يا بخت أي حد عنده حد بيحاول علشانه .

بسنت سيد .

كلهم بيقولوا اللي عايز يعمل حاجة بيعملها .
- ميعرفوش إني كل ما أتقدم خطوة حبال الماضي بترجعني ألف لورا ..!

بسنت سيد .

هو لما الإنسان ينسى أحداث كتيرة من حياته كأنها محصلتش إطلاقًا سواء حلوة أو وحشة
- دا ميزة ولا عيب؟!

مفيش أجمل من إحساسك وأنت تايه وسط الزحمة وتلاقي أيد أخدت بإيدك لطريق الأمان اللي مفيهوش غير الوضوح والسلام .

بسنت سيد .

الفقدان مش صعب .
الصعب الحقيقي هو الوجود المعدوم .

بسنت سيد .

فكرة إن الإنسان بيحاول يتخطى كل حاجة في حياته لمجرد إن مفيش حد يحكيله مشاكله ويهون عليه أيامه دي مرهقة أكتر من الظروف السيئة نفسها ..!

بسنت سيد .

دايما بنستغرب إزاي بنبقى مع صحابنا رغايين أوي ومبسوطين ونضحك ونهزر ومجرد ما نروح البيت بننطوي مع نفسنا ونقعد لوحدنا منتكلمش .
- السبب لأن إحنا بنلاقي نفسنا معاهم، ناس شبهنا مودهم زينا قادرين نهون على بعض مجرد ما نقعد في وش بعض بس .
- وأحنا في البيت بنعافر عشان نفهمهم إن عادي يبقى لينا مشاكل في حياتنا إحنا ك شباب، وعادي أننا نزعل عشان إحنا بني آدمين، بتبقى كل القاعدة عبارة عن أنت قاعد واكل شارب نايم ناقصك أي تاني عشان تقول أنت حزين!

بسنت سيد .

بقالي شهرين بحضر نفسي علشان حفلة التخرج ونسيت اذاكر علشان أتخرج أصلا!

بسنت سيد .

يقول أحدهم:
كنتُ أضع نفسي جِواري لتكون محبوبتي هي النفس الأولىٰ التي تبقىٰ على بالي دائمًا في جميع الأحوال بكل المشاعر التي يحملها قلبي بداخلهِ .
أما أنا فلا بأسٍ؛ سأظل بخير متىٰ كانت هي أيضًا كذلك .

بسنت سيد .

أنا عايزة أتخرج بس مش عايزة أنتوا فاهمني؟
يعني عايزة أخلص دراسة بس مش عايزة أبطل أنزل الكلية وأشوف صحابي ونقعد نهزر في المكان اللي كان حلمنا من وأحنا أطفال ..!

بسنت سيد .

دائمًا ما نجلب العناء لأنفسنا لذا نعبث في أماكن لا تشبهنا .

بسنت سيد .

أنا بحترم العياط أوي!
معنديش أوبشن كتم العياط، عايز تعيط عيط يا حبيبي وبعدها طبطب بأيدك الحنينة دي على نفسك وواسيها .
متديش لعقلك الإشارة إنك strong man لأ المان الصح هو اللي لما يحس نفسه مخنوق وعايز يعيط بيعيط .
- أصل أنا لما أكتم حزني في قلبي النهاردة وأصحى كويس بكرة مش عارف هبقى فين!

بسنت سيد .

أقولكم سر .
أنا لما ببقى مضايقة بقول لنفسي جوايا عيطي يا بسنت حتى لو مش عايزة أعيط .
مجرد ما أدي الفرصة لنفسي أنها تفرغ مشاعرها السلبية بالعياط بهون على قلبي كتير .
- أنتوا كمان ادوا الفرصة لنفسيكم تخرج كل الطاقة السلبية اللي جواها🤍

خليكوا عارفين دايما إن طول ما الصداقة مقفولة على أنها ترفيه ليكم وجدعنة بينكم وبين بعض من غير أي مقابل لأي حاجة هتفضل دايما دايمة .
لو ركزت واتعاملت على حاجات أكتر من كدا الدنيا هتخرب بقصد أو من غير من كل الأطراف .
- إحنا بنصحاب غيرنا علشان يكون مصدر ترفيه وانعزال عن كل حاجة سلبية حتى لو مش هتحكي مشاكلك مجرد وجود أصدقاء في حياتك كويسين كفيل يخلي في جزء منور في العتمة اللي جواك .
- في الآخر أنت مش ملزم تخلي حد في حياتك مصدر إزعاج ونوش أو حتى مش مرتاحله أيا كان العلاقة بينكم أي لمجرد إن في بينكم ذكريات .
- إحنا بنشتري راحتنا وعلشان هي غالية محدش بيشتريها غير اللي مقدر تمنها كويس، فـ كفاية ناس وظيطة عالفاضي .

بسنت سيد .

مبكرهش في حياتي أد الناس اللي بتفضل دايما توريك السلبي اللي بتمر بيه وبس .
مفيش يوم عدى كويس؟ مفيش يوم ابتسمت فيه حتى؟ مفيش لحظة شكرت فيها ربنا إنه لسا مديك الصحة والعافية؟ مفيش مرة قولت الحمدلله عشان ربنا يراضيك؟
ليه ي جماعة كل حياتكم سلبية وبتنقلوها لغيركم بالشكوى والبوستات؟
مفيش حد خالي من الحزن والمشاكل، ومفيش مشكلة إلا وليها حل حتى لو لسا مكتشفناهوش، ومفيش يوم بيعدي غير وبنبتسم فيه حتى لو على ميمز عابرية .
بطلوا نكد ويأس عشان بتأثروا على اللي حواليكم وعشان نفسكم أولا، بصوا للجانب الإيجابي في الحياة ومتقولش مفيش، وجودك على الأرض وأنت ساند طولك دا إيجابي لوحده، سعيك في تغيير البؤرة السلبية اللي مش عجباك دا إيجابي، أعضاء جسمك السليمة دي نعمة من ربنا إيجابي تقدر تعمل أي حاجة في الوقت اللي ربنا عايزه .
- بلاش تشاؤم عشان مفيش حاجة بتكون نهاية المطاف، ولو أنت عايز تنهي حياتك بدري يبقى مع نفسك متلومش غيرك وتفضل ولهان في دور الضحية ..!

بسنت سيد .

الإنسان لما بيبقى عادم الشيء أهون بكتير من إنه يكون فاقده .
فرق كبير أوي بين إن الحاجة مش موجودة أصلا، وبين أنها موجودة بس كأنها مش موجودة، ودا أشد الآلام تعذيبًا ..!

بسنت سيد .

مدينة لقلبي بالاعتذار عن كل لحظة كنت أقدر أمنع عنه الألم فيها واستسلمت .

بسنت سيد .

لا أريد سوىٰ أن أطوي صحيفتي الأخيرة بخبرٍ يمحي ما كُتب .

بسنت سيد .

كنت أظن أن النجوم ستُجيب لأحلامي حتىٰ اختفت في عتمة اليوم التالي ورحلت معها أحلامي .

بسنت سيد .

هناك وخزة في قلبي أعلم من أين جاءت ولكني أعجز عن رحيلها ..!

بسنت سيد .

لو سُلبت منك كل آمالك اصنع وهم في خيالك وابقىٰ حيًا علىٰ أملٍ لا يوجد سوىٰ بأحلامك .

بسنت سيد .