وبعد ما أخذتني رياح الحياة من مكاني الدافئ ومذقتني بين عواصفها، أتمنى أن أعود للعمر الأول الذي لم أكن أعلم فيه شيء سوىٰ البُكاء والكثير من الضحك ورؤية الوجوه دون أن أفهم ما الذي يدور حولهم .

بسنت سيد .

إحساسك بالقلق وأنت معدي الطريق لوحدك غير إحساسك بالأمان وحد ماسك في إيدك بتعدوا سوا حتى لو أنت اللي في وش المدفع .
- محدش عايز رحلته تبقى فردية بس مفيش ونس للطريق ..!

بسنت سيد .

أتباطأ في رحلتي الجديدة أملًا أن أعود لمكاني مجددًا .

بسنت سيد .

هنا في قلب كل نجمةٍ في السماء ساطعة حلمٌ لم استطِع تحقيقه .
- فمازلت أحلم، ومازلت أركض وراء النجوم المنطفأه لأنيرُها .

بسنت سيد .

علىٰ المرء أن يقاوم هذه المرة والمرات الأخرىٰ القادمة؛
- لأن الحياة تتطلب سعي دائمًا دون توقف عن المحاولة .

بسنت سيد .

التصالح مع النفس بيودي الإنسان في اتجاه تاني خالص حقيقي .
أهم حاجة أننا نكون مؤمنين بالتغيير للأفضل، نغير الماضي في المستقبل عشان مفيش هروب منه لكن هنقدر نواجهه ونعدله .
- نقدر نتغاضى عن أي خطأ حصل ونحط مكانه الصح في الوقت المناسب مع الأشخاص المناسبين .

بسنت سيد .

أول خطوات الشعور بالرضا والسلام النفسي أننا نسعى عشان نرضي ربنا وكل الأبواب المقفولة ربنا هيرشدنا لمفاتيحها .
وأول خطوات النجاح أننا منتراجعش عن أي قرار فيه خسارة للناس ومكسب لنفسينا .
كل واحد صح بطريقته وحياته وظروفه المهم أنا في أنهي اتجاه .
- المهم أنا فين من السعي والوصول والزحف ورا التغيير للأفضل .

بسنت سيد .

مهم جدا ندرك أننا عايشين علشان نحب ونقدر نفسينا ونعيش في الحياة من غير استنزاف مشاعر ولا طاقة .
موجودين عشان نبذل مجهود لحياتنا مش حياة غيرنا، عشان نغير الجزء المظلم اللي جوانا مش اللي جوا الناس، عشان نتعامل بالطريقة اللي إحنا حابينها ومناسبة لينا مش للناس .
إحنا هنا علشان نوصل رسالتنا بصدق ووضوح وأمانة وصفاء نية .
- مش موجودين عشان نبذل مجهود مع حد أو لتغيير حد ..!

بسنت سيد .

عدم ملاحظة الآخرين بتغيرك لا يعني بالضرورة أنك لم تنجح .
لا تجعل خطواتك مقيدة بآراء أحدهم، فكل شخص يمتلك القدرة على التعبير .
- اهتم فقط بما بدأت به منذ البداية دون أن تلتفت حتى لا تقف في منتصف الطريق .

بسنت سيد .

لا يهم ما يفعله الأخرون في أنفسنا من كثير الجوانب .
المهم دائمًا هو ما نفعله نحن في أنفسنا وما نسمح به أن يدور بداخلنا .
- آراء الناس لا تهم، دفاعك عن ذاتك وحده كافي لشعورك بالسعادة .

بسنت سيد .

مفيش حاجة اسمها I can fixe him .
محدش عايز يتغير بيستنى حد ييجي يغيره .
اللي ناوي بيجري ورا الفرصة لحد ما نفسه يتقطع علشان يبقى أحسن ليه مش لحد .
- محدش يقدر يغير حد هو مش عايز ولا بيتقدم خطوة ..!

بسنت سيد .

اللي مجاش النهاردة هيجي بكرة وأحسن منه علشان نصيبنا محفوظ عند ربنا وهناخده في الوقت المناسب، الوقت اللي نستحق الحصول عليه .

بسنت سيد .

تقدير الناس واحترامهم ليك مرتبط بتقديرك لنفسك وكرامتك الأول واحترامك لذاتك .
كل ما قدرت تعزز نفسك داخليا وخارجيا مع الجنس الآخر كل ما هتفضل غالي وكرامتك متصانة وزعلك مهم .
وكل ما استهونت بنفسك كل ما هتبقى عالهامش لحد ما هتقع واللي رايح واللي جاي هيدوس عليك .
النفس غالية ومفيش أي حاجة في الدنيا تستاهل تبقى في مرتبة أعلى منها .

بسنت سيد .

مفيش مشكلة نبقى غلط النهاردة وبكرة وبعده، المشكلة إن الأيام تتكرر بدون update، ولا في مشكلة الفرصة دي تروح مننا المهم نبقى على يقين أن في فرصة تانية أحلى محفوظة عند ربنا وهتيجي في الوقت المناسب، مفيش حد مثالي ولا حد ناجح دايما لأن مفيش طريق straight لازم يبقى في حبة مطبات وطوب وعفرة المهم أننا نكمل، الأمل شيء جميل وخطير ومفيش حياة بدون أمل ولا سعي من غير إدراك لكل اللحظات المتوقع حدوثها في المستقبل الأهم إزاي نمنعها أو نعالجها ونفضل مستمرين بكل حب وشغف في الحياة .

بسنت سيد .

100% استريس مفيش وقت لدور الإنسان الطبيعي .

بسنت سيد .

- الحب يعني الأمان .
شريك الحياة الآمن بيخلي العالم الآخر المخيف هو كمان آمن بالاحتواء والثقة المغروزة في النفوس، بإدراك المسؤولية والسعي لاستمرارية العلاقة بكل تفاهم وحب، اطمئنان يعني ما أصدق أحط رأسي عالمخدة وأنام من غير تفكير وأنا قلبي مرتاح إني هصحى هلاقيه زي ماهو من غير غدر في أي لحظة، الحب لوحده مش كفاية الحب مش سبب لبقاء أي علاقة، إحساس إن حد يخاف عليك من قلبه ويشاركك كل خطواتك من البداية للنهاية بكل العوائق اللي فالنصف، الجزء الدافي الحنين اللي مجرد سيرته بتهدي أي مناوشة، استقرار الأفكار واحترام المساحة الشخصية والحدود كلها وسائل التعبير عن الحب المطمئن، فيا بخت اللي يزور قلبه مشاعر دافية تخلي باله مرتاح .

بسنت سيد .

زي النهاردة من سنتين أنا أخدت القرار إني أعمل القناة دي ومن وقتها وهي نفسي الخارجية .
يمكن مفيش لسا تطوير فيها لكن كفاية إن أنا ستيل بتطور .
عايزة قلوب كتشيرة أوي احتفالا بمرور عامين على صداقتنا ببعض في الاتشانل وعلى وجودها لمدة عامين 😍🤍

كل عام وأنتم بخير ورمضان كريم عليكم جميعا يارب ويعود عليكم بالخير يا أمة محمد اللهم آمين 🤍🤍

لازم تتعلم إنك تكون أد مسؤولية قراراتك أيا كانت النتيجة بالايجاب أو السلب .
أوعا ترجع في قرار أخدته أو تحس بالندم بعدين وتقول ياريتني ما عملت كذا لأ ..!
- مع الوقت هتكتشف إن قرارك الغلط دا هو المناسب والأصح ليك، إما هيكون قرصة ودن من ربنا ليك عشان تتعلم إزاي تتحمل نتيجة أفعالك وتعمل حساب لكل حاجة، أو يكون هو دا الصح والخير ليك وأنت مش عارف .

بسنت سيد .

أول ما تبدأ ترضى بقضاء الله كل حاجة بابها اتقفل في وشك هيتفتح من كل الاتجاهات من حيث لا تدري .
- أهم حاجة تبقى متيقن إن ربنا شايلك خير وهيجي في وقته علشان ييجي فعلا .

بسنت سيد .

كان في واحدة مع علاقة بشخص والوضع بينهم زي أي اتنين متزوجين، هي فاقت من الوضع اللي كانت فيه وكانت بتحب الشخص دا جدا وبتدعي ربنا إنها مش عايزه تغضبه تاني وعملت كالاتي ..
ألفت حوار بأكتر حاجة بتضايقه واتعاملت بقسوة جدا علشان يسيبوا بعض ومذكرتش السبب الحقيقي عشان هي مكنتش عارفة تقول لأ ولا تعمل استوب لكل اللي بيحصل، وفعلا سابوا بعض لكن في نظره هو إن هي شخصية مش كويسة مقابل أنها كانت بتدعي كل يوم يبقوا مع بعض في الحلال والتزمت بقرارها لسنين .
مع مرور الزمن اتقابلوا تاني وهي لسا شايلة حب لنفس الشخص بس هو لسا شايفها بنفس الصورة السلبية رغم إنهم اتعاتبوا وهي صرحته بكل حاجة، بس هو مفهمش يعني أي واحدة قررت تختار علاقتها بربها وتشتري أخرتها مش دنيتها فسبيل أنها تضحي بحب حياتها .
- الأيام راحت وجت وهو شاف طريقه وهي كمان في طريقها واتحولت دعواتها من يارب اجمعني بيه في بيت واحد لـ يارب ارزقني بالزوج الصالح اللي يقربني ليك في النور .
- وعددت شهور ودلوقتي البنت مخطوبة وخلاص هتتجوز واحد متقبل كل حاجة فيها ووقفتها مع نفسها وبقى يساعدها إزاي تقول لأ، البنت دي ربنا عوضها بواحد بايع الدنيا كلها وشاريها عشان هي اختارت ربنا، اختارت الستر والمغفرة .
- حكاية بسيطة من ضمن مشاكل ناس كتير بس العبرة في النهاية، لازم نقول لأ، لازم نختار ربنا في كل حاجة واخرتنا هي المقام الأول والأخير، لازم نبقى متأكدين إن ورا كل قرار اتنفذ بغير رغبتنا في وراه مليون ألف حاجة كويسة وخير جاية في الطريق .
- لازم نبقى واثقين إن ربنا غفور رحيم المهم إنك متستمرش لمجرد كثرة ذنوبك لأ دا أنت ممكن توبة بنية صادقة مرة واحدة بس ولا من قلبك تقول يارب ينجيك ويغفرلك كل ذنوب عمرك اللي فات .
- مهما كان غلطك وحجمه افتكر إن ربنا أبوابه كلها مفتوحة بس مستني دعاءك مستنيك تنادي عليه وتقوله انقذني .
- اوعوا تكملوا مع حد بيبعدكوا عن ربنا اوعوا تستمروا في علاقات غلط، اللي اتبنى على غلط آخرته غلط ونتايجه كلها هتبقى غلط ..!