نفسي اتقطع من كتر الجري ورا أمل ملوش وجود غير في خيالي .

بسنت سيد .

كان دائمًا يقول لي أنني أشبه القمر ينير ليلًا ونهارًا .
والآن أنا أقول له أن القمر سوف يحلق في السماء إلىٰ الأبد فما عاد بإمكانه رؤيته نهارًا مجددًا ستصعد روحه لتبقىٰ سالمة .

بسنت سيد .

!

قربت أنسىٰ يعني أي الإنسان بيمشي علىٰ رجليه ..!

..

نرى ونصمت
نجلس نبكي
نفر ونشكي
نحزن نجري لحضن قريب نظنه قريب .
نحزن تاني
نجري أكثر
نبكي بشدة في حضن غريب نظنه غريب .

بسنت سيد .

الفشل مش في إنك تجرب كذا حاجة ومتنجحش فيها .
الفشل الحقيقي فإنك تبطل تجرب عشان خايف متنجحش تاني .

بسنت سيد .

ياترى لما أحارب علشان حبي هكسب المعركة ولا هتهزم عشان متحبتش؟!

بسنت سيد .

كل حاجة بتمناها مش بتبقى مجرد حلم بتخيله في آخر الليل مع حواديت النجوم، دي نتيجة نهاية مشواري وهسعى بكل جهد علشان أخدها في الآخر .

بسنت سيد .

محدش بياخد كل حاجة هو عايزها ولا حتى جزء منها .
محدش بياخد غير على دماغه وبس .

بسنت سيد .

بدور على أمل أعيش عليه اليأس قرب يموتني .

بسنت سيد .

الخسارة مش معناها الفشل .
- مكان تاني يستحق قدراتك ومجهودك ونجاحك، في مكان مستنيك يقدر التعب اللي بسببه الكل محتاجك .
- متيأسش وأفضل حاول واستغل كل لحظة بتعدي عليك عشان توصل لمكانتك بسرعة .

بسنت سيد .

أغنية مستنياك لعزيزة جلال دي المفروض تاخد أوسكار أفضل أغنية حزينة مش مؤلمة .
بتلخص الحال بعد الانفصال أيا كان السبب .
معملتش فيها الست القوية اللي تحن في كوبليه وتيجي في التاني تفوق نفسها لأ .
هي بتقوله أنها مستنياه وكمان كلها حنين يعني لو قالها ازيك هتقوله بحبك .
هي مش بتستعطفه هي بتديله الأمان لو بطل عند ورجع هيلاقيها زي ما هي بتحبه وبتفتقده!
مش بتجرح فيه ولا بتقلل منه ولا بتغلط فيه ولا بتستعجل النسيان لا دي بتديله المساحة يرجعلها تاني بكلمات كلها حب وحنية .

بسنت سيد .

سجل يا تاريخ
- ألف مبروك اتخطبتوا؟
لا سبنا بعض .

بسنت سيد .

دائمًا ما أهوىٰ الركوض وراء الأشياء المستحيلة لذا أحببتك .

بسنت سيد .

ساعات لما باجي أكتب حاجة بلاقي نفسي حتى اللي جوايا مش عارفة أعبر عنه .
شعور غريب وحزين مؤلم جدا إني أبقى كاتمة كل حاجة جوايا لا عارفة أقولها ولا أكتبها ولا أوصفها حتى دموعي جفت ودي أسوأ مرحلة بوصلها إني مش عارفة أعيط!
كل حاجة بايظة معايا أكيد ربنا ليه حكمة وأكيد كل دا خير ودايما بقول الحمدلله بس أنا مشتاقة للنهاية يا ترى نهاية كل دا أي؟
كنت بتمنى حاجات كتير كل ليلة أفضل أدعي ربنا بيها بقالي شهرين مبدعيش غير بس إني أرجع أمشي على رجلي أو على الأقل أعرف أنا أي اللي حصلي حاجة غريبة أوي وصعبة بس أنا عايزة نهاية مش مهم أفهم ...

ليته يعلم أني وهبت حياتي لأجله ما كان ليتركني .

بسنت سيد .

طول ما أنت متأكد أنها هتعدي فعلا هتعدي .
كل ابتلاء بييجي من ربنا هو اختبار الثقة بينك وبينه، ياترى هتحمده وتشكره وتقوي ثقتك بيه في إنه أكيد هيذيل البأس ولا هتيأس وتعترض وتفضل تندب؟!
كل حاجة مجرد وقت سواء حلوة أو وحشة، كل حاجة مش محتاجة غير بس الحمدلله .

بسنت سيد .