متستعجلش على فهمك لكل حاجة بتحصل في حياتك .
حكمة ربنا دايما موجودة بس بتظهر في الوقت المناسب .
اللي مش قادر تتقبله النهاردة بكرة ربنا يبعتلك إشارته إن دا الخير ليك بالأدلة، واللي اتقبلته وراح منك هيثبتلك إنه مكنش خير من الأول ومنعك عنه وأنت اختارت تكمل بس في النهاية وقفك .
- ثق في اختيار ربنا لكل أمور حياتك علشان رب الخير لا يأتي إلا بالخير .

بسنت سيد .

متجيش على نفسك وتحملها فوق طاقتها اللي حصل حصل في كل حاجة المهم هتشيل الحمل دا إزاي يا ترى هتعالجه؟ ولا هتفضل سايبه على اكتافك لحد ما ياخدك وتقع؟
- كلنا بنغلط وكلنا غرقانيين ندم بس هتسيب نفسك لحد ما تموت ولا تتعلق في طوق نجاة وتنقذ نفسك علشان تبدأ من جديد!
- خليك رحيم بنفسك، طول ما أنت قادر تندم أعرف أن لسا باب رحمة ربنا مفتوحلك كل اللي ضميرهم مات متروكين لأنفسهم .

بسنت سيد .

أدّعي الصمود دائمًا أمام الجميع،
وأنا كل ليلة أهزم في معركتي مع أفكاري .

بسنت سيد .

كل عام وأنتم بخير يا رِفاق🤍
رمضان كريم عليكم جميعًا
وعلى أسرتكم وحبايبكم يارب 🤍

إيه مفهوم الحب عندكوا؟
شوية مشاعر بتحسوها مع الطرف الآخر؟
ولا لحظات الأمان والطمأنينة اللي بتحسوا بيها أوقات ما؟
- عادي جدًا يكون إحساسنا غلط تجاه اللي قدامنا .
- أوقات كتير بنفتقر لمشاعر معينة من اللي حوالينا وبنتوهم بوجودها في شخص ما لشدة احتياجنا بيها ومن لهفتنا بنغفل عن معرفته كويس .
بنتصدم بعد ما بنحس باستقرار نفسي ونفضل نسأل ليه وليه والإجابة عندنا ..!
حبوا نفسكوا واكتفوا بيها علشان تعرفوا تختاروا صح، تختاروا قلب تتحاموا فيه وقت غدر الظروف .
العلاقات مش دايما وردي بس محتاجين نفهم نفسنا ونحط حدود لحياتنا ولمشاعرنا علشان نقدر نكون حياة دافية مليانة استقرار نفسي وأمان حقيقي .

بسنت سيد .

حينما تدير ظهرك لا تلتفت للوراء ثانيًا،
سوف تعلق في المنتصف لا مكان للعودة ولا طريق للنهاية .
ستعوقك ذكريات الماضي وتهزم أطلالها أحلام المستقبل لذا؛
- استكمل ما قررت بناءه حتىٰ لا يُهدم كل شيء .

بسنت سيد .

طول ما أنت بتقدم كل حاجة من غير ما تنتظر مقابل عمرك ما هتندم في يوم إنك عملت كدا .
- مبيندمش غير اللي مستني رد فعل
بنفس الشغف والإحساس ..!

بسنت سيد .

مساء الخير .
كان نفسي في حد أقدر أميل
على كتفه من غير ما أقع .
- كل اللي سندت عليهم وجعوني .

بسنت سيد .

مبعيطش لأ .
- دي ذكرياتي وأنا سعيدة وسط أهلي وصحابي والناس اللي بحبهم ونفسي لما كانت بريئة ومحاطة بنفوس طيبة دخلت في عيني وجعتني .

بسنت سيد .

أول ما تقرر تعدي خط البداية متبصش وراك .
كمل ولو حسيت ل لحظة إن دا الطريق الغلط ارجع وابدأ من بداية خط جديد .
- مش كل الطرق ليها نفس البداية علشان نرجع من الأول، أحيانًا الظروف بتجبرنا نغير خانة الصفر حتى لو هنوصل لنفس النهاية ..!

بسنت سيد .

وما فائدة اعتذار الرياح والغُصن مكسور ..!

بسنت سيد .

مكنتش بفهم يعني إيه أذى متعمد
لحد ما الضربة جتلي قدام عيني
من اللي كنت بتحامىٰ فيه من المخاطر .

بسنت سيد .

نحزن في صمت، نتألم في صمت،
ونبكي أيضًا في صمت .
- ثم نضحك أمام الجميع
كأن لم يُكسر شيء بداخلنا أبدًا .

بسنت سيد .

داويتُ أرواحًا مجرّحة بكل لطفٍ،
- وأنا روحي تتمزق من شدة الألمِ .

بسنت سيد .

لا أستطيع المقاومة بمفردي لذا؛
- يأخذني التيار يمينًا ويسارًا دون شفقة .

بسنت سيد .

بستغرب من غيرة النفوس بين الصحاب!
يعني تلاقي الواحدة من دول عندها ماشاءالله حاجات أنت لا تملكيها وراضية بحالك بس هي شايفة العكس!
المشكلة مش في كدا أد ما إزاي في شخص قادر يشغل باله وتفكيره بحد غير نفسه!
مش بلاقي تفسير لمواقف كتير إلا إني بتأكد إن أصحابهم عندهم حق،
فعلا في حرمان؛
إحنا نفوس راضية والرضا موجود بس عند اللي قلوبهم مكتفية بنعم ربنا مهما كان مقدارها مش عند النفوس المريضة🤍

لِأي مدىٰ نحتاج إلىٰ الراحة!
- أن تطمئن قلوبنا،
نخلد إلىٰ النوم ونحن لا نشكي همًا .
- أن تُرحم وسادتنا من دموع الندم ..!

بسنت سيد .

احساسك إيه لما تاخد قرار عارف إنه غلط ومكمل فيه عشان مش لاقي حد يوقفك ..؟!
- بتواجه نفسك إزاي والدنيا سيقاك على كيفها ومش عارف تدوس فرامل وترجع من أول الطريق تاخد الاتجاه الصح ..؟!

بسنت سيد .