الفراغات الوحيدة اللي في حياتي متمناش أنها تتملي أبدا
حوض المواعين
باسكت الغسيل
باسكت الزبالة
ملجأ كل الهدوم كرسي الأوضة .

بسنت سيد .

فشلت في المواجهة .
أنا دلوقتي بقيت أهرب من كل حاجة .

بسنت سيد .

نفسي اتقطع من كتر المحاولة مش قادر أقاوم سقوطي .

بسنت سيد .

كل الناس عندها أفكار في رأسها إلا أنا؛
- عندي رأس في أفكاري ..!

بسنت سيد .

مبختفيش عنكم إلا للشديد القوي🌚
امتحانات وتخرج ودكاترة حاطة علينا وأهي ماشية😂🥲💔
ربنا ينجح كل الطلاب يارب وكل الخريجين يخلصوا على خير ادعولنا🤍

كلنا حلوين طول ما إحنا متحطناش في موقف يطلع أسوأ ما فينا ..!

بسنت سيد .

اتمسك بحلمك للنهاية .
- ورا كل حلم حياة جديدة بتتبني .
- ورا كل إنجاز بيتولد إنسان ذو قيمة .
أنت تقدر 🤍!

بسنت سيد .

حالي مش زي حالك، ولا حالي أقوى من حالك .
- كلنا بنمر بنفس النتيجة بس الطرق مختلفة ..!

بسنت سيد .

لا بأس؛
لربما يحالفني الحظ في العام القادم .
- ربما يتحقق كل ما عجزت عن تحقيقه بهذا العام ..!

بسنت سيد .

الإنسان مش محتاج غير كلمة كويسة، معاملة طيبة، نية خالصة، حب صادق .
- المعطيات المعنوية تفوق دائمًا كل ماهو مادي .

بسنت سيد .

من كتر ما المجتمع المعاصر وصل لأعلى ليڤيل من مراحل الانحطاط الخلقي بقينا نخاف نمارس حياتنا بشكل طبيعي عشان ميتبصلناش بنظرة الاندراج في الدايرة الدنيئة دي .
لأبسط الأشياء اتحظر علينا نحط إيموچي القوس قزح عشان منتفهمش غلط!

بسنت سيد .

الحب الحقيقي هو اللي بيفضل محفور في قلبك حتى لو انتهى لأي سبب، مهما عدى وقت واتغيرت الظروف .
- هيفضل هو الذكرى المهجورة جواك اللي مبتطلعش غير في وسط الحكاوي عن أول مرة قلبك دق فيها بجد .

بسنت سيد .

الطرق اتردمت من كتر جريي على أمل ضايع ..!

بسنت سيد .

ما يؤلمني حقًا أنني أرىٰ أحلامي تسقط كأوراق الشجر في فصل الخريف .

بسنت سيد .

مادمت تستطيع لما تتوقف عن الركوض؟!
فـالسعي دائمًا يتطلب استمرارية .
- لا تقف حين تصل،
لا تقف وإن هلكت أنفاسك في منتصف الطريق .

بسنت سيد .

مازلت أؤمن بطريقي رغم كثرة التعثرات، فلا أهدأ حتى أربح وأصل لما وددته منذ البداية .

بسنت سيد .

متكملش في علاقة قايمة على جهد مبذول من طرف واحد .
إذا مكنتش كل حاجة متبادلة ومتشاركين فيها مع بعض يبقا أنت مع الشخص الغلط .

بسنت سيد .

ألا يأتي النصيب أبدًا خيرًا من أن يأتي ويمحو كل الخير .

بسنت سيد .

احسن الوداع دائمًا؛ فالصُدف لا تترك أحد دون أن تلاحقه بماضيه مرارًا وتكرارًا .

بسنت سيد .

كونك شخص فاشل مش بتآمن بالتغيير دا ميدكش الحق تفضل تقيمني بنفس الشخصية القديمة ليا .
الإنسان كل يوم في update من كل الجوانب .
اللي قبلت بيه امبارح مش هقبل بيه انهاردة، والغلط اللي عملته من سنة مش هكرره تاني ..!
محدش بيتعلم غير لما بيجرب، محدش بيعرف الصح غير لما يتلسع من الغلط .
- المهم إن أنت تفضل مآمن بتغييرك لنفسك للأحسن أيا كان رأي اللي حواليك، لولا اختلاف الآراء لبارت السلع ..!

بسنت سيد .

أنا مبحاولش معيطش .
أنا لما بعوز أعيط بعيط عشان البكا هو الوسيلة الوحيدة اللي بتطفي نار قلبي .

بسنت سيد .