفيش مشكلة ..!

- إنك تحلم ومتقدرش تحقق حلمك أيا كان الظروف إيه ومن طرف مين، المهم تحلم تاني وتسعى من جديد .
- إنك تمشي كل خطواتك لوحدك لآخر الرحلة، أوقات كتير وجود أشخاص حتى لو أقرب الناس ليك بيكونوا سبب رئيسي في عرقلة طريقك .
- إنك تحب ومتتحبش أو تتحب ومتقدرش تحب أو تعيش قصة حب ومتكملش، ساعات احتياجنا لمشاعر معينة بيخلينا نغفل عن حاجات كتير أولهم تقديرنا وفهمنا لنفسنا صح .
- إن عادي يتغدر بيك، أنت مش هتجبر اللي قدامك يعاملك بنفس أخلاقك الصدمة بتكون جامدة بس بتفوقك لمصلحتك .
- إنك تبقى مرفوض من عيلتك، ودا مش عشان أنت فيك حاجة غلط أو وحش لكن كل واحد بيشوف اللي قدامه بنظرته في النهاية هما بشر .
- مفيش مشكلة من فشلك المهم إنك تواجه بكل قوة وتحوله لأول خط بداية النجاح، كل حاجة مع الوقت بتتصلح لو فضلت متمسك بإرادتك ومستسلمتش للأمر الواقع .

بسنت سيد .

وأنا ماشية في طريقي ظهر شعاع نور
من شدته لغبطت اتجاهي .
اتعصبت جدا إني مش هوصل للمكان اللي أنا عايزاه في الوقت اللي محدداه .
- لكن لما وصلت ..^
اكتشفت إن الضوء دا هو نور طريقي الصحيح اللي أنا كنت هضيع نفسي ووقتي ومجهودي قبل ظهوره،
وإن مش كل حاجة هتمشي زي ما إحنا مخططين ليها لأن تدابير ربنا أعظم من كل شيء .
قدرت أفهم إني تعبي في سعيي عشان أوصل مش هيروح هدر رغم إن مش دي النهاية اللي بتبقى في بالي، لكنها النهاية اللي ربنا أرادها ليا اللي فيها سعادتي اللي كنت بجري وراها في مكان غلط .
- كان الهدف واحد ولكن الوصول إليه مختلف .

بسنت سيد .

لستُ أنا مَن تكتفي باختلاس النظر
عبر ثقب المفتاح حينما تُغلق الأبواب،
- فـ أنا من أنصار الذين تُخدش أياديهم
من كسر الأبواب لتُفتح .

بسنت سيد .

عارفين إحساس إنكم ترسموا حياة في خيالكم مش عارفين هتتحقق ولا لأ وتناموا وتصحوا تلاقوا كل حاجة بتمشي زي المسطرة وتخلص في سطر واحد ..!
- متخافوش لو حلمكم اتحقق
مش هتصحوا على كابوس في نص الطريق .
- متبطلوش تحلموا لأن مفيش مستحيل .
- متيأسوش من الحياة الخيالية
هييجي يوم وهتكون على أرض الواقع .
- متستسلموش أبدًا ..!

بسنت سيد .