سألته أولًا؛ أيمكنك أن تأخذ بيدي
ونسلك الطريق سويًّا ولو كان مظلمًا؟
أم أذهب واستمر في سيري وحدي؟
- أخذ بيدي، ونحن في منتصف الطريق أردت أن استريح لطالما مصدر أماني معي، جواري .
- ما كنت أعلم أنني سأفيق علىٰ الظلام
وحدي لا أعلم كيف أصل ولا أعود .
ظللت عالقة في المنتصف أصرخ بصوتٍ عالٍ لماذا؟ لطالما أردت الرحيل لماذا من البداية سِرنا معًا؟
- لم يسمعُني؛ كاد الوصول لنهاية طريقًا آخر
مع شخصٍ آخر يؤانِس وحدتهِ ..!
- وأنا هُنا علىٰ أملٍ لا يوجد مكانة له سوىٰ بِخيالي .

بسنت سيد .

أخبرتني أمي أنني دائمًا أستحق الأفضل .
وأن أترك وراء ظهري كل ما يعوقني في طريقي .
وأن ابتسم للحياة دائمًا رغم كثرة متاعبها .
وأن ما رحل عني وسقط من بين يدي لم يكُن لي .
وانتظر وأنا بيقين أن الله سوف يرزقني بكل الخير .
وألا أقف أبدًا لطالما استطيع الركض،
وإن لم استطِع فعليّ السير حتىٰ تُقطع أنفاسي .
- هكذا تدفعني أمي للبقاء على قيد الحياة
وأنا بنفسٍ سالمة راضية
بكل ما قسمه الله لها في الدنيا
لِيُجزيها خيرًا منه في الآخرة .

بسنت سيد .

الوقت قادر ينسي كل حاجة .
زعلك على الحاجة في لحظتها غير لما يعدي شهر وسنة وسنين .
كل مرحلة في حياتنا وليها أحداثها اللي بتجبرنا نركز فيها مقابل حاجات كتير أوي .
- قلة التفكير في الماضي،
الزعل بيختفي تدريجيا سواء على فقدان حد عزيز علينا أو انسحاب اللي بنحبهم من حياتنا أو مواقف مؤلمة مرينا بيها وغيره وغيره .
الحياة مستمرة لا بتقف على شخص ولا على موقف ولا علينا إحنا شخصيا .
- الأيام بتنسي لكن إحنا اللي بنهلك نفسنا في التفكير عشان نفضل فاكرين وبرضو بنتهزم علشان الوقت مبيقفش .

بسنت سيد .

لو قلتلكوا إن الرسمة دي أخدت معايا ساعة عشان أعملها هتفكروني ببالغ ..!
دي المفروض وردة الكرتون جميلة والوحش بس مرهقة شوية .
الوردة رسمتها ومسحتها كتير جدا مرات لا تُعد واتعصبت أوي إزاي حاجة بسيطة كدا مش ظابطة معايا مع إن في الورقة العشوائية طالعة كويسة ..!
المهم دي كانت النتيجة النهائية وارتضيت بيها عشان الوقت مياخدنيش أكتر من كدا .
أنا حسيت لوهلة إني برسم حياتي ..!
كتير كنت بضيع مشاعر وطاقة ومجهود عشان كل حاجة تكون بيرفكت في حياتي ومخدتش بالي إن الوقت بيعدي بيا .
مكنتش متقبلة الهزيمة في أي حاجة حاطة نفسي في زون مش بتاعتي لأني بشر يغلط عادي وكنت بستكبر على نفسي أي حاجة (محدش يضايقني، محدش يعمل موقف مش كويس) زي ما أنا كويسة معاك أنت كمان تكون كويس معايا والحقيقة أنا كنت غلط جدا .
عادي إن مش كل حاجة تطلع بيرفكت وعادي إني أعمل مجهود وملقاش نتيجة وعادي يتغدر بيا واتخذل من أقرب الناس لقلبي عادي كل حاجة .
المهم النتيجة إني أكون راضية عن نفسي ومندمش من محاولاتي ولا أبطل أحاول وأتعلم من غلطي وأتقبل كل حاجة وأنا راضية فعلا مش مجرد أمر واقع .
مش عيب تكون مقدرتي محدودة دلوقتي العيب إني مسعاش ألغي الحدود دي ..🤍

مساء الخير .
طول ما أنت راضي
كل اللي جاي هيكون خير ..🤍

لم يفوتني شيء .
- حتىٰ قطاري الذي كان موعده مساءً
استيقظت له باكرًا وبدأتُ رحلتي
وأنا علىٰ علمٍ بموعدِ الوصول .

بسنت سيد .

لم يعُد هناك مكانٌ تسكن فيه بداخلي .
- وإن أصبح البحر المالح عذبًا،
لن تعود مشاعري ولن ينحني قلبي .

بسنت سيد .

مش ندمانة على أي جري اتقطع نفسي فيه رغم إن كل الطرق كانت غلط أحسن ما كنت أفضل فاكرة طول عمري إني ضيعت من أيدي الفرصة اللي مش هتتعوض .

بسنت سيد .

عارف إمتا هتقدر تحب الحياة وظروفها؟
- لما تبقى مركز مع نفسك وبس .
أنا عايز أكون كويس من جوا قبل برا، تشتغل على نفسك إزاي تبقى سوي وصادق مفيش جواك غل ولا شر لحد .
عايز أكون ناجح في حياتي ويبقى معايا فلوس،
تدور على طرف الخيط وتتعب وتفضل طول حياتك بتسعى حتى بعد ما توصل علشان النجاح ملهوش نهاية متستسهلش الطرق وأي حاجة تجيب فلوس وخلاص .
- أساسيات مبادئك هي اللي هتمشي حياتك .
تعبت على نفسك هترتاح في حياتك حتى لو موصلتش يكفي إنك مشيت بما يرضي الله .
متعبتش وسيبت مغريات الحياة تمشيك هتفضل تقع في حُفر لحد ما هتيجي في مرة مش هتلاقي اللي ينقذك وهتبقى دي أخرتك لا دنيا ولا آخرة .
- متبصش جمبك ولا للي في أيد غيرك كل واحد ليه حياته وليه ظروفه وليه حكاية وصلته للي هو فيه .
خليك مع نفسك، هدفك وبس ..!

بسنت سيد .

من 3 سنين أيام ما كانت القناة بخيرها وأكتيڤ على طول دخلنا في مناقشة أنا وبعض الصالحين في أمر ما .
المهم في شخصية معينة فضلت تستفزني وأرد تستفزني وأرد
بعدين حد قالي يا بسنت أنت بتعملي قيمة للشخص دا بدفاعك عن نفسك أنت مش مضطرة تبرري حاجة سيبي كل واحد يهري مع نفسه .
من وقتها وأنا ملتزمة الصمت في كل حاجة عبثية بتواجهني .
واقتنعت جدًا إن أفضل رد على السفيه الصمت .
طول ما الإنسان عارف قيمة نفسه ومقدرها مش هيفرق معاه اللي قدامه شايفه إزاي ولا حاطه فين لأن الناقص بيعكس صورته على اللي قدامه .
- ودي نصيحتي ليكم مش كل الناس تستاهل تدخل معاها في نقاش وتحسن صورتك قدامها أو تبرر لنفسك لأن كدا كدا وجودهم زي عدمه .
انتوا اللي تقدروا تحددوا هل الموقف دا يستاهل أجادل فيه ووجهة نظري هتتقدر ولا اتكلمت زي ما متكلمتش ..؟!
- إحنا مش هنفضل طول حياتنا بنمشي نصلح نظريات الناس فينا اللي عايز يفهمك صح هيلتمسلك ألف عذر واللي عايز يشوفك غلط هيفضل واقفلك على الواحدة حتى لو كل حاجة واضحة قدامه ..🤍

ما كنت أعلم كيف للمرء
أن يغرق في نومهِ دون قلق في المنتصف .
- الآن لقد أدركت؛ حينما يوجد أحدهم
يملأ القلب اطمئنان وسكينة
يجعل الحياة خالية من الضوضاء
لا يبقىٰ سوىٰ كلمات صغيرة تُردد كل يوم
- أنا هنا، أنا دائمًا هنا .
- أرِح ياقلبي البعيد مسكنك بأمانٍ .

بسنت سيد .

هُنا وأنا علىٰ الضفةِ الأخرىٰ من طريق
النجاة الذي ظننت عبوره مستحيلًا أقول
- ما من مستحيل .
- لقد تعاركنا سويّا، أوشكنا ننتهي
لكننا لم نيأس بعد .
كان الحُب أشد من الهزيمة لذا؛
نحن الآن علىٰ بر الأمان،
في أولىٰ خطوات حياتنا الجديدة
الذي ليس بها سوانا وبعض الأشجار
والكثير من الحُب والطمأنينة .

بسنت سيد .

تطلع إلىٰ الماضي وانظر
لما أنت عليه الآن وتمنىٰ الأفضل في المستقبل .
- فكلّ يومٍ يولد شيءٌ جديد
وشخصٌ جديد، هكذا تسير الحياة .

بسنت سيد .

صباح الخير .
الإنسان حياته بتتحول لبُستان
لما بيحاوطها دايرة ناس محترمة
ونضيفة وقلبها أبيض ..🤍

وأنا؛
أريد أن استريح من إرهاقِ التّنقل
من محطةٍ إلىٰ أُخرىٰ علىٰ أملِ أن ألتقي
بمكانٍ آمنٍ استقر علىٰ أرضهِ دون تِرحال .

بسنت سيد .

خذ وقتك يا عزيزي .
- لربما يعود الماضي
فتكون قادرًا علىٰ مواجهتهِ بقوة .

أما أنا .
فـاختارت أن أسامح دائمًا .
وألا يُملأ قلبي بندبات كراهية
يحدث ما يحدث لستُ ساذجة؛
- لكنني أردت العفو
وأن يبقىٰ قلبي كما هو بعيدًا عن دائرة الظلام .
أن يأخذ المظلوم حقه فحتمًا سيصبح ظالمًا .
قد يغفل الإنسان عما حوله في لحظات الغضب
وحينما يدرك يرى أنه فقد الكثير من ذاته الإنسانية لذا؛
اصمت وأمضي أيامي كأن لم يحدث شيء علىٰ الإطلاق ..!

بسنت سيد .

في يوم شوفت نجوم منورة كتير ونجم لوحده بعيد عنهم شكله يبان أنه قريب بس في الحقيقة هو بعيد .
فضلت أراقبه كل يوم وأنا منبهرة بيه وكل ما يتحرك أمشي في الاتجاه بتاعه علشان أقدر أشوفه بوضوح .
كنت بستحمل عتمة الليل وضلال الطريق وإني لوحدي علشان بس أكون جمبه وآنس وحدته .
في النهاية اكتشفت إنه مجرد ضوء ملهوش لازمة وأنا اللي عملت منه نجم وقصة، اختارت أجازف من غير مقابل وأنا بستنزف في كل خطوة .
- على أد ما بتدي الحاجة أكبر من قيمتها على أد ما بتاخد من قيمتك أنت وتحطها في الولا حاجة .
- متتغروش بانبهار البدايات،
وأنا هنا مش قصدي النجوم .

بسنت سيد .

ورغمًا عن الظروف التي طرأت عليّ منذ الصغر وأجبرتني أن أواجه صامدة كإمرأة أخذت من الحياة الكثير،
- ألا أنني مازلت أحن للصبا .
- أفتقد طفولتي التي سلبتها مني رياح الدنيا باكرًا .
- أفتقد بكائي لشراء البالون ذات اللون الوردي، والحلوى، والركض في منتصف الطريق .
- أفتقد عقلي الذي ما كان يحمل همًا سوىٰ اختيار كرتون لمشاهدته .
يبدو كأنني أخذت الكثير ولكنني لم ءأخذ سوىٰ القليل .

بسنت سيد .

أي يا ولاد اللي ماشي في الجو دا 🥲
فين أيام البرد اللي كان آخره عطستين ويومين مناخير حمراء 😭😂💔