حتى لو العتاب هيبقى قاسي بس إحنا لازم نتصافى!
لازم نرجع!
- إحنا مكنش لينا غير بعض !!

بسنت سيد .

- طول ما أنت نايم وأمك راضية عنك دي بالدنيا ومافيها .

بسنت سيد .

هو أنا ليه بخاف دايما على مشاعر اللي قدامي ومحدش بيخاف على مشاعري؟!

بسنت سيد .

أنا أستاهل أعيش حياة هادية .
أستاهل أحب وأتحب وأعيش حياة سوية خالية من المشاكل .
ربنا مبيجيبش حاجة وحشة للبني آدم، إحنا اللي بإيدنا نغير حالنا ونخلي نفوسنا هادية وراضية 🤍

بسنت سيد .

- مينفعش تحب حد أكتر من أسرتك!
- الكام فرد اللي أنت منهم مفيش حد هيقدر يعوضهم!
- أدي لعيلتك حب ولصحابك وجيرانك ومعارفك بس عند أسرتك أديهم نفسك وروحك وحب أبدي مهما كانت الظروف مهما كانت طبيعة كل فرد فيهم .
- أسرتك أهم منك 🤍

بسنت سيد .

حبيت واحدة محدش حبها بجد غيري بس هي محبتنيش .

بسنت سيد .

بيقولك مرة الناس كلها بقت في حالها!

بسنت سيد .

تحس إن الناس اللي بتحشر مناخيرها في حياة غيرها بتبقى عايزة تقول كدا:
- لو أنا متحشرتش في حياتك هتحشر في حياة مين؟ حياتي مثلا!!

بسنت سيد .

جملة
- (شوفتي وشك نور إزاي علشان بدأتي تصلي)
- أكبر جملة غلط قرأتها وسمعتها في حياتي .
- تغيير لون الوش ملوش أي علاقة بقربنا بربنا أنا منكرش إن بيبان سكينة في أغلب الوقت على المنتظم ولكن؛
- الشيخ الشعراوي رحمة الله عليه الذي نكن له جميعا كل الحب والاحترام والتقدير كان وجه بسيط!
- الناس الأجانب اللي بينوروا في الضلمة دول إيه؟
- النور الحقيقي نور القلب مش الوش .
- الماسكات بتحلي الوش، البراشيم بتعالج الحبوب، عمليات التجميل مخلتش، متخليش فكرك معتقد إن وشك هينور لو صليت فدا يبقى هدفك للصلاة ❌
- أنت بتصلي طاعة ورضا لربنا وعلشان ينزل الطمأنينة والسكينة على قلبك .
مش كل حاجة تتقال لازم نرددها من غير ما ننخرب في معناها لأن كل حرف في أي كلمة في غموض كبير بس إحنا اللي بنكسل ندور ونواجه .

بسنت سيد .

أنا بس مش صعبان عليا غير إن موبايلي إتملى إسكرينات فيك عالفاضي .

بسنت سيد .

خلينا متفقين أن أكتر ناس بتخاف من الحسد هما أكتر ناس عنيهم وحشة .

بسنت سيد .

من كتر ما الناس بقت مقنعة أن كل حاجة بتحصلها من الحسد هنلاقي الست اللي ولدت بنت بتقول من الحسد مجبتش الولد !

بسنت سيد .

أنا لسا فاكراك .
- أنا مش زيك .

بسنت سيد .

مش هبطل أعافر علشان حلمي .
مش هبطل أتمنى من ربنا يحققلي كل اللي أنا عايزه .
مش هبطل أدعي ربنا ييسرلي طريقي علشان أوصل .
مش هنحسب، مش هتعب، مش همل، مش هيأس .
- أنا هوصل، أنا أدها .

بسنت سيد .

أنا عمري ما حبيت الناس الباردة أبدا .
- طب ما أنت باردة!
أيوا ما أنا مببحبنيش 🦦 .

بسنت سيد .

بس أنا لسا بتوحشني عينيك .

بسنت سيد .

عيد الأم دا مش للأم بس .
- دا للأخت اللي قامت بدور الأم وشالت الحمل على كتفها .
- للخالة اللي ربت وكبرت وإهتمت .
- للعمة اللي سألت وتابعت وسهرت .
- للجدة اللي جابت الأم المثالية اللي بسببها عملنالها عيد .

بسنت سيد .

متفرضش رأيك على حد .
- أنت حر مالم تضر، حتى لو اللي قدامك ملحد عايز تتعامل معاه إتعامل مش عايز متقعدش تقنعه بوجود ربنا لإنه مش هيسمعلك .
- متحاولش تفرض رأيك على حد وتدخل معاه في عاركة لمجرد إن حضرتك تبقى فخور بذاتك إن حد سمع بكلامك!
- قول رأيك لو إطلب اللي قدامك أقتنع في هدوء خير مقتنعتش متقعدش تحارب وتجادل معاه يا فيلسوف عصرك!
- إحنا كبشر كل واحد مننا بيشوف الحياة بزوايا مختلفة مع إن النتيجة بتكون واحدة بس عمرنا ما هنفكر بنفس الطريقة ولا كلنا هنمشي على نمط واحد وإلا مكنش هيبقى في حياة أصلا .

بسنت سيد .

هيا مش كدا كدا خربانة!
- طب ما تيجو نخربها أكتر؟! 🦦

بسنت سيد .

مش قادرة أسامح، مش قادرة أنسى، مش قادرة أعدي .
- مش عارفة؛ الجرح كان عميق أوي .

بسنت سيد .

أنا لا متكبر ولا نيلة أنا مبطيقش صحابي أساسا علشان أصاحب حد جديد .

بسنت سيد .