إني أتمنىٰ ألا تخون عهدك لي .
أتمنىٰ ألا تأخذك الحياة لمسارٍ أبعد من طائفتي .
أتمنىٰ أن أبقىٰ خالدة دائمًا بداخلك،
وأن يبقىٰ حبك عامرًا إلىٰ أن ينتهي بنا المطافِ معًا .

بسنت سيد .

لا أجيد الحديث عمّا بداخلي .
ولكني أجيد السّطو؛
أنحني أمام صفحتي البيضاء .
أنثر بقلمي كل شيء؛
- الحياة المتناثرة
الأفكار التي تراودني ليلًا
الأحلام التي لم أَنل منها خيطًا .
وهكذا ينتهي الضجيج الداخلي .

بسنت سيد .

best memory بجد
أنا بحب البيت دا أوي 🤍🤍

عجبًا لاتساع قلبي ..!
قادرًا علىٰ احتواء كل شيء
وعاجزًا عن احتواء نفسِه .

بسنت سيد .

بينما أنت
تحترق
هناك مَن
يقاتلك علىٰ
رائحة الرماد .

بسنت سيد .

قبل أن تبدأ رحلتُنا
رأيت الثُقب في سفينتك
أردت ألا أنجو
ونستمر في الإبحار سويّا
علىٰ أمل أن نصل معًا
ما كنتُ أعلم وإن تحققت المعجزة
سوف أغرق وحدي بمساعدتك أيضًا ..!

بسنت سيد .

مازلت استمع إلىٰ الموسيقى كثيرًا
- ألحانها تُذكرني دائمًا بالدفىٰ
لطالما تشابهت كلماتكم معًا .

بسنت سيد .

لا أعلم كيف أنجو في كل مرةٍ .
أضِيع الطريق وأجد نفسي في النهاية الصحيحة .
تتبعثر الحياة ولا أدري كيف تُرتب .
- لكني أدركت أنك هُنا؛
يعود كل شيء لمكانهِ الصحيح .
- كيف لي أن أحمل همًا وأنا جواري
مَن يحملُني ويحمل عنّي كل الهم ..!

بسنت سيد .

أغيثونا🫡

كاد يفوتني قطاري .
ظللت انتظرك
وأنا على أملٍ
نبدأ رحلتُنا سويّا .
ورغم أنني رحلت وحدي،
كنت انتظرك عند محطاتِ الوقوفِ
- وأنت لم تأتِ بعد .

بسنت سيد .

مينفعش نستسلم لازم نكمل،
لازم نسعىٰ، لازم نواجه، لازم نوصل!
- لازم نتعب علشان لما نوصل نحس
بلذة الانتصار اللي حققناه بعد معاناة
مش اللي علىٰ الجاهز .

بسنت سيد .

مَسكينٌ يا قلبي
كان رِيدك تغرم وتغني
وبِحبك تقسىٰ علىٰ الدنيا
كان أملك توصل للجنة
وحبيبك جمبك ومساندك
لا قدرت تِخطي وتتخطىٰ
ولا توصل لخيوط الرّنة
للآهٍ أصوات مختلفة
اختارت سكوتها عشان حُبك
دلوقتي بتصرخ من ألمك
كان نفعك بإيه عِشقك ..!

بسنت سيد .

جوايا هدوء غير آمن مش هيتكسر إلا لو
أصبح بركان يحرق كل حاجة ويرجع
لمكانه من الأول وجديد .

بسنت سيد .

بحب أفضل أنكش في الحاجة اللي زعلتني
عشان أفضل فكراها ومسامحش صاحبها
أبدا على الاحساس اللي خلاني أعيشه .

بسنت سيد .

سألته أولًا؛ أيمكنك أن تأخذ بيدي
ونسلك الطريق سويًّا ولو كان مظلمًا؟
أم أذهب واستمر في سيري وحدي؟
- أخذ بيدي، ونحن في منتصف الطريق أردت أن استريح لطالما مصدر أماني معي، جواري .
- ما كنت أعلم أنني سأفيق علىٰ الظلام
وحدي لا أعلم كيف أصل ولا أعود .
ظللت عالقة في المنتصف أصرخ بصوتٍ عالٍ لماذا؟ لطالما أردت الرحيل لماذا من البداية سِرنا معًا؟
- لم يسمعُني؛ كاد الوصول لنهاية طريقًا آخر
مع شخصٍ آخر يؤانِس وحدتهِ ..!
- وأنا هُنا علىٰ أملٍ لا يوجد مكانة له سوىٰ بِخيالي .

بسنت سيد .

أخبرتني أمي أنني دائمًا أستحق الأفضل .
وأن أترك وراء ظهري كل ما يعوقني في طريقي .
وأن ابتسم للحياة دائمًا رغم كثرة متاعبها .
وأن ما رحل عني وسقط من بين يدي لم يكُن لي .
وانتظر وأنا بيقين أن الله سوف يرزقني بكل الخير .
وألا أقف أبدًا لطالما استطيع الركض،
وإن لم استطِع فعليّ السير حتىٰ تُقطع أنفاسي .
- هكذا تدفعني أمي للبقاء على قيد الحياة
وأنا بنفسٍ سالمة راضية
بكل ما قسمه الله لها في الدنيا
لِيُجزيها خيرًا منه في الآخرة .

بسنت سيد .

الوقت قادر ينسي كل حاجة .
زعلك على الحاجة في لحظتها غير لما يعدي شهر وسنة وسنين .
كل مرحلة في حياتنا وليها أحداثها اللي بتجبرنا نركز فيها مقابل حاجات كتير أوي .
- قلة التفكير في الماضي،
الزعل بيختفي تدريجيا سواء على فقدان حد عزيز علينا أو انسحاب اللي بنحبهم من حياتنا أو مواقف مؤلمة مرينا بيها وغيره وغيره .
الحياة مستمرة لا بتقف على شخص ولا على موقف ولا علينا إحنا شخصيا .
- الأيام بتنسي لكن إحنا اللي بنهلك نفسنا في التفكير عشان نفضل فاكرين وبرضو بنتهزم علشان الوقت مبيقفش .

بسنت سيد .

لو قلتلكوا إن الرسمة دي أخدت معايا ساعة عشان أعملها هتفكروني ببالغ ..!
دي المفروض وردة الكرتون جميلة والوحش بس مرهقة شوية .
الوردة رسمتها ومسحتها كتير جدا مرات لا تُعد واتعصبت أوي إزاي حاجة بسيطة كدا مش ظابطة معايا مع إن في الورقة العشوائية طالعة كويسة ..!
المهم دي كانت النتيجة النهائية وارتضيت بيها عشان الوقت مياخدنيش أكتر من كدا .
أنا حسيت لوهلة إني برسم حياتي ..!
كتير كنت بضيع مشاعر وطاقة ومجهود عشان كل حاجة تكون بيرفكت في حياتي ومخدتش بالي إن الوقت بيعدي بيا .
مكنتش متقبلة الهزيمة في أي حاجة حاطة نفسي في زون مش بتاعتي لأني بشر يغلط عادي وكنت بستكبر على نفسي أي حاجة (محدش يضايقني، محدش يعمل موقف مش كويس) زي ما أنا كويسة معاك أنت كمان تكون كويس معايا والحقيقة أنا كنت غلط جدا .
عادي إن مش كل حاجة تطلع بيرفكت وعادي إني أعمل مجهود وملقاش نتيجة وعادي يتغدر بيا واتخذل من أقرب الناس لقلبي عادي كل حاجة .
المهم النتيجة إني أكون راضية عن نفسي ومندمش من محاولاتي ولا أبطل أحاول وأتعلم من غلطي وأتقبل كل حاجة وأنا راضية فعلا مش مجرد أمر واقع .
مش عيب تكون مقدرتي محدودة دلوقتي العيب إني مسعاش ألغي الحدود دي ..🤍

مساء الخير .
طول ما أنت راضي
كل اللي جاي هيكون خير ..🤍

لم يفوتني شيء .
- حتىٰ قطاري الذي كان موعده مساءً
استيقظت له باكرًا وبدأتُ رحلتي
وأنا علىٰ علمٍ بموعدِ الوصول .

بسنت سيد .