زي النهاردة من سنتين أنا أخدت القرار إني أعمل القناة دي ومن وقتها وهي نفسي الخارجية .
يمكن مفيش لسا تطوير فيها لكن كفاية إن أنا ستيل بتطور .
عايزة قلوب كتشيرة أوي احتفالا بمرور عامين على صداقتنا ببعض في الاتشانل وعلى وجودها لمدة عامين 😍🤍

كل عام وأنتم بخير ورمضان كريم عليكم جميعا يارب ويعود عليكم بالخير يا أمة محمد اللهم آمين 🤍🤍

لازم تتعلم إنك تكون أد مسؤولية قراراتك أيا كانت النتيجة بالايجاب أو السلب .
أوعا ترجع في قرار أخدته أو تحس بالندم بعدين وتقول ياريتني ما عملت كذا لأ ..!
- مع الوقت هتكتشف إن قرارك الغلط دا هو المناسب والأصح ليك، إما هيكون قرصة ودن من ربنا ليك عشان تتعلم إزاي تتحمل نتيجة أفعالك وتعمل حساب لكل حاجة، أو يكون هو دا الصح والخير ليك وأنت مش عارف .

بسنت سيد .

أول ما تبدأ ترضى بقضاء الله كل حاجة بابها اتقفل في وشك هيتفتح من كل الاتجاهات من حيث لا تدري .
- أهم حاجة تبقى متيقن إن ربنا شايلك خير وهيجي في وقته علشان ييجي فعلا .

بسنت سيد .

كان في واحدة مع علاقة بشخص والوضع بينهم زي أي اتنين متزوجين، هي فاقت من الوضع اللي كانت فيه وكانت بتحب الشخص دا جدا وبتدعي ربنا إنها مش عايزه تغضبه تاني وعملت كالاتي ..
ألفت حوار بأكتر حاجة بتضايقه واتعاملت بقسوة جدا علشان يسيبوا بعض ومذكرتش السبب الحقيقي عشان هي مكنتش عارفة تقول لأ ولا تعمل استوب لكل اللي بيحصل، وفعلا سابوا بعض لكن في نظره هو إن هي شخصية مش كويسة مقابل أنها كانت بتدعي كل يوم يبقوا مع بعض في الحلال والتزمت بقرارها لسنين .
مع مرور الزمن اتقابلوا تاني وهي لسا شايلة حب لنفس الشخص بس هو لسا شايفها بنفس الصورة السلبية رغم إنهم اتعاتبوا وهي صرحته بكل حاجة، بس هو مفهمش يعني أي واحدة قررت تختار علاقتها بربها وتشتري أخرتها مش دنيتها فسبيل أنها تضحي بحب حياتها .
- الأيام راحت وجت وهو شاف طريقه وهي كمان في طريقها واتحولت دعواتها من يارب اجمعني بيه في بيت واحد لـ يارب ارزقني بالزوج الصالح اللي يقربني ليك في النور .
- وعددت شهور ودلوقتي البنت مخطوبة وخلاص هتتجوز واحد متقبل كل حاجة فيها ووقفتها مع نفسها وبقى يساعدها إزاي تقول لأ، البنت دي ربنا عوضها بواحد بايع الدنيا كلها وشاريها عشان هي اختارت ربنا، اختارت الستر والمغفرة .
- حكاية بسيطة من ضمن مشاكل ناس كتير بس العبرة في النهاية، لازم نقول لأ، لازم نختار ربنا في كل حاجة واخرتنا هي المقام الأول والأخير، لازم نبقى متأكدين إن ورا كل قرار اتنفذ بغير رغبتنا في وراه مليون ألف حاجة كويسة وخير جاية في الطريق .
- لازم نبقى واثقين إن ربنا غفور رحيم المهم إنك متستمرش لمجرد كثرة ذنوبك لأ دا أنت ممكن توبة بنية صادقة مرة واحدة بس ولا من قلبك تقول يارب ينجيك ويغفرلك كل ذنوب عمرك اللي فات .
- مهما كان غلطك وحجمه افتكر إن ربنا أبوابه كلها مفتوحة بس مستني دعاءك مستنيك تنادي عليه وتقوله انقذني .
- اوعوا تكملوا مع حد بيبعدكوا عن ربنا اوعوا تستمروا في علاقات غلط، اللي اتبنى على غلط آخرته غلط ونتايجه كلها هتبقى غلط ..!

بمناسبة إن النهاردة عيد الأم وكدا .
فأنا حابة أقول حاجة أنا بشوف عموما إن حبنا لأهالينا مينفعش يبقى لي مناسبة علشان نظهره، ولا ينفع أنه يتعبر عنه بكلمتين ولا بأغنية أو فيديوز .
الحب الحقيقي في المعاملة، بر الوالدين اللي نابع من جواك بينك وبينهم وبين ربك مش الكلمتين الحلوين اللي بنشوفهم على السوشيال .
- وآه لازم نراعي أخواتنا اللي فقدوا فرد من أسرتهم سواء أب أو أم ومينفعش يبقى اللي قدامنا محروم من إحساس جميل زي وجودهم وأحنا بنحتفل بالقلوب، زي ما برضو مينفعش نيجي قدام واحد قاعد بردان فالشارع ونقف قدامه بعربيتنا وأحنا ملفوفين ببطانية!
- الشعور كله واحد باختلاف المواقف .
عايز تفرح والدتك في عيد أم ولا عيدميلاد هاتلها هدية بينك وبينها عبرلها بطريقة صادقة مع بعض إحنا ملناش دعوة نشوف دا فعلا ..!
عايز تشكر والدك على تعبه وشقاه عليك يبقى تصدق في تصرفك وأثبتله إنه عرف يربي لما يلاقيك بتقدر غيرك وتخاف على مشاعر اللي قدامك .
- الحياة بسيطة بس أنتوا اللي عودتوا نفسكم على الحياة البابليك ..!!

بسنت سيد .

طول ما أنت بتسعى علشان ترضي ربنا هيقف جمبك ويوقع في طريقك اللي يخليك دايما مستمر في مرضيته .

بسنت سيد .

متخسروش أهلكم علشان حد .
الأب والأم مبيتعوضوش .
الناس بتروح وتيجي وكل حاجة في الحياة قسمة ونصيب سواء علاقتك بصحابك بشريك حياتك في شغلك في دراسة في أي حاجة .
- مكسب النفس الحقيقي هو اختيارك لأهلك اللي تعبوا علشانك في كل وقت حتى لو على حساب نفسك وسعادتك .

بسنت سيد .

كل خطوة جديدة بتحصل في حياتنا سواء حلوة أو غير ما زي إحنا عايزين فهي خير لينا .
ربنا أعلم بنوايا كل واحد وبوضعنا وبأنفسنا، ربنا عارف أي اللي نقدر عليه وأي هيسببلنا الأذى .
- ربنا دايما بيختارلينا الخير بس إحنا بنسستعجل لمعرفته .

بسنت سيد .

الحمدلله على كل شيء ظننته يومًا فاسدًا وكان خير الأقدار .
الحمدلله أنه لم يُجيب لما أردته بل أجاب لما كان خيرًا لي .
الحمدلله دائمًا وأبدًا🤍

يكفي وجود شخص واحد مطمئن ليزيح من قلبي روع العالم .

بسنت سيد .

إذا وجدت أن قلبك ممتليء بالسكينة في مكانٍ ما فظل ثابتًا وابنِ عالمك الخاص دون الالتفات للخلف .

بسنت سيد .

صباح الخير .
هتعدي علشان مفيش حاجة بتفضل ثابتة على حالها كتير .
خليك متأكد أنها هتعدي علشان تعدي فعلا ..!

بسنت سيد .

مفاتيح البيت لو في إيد حد غير مُلاكه هيخرب .
- وأنا هنا مش قصدي عالبيت ..!

بسنت سيد .

اللي هيمشيلي خطوة همشيله أدها واللي هيطلع جدع معايا مرة هردهاله زيها، واحدة قصاد واحدة .
- مببقاش في حد يستاهل أعمل علشانه حاجة زيادة .

بسنت سيد .

سيتعكر مزاجك حينما يمر أمامك الشريط الذي تتمنىٰ ألا تراه ثانيةً ولكن؛ عليك ألا تمحيه من ذاكرتك بل تنتظره دائمًا حتىٰ لا تظل كما أنت وتبقى داخل الفيلم دون أن تكون مشاهدًا ..!

بسنت سيد .

لي تحكوا لحد أسراركم لما ممكن تقعدوا مع نفسيكم وتخرجوا كل اللي جواكم بالعتاب واللوم والندم والحديث الذاتي الشخصي بالمواجهة من غير خوف إن حد هيعايركم في المستقبل ؟!

بسنت سيد .

هناك عيون تعشق أن ترىٰ دائمًا عيوب الآخرين، وأخرىٰ لا تعرف ماذا تعني كلمة عيوب فلا ترىٰ سوىٰ ما هو جميلٌ .
- تلك العيون التي فضلت رؤية ما بالجوف لا يمرؤ بقلبها ما يحدث بالظاهر أبدًا .

بسنت سيد .

كل الناس بتسعى للاتزان إلا أنا؛
- بسعى للمثالية والكمال .

بسنت سيد .

وبعدين بقا في الشاي بلبن أبو عيون عسلي اللي خاطف قلبي دا!

بسنت سيد .

لقيت الدنيا واللي فيها جايين عليا فاخليت نفسي من الهم الزايد .
- مش هتبقى كل حاجة ضدي وأنا كمان ..!

بسنت سيد .